#LocalNews
Published - 19 Feb 2022

တပ်ကုန်းမြို့နယ်တွင် စစ်ကိုင်းတိုင်းဒေသကြီးကိုပို့ဆောင်ရန်အတွက် သယ်ဆောင်လာတဲ့ စိတ်ကြွရူးသွပ်ဆေးပြား ၁ ဒသမ ၈ သိန်းကျော် ဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့က သိရပါတယ်။

ဖြစ်စဥ်မှာ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီလ ၁၆ ရက်နေ့ မွန်းတည့် ၁၂ နာရီအချိန်တွင် တပ်ကုန်းမြို့နယ်၊ ပင်လောင်း-တပ်ကုန်းသွားကားလမ်း၊ ကင်းသာ ပူးပေါင်းစစ်ဆေးရေးစခန်းတွင် ပင်လောင်းမှ တပ်ကုန်းဘက်သို့ ထိန်လင်းအောင်(၂၄)နှစ် မောင်းနှင်ပြီး မောင်မောင်(၆၅)နှစ် လိုက်ပါလာတဲ့ GRAND MARK II မော်တော်ယာဉ်ကို သတင်းအရရှာဖွေရာ ယာဉ်ပေါ်မှ ဒေသကာလတန်ဖိုး ငွေကျပ်သိန်း ၂,၇၀၀ ကျော်တန်ဖိုးရှိ စိတ်ကြွရူးသွပ်ဆေးပြား ၁.၈ သိန်းကျော် သိမ်းဆည်းရမိခဲ့ကြောင်း၊ ညနေ ၄ နာရီအချိန် ပင်လောင်းမြို့နယ်၊ ရေဆိုးကျေးရွာဘုရားအနီးတွင် စိတ်ကြွရူးသွပ်ဆေးပြားများ သယ်ဆောင်ရာတွင် ပူးပေါင်းပါဝင်သူ ကျော်လှ(၅၆)နှစ်အား ဆက်လက်ဖမ်းဆီးရမိခဲ့တယ်လို့ သိရပါတယ်။

စစ်ဆေးဖော်ထုတ်ချက်များအရ သိမ်းဆည်းရမိ စိတ်ကြွရူးသွပ်ဆေးပြားများအား ရှမ်းပြည်နယ်(တောင်ပိုင်း)မှ စစ်ကိုင်းတိုင်းဒေသကြီးသို့ သယ်ဆောင်ခြင်းဖြစ်ကြောင်း သိရှိရသဖြင့် ၎င်းတို့(၃)ဦးအား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိတယ်လို့သိရပါတယ်။

ymg/hm
#Yangon_Media_Group

#Local_News
Published_ 19 Feb 2022

ပထမပုဂ္ဂလိကဘဏ်လီမိတက်၏ (၁၀) ကြိမ်မြောက် အထူးအစည်းအဝေးနှင့် အကြိမ် (၃၀) မြောက် နှစ်ပတ်လည်အထွေထွေအစည်းအဝေးမှ ဒါရိုက်တာအဖွဲ့ဝင်သစ် ၁၃ ဦးဖြင့် ပြင်ဆင်ဖွဲ့စည်းခဲ့ပြီး ဒါရိုက်တာအဖွဲ့နှင့် ဘဏ်ဥက္ကဌအဖြစ် ရန်ကုန်စီးပွားရေး တက္ကသိုလ် ပါမောက္ခချုပ်ဟောင်း ဒေါက်တာတင်ဝင်းကို ရွေးချယ်တင်မြှောက်ခဲ့ကြောင်း သိရပါတယ်။

ဘဏ်၏ (၁/၂၀၂၂) အထူးအစည်းအဝေးမှ ဒါရိုက်တာအဖွဲ့ ဥက္ကဌအဖြစ် ဒေါက်တာတင်ဝင်း၊ အမှုဆောင်ဒါရိုက်တာအဖြစ် ဒေါ်လှလှဝင်းတို့အား ရွေးချယ်ခဲ့ကြောင်း ဘဏ်ရဲ့ထုတ်ပြန်ချက်မှာဖော်ပြထားပါတယ်။

ဘဏ်ဥက္ကဌဖြစ်လာသည့် ဒေါက်တာတင်ဝင်းသည် ၂၀၁၄ မှ ၂၀၁၈ ခုနှစ်အထိ မိတ္ထီလာစီးပွားရေးတက္ကသိုလ်တွင် ပါမောက္ခချုပ်၊ ၂၀၁၈ မှ ၂၀၂၁ ခုနှစ်အထိ ရန်ကုန်စီးပွားရေးတက္ကသိုလ် ပါမောက္ခချုပ် တာဝန်ထမ်းဆောင်ခဲ့ကြောင်း သိရပါတယ်။

ပထမပုဂ္ဂလိကဘဏ်သည် မြန်မာနိုင်ငံတွင် ပထမဆုံး စတင်တည်ထောင်ဖွဲ့စည်းခဲ့တဲ့ဘဏ်ဖြစ်ပြီး နှစ်ပေါင်း ၃၀ သက်တမ်းရှိကာ ဒေါက်တာတင်ဝင်းမှာ ဒုတိယမြောက် ဥက္ကဌဖြစ်လာခြင်းဖြစ်ပါတယ်။

ဘဏ်အား အများပြည်သူယုံကြည်အားထားမှုရှိသော နိုင်ငံတကာအဆင့်မီ ဘဏ်ကြီးတစ်ခုဖြစ်လာရန် ဒါရိုက်တာအဖွဲ့က အစွမ်းကုန်ဆောင်ရွက်သွားမည်ဟု ဒေါက်တာတင်ဝင်းက ပြောကြားထားပါတယ်။

ဒေါက်တာတင်ဝင်းသည် မဟာဝါဏိဇ္ဇဘွဲ့ကို ၁၉၉၂ ခုနှစ်တွင် ရန်ကုန်စီးပွားရေး တက္ကသိုလ်မှ ရရှိခဲ့ပြီး၊ Ph. D (Management and Accounting) ကို ဂျပန်နိုင်ငံ Keio တက္ကသိုလ်မှ ၂၀၀၀ ပြည့်နှစ်တွင် ရရှိခဲ့ကြောင်း သိရပါတယ်။

ymg-mnn
#Yangon_Media_Group

#LocalNews
Published - 18 Feb 2022

မြန်မာနိုင်ငံမှာ ကိုဗစ်မျိုးကွဲသစ် အိုမီခရွန် ကူးစက်ခံရသူ စတင်တွေ့ရှိခဲ့တယ်လို့ ၂၀၂၁ ခုနှစ်၊ ဒီဇင်ဘာ ၂၈ ရက်မှာ ကျန်းမာ ရေးဝန်ကြီးဌာနက ကြေညာခဲ့ပြီး ငါးလအတွင်း ကိုဗစ်ကူးစက်ခံရမှုဟာ အမြင့်ဆုံးသို့ ပြန်ရောက်လာတယ်လို့ ISP Myanmar ၏ သုတေသနစစ်တမ်းတစ်ရပ်မှာ ဖော်ပြခဲ့ပါတယ်။

ကျန်းမာရေးဝန်ကြီးဌာနက အိုမီခရွန်တွေ့ရှိမှုနဲ့ပတ်သက်ပြီး (၁၅)ကြိမ် သတင်းထုတ်ပြန်ထားပြီး ၂၀၂၂ ခုနှစ်၊ ဖေဖော်ဝါရီ ၃ ရက်အထိ နောက်ဆုံးထုတ်ပြန်ချက်အရ ပိုးတွေ့လူနာ ၃၄၈ ဦးရှိခဲ့တယ်လို့ သိရပါတယ်။

သို့သော်လည်း ဖေဖော်ဝါရီ ပထမပတ်နဲ့ ဒုတိယပတ်အတွင်းမှာပဲ အိုမီခရွန် ကူးစက်ခံရတဲ့ လက္ခဏာရှိသူ လူအများစုမှာ ဖြစ်လာတာကြောင့် အိုမီခရွန်ကူးစက်ခံရမှုဟာ နစကရဲ့ ကျန်းမာရေးဝန်ကြီးဌာန၏ ထုတ်ပြန်တဲ့ပမာဏထက် အဆမတန်များပြားပြီး အလျင်အမြန် ကူးစက်ပြန့်နှံ့နေတယ်လို့ ယူဆနိုင်ကြောင်းကိုလည်း ISP Myanmar က ဆိုပါတယ်။

ISP Myanmar ၏ ထုတ်ပြန်ချက်အရ ကျန်းမာရေးဝန်ကြီးဌာန၏ တရားဝင်ကိန်းဂဏန်းတွေကို ဆန်းစစ်ကြည့်ပါက ကိုဗစ်ကူးစက်မှုဟာ ငါးလအတွင်း အမြင့်ဆုံးပြန်ရောက်လာတဲ့အပြင် နောက်ထပ် လှိုင်းတခုဖြစ်မယ့် အသွင်ဆောင်လာတာကို တွေ့ရကြောင်း၊ ဒါ့အပြင် ဒီကူးစက်မှုတွေထဲမှာလည်း ရန်ကုန်တိုင်းအတွင်း ကူးစက်မှုက အများဆုံးဖြစ်လာပြီး ဖေဖော်ဝါရီလ ၁၅ ရက်တာကာလ အတွင်း လူပေါင်း ၆,၉၀၀ နီးပါး ကူးစက်ခံခဲ့ရတယ်လို့ သိရပါတယ်။

တစ်နိုင်ငံလုံးကို ခြုံကြည့်ရင်တော့ ဖေဖော်ဝါရီလ ၁၄ ရက်တာ ကာလအတွင်း ကိုးဗစ်ကူးစက်မှုအားလုံးရဲ့ ၅၄ ရာခိုင်နှုန်းဟာ လူနေထူထပ်တဲ့ ရန်ကုန်တိုင်းအတွင်းမှာဖြစ်တယ်လို့လည်း ISP Myanmar က ဖော်ပြပါတယ်။

ထို့အပြင် ကမ္ဘာ့ကျန်းမာရေးအဖွဲ့ချုပ် (WHO) ကတော့ ကိုဗစ်မျိုးကွဲသစ် အိုမီခရွန်ဟာ မျိုးကွဲတွေထက် ကူးစက်နိုင်ခြေမြင့်မားပြီး ရောဂါလက္ခဏာမပြဘဲ (မပြင်းထန်တဲ့)ကူးစက်ခံရမှု အခြေအနေကတဆင့် အပြင်းအထန် ဖျားနာမှု၊ သေဆုံးမှုအခြေအနေ ကြုံရနိုင်ခြေလည်းရှိကြောင်း သတိပေးထားပါတယ်။

ဒါကြောင့်လည်း အထူးသဖြင့် သက်ကြီးရွယ်အိုတွေ၊ နာတာရှည်ရောဂါအခံရှိသူတွေနဲ့ ကာကွယ်ဆေး မထိုးထားသူတွေ သတိပြုဖို့ အထူးလိုအပ်နေတယ်လို့လည်း ကျန်းမာရေးပညာရှင်တွေက အသိပေးနှိုးဆော်ထားတယ်လို့ ISP Myanmar က ဆိုပါတယ်။

ဒါ့အပြင် ယခုလက်ရှိကာလမှာ ကိုဗစ်အတည်ပြုလူနာသစ်တွေလည်း နေ့စဉ်တိုးမြင့်လာနေတာပါ။ ဖေဖော်ဝါရီ ၁၆ ရက်နေ့နဲ့ ၁၇ ရက်နေ့ နှစ်ရက်ဆက်တိုက် တစ်နေ့ကို လူဦးရေ နှစ်ထောင်ကျော်နှုန်းနဲ့ တွေ့ရှိခဲ့ပြီး လွန်ခဲ့တဲ့ တစ်ပတ်တိတိမှာလည်း တစ်နေ့ကို လူဦးရေ တစ်ထောင်ကျော်နှုန်းနဲ့ လူနာသစ်တွေ့ရှိမှုတွေ တိုးမြင့်လာတာ ဖြစ်ပါတယ်။

အခုလက်ရှိ ရောဂါပိုးတွေ့ရှိမှု ရာခိုင်နှုန်းမှာလည်း မူလ ၁ ရာခိုင်နှုန်းကနေ ၈ ဒသမ ၉၈ ရာခိုင်နှုန်းအထိ မြင့်တက်လာတာတွေ့ရပါတယ်။

ဒါ့အပြင့် ကျန်းမာရေးဝန်ကြီးဌာန၏ နောက်ဆုံးထုတ်ပြန်ထားသော အချက်အလက်များအရ ပြည်တွင်းမှာ
ကိုဗစ်ရောဂါပိုးကူးစက်ခံသူ ၅၅၆, ၂၅၆ ဦးအထိ ရှိနေပြီးဖြစ်တယ်လို့လည်း သိရပါတယ်။

Photo - CJ

ymg/kg
#Yangon_Media_Group

#LocalNews
Published - 18 Feb 2022

ပြည်တွင်းမှာ ကိုဗစ်ရောဂါပိုးကူစက်မှုဟာ ရက်တ္တပတ်အတွင်း လူဦးရေ တစ်သောင်းလေးထောင်ကျော် ကူးစက်ခံနေရပြီး ကိုဗစ်ကူးစက်မှုတွေ ပြန်လည်မြင့်တက်လာပါတယ်။

#Yangon_Media_Group

#LocalNews
Published - 18 Feb 2022

ဒေါ်အောင်ဆန်းစုကြည်ရဲ့ သက်တော်စောင့်ချယ်ရီထက် က သူ့ကို စွဲဆိုထားတဲ့ ဆူပူစေရန်လှုဆော်မှု ရာဇသတ်ကြီးဥပဒေပုဒ်မ ၅၀၅-က နဲ့ ပတ်သက်ပြီး ငြင်းဆိုခဲ့တယ်လို သူ့ရဲ့ ရှေ့နေက YMG ကို ပြောပြပါတယ်။

#Yangon_Media_Group

#LocalNews
Published -18 Feb 2022

၇၅ နှစ်မြောက် ပြည်ထောင်စုနေ့အခမ်းအနားနဲ့ ငြိမ်းချမ်းရေးဆွေးနွေးမှုများတက်ရောက်ခဲ့တဲ့အပေါ် ထုတ်ပြန်ချက်တွေထွက်ပေါ်လာတာဟာ ပုဂ္ဂိုလ်ရေး အာဃာတနဲ့ နိုင်ငံရေးလုပ်ကြံမှုသာဖြစ်တယ်လို့ ဒေါ်စောမြရာဇာလင်းကပြောဆိုလိုက်ပါတယ်။

#Yangon_Media_Group