အသည်းရောင်အသားဝါ(အေ)ရောဂါဟာ အသည်းရောင်အသားဝါဗိုင်းရပ်စ်(အေ)ရောဂါပိုးကြောင့်ဖြစ်ပွားပြီး အလွယ်တကူ ကူးစက်တတ်‌စေသလို ကပ်ရောဂါအသွင်လည်းဖြစ်ပွားနိုင်တာကြောင့်  ကြိုတင်ကာကွယ်ကြဖိုကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာနက သတိပေးချက် ထုတ်ပြန်ထားပါတယ်။
#Local_News
Published 3 March 2025
#အသည်းရောင်အသားဝါ(အေ) #ကပ်ရောဂါအသွင်
#YMG/NN #Yangon_Times

ပြည်ပဈေးကွက်ဝင် နာနတ်လျှော်ကို စီးပွားဖြစ်စိုက်ပျိုးထုတ်လုပ်လိုသူတွေအတွက်မြေလွတ်၊ မြေရိုင်းတွေနဲ့ နည်းပညာတွေ ရရှိစေဖို့  ကူညီပေးမယ်လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက သိရပါတယ်။
#Local_News
Published 3 March 2025
#နာနတ်လျှော်စိုက်ပျိုးထုတ်လုပ် #မြေနေရာနှင့်နည်းပညာပေး
#YMG/NN #Yangon_Times

ကမ္ဘာ့ရွှေဈေး ကျဆင်းလာခြင်းနဲ့အတူ ပြည်တွင်းရွှေဈေးကွက်မှာ အထည်ပျက်ပြန်လည်ရောင်းချမှုများလာတာတွေကြောင့် မြန်မာ့ရွှေဈေးလိုက်လံကျဆင်းလာတယ်လို့ ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဌဦးမျိုးမြင့်က Yangon-Times ကိုပြောပါတယ်။
#Local_News
Published 3 March 2025
#ကမ္ဘာ့ရွှေဈေးကျ #အထည်ပျက်ရောင်းချမှုများလာ
#YMG/SW #Yangon_Times

#Local_News
Published 2 March 2025

▪️ စိုက်ပျိုးသူ တောင်သူများအဓိကသုံးစွဲနေသည့် မြေသြဇာ ၄ မျိုး၏ မတ်လအတွက်ရည်ညွန်းဈေးများ ကို ယူရီးယားမြေသြဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီကထုတ်ပြန်လိုက်ကြောင်း သိရသည်။

▪️ အဆိုပါ  တောင်သူများ အဓိကသုံးစွဲနေသည့် မြေသြဇာ ၄ မျိုးအတွက် မတ်လ ၁ ရက်မှ ၃၁ ရက်အထိ ရန်ကုန်အထိုင်ဈေးတွေကို သတ်မှတ်ထုတ်ပြန်လိုက်ခြင်း ဖြစ်သည်။

▪️ ထိုသို့ ထုတ်ပြန်ရာတွင်ယူရီးယားမြေသြဇာ (အလုံးကြီး) ၅၀ ကီလိုတစ်အိတ် ၉၅,၀၀၀ ကျပ်၊ Rock Phosphate အခြေခံ ၁၅ ပတ်လည် ကီလိုတစ်အိတ် ၁၂၄,၀၀၀ ကျပ်၊ Di Ammonium Phosphate အခြေခံ ၁၅ ပတ်လည် ကီလိုတစ်အိတ် ၁၃၅,၀၀၀ ကျပ် သတ်မှတ်ထားကြောင်း သိရသည်။

▪️ ထို့အပြင်ဒေသအလိုက် သယ်ယူစရိတ်များ အပေါ်မူတည်ပြီး ဈေးနှုန်းအနည်းငယ်ပြောင်းလဲနိုင်ပြီး ရည်ညွှန်းဈေးနှုန်းများအတိုင်း မရောင်းချပါက တိုင်ကြာင်းနိုင်ကြောင်း အသိပေးထားသည်။

#YMG/NN #Yangon_Times

#Local_News
Published 3 March 2025

▪️ အီရန်နိုင်ငံ၊ တီဟီရန်မြို့၌ ဧပြီလ ၂၈ ရက်နေ့မှ မေလ ၂ ရက်နေ့အထိကျင်းပမည့် IRANEXPO 2025 (7th Edition) သို့ မြန်မာစီးပွားရေး လုပ်ငန်းရှင်များတက်ရောက်ပါက ကုန်ကျစရိတ်များအီရန်ဖက်မှ ပံ့ပိုးကျခံ‌ပေးမည်ဖြစ်ကြောင်း သိရသည်။

▪️ အဆိုပါပြပွဲသည် ခေတ်မီဆန်းသစ်မှုများ ရှာဖွေရန်၊ စက်မှုခေါင်း‌ဆောင်များအကြား ချိတ်ဆက်မှုနှင့် ကမ္ဘာတစ်ဝှမ်းမှ ကွဲပြားသောယဉ်ကျေးမှုများ လေ့လာရန်တို့အတွက် ထူးခြားသော အခွင့်အလမ်းတစ်ရပ်ဖြစ်ရာ ပါဝင်တက်ရောက်သူများအတွက် ၄ ညအိပ် ၅ ရက်စာ တည်းခိုနေထိုင်ရေး၊ စားသောက်စရိတ်၊ မြို့တွင်းသွားလာရေးနှင့် စကားပြန် ဝန်ဆောင်မှုများကို အီရန်ဘက်မှ ပံ့ပိုးပေးသွားမည်ဖြစ်‌ကြောင်း သိရသည်။

▪️ ပြပွဲသို့ ပါဝင်တက်ရောက်လိုသည့် မြန်မာစီးပွားရေး လုပ်ငန်းရှင်များအနေဖြင့် http://www.iranexpo.co/2025/vr တွင် လျှောက်ထားနိုင်ပြီး အသေးစိတ် သိရှိလိုသည်များအား WhatsApp No. +66 646 411 089 သို့ ဆက်သွယ်မေးမြန်းနိုင်သည့်အပြင်မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ ဖုန်း- ၀၆၇-၄၀၈၆၂၂၊ E-mail: This email address is being protected from spambots. You need JavaScript enabled to view it. သို့ ဆက်သွယ်စုံစမ်းစာရင်းပေးသွင်းနိုင်ကြောင်း သိရသည်။

#YMG/SW #Yangon_Times

#Local_News
Published_3 March 2025

▪️ နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ယနေ့မတ်လ ၃ ရက်နံနက်ပိုင်းတွင် ရုရှားဖက်ဒရေးရှင်းနိုင်ငံသို့ ထွက်ခွာသွားကြောင်း သိရသည်။

▪️ ယင်းခရီးစဉ်ကို ရုရှားဖက်ဒရေးရှင်းနိုင်ငံ သမ္မတ H.E. Vladimir Vladimirovich Putin ၏ ဖိတ်ကြားချက်အရ တရားဝင်ချစ်ကြည်ရေး သွားရောက်ခြင်းဖြစ်ပြီး နေပြည်တော် တပ်မတော်လေဆိပ်မှ အထူး လေယာဉ်ဖြင့် ထွက်ခွာကြောင်း သိရသည်။

▪️ ခရီးစဉ်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ်နှင့်အတူ ကောင်စီဝင် ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ကောင်စီဝင်များဖြစ်ကြသည့် ဗိုလ်ချုပ်ကြီး ညိုစော၊ ဗိုလ်ချုပ်ကြီးမိုး အောင်၊ ပြည်ထောင်စုဝန်ကြီးများဖြစ်ကြသည့် ဦးသန်းဆွေ၊ ဒေါက်တာ ကံဇော်၊ ဦးကိုကိုလွင်၊ ဒေါက်တာမျိုးသိန်းကျော်၊ ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းနှင့် ကာကွယ်ရေး ဦးစီးချုပ်ရုံးမှအဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ စစ်ဘက်၊ နယ်ဘက်မှ တာဝန်ရှိသူများ ခရီးစဉ်တွင် လိုက်ပါသွားကြကြောင်း သိရသည်။

▪️ ခရီးစဉ်အတွင်း ရုရှားဖက်ဒရေးရှင်းနိုင်ငံသမ္မတ H.E. Vladimir Vladimirovich Putin နှင့် တွေ့ဆုံဆွေးနွေး ခြင်း၊ ရုရှား ဖက်ဒရေး ရှင်းနိုင်ငံ ဝန်ကြီးချုပ်နှင့်တွေ့ဆုံ ဆွေးနွေးခြင်း၊ လွှတ်တော်ဥက္ကဋ္ဌများနှင့် တွေ့ဆုံဆွေးနွေးခြင်းများ အပါအဝင် ရုရှားအစိုးရအဖွဲ့မှ တာဝန်ရှိသူများနှင့် တွေ့ဆုံဆွေးနွေးခြင်းများကို ဆောင်ရွက်သွားမည်ဖြစ်ကြောင်း သိရသည်။

▪️ ချစ်ကြည်ရေးခရီးစဉ်အတွင်း နှစ်နိုင်ငံအစိုးရနှင့် ပြည်သူများအကြား ချစ်ကြည်ရေး၊ စီးပွားရေး၊ လုံခြုံရေးဆိုင်ရာ များနှင့် ကဏ္ဍပေါင်းစုံတွင် မဟာဗျူဟာမြောက် ပူးပေါင်းဆောင်ရွက်မှုဆိုင်ရာကိစ္စရပ်များ ပိုမိုတိုးတက်ခိုင်မာအောင်ဆွေးနွေးဆောင်ရွက်သွားမည် ဖြစ်ကြောင်းလည်း သိရသည်။

▪️ ယခုနှစ်တွင် ရုရှား-မြန်မာ သံတမန်ဆက်ဆံရေးသည် (၇၇)နှစ် ပြည့်မြောက်ပြီ ဖြစ်ပြီး နှစ်နိုင်ငံဆက်သွယ်ဆက် ဆံ မှု ၊ နိုင်ငံတော်အဆင့်ပုဂ္ဂိုလ်များ အပြန်အလှန်လည် ပတ်မှု၊ ကဏ္ဍပေါင်းစုံပူးပေါင်းဆောင်ရွက်မှုတို့၌ တိုး တက်မှုများဖြစ်ပေါ်လျက်ရှိပြီး ဆက်လက်၍လည်း ဆက်သွယ်ဆက်ဆံမှုများ တိုးမြှင့်ဆောင်ရွက်သွားမည်ဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

#Yangon_Times/PP