#LocalNews
Published _13 June 2022
စက်သုံးဆီဈေးများ ဆက်လက် မြင့်တက်နေသောကြောင့် ရပ်နားရန်စီစဉ်ခဲ့သည့် ရန်ကုန်-ပဲခူး ယာဉ်လိုင်းအနေဖြင့် ခရီးသည်များ၏ တောင်းဆိုမှုများကြောင့် ဇွန်လ ၁၁ ရက်မှစပြီး ပြေးဆွဲပေးနေလျှက်ရှိကြောင်း Yangon - Bago Smart City Bus Line By Daewoo Bus ရဲ့ တာဝန်ရှိသူက YMG သို့ ပြောသည်။
"ခရီးသည်တွေက တောင်းဆိုကြပါတယ်။ ဒီယာဥ်လိုင်းက သူတို့အတွက် အတော်အဆင်ပြေလို့ မရပ်နားဖို့ တောင်းဆိုလာကြတော့ ကျွန်တော်တို့လည်း ညှိနှိုင်းပြီး နှစ်ဦးနှစ်ဖက် အဆင်ပြေမယ့်နည်းလမ်းတွေတင်ပြပြီး လက်ရှိပြေးဆွဲနေပါတယ်။ အဓိကကတော့ ကားခတိုးကောက်ပြီး ဆက်ဆွဲပေးနေပါတယ်။ ရန်ကုန်ကနေ ပဲခူးအရောက် ၃၀၀၀ ကျပ် သတ်မှတ်ထားတယ်။ ပဲခူး ကနေ ရန်ကုန်ပြန်ရင်တော့ လမ်းခရီးပေါ်မူတည်ပြီး ၂၀၀၀ သို့မဟုတ် ၁၀၀၀ ကောက်ပါတယ်" ဟု Daewoo bus ရဲ့ တာဝန်ရှိသူက ပြောသည်။
ရန်ကုန်-ပဲခူး ယာဉ်လိုင်း စတင်ပြေးဆွဲပြီး ငါးလအကြာမှာ စက်သုံးဆီစျေးနှုန်းများ မြင့်တက်နေသဖြင့် အဆိုပါ ယာဉ်လိုင်း ပြေးဆွဲမှုကို ဇွန်လ ၁၀ ရက်မှစ၍ ခေတ္တရပ်နားမည်ဟု စီစဉ်ထားပြီး ယခုအခါ ခရီးသည်များရဲ့ တောင်းဆိုမှုများကြောင့် ယာဉ်လိုင်းအား ဇွန်လ ၁၁ ရက်မှစ၍ လုံး၀မရပ်နားဘဲ ပြန်လည်ပြေးဆွဲသွားမည်ကြောင်း သိရသည်၊၊
ရန်ကုန်-ပဲခူးယာဉ်လိုင်းတွင် ခရီးစဉ် ငါး ကြောင်းဖြင့် ခရီးသည် တစ်ဦးလျှင် ခရီးစဉ် စ/ဆုံး အတွက် ယာဉ်စီးခ ၃၀၀၀ ကျပ် သတ်မှတ်ထားကြောင်းလည်း အဆိုပါ ယာဥ်လိုင်းမှ သိရသည်။
ymg/NN
#Yangon_Media_Group
#Local_News
Published_ 12 June 2022
ရခိုင်ပြည်လွတ်မြောက်ရေးပါတီ (ALP)မှ ဒုတိယဥက္ကဋ္ဌ ဒေါ်စောမြရာဇာလင်း ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့သည် ဇွန် ၁၂ ရက် ဒီကနေ့နံနက်ပိုင်းတွင် ရခိုင်ပြည်နယ်၊ စစ်တွေမြို့မှ နေပြည်တော်သို့ ရောက်ရှိလာခဲ့ပါတယ်။
တစ်နိုင်ငံလုံး ထာဝရငြိမ်းချမ်းရေးရရှိရန်နှင့် လက်နက်ကိုင်ပဋိပက္ခချုပ်ငြိမ်းရေးတို့ အတွက်ရည်ရွယ်၍ ဧပြီ ၂၂ ရက်တွင် နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က တိုင်းရင်းသားလက်နက်ကိုင်အဖွဲ့အစည်းများနဲ့ တွေ့ဆုံဆွေးနွေးဖို့ ဖိတ်ခေါ်ခဲ့တာဖြစ်ပါတယ်။
မေ ၂၀ ရက်မှ စတင်ကာ နစကဥက္ကဌအနေဖြင့် တိုင်းရင်းသားလက်နက်ကိုင် အဖွဲ့အစည်းများနဲ့ တွေ့ဆုံဆွေးနွေးမှုတွေ ဆက်တိုက်ပြုလုပ်လာခဲ့တာလည်း ဖြစ်ပါတယ်။
ymg-mnn
#Yangon_Media_Group
TV Yangon Times Matters အစီအစဉ်
Published - 12 June 2022
အစီစဉ်တင်ဆင်သူ ဆရာဟိန်းလတ်က တယောပညာရှင်မေယံနီနှင့်အတူ
ငယ်ငယ်ကပုခက်ထဲမှာသိပ်ရင် သီချင်းဆိုသိပ်မှအိပ်တက်ကာ စဉ့်အိုးထဲခေါင်းဝင်သီချင်းတွေအော်ဟစ်ဆိုပြီး အနုပညာကိုရူးသွပ်ခဲ့ရပုံ
အခြေခံသင်ပေးလိုက်ရင် International note ရော Myanmar Note ရောရသွားကြပြီး ဆရာဘယ်သူလဲမေးရင် မေယံနီလိုပြောတဲ့အခါ ပီတိဖြစ်ရပုံ
ငွေရေးကြေးရေးနဲ့တိုင်းပြီးလုပ်ရင် အနုပညာမဟုတ်တော့ဘူး တူရိယာတွေတီးခတ်ရင်းကိုယ့်ခြေထောက်ပေါ်ကိုယ်ရပ်တည်နေနိုင်တာကိုပဲ ကျေနပ်နေပါပြီဆိုတဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
TV Yangon Times Matters အစီအစဉ်
Published - 12 June 2022
အစီစဉ်တင်ဆင်သူ ဆရာဟိန်းလတ်က တယောပညာရှင်မေယံနီနှင့်အတူ
ငယ်ငယ်ကပုခက်ထဲမှာသိပ်ရင် သီချင်းဆိုသိပ်မှအိပ်တက်ကာ စဉ့်အိုးထဲခေါင်းဝင်သီချင်းတွေအော်ဟစ်ဆိုပြီး အနုပညာကိုရူးသွပ်ခဲ့ရပုံ
အခြေခံသင်ပေးလိုက်ရင် International note ရော Myanmar Note ရောရသွားကြပြီး ဆရာဘယ်သူလဲမေးရင် မေယံနီလိုပြောတဲ့အခါ ပီတိဖြစ်ရပုံ
ငွေရေးကြေးရေးနဲ့တိုင်းပြီးလုပ်ရင် အနုပညာမဟုတ်တော့ဘူး တူရိယာတွေတီးခတ်ရင်းကိုယ့်ခြေထောက်ပေါ်ကိုယ်ရပ်တည်နေနိုင်တာကိုပဲ ကျေနပ်နေပါပြီဆိုတဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
TV Yangon Times Matters အစီအစဉ်
Published - 12 June 2022
အစီစဉ်တင်ဆင်သူ ဆရာဟိန်းလတ်က တယောပညာရှင်မေယံနီနှင့်အတူ
ငယ်ငယ်ကပုခက်ထဲမှာသိပ်ရင် သီချင်းဆိုသိပ်မှအိပ်တက်ကာ စဉ့်အိုးထဲခေါင်းဝင်သီချင်းတွေအော်ဟစ်ဆိုပြီး အနုပညာကိုရူးသွပ်ခဲ့ရပုံ
အခြေခံသင်ပေးလိုက်ရင် International note ရော Myanmar Note ရောရသွားကြပြီး ဆရာဘယ်သူလဲမေးရင် မေယံနီလိုပြောတဲ့အခါ ပီတိဖြစ်ရပုံ
ငွေရေးကြေးရေးနဲ့တိုင်းပြီးလုပ်ရင် အနုပညာမဟုတ်တော့ဘူး တူရိယာတွေတီးခတ်ရင်းကိုယ့်ခြေထောက်ပေါ်ကိုယ်ရပ်တည်နေနိုင်တာကိုပဲ ကျေနပ်နေပါပြီဆိုတဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
#LocalNews
Published_12 June 2022
၁၁ ကြိမ်မြောက် အာဆီယံမသန်စွမ်းအားကစားပြိုင်ပွဲအတွင်း မြန်မာနိုင်ငံမှ အားကစားနည်း ၇ မျိုး ဝင်ရောက်ယှဉ်ပြိုင်မည်ဖြစ်ကြောင်း မြန်မာနိုင်ငံ မသန်စွမ်းသူများအားကစားအဖွဲ့ချုပ်က သိရသည်။
အဆိုပါအားကစားပြိုင်ပွဲကို အင်ဒိုနီးရှားနိုင်ငံက အိမ်ရှင်အဖြစ်လက်ခံကျင်းပမည်ဖြစ်ပြီး ဇူလိုင်လ ၃၀ ရက်မှ သြဂုတ်လ ၆ ရက်ထိ ကျင်းပမည်ဖြစ်ကြောင်း၊မြန်မာနိုင်ငံအနေဖြင့် မြားပစ်၊ ပြေးခုန်ပစ်၊ Goalball ၊ ရေကူး၊ ဘောလုံး၊ ထိုင်လျက်ဘော်လီဘောနှင့် အလေးမ စသည့် အားကစားနည်း ၇ မျိုး ပါဝင်ယှဉ်ပြိုင်မည်ဖြစ်ပြီး ရွှေတံဆိပ် ၁၀ ခုကျော် ရရှိရန်မျှော်မှန်းထားကြောင်းလည်း မြန်မာနိုင်ငံ မသန်စွမ်းသူများ အားကစားအဖွဲ့ချုပ်၏ ဒုဥက္ကဌ ဦးမျိုးမြင့်က ပြောသည်။
"အခုက သူတို့ စနစ်တကျလေ့ကျင့်တာတွေလုပ်တယ်။ကျန်းမာရေးကို အဓိကစစ်ဆေးတယ်။လက်အတု ၊ ပြေးသမားတွေအတွက် ခြေအတု စတာတွေကိုလည်း စနစ်တကျ စစ်ဆေးရတာတွေ လုပ်နေတာပေါ့၊ပြိုင်ပွဲဝင်တွေကတော့ ဇူလိုင်လ ၂၆ ရက် နေ့လောက်ဆိုရင် သွားကြမယ်ပေါ့။အင်ဒိုနီးရှားကိုလေ။သန်စွမ်းကစားသမား ၆၉ ယောက်ရယ် နည်းပြ က ၂၁ ယောက်၊ပြီးတော့ အုပ်ချုပ်မှုအဖွဲ့တွေလိုက်ပါကြမယ်’’ဟု ယင်းကပြောသည်။
၉ ကြိမ်မြောက် အာဆီယံမသန်စွမ်းအားကစားပြိုင်ပွဲတွင် မြန်မာ့လက်ရွေးစင် မသန်စွမ်းအားကစားသမားများအနေဖြင့် ရွှေတံဆိပ်ဆု ၁၁ ဆုရခဲ့ခြင်းဖြစ်သောကြောင့် လက်ရှိတွင် အပတ်စဉ်၊ လစဉ် ကျန်းမာရေးစစ်ဆေးမှုများ၊၊ ခြေတု၊လက်တု စစ်ဆေးမှုများ စသည်တို့ကို လုပ်ဆောင်ပေးနေကြောင်း သိရသည်။
ymg/mt
#Yangon_Media_Group
#LocalNews
Published_12 June 2022
လျှပ်စစ်ဓာတ်အားခကြွေးကျန်များကို ရာနှုန်းပြည့်ရရှိရန် လုပ်ဆောင်သွားမည့်ဖြစ်ကြောင်း လျှပ်စစ်စွမ်းအားဝန်ကြီးဌာနက သိရသည်။
ကျန်ရှိနေသည့် ဓာတ်အားခကြွေးကျန်များကို ကောက်ခံရန် ခရိုင်၊ မြို့နယ် လျှပ်စစ်မန်နေဂျာများ၊ လျှပ်စစ်အင်ဂျင်နီယာများ၊ ဘဏ္ဍာရေးတာဝန်ခံများက အောက်ခြေအထိကွင်းဆင်းပြီး ကြီးကြပ်ဆောင်ရွက်သွားကြမည်ဖြစ်ကြောင်း၊မီတာဖတ်ခြင်း၊ မီတာဘေလ် ဝေခြင်းနှင့် ဓာတ်အားခကောက်ခံခြင်း ကိစ္စရပ်များကိုလည်း လုံခြုံရေးပြည့်ပြည့်ဝဝဖြင့် ဆောင်ရွက်သွားကြရန် အဆိုပါဝန်ကြီးဌာနက လုပ်ဆောင်နေခြင်းဖြစ်ကြောင်း သိရသည်။
ပြည်သူကို ဝန်ဆောင်မှုပေးနေသော ဌာနဖြစ်၍ ပြည်သူလူထု၏ လျှပ်စစ်ဓာတ်အား လိုအပ်ချက်များအပေါ် အတတ်နိုင်ဆုံး ဖြည့်ဆည်းနိုင်အောင်ဆောင်ရွက်ကာ အကောင်းဆုံးဝန်ဆောင်မှုပေးနိုင်ရေး လုပ်ဆောင်နေကြောင်းလည်း သိရသည်။
လျှပ်စစ်စွမ်းအားဝန်ကြီးဌာန၏ စာရင်းများအရ ရန်ကုန်တိုင်းဒေသကြီး၏ လျှပ်စစ်ဓာတ် အားသုံးစွဲမှုမှာ နှစ်စဉ် ၁၅ ရာခိုင်နှုန်းခန့် တိုးတက်သုံးစွဲလျက်ရှိကြောင်း သိရသည်။
ymg/mt
#Yangon_Media_Group
Page 1522 of 1767
