#LocalNews
Published_25 May 2022

ရှမ်းပြည်နယ် (အရှေ့ပိုင်း)တာချီလိတ်မြို့မှာရှိတဲ့ မြန်မာ-ထိုင်း ချစ်ကြည်ရေး တံတားအမှတ်( ၁)ကို ပြန်လည်ဖွင့်လှစ်ရေးနှင့် ပတ်သက်လို့ နှစ်နိုင်ငံတာဝန်ရှိသူတွေ မနေ့က မနက် ၁၀ နာရီခွဲအချိန် ထိုင်းနိုင်ငံ မယ်ဆိုင်ဖက်ကမ်း ချက်ပွိုင့်မှာ တွေ့ဆုံဆွေးနွေးခဲ့ကြပါတယ်။

#Yangon_Media_Group

#LocalNews
Published_25 May 2022

ရခိုင်ပြည်နယ်အတွင်းနေထိုင်သော ခမီတိုင်းရင်းသားများထဲတွင် ဆေးကျောင်းတက်ခွင့်ရသည့်လူငယ်တစ်ဦး ပထမဆုံးထွက်ပေါ်လာခဲ့ကြောင်း ဘူးသီးတောင်မြို့ရှိ ဂန္ဓာရီပရဟိသင်တန်းကျောင်းမှ သိရသည်။

ယင်းလူငယ်မှာ ဂန္ဓာရီပရဟိသင်တန်းကျောင်းတွင် ၈ တန်းမှစ၍ ကျောင်းတက်ခဲ့သူဖြစ်ပြီး ဘူးသီးတောင်မြို့နယ် ရေဆူကျေးရွာဇာတိ မောင်ကျော်သန်းလင်းဖြစ်ကာ ၂၀၁၉-၂၀၂၀ ပညာသင်နှစ်က ဘူးသီးတောင် အထက (၁)ကျောင်းမှ မြန်မာစာ၊ သင်္ချာ၊ ဓာတုဗေဒနှင့် ရူပဗေဒစသည့် ဂုဏ်ထူး ၄ ဘာသာ၊ရမှတ်စုစုပေါင်း ၄၈၅ မှတ်ဖြင့် အောင်မြင်ခဲ့သူဖြစ်ကြောင်း ၊မိဘများမှာ လယ်ယာလုပ်ငန်းကို လုပ်ကိုင်ကြကာ မွေးချင်းနှစ်ဦးအနက် အငယ်ဖြစ်ကြောင်း ဂန္ဓာရီပရဟိသင်တန်းကျောင်း ၏ ခမီလူမျိုး ဂေဟာမှူးဦးသိန်းမောင်က YMG ကို ပြောသည်။

"ကျွန်တော်တို့ ခမီတိုင်းရင်းသားတွေထဲမှာ အစဉ်စဉ်အဆက်ဆက် ဆေးကျောင်းတက်ခွင့်ရတဲ့သူရယ်လို့ တစ်ယောက်မှမရှိဘူး။ဆရာဝန်ရယ်လို့လည်း တစ်ယောက်မှမရှိဘူး။အခုလို တစ်ယောက်ပေါ်ထွက်လာတာကြောင့် ဝမ်းသာမိတယ်။မိဘတွေကလည်း ဝင်ငွေသိပ်ရှိတာမဟုတ်ဘူး။လယ်ယာလုပ်ကိုင်ကြတယ်။ကျောင်းစရိတ်ကတော့ နည်းနည်း အခက်အခဲရှိမှာဖြစ်ပါတယ်။လက်ရှိမှာတော့ ကူညီမယ့်သူမရှိသေးဘူး။ကျွန်တော်တို့လည်း အတတ်နိုင်ဆုံး ပံ့ပိုးကြမယ်။ကျွန်တော်တို့မျိုးနွယ်စုအနေနဲ့ ဂုဏ်ယူမိတယ်"ဟု ယင်းကပြောသည်။

မောင်ကျော်သန်းလင်းအနေဖြင့် ရန်ကုန် ဆေးတက္ကသိုလ်အမှတ် (၂)တွင် တက်ခွင့်ရရှိကြောင်း ၊ မောင်ကျော်သန်းလင်းနှင့် မိဘများအား ကျန်းမာရေးဝန်ကြီးဌာနတာဝန်ရှိသူများကတွေ့ဆုံလိုသောကြောင့် ယနေ့ မေလ ၂၅ ရက် တွင် နေပြည်တော်သို့ သွားရောက်နေကြောင်းလည်း သိရသည်။

ymg/mt

photo- အသျှင်အာဒိစ္စ
#Yangon_Media_group

#LocalNews
Published -25 May 2022

မြစ်ရေတိုက်စားမှုကာကွယ်ရေးလုပ်ငန်းတွေဆောင် ရွက်သွားမှာဖြစ်လို့ ဧရာဝတီတံတား(မကွေး)ရေလမ်းကိုမေလ(၂၆)ရက်ကစပြီးပြောင်းလဲဖွင့်လှစ်သွားမှာဖြစ်တယ်လို့ သိရပါတယ်၊၊

မူလက ဧရာဝတီတံတား(မကွေး)ရေလမ်းကို ရေယာဉ်တွေဖြတ်သန်းသွားလာဖို့ ရေလယ်တိုင်အမှတ်(၁၇)နဲ့ (၁၈)ကြား ဖွင့်လှစ်ပေးခဲ့ပြီး မေလ(၂၆)ရက်ကစလို့ ရေလယ်တိုင်အမှတ်(၁၆)နဲ့ (၁၇)ကြားပြောင်းလဲဖွင့်လှစ်သွားမှာဖြစ်တယ်လို့ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနက သိရပါတယ်၊၊

ရေယာဉ်တွေဖြတ်သန်းရမယ့်ဝင်ပေါက်ကို နေ့အခါ အစိမ်းရောင်တြိဂံအမှတ်အသား၊ညဘက်မှာ မီးစိမ်းပြထားမှာဖြစ်ပြီး မဖြတ်သန်းရမယ့်နေရာကို အနီရောင် အမှတ်အသား၊မီးနီပြထားမှာဖြစ်ပါတယ်၊၊

ရေလယ်တိုင် တစ်ဖက်တစ်ချက်မှာ (၁၅)ပေခန့်ထိုးထွက်မှုရှိတဲ့အတွက် ရေလယ်တိုင်နှစ်ခုကြားကို ယှဉ်တွဲခုတ်မောင်းခြင်းမပြုဖို့၊တွန်းတွဲရေယာဉ်တွေ တစ်တွဲချင်းချိတ်ဆွဲမောင်းနှင်ဖို့နဲ့ အစုန်ဦးစားပေးပြီး လုံလောက်တဲ့အကွာအဝေးက ချဉ်းကပ်လမ်းကြောင်းမှန်နဲ့ မောင်းနှင်ဖို့လိုတယ်လို့ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနက သတိပေးထားပါတယ်၊၊

ymg/tthl
#Yangon_Media_Group

#Local_News
Published_ 25 May 2022

နောင်ချိုမြို့နယ်တွင် ငွေကျပ် သိန်း ၆၆၀၀ တန်ဖိုးရှိ ဘိန်းဖြူ ၄၄ ကီလို ဖမ်းဆီးရမိ ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားပါတယ်။

အဆိုပါဖြစ်စဉ်မှာ လုံခြုံရေးတပ်ဖွဲ့ဝင်များပါဝင်သောပူးပေါင်းအဖွဲ့သည် မေ ၁၇ ရက် ညနေ ၃ နာရီတွင် နောင်ချိုမြို့နယ်၊ ဒုဋ္ဌဝတီတံတားတွင် ရပ်စောက်မှ နောင်ချိုသို့ ယာဉ်မောင်း ဝဏ္ဏထွန်းမောင်းနှင်ပြီး ကျော်ကျော်မင်း လိုက်ပါလာသည့် HYUNDAI အမျိုးအစား မော်တော်ယာဉ်ကို သတင်းအရရှာဖွေရာခဲ့ပါတယ်။

ထိုသို့ရှာဖွေခဲ့ရာ ယာဉ်ပေါ်တွင် ပြောင်းဆံအိတ်များဖြင့် ဖုံးအုပ်သယ်ဆောင်လာတဲ့ ဒေသကာလ တန်ဖိုးငွေကျပ် သိန်း ၆၆၀၀ တန်ဖိုးရှိ ဘိန်းဖြူ ၄၄ ကီလို သိမ်းဆည်းရမိခဲ့ကြောင်းသိရပါတယ်။

စစ်ဆေးဖော်ထုတ်ချက်အရ မေ ၂၂ ရက် ညနေ ၆ နာရီတွင် ပုသိမ်ကြီးမြို့နယ်၊ ၁၆ မိုင်စစ်ဆေးရေးဂိတ်အနီး၊ အိုရီယမ်တယ်တိုးဂိတ်တွင် ဘိန်းဖြူများ တာဝန်ခံသယ်ဆောင် သူ သန့်ဇင်အောင်အား Mark X မော်တော်ယာဉ်တစ်စီးနှင့်အတူ ဆက်လက်ဖမ်းဆီးရမိခဲ့ပါတယ်။

ဖမ်းဆီးရမိသူများအား ဥပဒေအရအရေးယူထားပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း သတင်းရရှိပါတယ်။

ymg-mnn
#Yangon_Media_Group

#LocalNews
Published- 25 May 2022

မြန်မာ-တရုတ် အဓိကကုန်သွယ်ရေးစခန်းတစ်ခုဖြစ်သည့် မူဆယ်နယ်စပ်ကုန်သွယ်ရေး ပြန်လည်ဦးမော့လာပြီဖြစ်ကြောင်း မူဆယ်ကုန်စည်ဒိုင်မှ သိရသည်။

တရုတ်နိုင်ငံဘက်မှ ကိုဗစ်ကန့်သတ်ချက်များကြောင့် နယ်စပ်ဂိတ်အားလုံး ပိတ်ထားခြင်းဖြစ်ပြီး ယခုအခါ မေလ ၁၅ ရက်မှစတင်၍ တရုတ်-မြန်မာနယ်စပ်ဂိတ်ကို ပြန်လည်ဖွင့်ပေးခဲ့သည့် အတွက် ကုန်ကားများပုံမှန်အတိုင်းသွားနေပြီဖြစ်ကြောင်း မူဆယ်ဆန်စပါးကုန်စည်ဒိုင် ဒုဥက္ကဌ ဦးမင်းသိန်းက ပြောသည်။

"နယ်စပ်ကုန်သွယ်ရေးကတော့ ပြန်လည်ဦးမော့လာပြီ။ မေလ ၁၆ ရက်နောက်ပိုင်းမှာ တိုးတက်လာပြီလို့ ပြောလိုရပါတယ်။ ကားတွေကလည်းတစ်နေ့ကို အစီးရေ ၁၀၀ လောက်တော့ သွားနေပြီ။ ကားအစီးရေနည်းတော့ စောင့်စရာလည်းမလိုတော့ဘူး။ ဂိတ်တွေမှာ ကုန်တွေလည်းပျက်စီး ဆုံးရှုံးမှုနည်းသွားတာပေါ့။ နယ်စပ်ဂိတ်တွေ အရင်လိုပုံမှန်အတိုင်း လည်ပတ်ဖို့ဆိုရင် ကြာဦးမယ်" ဟု ယင်းက ပြောသည်။

မူဆယ် ၁၀၅ မိုင်ကုန်သွယ်ရေးဇုန်သည် ယခင်က တစ်ရက်လျှင် အမေရိကန်ဒေါ်လာ ခြောက်သန်းခန့်အထိ ကုန်သွယ်မှုပြုလုပ်နိုင်ပြီး ချင်းရွှေဟော်နယ်စပ်ဂိတ်အနေဖြင့် တစ်ရက်လျှင် ကန်ဒေါ်လာတစ်သန်းခန့်ကုန်သွယ်နိုင်ကြောင်း၊ မြန်မာနိုင်ငံ၏ အဓိကနယ်စပ်ကုန်သွယ်ရေးဂိတ်ဖြစ်ပြီး နှစ်နိုင်ငံနယ်စပ်ကုန်သွယ်ရေး၏ ရာခိုင်နှုန်း ၉၀ ခန့်အထိ ကုန်သွယ်မှုပြုလုပ်လျက်ရှိကြောင်း၊ တရုတ်- မြန်မာနယ်စပ်ဂိတ်ပေါင်း ၁၄ ခုရှိသည့်အနက် နယ်စပ်ဂိတ်အချိုမှာပိတ်ထားဆဲဖြစ်ကြောင်း သိရသည်။

ymg/sth
#Yangon_Media_Group

#DailyNews
Published - 25 May 2022

၁။ ပုံမှန်ကာကွယ်ဆေးထိုးလုပ်ငန်းများကို နေရာတော်တော်များတွင် ထိုးနှံပေးနိုင်ပြီဖြစ်၊ သွားလာရေးခက်ခဲသည့်ဒေသများ ထိုးနှံပေးရန်ကျန်ရှိ၊။

၂။ လာမည့်ပွင့်လင်းရာသီတွင် ပြည်ပခရီးသွား သိန်းဂဏန်းထိ ဝင်ရောက်နိုင်မည်ဟုမျှော်မှန်း။

၃။ နေ့စဉ်မိုးလေဝသသတင်း။

၄။ အလှမွေးငါးများမြေပြင်ရှုခင်းခံစားနိုင်စေဖို့ ထိုင်ဝမ်လူမျိုးတစ်ဦးက လက်တွန်းလှည်းငါးကန်တီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group