#Local_News
Published 26 February 2025
▪️ တာဝါတိုင်ပစ္စည်းများခိုးယူဖြုတ်ခြင်းများကြောင့် လေပြင်းဒဏ်ကို ခံနိုင်စွမ်းမရှိကြဘဲ ၂၃၀ကေဗွီလှိုင်သာယာ-ကျိုက်လတ်လိုင်း Transmission Tower (၃) တိုင် ကျိုးကျခဲ့ရကြောင်း သိရသည်။
▪️ ဖေဖော်ဝါရီ ၂၄ နေ့လည် ၁နာရီ ၁၅ မိနစ်အချိန်တွင် အချိန်အခါမဟုတ် မိုးသက်လေပြင်း ကျရောက်ခဲ့ရာ လှိုင်သာယာပင်မဓာတ်အားခွဲရုံမှ ပို့လွှတ်ထားသော ၂၃၀ကေဗွီ လှိုင်သာယာ -ကျိုက်လတ်လိုင်းမှာ လိုင်းအပြစ်(Trip) ဖြစ်ခဲ့ရ ကြောင်းသိရသည်။ထို့ကြောင့်သက်ဆိုင်ရာ အဆင့်ဆင့်ကို သတင်းပေးပို့တင်ပြခဲ့ပြီး မိုးလေငြိမ်စ ဖြစ်သည့် (၁နာရီ ၅၃ မိနစ်) ၌ ဓာတ်အားစမ်းသပ်ပို့လွှတ်ခဲ့သော်လည်း လိုင်းလက်မခံဘဲ Permanent Fault အဖြစ် သတ်မှတ်ခဲ့ရကြောင်း သိရသည်။
▪️ ထို့နောက် သက်ဆိုင်ရာ လိုင်းတာဝန်ခံများက လိုင်းအပြစ်ရှာဖွေရာ Transmission Tower အမှတ် ၄၄၊၄၅၊၄၆ (၃) တိုင်မှာတွင်တွင်ကျိုးကျနေပြီး ၄၃၊၄၇ မှာ ကွေးညွတ်နေကြောင်း သိရသည်။
▪️ အဆိုပါ Transmission Tower တိုင်များ ကျိုးကြေသည်အထိ ဖြစ်ရသည့် အဓိက အကြောင်း အရင်းမှာ High Wind Pressure ၊Structure Weaknesses ၊Falling Trees and Debris၊ Lightning Strikes ၊Foundation Issues ၊Infrastructure Attacks စသည့်အချက် ခြောက်ချ
က်ကြောင့် ဖြစ်နိုင်သော်လည်း နောက်ဆုံးအချက်ဖြစ်သည့် Infrastructure Attacks ကြောင့် ဖြစ်ကြောင်း၊ ယင်းအချက်မှာတာဝါတွင် တပ်ဆင်ထားသော အထူးသဖြင့် အောက်ခြေနားတစ်ဝိုက်ရှိ သံဘောင်များ၊ Joint ဆက်များ၊ Plate ပြားများကို ခိုးယူဖြုတ်ရောင်းခြင်းများ အများအပြားရှိကြ၍ လေပြင်းဒဏ်ကို ခံနိုင်စွမ်းမရှိကြဘဲ ပြိုလဲရခြင်းများ ရှိကြ ကြောင်းသိရသည်။
▪️ ထို့ကြောင့် ယခု ၂၃၀ကေဗွီ လှိုင်သာယာ -ကျိုက်လတ် လိုင်းရှိ တာဝါတိုင်များ ပြိုလဲကျိုးကျရခြင်း နှင့် ကွေးညွတ်ရခြင်း၏ အဓိက လက်သည်တရားခံမှာ တာဝါများရှိ ပစ္စည်းများကို မင်းမဲ့စရိုက်ဆန်စွာ ခိုးယူဖြုတ်ကာ ရောင်းချခြင်းကြောင့်ဖြစ်ကြောင်း တွေ့ရှိရကြောင်း ဆိုထားသည်။
▪️ အဆိုပါ အခြေအနေများကြောင့် လတ်တလောတွင် ကျိုက်လတ်ပင်မဓာတ်အားခွဲရုံကြီးမှ ဓာတ်အားဖြန့်ဖြူးပေးထားသော မအူပင်ခရိုင်နှင့် ဖျာပုံခရိုင်အတွင်းရှိ မြို့နယ်အားလုံးမှာ မှောင်အတိကျနေရာ လျှပ်စစ်စွမ်းအားဝန်ကြီးဌာနအနေဖြင့် ပျက်စီးတာဝါများကို အချိန်နှင့်တပြေးညီ ပြုပြင်ခြင်း၊ အသစ်အစားထိုးလဲလှယ်ခြင်းများ ကို စီမံကိန်းမန်နေဂျာ(၁)ရုံး (ရန်ကုန်) ၊ ရေကြည်လိုင်းရုံး၊ ကမာနတ်လိုင်းရုံး၊ ပြည်လိုင်းရုံး များမှ ဝန်ထမ်းလူအင်အား (၁၃၀)ကျော်ဖြင့် ဆောင်ရွက်လျှက်ရှိရာ မကြာမီရက်ပိုင်းအတွင်း ဓာတ်အားပို့လွှတ်ဖြန့်ဖြူးပေးနိုင်မည်ဖြစ်ကြောင်း သိရသည်။
#YMG/NN #Yangon_Times
