Published_ 06 October 2023

360 Fight Club V အမည်ရှိ မြန်မာ့ရိုးရာ လက်ဝှေ့အောင်လံ ဗိုလ်လုပွဲကို အောက်တိုဘာလ ၈ ရက်တွင် ရန်ကုန်မြို့ သိမ်ဖြူလက်ဝှေ့ရုံ၌ ကျင်းပရန် စီစဉ်ထားကြောင်း သိရသည်။

အဆိုပါပြိုင်ပွဲတွင် စုစုပေါင်း တွဲဆိုင်း ၁၃ ဆိုင်းဖြင့် ကျင်းပမည်ဖြစ်ပြီး ၅၂-၅၄ ကီလိုတန်း အောင်လံ ထိန်းပွဲစဉ်အဖြစ် မြတ်မြတ်ဟိန်း (လုံးချောကလပ်)နှင့် အောင်ကောင်းကျော် (Ray))၊ ၅၄-၅၇ ကီလိုတန်း အောင်လံထိန်း ပွဲစဉ်များအဖြစ် နော်နော် (Python)နှင့် အောင်ကို (Tiger Gym)၊ စိုးနောင်နောင် (ဒေါနသွေး)နှင့် သန်းလင်းအောင် (Ray)၊ ရိန်နော် (KCK )နှင့်စောထီး (ကျားမနိုင်)၊ ၅၇-၆၀ ကီလိုတန်း အောင်လံ ထိန်းပွဲစဉ်များအဖြစ် ရဲကျော်အောင် (360 Sports)နှင့် ဈာန်ထွန်း (အဖြူရောင်သွေးသစ်)၊ ကျားရိုင်း (ကျားဘုရင်) နှင့် ကဲဒိုစေး (ရိုးရာကျား)၊ မင်းခန့်စိုး (နဂါးမာန်) နှင့် အောင်ခန့် (Smart Fight) တို့ ယှဉ်ပြိုင်မည်ဟုသိရသည်။

အလားတူ ၆၀-၆၃ ကီလိုတန်း အောင်လံထိန်း ပွဲစဉ်များအဖြစ် ရိန်ကြယ်နော် (Python) နှင့် ကောင်းဆက်နိုင် (ရိုးရာကျား)၊ ညီရဲခန့် (YFC) နှင့် ရဲလင်းဇော် (Smart Fight)၊ ၆၇-၇၀ ကီလိုတန်း အောင်လံထိန်းပွဲစဉ်အဖြစ် ရဲမင်း (Python) နှင့် အဒူး(Eagle)၊ ၅၄-၅၇ ကီလိုတန်း အောင်လံဗိုလ်လုပွဲစဉ် အဖြစ် စောကဲဒို (Holy Power) နှင့် အောင်ရဲနိုင် (Power Punch )၊ ၆၀-၆၃ ဒသမ ၅ ကီလိုတန်း အောင်လံဗိုလ်လု ပွဲစဉ်အဖြစ် လောကွာဒူး (တော်ဝင်ရိုးရာ) နှင့် ဂေါ်ဒိုထူး (ရိုးရာကျား)၊ ၆၇-၇၁ ကီလိုတန်း အောင်လံဗိုလ်လု ပွဲစဉ်အဖြစ် အာကာဖြိုး (Tiger Gym) နှင့် ဇော်သက်နောင် (Knight) တို့ ယှဉ်ပြိုင်မည်ဟုသိရသည်။

အဆိုပါပြိုင်ပွဲအတွက် လက် မှတ်ခများကို ရိုးရိုးတန်း ၁၀၀၀၀ ကျပ် ၊ အထူးတန်း ၂၀၀၀၀ ကျပ် သတ်မှတ်ထားပြီး 360 Fight Club ပြိုင်ပွဲများတွင် ဝင်ရောက် ယှဉ်ပြိုင်ခဲ့ဖူးသူများ အခမဲ့ ဝင်ရောက်ကြည့်ရှုနိုင်ကြောင်း သိရသည်။
#Yangon-Times/PP
#Local_News
#YMG #Yangon_Times #Yangon_Media_Group

EV ကားများကို တရုတ်က အဓိကတင်သွင်းနေပြီး‌ ဈေးကွက်အတွင်း ကြိုက်နှစ်သက်မှုများရှိနေ

ကိုးလတာအတွင်း EV ကားစီးရေ ကိုးရာကျော် မှတ်ပုံတင်ထား
Yangon_Times/NN
#Local_News
#Published_ 06 October 2023
#YMG #Yangon_Times #Yangon_Media_Group

ပူတာအို ရေခဲတောင်တက်ခရီးစဉ်များအတွက် လေကြောင်းခရီးစဉ်များတိုးသင့်

‘ ပူတာအိုကို လေကြောင်းခရီးစဉ် တစ်ပတ်တစ်ကြိမ်သာရှိပါတယ် ။ လေကြောင်းခရီးကိုသာ အားပြုသွားလာရမှာဖြစ်လို့ လေကြောင်းခရီးစဉ်တွေကို တိုးချဲ့ပြေးဆွဲစေချင်တယ် ။ နိုဝင်ဘာမှာ တောတွင်းခရီးတွေ သွားလို့ရပါတယ် ။ ဒီနှစ်က ဒီဇင်ဘာမှ ရေစခဲမယ် ’ ပူတာအိုဒေသခံ ဧည့်လမ်းညွှန်တစ်ဦး
Yangon_Times/tthl
#Local_News
#Published_ 06 October 2023
#YMG #Yangon_Times #Yangon_Media_Group

Published_ 06 October 2023

လာမည့်အောက်တိုဘာလ (၂၇) ရက်နေ့မှ (၂၉) ရက်နေ့အထိဂျပန်နိုင်ငံ၊ တိုကျိုမြို့၌ “World Design Assembly Tokyo ” ကျင်းပသွားမည် ဖြစ်ကြောင်း UMFCCIမှသိရသည် ။

အဆိုပါ World Design Assembly” နှင့်အတူ အာဆီယံ-ဂျပန် နှစ်(၅၀)ပြည့် ချစ်ကြည်ရင်းနှီးမှုနှင့် ပူးပေါင်းဆောင်ရွက်ရေးအထိမ်းအမှတ် အာဆီယံနှင့်ဆက်စပ်သည့် အခမ်းအနားများ ကျင်းပခြင်း ဖြစ်ကြောင်း သိရသည် ။

အာဆီယံ-ဂျပန်စင်တာ (AJC) အနေဖြင့် Japan Institute of Design Promotion (JDP)၊ World Design Assembly နှင့် အာဆီယံဒေသတွင်း တီထွင်ဆန်းသစ်မှုဆိုင်ရာ စီးပွားရေးလုပ်ငန်းများ မြှင့်တင်ရေးဆောင်ရွက်နေသည့် မိတ်ဖက်အဖွဲ့အစည်းများနှင့် ပူးပေါင်းလျက်အာဆီယံဒေသတွင်း နည်းပညာနှင့်တီထွင်ဆန်းသစ်မှုဆိုင်ရာ ထုတ်ကုန်များ၊ ဒီဇိုင်းထုတ်ကုန်များ၊ ပြသနိုင်ရေးအတွက်မြန်မာနိုင်ငံမှ စိတ်ပါဝင်စားသူများ ပါဝင်တက်ရောက်နိုင်မည်ဖြစ်ကြောင်း သိရသည် ။

အဆိုပါ World Design Assembly တွင် အာဆီယံနိုင်ငံ တစ်နိုင်ငံလျှင် ကုမ္ပဏီ (၅) ခု (သို့မဟုတ်) ထုတ်ကုန် (၅) ခုစီ ပြသနိုင်ရေး လက်ခံဆောင်ရွက်မည် ဖြစ်ကြောင်း ပြခန်းကို အာဆီယံ-ဂျပန်စင်တာမှ ပံ့ပိုးမည်ဖြစ်၍ ကျန်ကုန်ကျစရိတ်ကို ပြသသည့်ကုမ္ပဏီမှ ကျခံရမည်ဖြစ်ကြောင်းလည်း သိရသည် ။

ထို့ကြောင့် “World Design Assembly Tokyo” နှင့် ဆက်စပ်အခမ်းအနားများသို့ ပါဝင်တက်ရောက် ပြသရန် စိတ်ပါဝင်စားသည့် ကုန်သည်/စက်မှုအသင်းချုပ်ရှိ အသင်းသားများ၊ ညီနောင်အသင်းများ၊ စီးပွားရေးလုပ်ငန်းရှင်များအနေဖြင့် မိမိတို့၏ Company Letterhead ဖြင့် တက်ရောက်မည့်သူ၏ အမည်၊ ရာထူး၊ ကုမ္ပဏီ/လုပ်ငန်း/အသင်းအဖွဲ့ အမည်၊ Email Address ၊ ဖုန်းနံပါတ် နှင့် ပြပွဲတွင်ပြသမည့် ပစ္စည်းအမျိုးအစား၊ အရေအတွက်စာရင်းတို့နှင့်တကွ ပူးတွဲပါ FORM အား ပြည့်စုံစွာ ဖြည့်စွက်၍ (၁၁.၁၀.၂၀၂၃) ရက်နေ့ထက်နောက်မကျစေပဲ (သို့မဟုတ်) ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၊ ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန၊ Email: This email address is being protected from spambots. You need JavaScript enabled to view it. နှင့် This email address is being protected from spambots. You need JavaScript enabled to view it. သို့ စောလျှင်စွာ တိုက်ရိုက်စာရင်းပေးပို့ နိုင်ကြောင်း သိရသည် ။

ထို့အပြင် ကုန်သည်/ စက်မှုအသင်းချုပ်၊ အသင်းသားရေးရာဌာန၊ ပြပွဲဌာနစိတ်၊ Email: This email address is being protected from spambots. You need JavaScript enabled to view it.၊ ဖုန်း၀၁-၂၃၁ ၄၃၄ (Ext: ၃၀၁)၊ သို့ မိတ္တူပေးပို့နိုင်ပါရန် အသိပေး အကြောင်းကြား ဖိတ်ကြားထား ကြောင်းသိရသည်။
#Yangon-Times/NN
#Local_News
#YMG #Yangon_Times #Yangon_Media_Group

Published_ 06 October 2023

လျှပ်စစ်လိုအပ်ချက်ရှိနေ၍ ကာဇက်စတန်နိုင်ငံမှ ပတ်ဝန်းကျင်မထိခိုက်စေဘဲ ကျောက်မီးသွေးမှလျှပ်စစ်ထုတ် ယူနိုင်ရေးနည်းပညာများကို မြန်မာနိုင်ငံမှစွမ်းအင်ဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့ဝင်များက လေ့လာခဲ့ကြောင်း သိရသည်။

ရှန်ဟိုင်းပူးပေါင်းဆောင်ရွက်မှုအဖွဲ့၏ စွမ်းအင်ဖိုရမ်ကိုတက်ရောက်ရန် မြန်မာနိုင်ငံမှ စွမ်းအင်ဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့သည် ကာဇက်စတန်နိုင်ငံ Astanaမြို့သို့ရောက်ရှိခဲ့ခြင်းဖြစ်ပြီး ကာဇက်စတန်နိုင်ငံ မှစွမ်းအင်ဝန်ကြီးနှင့်တွေ့ဆုံခဲ့ခြင်းဖြစ်သည်။

မြန်မာ-ကာဇက်စတန် နှစ်နိုင်ငံ စွမ်းအင်ဝန်ကြီးနှစ်ဦးတွေ့ဆုံစဉ် မြန်မာနိုင်ငံမှစွမ်းအင်ဝန်ကြီးက ‘မြန်မာနိုင်ငံတွင်ကျောက်မီးသွေးထွက်ရှိသော်လည်းထိရောက်စွာအသုံးမချနိုင်သေးကြောင်း၊မိမိတို့နိုင်ငံတွင် လျှပ်စစ်ဓာတ်အားလိုအပ်ချက်ရှိနေ၍ကျောက်မီးသွေးမှ လျှပ်စစ်ထုတ်ယူရန်လည်းကြိုးပမ်းလျက်ရှိနေကြောင်း၊ ကာဇက်စတန်နိုင်ငံသည်ကျောက်မီးသွေးထွက်ရှိသည့်နိုင်ငံဖြစ်သလို လျှပ်စစ်ဓာတ်အားထုတ်လုပ်မှု၏၇၀ရာ ခိုင်နှုန်းကိုကျောက်မီးသွေးမှထုတ်လုပ်လျက်ရှိသည်ဟုသိရှိရကြောင်း၊

ယင်းကဲ့သို့ထုတ်လုပ်လျက်ရှိသည့်အတွက် ပတ်ဝန်းကျင်မထိခိုက်စေဘဲ ကျောက်မီးသွေးမှလျှပ်စစ်ထုတ်ယူနိုင်ရေး နည်းပညာ၊Human Resourceဆိုင်ရာများ၊အထူးသဖြင့်ရေနံရှာဖွေရေးဘာသာရပ်၊ရေနံအင်ဂျင်နီယာဘာသာရပ်၊ ရေနံဓာတုဗေဒဘာသာရပ်နှင့်သတ္တုဗေဒဘာသာရပ်များကို Academicသာမဟုတ်ဘဲ On Job Trainingများပေး နိုင်ရန်ဆွေးနွေးပြောကြားခဲ့သည်။

အဆိုပါကာဇက်စတန်နိုင်ငံမှကျောက်မီးသွေးစက်ရုံများသည် ကျောက်မီးသွေးနှင့် သဘာဝဓာတ်ငွေ့နှစ်မျိုးလုံး အသုံးပြုနိုင်သည့် လျှပ်စစ်ဓာတ်အားပေးစက်ရုံဖြစ်ပြီး လောင်ကျွမ်းပြီးကျောက်မီးသွေးပြာများကို နည်းပညာ အသုံးပြုပြီး အဆင့်ဆင့်သန့်စင်ကြောင်း၊၉၉ရာခိုင်နှုန်းသန့်စင်ပြီးလေထဲသို့လွှင့်ထုတ်ကြောင်း၊ ပတ်ဝန်းကျင် ထိခိုက်မှုမရှိကြောင်း ပြည်ထောင်စုဝန်ကြီးကို ရှင်းလင်းတင်ပြခဲ့ကြောင်း သိရသည်။
#Yangon-Times/tthl
#Local_News
#YMG #Yangon_Times #Yangon_Media_Group

Published_ 06 October 2023

ရိုးရာလှေ(နဂါးလှေ)မီတာ(၁၀၀၀)ပြိုင်ပွဲတွင် မြန်မာအမျိုးသား လှေလှော်အသင်းမှ ‌တတိယဆုကြေးတံဆိပ်ဆွတ်ခူးခဲ့ကြောင်း မြန်မာနိုင်ငံလှေလှော်အဖွဲ့ချုပ်မှ သိရသည်။

မြန်မာနိုင်ငံအတွက် အာရှအဆင့် တတိယမြောက်ဆုတံဆိပ်ကို အမျိုးသား မီတာ ( ၁၀၀၀ ) နဂါးလှေအားကစားနည်းမှ ရရှိခဲ့ခြင်းဖြစ်သည်။

တရုတ်နိုင်ငံ၊ဟန်ကျိုးတွင်ကျင်းပနေသည့် အာရှအားကစားပြိုင်ပွဲတွင် မြန်မာပိုက်ကျော်ခြင်း အမျိုးသားလေးယောက်တွဲမှရွှေတံဆိပ်ဆု၊ မြန်မာလှေလှော်အသင်း အမျိုးသမီးမီတာ၅၀၀ပြိုင်ပွဲတွင် တတိယကြေးတံဆိပ်နှင့် ယခု နဂါးလှေမီတာ(၁၀၀၀)ပြိုင်ပွဲတွင် မြန်မာအမျိုးသား လှေလှော်အသင်းမှ ‌တတိယဆုကြေးတံဆိပ်ဆွတ်ခူးခဲ့ကြောင်း မြန်မာနိုင်ငံလှေလှော်အဖွဲ့ချုပ်နှင့်အားကစားနှင့်လူငယ်‌ရေးရာဝန်ကြီးဌာနမှ သိရသည်။
#Yangon-Times/tthl
#Local_News
#YMG #Yangon_Times #Yangon_Media_Group