#LocalNews
Published_2 June 2022

တရုတ်နိုင်ငံဘက်ခြမ်း ဝမ်တိန်၊ ရွှေလီ၊ ကျယ်ဂေါင်စတဲ့ နယ်စပ်မြို့တွေမှာ ပိတ်မိနေတဲ့ ကုန်တင်ယာဉ်တွေနဲ့ ကုန်စည်တွေကို မူဆယ်-ရွှေလီ ရွှေတြိဂံလမ်းကြောင်းကတစ်ဆင့် မြန်မာနိုင်ငံကို ရက်ပိုင်းအတွင်းမှာ ပို့ဆောင်နိုင်မှာ ဖြစ်တယ်လို့ သိရပါတယ်။

#Yangon_Media_Group

#LocalNews
Published - 2 June 2022

ရန်ကုန်မြို့တွင်းရှိ အများပြည်သူသယ်ယူပို့ဆောင်ရေးဝန်ဆောင်မှုပေးနေသော YBS ယာဥ်နှင့်တက္ကစီယာဥ်များတွင် လိုက်ပါစီးနင်းသည့် ခရီးသည်များ၏ လုံခြုံရေးအတွက် တိုင်းဒေသကြီးအစိုးရထံ တင်ပြထားကြောင်း YRTC တွဲဖက်အတွင်းရေးမှူး ဦးလျန်ကျင့်မာန်က ပြောသည်။

YBS ယာဥ်လိုင်းနှင့် တက္ကစီယာဥ်များပေါ်တွင် ခရီးသည်များမှ ခါးပိုက်နှိုက်ခံရခြင်း၊ လုယက်မှုများကြုံတွေ့နေရခြင်းနှင့် ပတ်သက်၍ ဆက်သွယ်မေးမြန်းရာတွင် ၄င်းကအထက်အတိုင်း ပြောကြားခဲ့ခြင်းဖြစ်သည်။

"အဲဒီဟာနဲ့ပတ်သက်ပြီးတော့ ကျွန်တော်တို့ရန်ကုန်တိုင်းဒေသကြီးအစိုးရအဖွဲ့ကိုတင်ပြတယ်၊ ကျွန်တော်တို့သုံးကြိမ်တောင်ရှိပြီ၊ တင်ပြထားပြီးတော့ ရန်ကုန်တိုင်းဒေသကြီးအစိုးရအဖွဲ့ကလည်း မြန်မာနိုင်ငံရဲတပ်ဖွဲ့ကို ညွှန်ကြားတယ်၊ ဒီဟာနဲ့ပတ်သက်ပြီးတော့ အရေးယူပေးဖို့ဆိုပြီး ညွှန်ကြားထားတယ်" ဟုဦးလျန်ကျင့်မာန်က ပြောသည်။

လက်ရှိတွင် ရန်ကုန်မြို့တွင်း၌ YBS ယာဥ်လိုင်းပေါင်း ၁၁၃ လိုင်း ယာဥ်အစီးရေ ၃၀၀၀ ကျော်ဖြင့်ပြေးဆွဲပေးနေပြီး ခရီးသည် ၉ သိန်းနီးပါးစီးနင်းမှုရှိကြောင်း သိရသည်။

" အစ်ကိုတို့က CCTV နဲ့လုံခြုံရေးကတော့ အဓိကရှိပြီးသားပေါ့၊ ကားပေါ်မှာချက်ခြင်းသိပြီဆိုတာနဲ့ နီးစပ်ရာရဲစခန်းကိုသွားပြီး စစ်တယ်ဆေးတယ်၊ ဒါမျိုးကတော့လုပ်လေ့ရှိပါတယ်၊ အခုလိုမျိုးခါးပိုက်နှိုက်ဖြစ်စဥ်တွေ အခုနောက်ပိုင်း အစ်ကိုတို့ဆီမှာသိပ်တော့မရှိသေးဘူး၊ သိပ်မရှိတာ ဟိုလောက တော်တော်ကြာပြီ တစ်ခါနှစ်ခါတော့ဖြစ်ဖူးတယ်၊ မေ့ကျန်ပစ္စည်းရှိတာတွေ ရှိတယ်ပေါ့၊ အဲဒါတွေကို Fb page ပေါ်တင်ပေးတယ်၊ ခါးပိုက်နှိုက်ဖြစ်စဥ်ကတော့ အစ်ကိုတို့ဆီမှာသိပ်မရှိဘူး"ဟု Omni Focus ကုမ္ပဏီလီမိတက်မှ မန်းနေးဂျင်းဒါရိုက်တာ ကိုထွန်းတောက်ဝင်းကပြောသည်။

ymg/sth
#Yangon_Media_Group

#LocalNews
Published -2 June 2022

လတ်တလောမှာ မြန်မာနိုင်ငံမှာမြေငလျင်ငယ်တွေခပ်စိပ်စိပ်ပြန်လှုပ်နေတဲ့အတွက်မြေငလျင်ကြီးတွေတစ်ကျော့ပြန်လှုပ်ခတ်မည်ကိုသတိပြုဖိုလိုတယ်လို မိုးလေဝသနှင့်ဇလဗေဒညွှန်ကြားမှုဦးစီးဌာန၊မြေငလျင်ဌာနခွဲ၊ဒုတိယညွှန်ကြားရေးမှူးဒေါက်တာယဉ်မျိုးမင်းထွေးကပြောပါတယ်၊၊

#Yangon_Media_Group

#LocalNews
Pulished_2 June2022

ကျောင်းဖွင့်ရာသီဖြစ်တဲ့ ယခု ဇွန်လ ၂ရက်နေ့တွင် ရန်ကုန်မြို့တွင်းမှာရှိတဲ့ ကျောင်းသုံးပစ္စည်းအရောင်းဆိုင်တစ်ချို့မှာ ရောင်းအားတက်နေပြီး ကျောင်းသုံးပစ္စည်းများ ထပ်မံမှာယူရာတွင် အခက်အခဲတစ်ချို့ရှိနေကြောင်း ယင်းပစ္စည်းရောင်းချသော ဆိုင်များထံမှ သိရသည်။

"အမတို့ဆိုင်ကတော့ အရင်လတွေက ရောင်းအားကတော့ ပုံမှန်လောက်တော့ ရောင်းရပါတယ်။ အခုကျောင်းဖွင့်ရာသီ ဇွန်လ ၁ရက်နေ့ကနေ ဒီနေ့ ၂ရက်နေ့အထိကတော့ အရောင်းတက်လာပါတယ်။ အရင်ထက်စာရင်တော့ရောင်းအား တက်လာပေမယ့် ပြန်ဝယ်ရတဲ့အခါမှာတော့ နည်းနည်းတော့ အခက်အခဲရှိပါတယ်။ အမတို့ဆိုင်ကတော့ ပစ္စည်းတွေကို ပြည်တွင်းကရော ပြည်ပကရော ၂မျိုးလုံးတင်သွင်းပါတယ်။ အဲ့လိုတင်သွင်းတဲ့အခါ ပြည်ပကနေတင်သွင်းတဲ့ ပစ္စည်းတွေကို အရင်ထက်စာရင် တင်သွင်းခွင့် လိုင်စင်လျှောက်ရတာတွေက ကြန့်ကြာတယ်၊ ပြီးတော့ မှာတဲ့အခါ ၁လလောက်နဲ့ ရောက်ရမယ့် ပစ္စည်းတွေက ၃လ ၄လလောက်ကြာတာမျိုးတွေကြုံရပါတယ်။ ပစ္စည်းလုံးဝပြတ်သွားတာမျိုးတော့ မကြုံရသေးပါဘူး"ဟု ရန်ကုန်မြို့တွင်း ကျောင်းသုံးပစ္စည်း အရောင်းဆိုင်တစ်ဆိုင်မှ သိရသည်။

ယခုကျောင်းဖွင့်ရာသီတွင် ပုံမှန်ထက်ပိုသော ရောင်းဝယ်မှုမျိုးနှင့် ကြုံနေရပြီး ကျောင်းဖွင့်ရာသီမရောက်သေးသည့် ကာလများတွင်လည်း ရုံးဝန်ထမ်းများ၊ သင်တန်းသားများကြောင့် ပုံမှန်ရောင်းအားရှိနေကြောင်း ရောင်းချသူများထံမှ တစ်ဆင့်သိရသည်။

photo credit : facebook

ygm/NN
#Yangon_Media_Group

#LocalNews
Pulished_2 June2022

လက်ရှိပြည်တွင်းမှာ နိုင်ငံတကာရဲ့ ငွေကြေးဈေးနှုန်းအပြောင်းအလဲများ၊ ကုန်သွယ်မှုဆိုင်ရာများနဲ့ကြုံတွေ့နေရပြီး ထိုအခြေအနေကို အခွင့်အရေးတစ်ခုအဖြစ် အသုံးချနိုင်ရေးအတွက် နို့ထွက်ပစ္စည်းများအပါအဝင် မွေးမြူရေးကိုအခြေခံသည့် ကုန်ချောထုတ်စက်မှုလုပ်ငန်းများ ကျယ်ပြန့်စွာပေါ်ထွက်လာရေးကို ဦးတည်နေလျှက်ရှိကြောင်းကို မေလ(၃၀)ရက်နေ့က မိတ္ထီလာမြို့နယ် ညောင်ပင်သာကျေးရွာရှိ ကောင်းထက်စံ နို့စားနွားမွေးမြူရေးခြံ၌ ပုဂ္ဂလိကလုပ်ငန်းရှင်များနှင့်တွေ့ဆုံစဥ် ဒုတိယဝန်ကြီး ဒေါက်တာအောင်ကြီး က ဆွေးနွေးပြောကြားခဲ့သည်။

"အရည်အသွေးမြင့်ပြီး ဈေးကွက်တွင် ယှဉ်ပြိုင်နိုင်သော ထုတ်ကုန်များကို အလေးထား ထုတ်လုပ်ကြဖို့နဲ့ ပြည်တွင်းဈေးကွက်ဝေစု ရရှိရေးသာမက ပြည်ပပို့ကုန်အနေဖြင့် ဒေသတွင်းနှင့် နိုင်ငံတကာဈေးကွက်အထိ ဝင်ရောက်ရန် လုပ်ဆောင်ဖို့လိုကြောင်း" ဒုတိယဝန်ကြီးက ပြောသည်။

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန အနေဖြင့် ပုဂ္ဂလိကမွေးမြူရေးလုပ်ငန်းများ ဖွံ့ဖြိုးလာရေးအတွက် အားပေးကူညီလျက်ရှိကာ အာဟာရပြည့်ဝပြီး ဈေးနှုန်းချိုသာသော မွေးမြူရေးထွက်ကုန်များကို ပြည်သူများ ပေါပေါများများစားသုံးနိုင်ကြရန် ဘက်စုံကဏ္ဍစုံမှ ကြိုးပမ်းလျက်ရှိပြီး တစ်ချိန်တည်းတွင် ပြည်တွင်းထုတ် နို့နှင့် နို့ထွက်ပစ္စည်းများအပါအဝင် မွေးမြူရေးကို အခြေခံသည့် ကုန်ချောထုတ်စက်မှုလုပ်ငန်းများ ကျယ်ပြန့်စွာပေါ်ထွန်းလာရေးကို ဦးတည်ဆောင်ရွက်လျက်ရှိကြောင်း သိရသည်။

ထို့ပြင် သာစည်မြို့နယ် အောင်သာကျေးရွာ မိုးကြိုချည်မျှင်ရှည်ဝါ အထူးဇုန် ဧက(၂၅၀)စံပြကွင်းတွင် "ချည်မျှင်ရှည်ဝါ တိုးချဲ့စိုက်ပျိုးနိုင်ရေးအတွက် အဓိကလိုအပ်ချက်ဖြစ်သော ဝါ မျိုးကောင်းမျိုးသန့်ပွားများ ဖြန့်ဖြူးနိုင်ရေး၊ ဝါသီးနှံ ဈေးကွက်အလားအလာနှင့် ဝန်ကြီးဌာနက နည်းပညာနဲ့ လိုအပ်ချက်များကို ကူညီဆောင်ရွက်ပေးသွားမည်ဖြစ်ကြောင်း" တာဝန်ရှိသူက ပြောသည်။

အလားတူ ပျော်ဘွယ်မြို့နယ် ဝါသီးနှံမျိုးသန့်ခြံတွင် ချည်မျှင်ရှည်ဝါ စိုက်ပျိုးချိန် အလိုက် ဝါအထွက်နှုန်းအပေါ် အကျိုးသက်ရောက်မှုများ၊ အရည်အသွေးကောင်း ဝါမျိုးသန့်များ ထုတ်လုပ်ဖြန့်ဖြူးပေးနေမှုနှင့် တောင်သူပညာပေးလုပ်ငန်း ဆောင်ရွက်နေပြီး တောင်သူများအနေဖြင့် စီးပွားရေးတွက်ခြေကိုက်သည့် အထွက်နှုန်းနှင့် ဝင်ငွေရရှိစေမည့် ဝါမျိုးကောင်းမျိုးသန့်များ တိုးမြှင့်ထုတ်လုပ်ရန် လိုအပ်ချက်များ၊ ရေမြေရာသီဥတုနှင့် သီးနှံ၏မျိုးဗီဇအရ လိုအပ်သည့် စိုက်ပျိုးရေး သွင်းအားစုများကို အလေအလွင့်မရှိဘဲ အကျိုးရှိရှိထိရောက်စွာ အသုံးချနိုင်ရေးများကို တာဝန်ရှိသူများထံ ဆွေးနွေးမှာကြားခဲ့ကြောင်း နစက သတင်းထုတ်ပြန်ချက်များအရ သိရသည်။

ygm/NN
#Yangon_Media_Group

#LocalNews
Published - 2 June 2022

ယနေ့ ဇွန်လ ၂ ရက်တွင် မြန်မာနိုင်ငံတစ်ဝန်းလုံးရှိ အခြေခံပညာသင်ကျောင်းများ ပြန်လည်ဖွင့်လှစ်ခဲ့ကြောင်း ပညာရေးဝန်ကြီးဌာနလက်အောက်ရှိ အခြေခံပညာဦးစီးဌာနမှ သိရသည်။

ပြီးခဲ့သည့် မေလ ၂၆ ရက်မှစတင်၍ ကျောင်းအပ်နှံမှု လက်ခံခဲ့ပြီး တစ်နိုင်ငံလုံးအတိုင်းအတာအရ ကျောင်းအပ်သူအရေအတွက် ငါးသန်းကျော်အထိ ရှိခဲ့ကြောင်း နိုင်ငံတော်စီမံအုပ်ချုပ်ရေးကောင်စီမှထုတ်ပြန်သည့် စာရင်းများအရ သိရသည်။

ဇွန်လ ၂ ရက် ရခိုင်ပြည်နယ်တွင် အခြေခံပညာကျောင်းပေါင်း ၃,၀၀၀ ကျော်ဖွင့်လှစ်နိုင်ခဲ့သော်လည်း ပဋိပက္ခများနှင့် တိုက်ပွဲများကြောင့် မောင်တော၊ ဘူးသီးတောင်၊ ရသေ့တောင်နှင့် ကျောက်တော်မြို့နယ်တို့တွင် ပိတ်ထားရသည့် စာသင်ကျောင်း ၁၂၂ ကျောင်းကို ပြန်ဖွင့်နိုင်ခြင်းမရှိသေးကြောင်း သိရသည်။

ymg/sth
#Yangon_Media_Group