#LocalNews
Published - 18 Feb 2022

ဥရောပတိုက် စပိန်နိုင်ငံ၏ ယဉ်ကျေးမှုမြို့တော်မှာ ဗုဒ္ဓလုမ္ဗိနီဥယျာဉ်တော်ကြီးတည်ဆောက်သွားမှာဖြစ်ပြီး
ဥယျာဥ်တော်ကြီး တည်ဆောက်ဖို့အတွက် စပိန်နိုင်ငံအစိုးရထံမှ ခွင့်ပြုချက်ကိုလည်း ရရှိခဲ့ပြီးဖြစ်တယ်လို့
သိရပါတယ်။

အဆိုပါ ဗုဒ္ဓလုမ္ဗိနီဥယျာဉ်တော်ကြီးကို စပိန်နိုင်ငံ Caceres ကပ်ဆီးရပ် ယူနက်စကို ရှေးဟောင်းယဉ်ကျေးမူမြို့တော်တွင် တည်ဆောက်သွားမည်ဖြစ်ပြီး ဘုရားရှင်၏ အငွေ့အသက်ဓမ္မတရားတွေမွမ်းထုံမည့် လုမ္ဗိနီဥယျာဉ်စီမံကိန်းအကောင်အထည်ဖေါ်ရန် ဥရောပတိုက် စပိန်နိုင်ငံ ကပ်ဆီးရပ်ခရိုင် အစိုးရအဖွဲ့အကြီးအကဲနှင့် lumbini Garden project တာဝန်ရှိသူများဆွေးနွေးညှိနှိုင်းပွဲကိုလည်း( ဖေဖော်ဝါရီ ၁၆ ရက် )နေ့က ပြုလုပ်ခဲ့ပြီး အဆိုပါဆွေးနွေးပွဲသို့ မြန်မာနိုင်ငံ၊ စစ်ကိုင်းတောင်ရိုး International Buddhist Education Center တည်ထောင်သူ ကျွန်းလှဗုဒ္ဓတက္ကသိုလ်နှင့်နယ်သာလန် Stichting IBEC ဆရာတော်ဒေါက်တာ အရှင်သောဘိတ တို့ တက်ရောက်ခဲ့ကြတာပါ။

ထို့နောက် ဥရောပတိုက် Lumbini Garden Project ဒါရိုက်အဖွဲ့က IBEC ဆရာတော်အား အဖွဲ့ဝင်ခန့်အပ်လွှာကိုဆက်ကပ်ခဲ့ပြီး ယခုအခါ IBEC ဆရာတော်သည် အဆိုပါစီမံကိန်း၏ တရားဝင်ပူးပေါင်းဆောင်ရွက်မည့် ဒါရိုက်တာအဖွဲ့ဝင် ရဟန်းတော်ဖြစ်လာပြီလည်း ဖြစ်ပါတယ်။

အဆိုပါ The Second Birth Place of Lord Buddha Garden Project in Spain စီမံကိန်းသည်အထူးစိတ်ဝင်စားစရာကောင်းသလို မြို့တော်ဝန် His Excellency Luis Salaya နှင့် Lumbini Garden Project အဖွဲ့တို့သည် IBEC ဆရာတော်နှင့်သာသနာပြုအဖွဲ့အား ယဉ်ကျေးမူမြို့တော်အကြောင်းရှင်းပြကာ အပြန်အလှန်မိတ်ဆက်ဆွေးနွေးခဲ့ကြတယ်လို့လည်း သိရပါတယ်။

စတော့ဟုမ်းကမ္ဘာ့ငြိမ်းချမ်းရေးဆုရှင် -ကမ္ဘာ့ငြိမ်းချမ်းရေးသံတမန်ရဟန်းတော် IBEC ဆရာတော် ဒေါက်တာအရှင်သောဘိတသည် ဥရောပနိုင်ငံများသို့ ငြိမ်းချမ်ရေးခရီးစဥ်အဖြစ် ကြွချီနေတာဖြစ်ပြီး IBEC ဆရာတော်၏ ဥရောပတိုက်နိုင်ငံများ ငြိမ်းချမ်းရေးခရီးစဥ်ဟာ (၁)လတာ ကြာမြင့်မှာဖြစ်တယ်လို့ ဆိုပါတယ်။

IBEC ဆရာတော်၏ ဥရောပတိုက်နိုင်ငံများ ငြိမ်းချမ်းရေးခရီးစဥ်အတွင်း မြန်မာပြည်ငြိမ်းချမ်းရေးအတွက် အာဆီယံဒေသတွင်းနှင့် ဥရောပသမဂ္ဂအတွင်း အပြုသဘောဆောင်မူပြရုပ်များကို ဆောင်ရွက်ကြရန် ငြိမ်းချမ်းရေးသတင်းစကားများ ပြောကြားမှာဖြစ်တယ်လို့ International Buddhist Education Center(သတင်းထုတ်ပြန်ရေးအဖွဲ့ )က သတင်းထုတ်ပြန်ထားပါတယ်။

ဓါတ်ပုံ - International Buddhist Education Center(သတင်းထုတ်ပြန်ရေးအဖွဲ့ )

ymg/kg
#Yangon_Media_Group

#LocalNews
Published - 18 Feb 2022

မဲခေါင်မြစ်တွင်း နောက်ဆုံးကျန်ရှိသော ဧရာဝတီလင်းပိုင်လေးဟာ ယခုအခါမှာတော့ သေဆုံးသွားခဲ့ပြီဖြစ်တယ်လို့ EHS - Myanmar က ( ဖေ ဖော်ဝါရီ ၁၇ ရက်) နေ့မှာ သတင်းထုတ်ပြန်ခဲ့ပါတယ်။

လာအိုနယ်စပ်အနီး Stung Treng ပြည်နယ် မြစ်ကမ်းပါးတွင် သေဆုံးနေသည့်လင်းပိုင်ကို တွေ့ရှိခဲ့ကြောင်း အင်္ဂါနေ့က ကမ္ဘောဒီးယားငါးလုပ်ငန်း ထိန်းသိမ်းရေးဌာနမှ ထုတ်ပြန်ထားခဲ့တာဖြစ်တယ်လို့ ဆိုပါတယ်။

အဆိုပါ ဧရာဝတီလင်းပိုင်လေးဟာ ငါးမျှားပိုက်ထဲနှင့်ညှိပြီး ရရှိသည့်ဒဏ်ရာများကြောင့် နာမကျန်းဖြစ်ပြီး သေဆုံးသွားဖွယ် ဖြစ်နိုင်တယ်လို့လည်း ကမ္ဘောဒီးယား ငါးလုပ်ငန်းထိန်းသိမ်းရေးဌာနက ယူဆထားပါတယ်။

၎င်းနောက်ဆုံးသောလင်းပိုင် သေဆုံးမှုနှင့်အတူ ဧရာဝတီလင်းပိုင်သည် ယခုအခါ လာအိုတွင် မျိုးသုဉ်းသွားခဲ့ပြီဖြစ်တယ်လို့ EHS - Myanmar ၏ သတင်းထုတ်ပြန်ချက်မှာ ဖော်ပြထားပါတယ်။

ဓါတ်ပုံ - EHS - Myanmar

ymg/kg
#Yangon_Media_Group

#LocalNews
Published - 17 Feb 2022

ယခုကာလတွင် စက်သုံးဆီ စျေးနှုန်းများ အဆမတန်မြင့်တက်လာမှုကြောင့် လူနာလမ်းကြောင်းများပို့ဆောင်ရာမှာ အခက်အခဲများစွာနဲ့ ကြုံနေရတယ်လို့ ရန်ကုန်မြို့အခြေစိုက် ပရဟိတအသင်းများထံမှ သိရပါတယ်။

#Yangon_Media_Group

#LocalNews
Published - 17 Feb 2022

ငါးသံယံဇာတကို ထိန်းသိမ်းဖို့ ငါးမဖမ်းရရာသီကို နှစ်စဉ် တစ်လစောပြီးသတ်မှတ်ခဲ့ပါတယ်။ ဒ့ါကြောင့် ယခုနှစ် ငါးမဖမ်းရ ရာသီကို ဧပြီ၊ မေ၊ ဇွန် ၃ လကို သတ်မှတ်ခဲ့တယ်လို့ ငါးလုပ်ငန်းဦးစီးဌာနက ကြေညာခဲ့ပါတယ်။

#Yangon_Media_Group

#LocalNews
Published - 17 Feb 2022

ဆီသယ်ယာဉ်တစ်စီး အရှိန်လွန်တိမ်း မှောက်ခဲ့သည့်ဖြစ်စဉ်တစ်ခု ဒီကနေ့ ဖေဖော်ဝါရီ ၁၇ ရက်၊ မွန်းလွဲပိုင်းအချိန်က ဝမ်းတွင်းမြို့နယ်အတွင်းမှာ ဖြစ်ပွားခဲ့တယ်လို့ သိရပါတယ်။

ဖြစ်စဉ်မှာ ဒီကနေ့ မွန်းလွဲပိုင်းအချိန်က မန္တလေးတိုင်းဒေသကြီး၊ ဝမ်းတွင်းမြို့နယ်၊ ရန်ကုန်-မန္တလေးလမ်းဟောင်း၊ မိုင်တိုင်အမှတ် (၃၃၅/၆)နှင့်(၃၃၅/၇)အကြားတွင် ဆီသယ်ယာဉ်(၁)စီးသည် အရှိန်မထိန်းနိုင်ဘဲ တိမ်းမှောက်မှုဖြစ်ပွားခဲ့တာဖြစ်ပါတယ်။

အဆိုပါ ဆီသယ်ယာဉ်တိမ်း မှောက်ရာသို့ ဝမ်းတွင်းမြို့နယ်မီးသတ်စခန်းမှ Foam မီးငြှိမ်းသတ်ယာဉ်(၂)စီးဖြင့် သွားရောက်၍ မီးငြှိမ်းသတ်ခဲ့ရပြီး တိမ်းမှောက်သည့်ယာဉ် ဆီယိုစိမ့်ပြီး မီးလောင်မှုမဖြစ်ပွားစေရေးအတွက် အအေးပေးခြင်းလုပ်ငန်းများ ဆောင်ရွက်ပေးခဲ့ ကြောင်း မီးသတ်တပ်ဖွဲ့က သတင်းထုတ်ပြန်ထားပါတယ်။

ဒါ့အပြင် ယင်းဖြစ်စဉ်ကြောင့် လူထိခိုက်ဒဏ်ရာရမှုလည်းမရှိခဲ့ဘူးလို့ သိရပါတယ်။

Photo - MFSD

ymg/kg
#Yangon_Media_Group

#LocalNews
Published - 17 Feb 2022

ဖေဖော်ဝါရီလ ၃ ရက်နေ့ကတည်းက ဖြစ်ပွားနေတဲ့တိုက်ပွဲတွေကြောင့် ပူတာအိုမြို့နယ်အတွင်းရှိ ကျေးရွာ ၅ ရွာက လူဦးရေ ၆,၀၀၀ ကျော်ဟာ တိုက်ပွဲရှောင်ထွက်ပြေးနေရတယ်လို့ ကုလသမဂ္ဂ လူသားချင်းစာနာမှုဆိုင်ရာ ပေါင်းစပ်ညှိနှိုင်းရေးရုံး(UNOCHA)က
ထုတ်ပြန်လိုက်ပါတယ်။

မြန်မာနိုင်ငံအ ရှေ့မြောက်ပိုင်း၊ ကချင်ပြည်နယ် ဖားကန့်၊ မိုးညင်း၊ ပူတာအို၊ ဆွန်ပရာဘွန်နဲ့ တနိုင်းမြို့နယ်တွေမှာ တပ်မတော်၊ ကချင်လွတ်မြောက်ရေးတပ်မတော်နဲ့ ဒေသခံ ပြည်သူ့ကာကွယ်ရေးတပ်တွေကြားက တိုက်ပွဲတွေ ပြင်းထန်လာပြီး လေကြောင်းမှတိုက်ခိုက်မှုသတင်းတွေကို ကြားသိနေရတယ်လို့ (UNOCHA)က ဆိုပါတယ်။

အဆိုပါတိုက်ပွဲတွေကြောင့် အရပ်သားသေကြေဒဏ်ရာရမှု၊ အိုးအိမ်စွန့်ခွာထွက်ပြေးရမှု၊ အရပ်သားပိုင်ပစ္စည်းများ ဖျက်ဆီးခံရမှုတွေ ဖြစ်ပေါ်ခဲ့ပြီး ဒေသခံမိတ်ဖက်တွေနဲ့ ဘာသာရေးခေါင်းဆောင်တွေရဲ့ အဆိုအရ နေရပ်စွန့်ခွာထွက်ပြေးလာကြသူတွေဟာ မြစ်ကြီးနားနဲ့ ပူတာအိုမြို့တွေမှာ ဆွေမျိုးတွေနဲ့ သွားရောက်နေထိုင်နေကြရသလို အနီးအနားက တောတွေထဲထွက်ပြေးကြရသူတွေလည်း ရှိနေတယ်လို့ (UNOCHA)က ဖော်ပြပါတယ်။

ထို့ကြောင့် ဖေဖေါ်ဝါရီလ ၉ ရက်နေ့အထိ လူသားချင်းစာနာမှု လုပ်ငန်းဆောင်ရွက်သူမိတ်ဖက်တွေဟာ ဒေသခံလူထုအသိုင်းအဝိုင်းက လက်ခံထားသူ ဦးရေ ၁,၀၀၀ အတွက် အစားအစာဝယ်ရန် ငွေကြေး၊ အမိုးအကာ၊ အိုးခွက်ပန်းကန်စတဲ့ အိမ်ထောင်သုံးပစ္စည်း၊ တကိုယ်ရေသုံးပစ္စည်းများ၊ ကိုဗစ်-၁၉ ကာကွယ်ရေးဆိုင်ရာပစ္စည်းများကို ပေးအပ်ခဲ့ပြီးဖြစ် ကြောင်းနှင့် ကျန်ရှိသူများကို ဆက်လက်ပေးအပ်နိုင်ဖို့ ဆက်လက်လုပ်ဆောင်နေတယ်လို့ (UNOCHA)က ဆိုပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ဖေဖေါ်ဝါရီလ ၇ ရက်နေ့မှာ ထုတ်ပြန်တဲ့ ကိန်းဂဏန်းများအရ ၂၀၂၁ ခုနှစ်၊ ဖေဖေါ်ဝါရီလ ၁ ရက်နေ့ကတည်းက ကချင်ပြည်နယ်မှာ နေရပ်စွန့်ခွာလာသူဦးရေ ၈,၆၀၀ ခန့် ရှိနေတယ်လို့ သိရပါတယ်။

ဒါ့အပြင် ၂၀၂၁ ခုနှစ် မတိုင်ခင် ပဋိက္ခတွေကြောင့် ယာယီစခန်းတွေမှာ ဆက်လက်နေထိုင်နေရသူ ၉၆,၅၉၀ လည်း ရှိနေပါသေးတယ်လို့ (UNOCHA)၏ သတင်းထုတ်ပြန်ချက်မှာ ဖော်ပြခဲ့ပါတယ်။

Photo - CJ

ymg/kg
#Yangon_Media_Group