#Local_News
Published 16 December 2024
▪️ မြန်မာနိုင်ငံ၌ လာမည့်(၃၆)နာရီအတွင်း အင်အားအသင့်အတင့်ရှိ မြေငလျင်တစ်ခု ထပ်မံလှုပ်ခတ်နိုင်ကြောင်း မြန်မာနိုင်ငံ မြေငလျင် သတင်းများစင်တာမှ အသိပေးထားသည်။
▪️ ပြည်တွင်း၌ ယခုလအတွင်း မြေငလျင်ငယ်များခပ်စိတ်စိတ်လှုပ်ခတ်လျှက်ရှိရာ ဒီဇင်ဘာ(၁၁)ရက်မှ ဒီဇင်ဘာ (၁၅)ရက်အထိ(၅)ရက်တာ ကာလအတွင်း စစ်ကိုင်းတိုင်း မော်လိုက်မြို့အနီးတွင် ၄ ဒသမ၇ အဆင့်ရှိ ငလျင်တစ်ခု အပါအဝင် မိုင်းဆတ်မြို့အနီး ၃ ဒသမ ၃ အဆင့် မြေငလျင်၊ ဟားခါးမြို့အနီး ၃ ဒသမ၈ အဆင့်မြေငလျင်၊ လင်းခေးမြို့တွင် ၂ ဒသမ၈ အဆင့်မြေငလျင်၊ ရန်ကုန်တိုင်း ဖောင်ကြီးမြို့အနီး ၂ဒသမ ၇ အဆင့်ရှိမြေငလျင်၊ ဖားကန့်မြို့အနီး ၃ ဒသမ ၆ အဆင့်ရှိ မြေငလျင် စသည်ဖြင့်မြေငလျှင်လှုပ်ခတ်မှု (၇) ကြိမ်ရှိခဲ့ပြီဖြစ်ကြောင်း သိရသည်။
▪️ ထို့အပြင် အိမ်နီးချင်းနိုင်ငံဖြစ်သည့် ထိုင်းနိုင်ငံ ၊ ချင်းမိုင်မြို့အနီး၌ ဒီဇင်ဘာ(၁၅)ရက်က ၂ ဒသမ ၈ အဆင့်ရှိ မြေငလျင်ငယ်တစ်ခုလှုပ်ခတ်ခဲ့ ကြောင်း၊ ပြည်တွင်း၌လည်း ၃၆နာရီအတွင်း မြေငလျင်ငယ်လှုပ်ခတ်နိုင်သည့်အတွက် သတိပြုကြရန် မြေငလျင်စင်တာယမန်နေ့ညက သတိပေးထားကြောင်း သိရသည်။
#YMG/NN #Yangon_Times
