YBS ယာဉ်များ စီးနင်းရာမှာ အသုံးပြုတဲ့ YPS ကတ်‌တွေကို mobile money နဲ့ ငွေဖြည့်သွင်းနိုင်ဖို့ ဆောင်ရွက်နေတယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC)မှ သိရပါတယ်။
#Local_News
Published 17 March 2025
#YPSကတ် #mobile_moneyမှတစ်ဆင့်ငွေဖြည့်ခြင်း
#YMG/SW #Yangon_Times

#Local_News
Published 17 March 2025

▪️ တက္ကသိုလ်ဝင် ကျောင်းသား/သူများ စာမေးပွဲဖြေဆိုနေချိန်အတွင်း အရေးပေါ်နှင့် မီးသတ်ယာဉ်များ ဥသြသံပေး မောင်းနှင်သွားမည်မဟုတ်ကြောင်း သိရသည်။

▪️ ယနေ့ မတ်လ (၁၇)ရက်နေ့မှ (၂၂ )ရက်နေ့အထိ တက္ကသိုလ်ဝင် ကျောင်းသား/သူများ စာမေးပွဲဖြေဆိုနေချိန်အတွင်းမီးလောင်မှုဖြစ်စဉ်များ၊ယာဉ်တိုက်မှုအရေးပေါ်လူနာပို့ဆောင်မှုများအား မီးသတ်ယာဉ်များလူနာတင်ယာဉ်များမှ ဥသြသံပေး မောင်းနှင်သွားမည်မဟုတ်ကြောင်း ဆိုထားသည်။

▪️ သို့သော် မီးသတ်ယာဉ်၊ လူနာတင်ယာဉ်ပေါ်၌ပါရှိသော အရေးပေါ်မီးလည်းနှင့်မီးတန်းများဖွင့်၍လည်းကောင်း၊ ရှေ့မီးကြီးမျာဖွင့်၍ လည်းကောင်း မောင်းနှင်သွားမည်ဖြစ်ကြောင်း သိရသည်။

▪️ အဆိုပါ ပုံစံဖြင့်မီးသတ်ယာဉ်များ၊ လူနာတင်ယာဉ်များမောင်းနှင်လာပါက လမ်းမပေါ်ရှိမိဘပြည်သူများအနေဖြင့် မိမိ၏ယာဉ်အား လမ်းဘေးသို့ကပ်/ချပေးခြင်းများ ပြုလုပ်ဆောင်ရွက်ပေးပါရန် မေတ္တာရပ်ခံအသိပေးထားကြောင်းသိရသည်။

#YMG/NN #Yangon_Times

#Local_News
Published 17  March  2025

▪️ ရန်ကုန်-မန္တလေးအမြန်လမ်းမကြီးပေါ်၌ ယမန်နေ့က တစ်ရက်ထဲ ယာဉ်မတော်တဆမှုသုံးကြိမ်ဖြစ်ပွားခဲ့ပြီးစေတနာ့ဝန်ထမ်း အမျိုးသမီးငယ်တစ်ဦးအပါအဝင်သုံးဦး ‌ေ_သဆုံးပြီး ၁၃ဦးဒဏ်ရာရရှိခဲ့ကြောင်း အမြန်လမ်းမီးသတ်တပ်ဖွဲ့မှ သိရသည်။

▪️ မတ်လ ၁၆ရက်နေ့အတွင်း ယာဉ်မတော်တဆမှု (၃)ကြိမ်ဖြစ်ပွားခဲ့ပြီး၊ ကျား(၁)ဦး၊ မ(၂)ဦးသေဆုံးကာ၊ကျား(၇)ဦး၊ မ(၆)ဦးထိခိုက်ဒဏ်ရာရရှိ‌ခဲ့ကြောင်း သိရသည်။

▪️ အဆိုပါ ဖြစ်စဉ်များအတွင်း၌ မတ်လ၁၆ရက်နေ့ မနက်၉နာရီအချိန်က
ရန်ကုန်-မန္တလေးအမြန်လမ်း (၉၇)မိုင် (၆)ဖာလုံတွင် ရန် ကုန်တိုင်းဒေသကြီး၊ မရမ်းကုန်းမြို့နယ်၊ လူမှုကူညီရေးအသင်း လူနာတင်ယာဉ်တစ်စီး သည် ရန်ကုန်မြို့မှ နေပြည်တော်သို့ လူနာပို့ဆောင်စဉ် ယာဉ်မတော်တဆဖြစ်ပွားခဲ့ခြင်းလည်းပါဝင်ပြီး  ယင်းယာဥ်မတော်ဆမူကြောင့် လူနာ၊ လူနာရှင်နှင့် စေတနာ့ဝန်ထမ်းအမျိုးသမီးငယ်တစ်ဦးသေဆုံးခဲ့ပြီး စေတနာဝန်ထမ်း ၃ဦးဒဏ်ရာရရှိခဲ့ကြောင်း သိရသည်။

▪️ အမြန်လမ်းမကြီးပေါ်တွင် သွားလာနေကြသော မိဘပြည်သူခရီးသွားများ အဆင်ပြေစေရန် အမြန်လမ်းမီးသတ်တပ်ဖွဲ့မှ(၂၄)နာရီကူညီဆောင်ရွက်ပေးရန်အသင့်ရှိ‌နေပြီး အကူအညီလိုအပ်ပါက 'အမြန်လမ်းမီးသတ်တပ်ဖွဲ့' (09 444 111 150)(09 256 544 591)(09 428 956 191) စသည့် ဖုန်းနံပါတ်များသို့ဆက်သွယ်အကူအညီတောင်းခံနိုင်ကြောင်း သိရသည်။

#YMG/NN #Yangon_Times

#Local_News
Published_17 March 2025

▪️ လာမည့်ဧပြီလမှစတင်၍ တည်ဆောက်ဆဲ ဒလ တံတားအောက်မှခုတ်မောင်းဖြတ်သန်းရမည့် ရေယာဉ်များ၏ Air Draft သည် ၄၁ မီတာအထိသာ ဖြတ်သန်းခုတ်မောင်းနိုင်မည်ဖြစ်သောကြောင့် လိုအပ်ပါက Round Turn Arichorage (RTA)တွင် ကျောက်ချရပ်နားပြီး ရေစစ်ချိန်ထိစောင့်ဆိုင်းဖြတ်သန်းခြင်း ဆောင်ရွက်သွားရမည်ဖြစ်ကြောင်း မြန်မာ့ဆိပ်ကမ်းအာဏာပိုင်က ထုတ်ပြန်ထားသည်။

▪️ သံမဏိဆိုင်းကြိုးတပ်ဆင်ခြင်းလုပ်ငန်း ဆိုင်းကြိုး ၁၂/၁၃ မှ ဆိုင်းကြိုး ၂၀ အထိလုပ်ငန်း ဆောင်ရွက်နေစဉ် တံ တားအောက်မှဖြတ်သန်းခုတ်မောင်းရမည့် ရေယာဉ်ကြီးများ၏ ရေလမ်း ကင်းလွတ်အမြင့်သည် ရေထရက် ရေ အမြင့်ဆုံးအချိန် ရေပြင်မှ Form Traveller အောက်ခြေအထိ ၄၀ ဒသမ ၈ မီတာရှိပြီး မြေပြင်တိုင်းတာတွေ့ ရှိ ချက်များအရ ၄၃ ဒသမ ၁၃ မီတာရှိသောကြောင့် အထက်ပါအတိုင်း သတိပေးထုတ်ပြန်ခြင်း ဖြစ်ကြောင်း သိရ သည်။

▪️ လက်ရှိတွင် ကိုရီးယား-မြန်မာချစ်ကြည်ရေး (ဒလ) တံတားစီမံကိန်း၏ ရေလယ်ပင်မတံတား သံမဏိ ဆိုင်းကြိုးများ တပ်ဆင်ခြင်းလုပ်ငန်းများဆောင်ရွက်လျက်ရှိရာ ဧပြီလတွင် ဒလဘက်အခြမ်း၌ ဆိုင်းကြိုး ၁၃ နှင့် ရန်ကုန်ဘက်အခြမ်း၌ ဆိုင်းကြိုး ၁၂ တပ်ဆင်ပြီးစီးမည်ဖြစ်ကြောင်း သိရသည်။

▪️ ယင်းကြောင့်ရေလမ်းကင်းလွတ်အကျယ် ၁၃၃ မီတာသာ ကျန်ရှိတော့မည်ဖြစ်သည့်အတွက် ကိုရီးယား-မြန်မာ ချစ်ကြည်ရေး (ဒလ) တံတားစီမံကိန်း၏ ရေလည်ပင်မတံတား သံမဏိဆိုင်းကြိုးများ တပ်ဆင်ခြင်း လုပ်ငန်း ဆောင် ရွက်နေစဉ်အတွင်း ပင်မတံတားအောက်မှ ဖြတ်သန်းသွားလာမည့် ရေယာဉ်ကြီးများဘေးအန္တရာယ် ကင်းရှင်းစွာဖြတ်သန်းသွားလာနိုင်ရေး အတွက် ရေကြောင်းသတိပေးချက် (Notice To Mariners) ကို ထုတ်ပြန်ခြင်းဖြစ်ကြောင်း သိရသည်။

▪️ ယင်းကြောင့် တံတားတိုင်ခြေများ၏ မြစ်ညှာနှင့်မြစ်ခြေ ၂ ဖက်၊ ကမ်းနှစ်ဖက်လုံးတွင် Radar Reflecdor တပ်ဆင်ထားသော မီးအချက်ပြ Buoy များကို ရေဒါစနစ်ဖြင့် အလွယ်တကူဖမ်းယူရရှိနိုင်ပြီး ဘေးအန္တရာယ်ကင်းစွာ ဖြတ်သန်းဝင်ရောက်နိုင်ရန် Coordinate ၈ ခုကိုလည်း ချထားပေးထားကြောင်းလည်း သိရသည်။

#YangonTimes/PP

၁၅ မတ် ၂၀၂၄

▪️ထရမ့်အစိုးရက နိုင်ငံပေါင်း  ၄၁နိုင်ငံမှ  နိင်ငံသားများအပေါ် အမေရိကန်ပြည်ထောင်စုသို့ ခရီးသွားလာမှု ကန့်သတ်မည့် အစီအစဉ်ကိုစဉ်းစားနေကြောင်းသိရပြီး ထိုနိုင်ငံများစာရင်းတွင် မြန်မာ နိုင်ငံပါဝင်လာ သည်။

▪️ရိုက်တာသတင်းဌာနက ရရှိသည့် ရုံးတွင်မှတ်တမ်းတွင် ယင်းတို့ကိုဖော်ပြထားခြင်းဖြစ်သည်ဟု ရိုက်တာ သတင်းဌာနက ဖွင့်ချရေးသားထားသည်။

▪️ဗီဇာကန့်သတ်မည့် နိုင်ငံပေါင်း ၄၁နိုင်ငံကို အုပ်စု (၃)စုခွဲထားပြီး ပထမအုပ်စုသည် အပြည့်အဝေ ဗီဇာပိတ်ပစ်မည့်နိုင်ငံများဖြစ်ပြီး ကျူးဘား၊အီရန်နှင့်မြောက်ကိုရီးယားအပါအဝင် နိုင်ငံ ၁၀ နိုင်ငံပါဝင်  သည်။

▪️ဒုတိယအုပ်စုတွင် တစ်ပိုင်းတစ်စ ဗီဇာပိတ်မည့်နိုင်ငံ (၅)နိုင်ငံရှိကာ ယင်းအထဲတွင် မြန်မာနိုင်ငံ ပါဝင်လာခြင်းဖြစ်သည်။ တစ်ပိုင်းတစ်စဗီဇာပိတ်ခြင်းဆိုသည်မှာ ခရီသွား၊ ကျောင်းသားနှင့်အခြားဗီဇာ များပါဝင်မည်ဟုသိရပြီး အတိအကျရေးမထားပေ။

▪️တတိယအုပ်စုတွင် လိုအပ်ချက်များ မဖြေရှင်းနိုင်ပါက ဗီဇာကန့်သတ်မည့် နိုင်ငံ (၂၆)နိုင်ငံပါဝင်ပြီး ယင်းတို့အထဲတွင် အာရှမှ ကမ္ဘောဒီးယား၊ပါကစ္စတန်နှင့်အရှေ့တီမောတို့ပါဝင်ကြကြောင်းသိရှိရသည်။

▪️ယခုစာရင်းများမှာ အမေရိကန်နိုင်ငံခြားရေးဝန်ကြီး မာကိုရူဘီရိုအပါအဝင် အစိုးရပိုင်းမှ အတည်  မပြုရသေး၍ စာရင်းအပြောင်းအလဲရှိနိုင်ကြောင်း အမည်မဖော်လိုသည့် အမေရိကန်အရာရှိ  တစ်ဦးက ရိုက်တာသို့ပြောသည်။

အမေရိကန်ပြည်ထောင်စုက အုပ်စုအလိုက် ခရီးသွားလာမှုပိတ်ပင်မည့် နိုင်ငံ (၄၁)နိုင်ငံ

▪️အပြည့်အဝဗီဇာရပ်ဆိုင်းခံရမည့်နိုင်ငံများ (၁၀နိုင်ငံ) (အနီရောင်အုပ်စု)

၁။အာဖဂန်နစ္စတန်

၂။ ကျူးဘား

၃။ အီရန်

၄။ လစ်ဗျား

၅။ မြောက်ကိုရီးယား

၆။ ဆိုမေးလီးယား

၇။ ဆူဒန်

၈။ ဆီးရီးယား

၉။ ဗင်နီဇွဲလား

၁၀။ ယီမင်

▪️တစ်ပိုင်းတစ်စ ဗီဇာရပ်ဆိုင်းခံရမည့် နိုင်ငံများ ( ၅ နိုင်ငံ) (လိမ္မော်ရောင်အုပ်စု)

၁။ အီရီထရီးယား

၂။ ဟေတီ

၃။ လာအို

၄။ မြန်မာ

၅။ တောင်ဆူဒန်

▪️လိုအပ်ချက်များမဖြည့်ဆည်းပါက တစ်ပိုင်းတစ်စ ဗီဇာရပ်ဆိုင်းခံရမည့်နိုင်ငံများ (၂၆)နိုင်ငံ (အဝါရောင်အုပ်စု)

၁။ အင်ဂိုလာ

၂။ အင်တီဂွာ နှင့်ဘာဘူဒါ

၃။ ဘီလာရုစ်

၄။ ဘီနင်

၅။ ဘူတန်

၆။ ဘာကီနာဖာဆို

၇။ ကာဘိုဗာဒီ

၈။ ကမ္ဘောဒီးယား

၉။ ကင်မရွန်

၁၀။ ချတ်ဒ်

၁၁။ ကွန်ဂိုဒီမိုကရက်တစ်သမ္မတနိုင်ငံ

၁၂။ ဒိုမီနီကား

၁၃။ အီကွေတိုရီယယ် ဂီနီ

၁၄။ ဂမ်ဘီယာ

၁၅။ လီဘာရီယား

၁၆။ မာလာဝီ

၁၇။ မောရစ်သျှ

၁၈။ ပါကစ္စတန်

၁၉။ ကွန်ဂိုသမ္မတနိုင်ငံ

၂၀။ စိန့်ကစ်နှင့်နီဗစ်

၂၁။ စိန်လူစီယာ

၂၂။ Sao Tome and Principe

၂၃။ ဆီယာလီယွန်

၂၄။ အရှေ့တီမော

၂၅။ တာ့ခ်မင်နစ္စတန်

၂၆။ Vanuatu

Source Reuters

#Daily_News

Published 15 March 2025

၁။ အွန်လိုင်းမှတဆင့် ဂျပန်ဗီဇာလျှောက်ထားမှုကို ဧပြီလ ၁ရက်တွင် ပြန်လည်လက်ခံသွားမည်

၂။ ရန်ပုံငွေမလုံလောက်မှုကြောင့် လူဦးရေတစ်သန်းအတွက်စားနပ်ရိက္ခာအထောက်အပံ့များ ရပ်ဆိုင်းမည်

၃။ နှစ်ပတ်တာအတွင်း စက်သုံးဆီဈေးနှုန်းများ တစ်လီတာ ၁၅၀ကျပ်ဝန်းကျင်အထိကျဆင်း

၄။ လူ့ဆံပင်ထက်အဆသိန်းချီပါးလွှာသော ကမ္ဘာ့ပထမဆုံးအက်တမ်လွှာသတ္တုပြားအား တရုတ်သုတေသီများအောင်မြင်စွာထုတ်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group