#Local_News
Published 18 March 2025

▪️ မြန်မာနိုင်ငံက အိမ်ရှင်အဖြစ်လက်ခံကျင်းပမည့် ယူ-၂၂ နိုင်ငံတကာ ခြေစမ်းပွဲကို မတ်လ (၁၉)ရက်၌ ရန်ကုန်မြို့သုဝဏ္ဏအားကစားကွင်းအတွင်း ယှဉ်ပြိုင်ကစားသွားကြမည်ဖြစ်ကြောင်း သိရသည်။

▪️ အဆိုပါ ပဏာမ မြန်မာ့လက်ရွေးစင် ယူ- ၂၂ အသင်း၏ ပထမဆုံးခြေစမ်းပွဲ တရုတ် (ဟောင်ကောင်)-၂၂အသင်းဖြင့် ယှဉ်ပြိုင်ကစားမည်ဖြစ်ကြောင်း သိရသည်။

▪️ မြန်မာ့လက်ရွေးစင် ယူ- ၂၂ အသင်းအား ၂၀၂၅ ဆီးဂိမ်း နှင့် အာဆီယံ ချန်ပီယံရှစ်၊ အာရှခြေစစ်ပွဲများအတွက် ရည်ရွယ်ဖွဲ့စည်းထားခြင်းဖြစ် ကြောင်း သိရသည်။

▪️ အဆိုပါ ၂၀၂၅ ဆီးဂိမ်းပြိုင်ပွဲအတွက် မြန်မာယူ-၂၂ အသင်းကို ပြည်နယ်နှင့်တိုင်းများရှိ  ကလပ်အသင်းများမှ ကစားသမားများဖြင့် ရွေးချယ်ဖွဲ့စည်းထားခြင်းဖြစ်ပြီး ကစားသမားများကို ယခုဖော်ဖော်ဝါရီလ (၁၁) ရက်မှ (၁၆)ရက်အထိ စခန်းသွင်းရွေးချယ်ခဲ့ခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 18 March 2025

▪️ CMP လုပ်ငန်းသို့ ဝင်ရောက်သည့် နိုင်ငံခြားငွေမှ ဒေါ်လာ ၂.၂ သန်းခန့် ဗဟိုဘဏ် နေ့စဉ် ထုတ်ရောင်းပေးနေသည့်အပြင် စက်သုံးဆီလုပ်ငန်းရှင်များကို ဒေါ်လာ ၃၃ သန်း ရောင်းချပေးမည်ဖြစ်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန်ချက်အရ သိရသည်။

▪️ နိုင်ငံခြားငွေကြေးဈေးကွက် (FX Trading Platform) ကနေ CMP လုပ်ငန်းများ ကို ဝင်ရောက်သည့်  နိုင်ငံခြားငွေမှ တစ်ရက်လျှင်  ပျမ်းမျှ အမေရိကန်ဒေါ်လာ ၂.၂ သန်းခန့် နေ့စဉ်ရောင်းချပေးနေခြင်းဖြစ်‌ ကြောင်းသိရသည်။

▪️ အဆိုပါ နိုင်ငံခြားငွေများကို စက်သုံးဆီနှင့် အခြားကုန်စည်များ တင်သွင်းသည့် လုပ်ငန်းရှင်များအတွက် ရည်ရွယ်ရောင်းချခြင်းဖြစ်ကြောင်း သိရသည်။

▪️ ထို့အပြင်  FX Trading Platform မှ  စက်သုံးဆီလုပ်ငန်းရှင်များကို  အမေရိကန်ဒေါ်လာ ၃၃ သန်း ရောင်းချပေးမည်ဖြစ်ကြောင်းလည်း ယမာန်နေ့က ကြေညာထားကာ ရောင်းချပေးမည့် နိုင်ငံခြားငွေအတွက် သတ်မှတ်ငွေလဲနှုန်းကိုမူ  သီးခြားဖော်ပြထားခြင်းမရှိ‌ကြောင်း သိရသည်။

#YMG/NN #Yangon_Times

#Local_News
Published 18 March 2025

▪️ ယမန်နေ့ မတ်လ ၁၇ ရက် ညပိုင်းက ကမာရွတ်မြို့နယ်အနီး အင်အားအနည်းငယ်ရှိ မြေငလျင် တစ်ခုလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ ထုတ်ပြန်ထားသည်။

▪️ မိုးလေဝသနှင့်ဇလဗေဒညွှန်ကြားမှုဦးစီးဌာနအနေဖြင့် မတ်လ ၁၇ ရက်နေ့ ည (၉) နာရီ (၂၈)မိနစ်၊ (၃၉)စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်တောင်ဘက် (၂)မိုင်ခန့် ကွာဝေးသော မြန်မာနိုင်ငံပြည်တွင်း (ကမာရွတ်မြိုနယ်၏ မြောက်ဘက် (၁) မိုင်ခန့်အကွာ)၊ မြောက်လတ္တီတွဒ် (၁၆ ဒသမ ၈၄) ဒီဂရီ၊ အရှေ့လောင်ဂျီတွဒ် (၉၆ ဒသမ ၁၃)ဒီဂရီ၊ အနက် (၁၅) ကီလိုမီတာကို ဗဟိုပြု၍ အင်အားရစ်(ခ်)တာ စကေး (၃ ဒသမ ၂) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာရရှိခဲ့ခြင်းဖြစ်ကြောင်း သိရသည်။

▪️ ထိုငလျင်လှုပ်ခတ်မှုကို စမ်းချောင်း၊ ရန်ကင်း၊ လမ်းမတော်၊ သင်္ဃန်းကျွန်း၊ တောင်ဥက္ကလာနှင့် သမိုင်းမြို့နယ်များရှိ ရပ်ကွက်အချို့၌ အနည်းငယ်ခံစားခဲ့ရကြောင်း သိရသည်။

#YMG/SW #Yangon_Times

#Daily_News

Published 17 March 2025

၁။ YPS ကတ်များငွေဖြည့်သွင်းခြင်းကို mobile money မှတဆင့် ဖြည့်သွင်းနိုင်ရန်ဆောင်ရွက်နေ

၂။ ရည်ညွန်းဈေး ဆက်တိုက်ကျဆင်းနေသည့် စားအုန်းဆီပြင်ပပေါက်ဈေးကျဆင်းရန်လို

၃။ ကမ္ဘာ့ရွှေ စံချိန်တင်မြင့်တက်နေသော်လည်း ရည်ညွှန်းဈေးကျပြီး အရောင်းအဝယ်အေးနေ

၄။ အမေရိကန်စစ်မှုထမ်းဟောင်းများ ဝါရှင်တန်ဒီစီကပ်ပီတိုလ်လွှတ်တော်ရှေ့၌ဆန္ဒထုတ်ဖော် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

 #Local_News
Published 17 March 2025

▪️ ဘုရားစေတီပုံများရိုက်နှိပ်ထားသည့် တစ်ခါသုံးကော်ဖီခွက်များကို အသုံးပြုကာ လက်ဖက်ရည်ထည့်‌ရောင်းချနေမှုအား မတ်လ ၁၆ ရက်ကသွားရောက် စစ်ဆေးသိမ်းဆည်းခဲ့ကြောင်း သိရသည်။

▪️ ပဲခူးမြို့နယ်၊ ဘုရားကြီးမြို့၊ ရန်ကုန်-မန္တလေးအမြန်လမ်း၊ (၃၉)မိုင်ယာဥ်ရပ်နား စခန်းဝန်းအတွင်းရှိ ရွှေပလ္လင်စားသောက်ဆိုင်၌ တစ်ခါသုံးကော်ဖီခွက်တွင် ဘုရားစေတီပုံများရိုက်နှိပ်ထားပြီး လက်ဖက်ရည်ထည့်ကာရောင်းချနေ ကြောင်းသတင်း အရ မတ်လ၁၆ရက် ည၇နာရီ ၄၅မိနစ်က ဘုရားကြီးမြို့နယ်အုပ်ချုပ်ရေးမှူး ဦးဟိုင်းကြိုင်ကြိုင်တိုး ဦးစီးသည့် အထွေထွေအုပ်ချုပ်ရေးဦးစီးဌာနဝန်ထမ်းများနှင့် ဘုရားကြီးမြို့နယ်မြေရဲစခန်းမှ နယ်ထိန်းခေါင်ဆောင် ဒုရဲအုပ်ကျော်ဆန်းဝင်း ဦးစီးတပ်ဖွဲ့ဝင်များ၊ (၃၉)မိုင်စစ်ဆေးရေးဂိတ်မှ ဒုရဲအုပ်ရဲနိုင် ဦးစီးတပ်ဖွဲ့ဝင်များမှ သွားရောက်စစ်ဆေးခဲ့ခြင်းဖြစ်ကြောင်း သိရသည်။

▪️ ထိုသို့စစ်ဆေးရာတွင် ရွှေပလ္လင်စားသောက်ဆိုင်အတွင်း၌ တစ်ခါသုံး ကော်ဖီခွက်တွင် ဘုရားစေတီပုံများရိုက်နှိပ်ထားသည့်ကော်ဖီခွက်(၂၅)ခွက်အားတွေ့ရှိခဲ့ရာ ဆိုင်မန်နေဂျာ ဦးမျိုးဝင်းမှအပ်ပေးသဖြင့် ဘုရားကြီးမြို့နယ်အုပ်ချုပ်ရေးမှူး မှ သိမ်းဆည်းခဲ့ကြောင်း သိရသည်။

#YMG/SW #Yangon_Times

ဧရာဝတီတိုင်းဒေသကြီးအတွင်းရှိ ချောင်းသာနဲ့ ငွေဆောင်ကမ်းခြေတွေကို ပြီးခဲ့တဲ့ တပေါင်းလပြည့် အစိုးရရုံးပိတ်ရက်ကာလအတွင်း တစ်ရက်ကို  ခရီးသွား(၂၅၀၀)ကျော် အထိ လာရောက်လည်ပတ်ခဲ့တယ်လို့ ဟိုတယ်နှင့်ခရီးသွားရေးဝန်ကြီးဌာန ကသိရပါတယ်။
#Local_News
Published 17 March 2025
#ချောင်းသာနှင့်ငွေဆောင်ကမ်းခြေ #ဟိုတယ်နှင့်ခရီးသွားရေးဝန်ကြီးဌာန
#YMG/NN #Yangon_Times