#Local_News
Published 23 November 2024
▪️ ရန်ကုန်မြို့၊ သာကေတမြို့နယ်၌ မီးလောင်မှုတစ်ခု ယနေ့ မနက်ပိုင်း၌ဖြစ်ပွားခဲ့ရာကနဦး အနေဖြင့် ေ-သဆုံးသူနှစ်ဦးအထိရှိကြောင်း ပရဟိတအသင်းများနှင့် မြန်မာနိုင်ငံမီးသတ်တပ်ဖွဲ့မှ သိရသည်။
▪️ နိုဝင်ဘာ ၂၃ ရက်နေ့၊ မနက် ၁၀နာရီ ၁၉မိနစ် အချိန်ခန့်က ၊ ရန်ကုန်တိုင်းဒေသကြီး၊ သာကေတမြို့နယ်၊ ၃ မာန်ပြေရပ်ကွက်၊ ယမုံနာလမ်းတွင် မီးလောင်မှုဖြစ်ပွားခဲ့ကြောင်း သိရသည်။
▪️ "ပိတောက်ရိပ် စားသောက်ဆိုင်က ဂက်စ်အိုးထပေါက်ပြီး မီးလောင်တာဘေးမှာ အောင်ဂက်စ်အိုးဆိုင်ရှိတယ်၊ အန္တရာယ်အရမ်းများတယ်၊ ဂက်အိုးတစ်လုံးပြီး တစ်လုံးပေါက်နေတယ်၊ gas ဆိုင်လောင်တာအရမ်းများနေတယ် မီးခိုးတွေအလုံးလိုက်ပဲ " ဟု ဒေသခံတစ်ဦးက ပြောသည်။
▪️ အဆိုပါ သတင်းရရှိသဖြင့် သာကေတမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီးတို့ဖြင့် ထွက်ခွာငြှိမ်းသတ်ခဲ့ပြီး ၁၀ နာရီ၂၅ မိနစ်အချိန် တွင် Level 1 ယာဉ်အုပ်စုများ ထွက်ခွာခဲ့ပြီး ၁၀ နာရီ ၃၄ မိနစ်အချိန် ၌ မီးထိန်းနိုင်ခဲ့ကြောင်းသိရသည်။
▪️ ထို့အပြင်မီးလောင်မှုသတင်းကြောင့် ကူညီကယ်ဆယ်ရေးများလုပ်ကိုင် ရန်စတင်ထွက်ခွာလျှက်ရှိပြီး ကနဦးအနေဖြင့် လူနှစ်ဦး ေ-သဆုံး ကြောင်း သတင်းရရှိထားသည် ဟု medical လူငယ်များ လူမှုကူညီရေးအသင်းမှ သိရသည်။
#YMG/NN #Yangon_Times
