#Local_News
Published_ 21 June 2022

တောင်ကိုရီးယားနိုင်ငံအနေဖြင့် မြန်မာအလုပ်သမားများကို ပြန်လည်လက်ခံခေါ်ယူလျှက်ရှိရာ ဒီကနေ့ ဇွန် ၂၁ ရက်တွင် MoU လုပ်သားသစ် ၁၃၀ ဦး အင်ချွန်း လေဆိပ်သို့ ထပ်မံရောက်ရှိခဲ့ကြောင်း ဆိုးလ်မြို့ရှိ မြန်မာသံရုံးရဲ့ ထုတ်ပြန်ချက်အရ သိရပါတယ်။

ရောက်ရှိလာတဲ့ မြန်မာလုပ်သားများကို မြန်မာသံရုံးမှ တာဝန်ရှိသူများက ကြိုဆိုခဲ့ကြပြီး လိုအပ်တာများ လမ်းညွှန်မှာကြား ကူညီခဲ့တယ်လို့ ဆိုပါတယ်။

၂၀၂၂ ခုနှစ် နှစ်ဆန်းပိုင်းမှစ၍ တောင်ကိုရီးယားက မြန်မာလုပ်သားများကို ပြန်လည်ခေါ်ယူခဲ့ရာ ယခုအချိန်အထိ လုပ်သားဦးရေ ၂၀၀၀ ကျော် စေလွှတ်ပြီးဖြစ်ကြောင်း သိရပါတယ်။ တောင်ကိုရီးယားနိုင်ငံ၌ မြန်မာလုပ်သား ၄ သောင်း ကျော် အလုပ်လုပ်ကိုင်လျှက်ရှိကြောင်း မှတ်တမ်းများအရ သိရပါတယ်။

ymg-mnn
#Yangon_Media_Group

#Local_News
Published_ 21 June 2022

တရုတ်-မြန်မာနယ်စပ် မုန်တိန်-ချင်းရွှေဟော်နယ်စပ်၌ မေလအတွင်း ပို့ကုန် သွင်းကုန် ကုန်စည်ပို့ဆောင်မှုပမာဏ တန်ချိန် ၈၆၈၀၀ ရှိပြီး ယခင်နှစ် ကာလတူထက် ၈၀.၆% တိုးလာကြောင်း ရန်ကုန်ရှိ တရုတ်သံရုံးရဲ့ ထုတ်ပြန်ချက်အရ သိရပါတယ်။

ကုန်စည်ပို့ဆောင်မှု စုစုပေါင်းတန်ဖိုးမှာ ယွမ် ၃၃၄ သန်းရှိပြီး ယခင်နှစ် ကာလတူထက် ၁၃၃.၆% တိုးလာကြောင်း မုန်တိန်အကောက်ခွန်ဌာန၏ စာရင်းပြုစုမှုအရ သိရပါတယ်။

နှစ်စဉ် ဒီဇင်ဘာလမှ နောက်တစ်နှစ် မေလအထိ မြန်မာနိုင်ငံမြောက်ပိုင်းဒေသတွင် ကြံစိုက်ပျိုးမှုနှင့် ရိတ်သိမ်းရာသီဖြစ်ပြီး နယ်စပ်ကုန်သွယ်မှု မြှင့်တင်ရေး၊ မြန်မာနိုင်ငံ မြောက်ပိုင်းတွင် စိုက်ပျိုးရေးလုပ်ငန်း ဖွံ့ဖြိုးတိုးတက်စေရေးနှင့် တောင်သူများ ဝင်ငွေတိုးပွားစေရေးတို့အတွက် ဆောင်ရွက်ပေးနိုင်ခဲ့တယ်လို့ ဖော်ပြထားပါတယ်။

ယခုနှစ်တွင် အဆိုပါ နယ်စပ်စစ်ဆေးရေးဂိတ်၌ မြန်မာနိုင်ငံမှ တင်သွင်းသော ကြံတန်ချိန် ၁၁၃၀၀၀ ကို ဂိတ်ဖြတ်သန်းမှု အဆင်ပြေချောမွေ့စေရေးဝန်ဆောင်မှုများ ဆောင်ရွက်ပေးအပ်ခဲ့တယ်လို တရုတ်သံရုံးရဲ့ ထုတ်ပြန်ချက်မှာ ဖော်ပြထားပါတယ်။

ymg-mnn
#Yangon_Media_Group

#Local_News
Published_ 21 June 2022

ဒီမိုကရေစီအကျိုးပြု ကရင်တပ်မတော် (DKBA) ကိုယ်စားလှယ်အဖွဲ့နှင့် ငြိမ်းချမ်းရေးဆွေးနွေးပွဲကို ဇွန် ၂၀ ရက် နံနက်ပိုင်းတွင် နေပြည်တော်ရှိ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုဌာန၌ ကျင်းပခဲ့ပါတယ်။

တွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ငြိမ်းချမ်းရေး ဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် အဖွဲ့ဝင်များ၊ ဒီမိုကရေစီအကျိုးပြု ကရင်တပ်မတော် (DKBA) စစ်ဦးစီးချုပ်အဆင့်ရှိ စောစတီးနှင့် အဖွဲ့ဝင်များ တက်ရောက်ခဲ့ကြပါတယ်။

တွေ့ဆုံဆွေးနွေးပွဲတွင် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် ဒီမိုကရေစီအကျိုးပြု ကရင်တပ်မတော် (DKBA) စစ်ဦးစီးချုပ်အဆင့်ရှိ စောစတီး တို့က နှုတ်ခွန်းဆက်အမှာစကား ပြောကြားကြပြီး တက်ရောက်လာကြသူများက ငြိမ်းချမ်းရေးနှင့် ဖွံ့ဖြိုးရေးဆိုင်ရာကိစ္စရပ်များကို အပြန်အလှန်ဆွေးနွေးခဲ့ကြပါတယ်။

ဒုတိယနေ့ ဆွေးနွေးပွဲကို ဇွန် ၂၁ ရက်တွင် ဆက်လက်ကျင်းပသွားမှာ ဖြစ်ကြောင်း သိရပါတယ်။

ymg-mnn
#Yangon_Media_Group

#LocalNews
Published - 20 June 2022

လိပ်ကျွန်းလူသတ်မှုနဲ့ ဘန်ကောက်မြို့ ဘန်ခွမ်အကျဉ်းထောင်မှာ အကျဉ်းကျခံနေရတဲ့ ဝင်းဇော်ထွန်းနဲ့ ဇော်လင်းတို့ကို ထောင်ဝင်စာတွေ့ဆုံနိုင်ဖို့အတွက် ပြင်ဆင်ဆောင်ရွက်နေတယ်လို့ ထိုင်းနိုင်ငံတောင်ပိုင်း အခြေစိုက်ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း(FED)ရဲ့ ဒါရိုက်တာ ဦးထူးချစ်က ပြောပါတယ်။

#Yangon_Media_Group

#LocalNews
Published _ 20 June 2022

ရန်ကုန် ကြက်သွန်နီစျေးက လက်ရှိမှာတော့ ကျပ် ၂၀၀၀ အောက်ကျဆင်းနေပြီး နယ်စျေးကတော့ ကျပ် ၁၅၀၀နဲ့ စျေးငြိမ်နေတယ်လို့ ဘုရင့်နောင်ကုန်စည်ဒိုင်ကနေ သိရပါတယ်။

#Yangon_Media_Group

#LocalNews
Published - 20 june 2022

မန္တလေးတိုင်းဒေသကြီးအစိုးရအဖွဲ့ထံမှ လျာထားရရှိမယ့် ကျပ်သိန်း(၅၀၀)ကို အသုံးပြုပြီး ပုဂံဘုရားများထိန်းသိမ်းရေးလုပ်ငန်းတွေကို ဆောင်ရွက်သွားဖို့ရှိတယ်လို့ Bagan Heritage Trust အဖွဲ့ ဒုဥက္ကဌ ဦးမျိုးညွန့်အောင်က ပြောပါတယ်၊၊

#Yangon_Media_Group