#Local_News
Published_28 March 2025
▪️ ရန်ကုန်တိုင်းဒေသကြီး၊ စမ်းချောင်းမြို့နယ်၊ ရန်ကုန်-ပြည်လမ်း၊ မြေနီကုန်းခုံးကျော်တံတားအနီးတွင် မတ်လ ၂၇ ရက် ယမန်နေ့ ည ၁၁ နာရီခွဲခန့်အချိန်က ယာဉ်တိမ်းမှောက်၍ တစ်ဦးသေဆုံးကာ ၃ ဦး ဒဏ်ရာရခဲ့ကြောင်း သိရသည်။
▪️ သေဆုံးသူမှာ ယာဉ်မောင်း လူငယ်တစ်ဦးဖြစ်ပြီး ယာဉ်ပေါ်တွင် အရွယ်မရောက်သေးသည့် ကလေးများလည်း ပါဝင်ကြောင်း၊ ဟံသာဝတီအဝိုင်းဘက်က မြေနီကုန်းဘက်သို့ မောင်းနှင်လာစဉ် မဟာမြိုင်မှတ်တိုင်အကျော် ရောက်ရှိချိန်တွင် အရှိန်လွန်ကာတိမ်းမှောက်ခဲ့ခြင်းဖြစ်ကြောင်း သိရသည်။
▪️ “မဟာမြိုင်မှတ်တိုင်အလွန် မှာ ဓာတ်တိုင်ကို တိုက်တာ။ ကားက အရှိန် ဘယ်လောက် ပြင်းလဲဆိုရင် ဓာတ်တိုက်တိုက်ပြီး မြောက်တက်သွားပြီးတော့ ခရစ်ယာန်ဘုရားကျောင်းနားထိ ရောက်သွားတာ။ ကားပေါ်မှာ ပါတဲ့ ကလေးနှစ်ယောက်ကတော့ နည်းနည်းပါးပါးပဲ ထိတယ်။ အမျိုးသမီးတစ်ယောက်ကတော့ ဒဏ်ရာပြင်းတယ်” ဟု မျက်မြင်တွေ့ရှိသူက YMG ကို ပြောသည်။
▪️ ယင်းယာဉ်တိမ်းမှောက်မှုဖြစ်ပွားသည့် သတင်းအရ စမ်းချောင်းအရန်မီးသတ်က အရေးပေါ်လူနာတင်ယာဉ် ၂ စီးထွက်ခွာခဲ့ပြီး ဖြစ်စဉ်မှာ ယာဉ်ပေါ်ပါ သေဆုံးသူယာဉ်မောင်း အမျိုးသားကို စမ်းချောင်းအရန်မီးသတ်လူနာ တင်ယာဉ်ဖြင့်လည်းကောင်း၊ အနီရောင်အဆင့် အမျိုးသမီးလူနာနှင့် ဦးခေါင်းထိခိုက် ကလေးငယ်၂ ဦး(ပွန်းပဲ့ ဒဏ်ရာ အနည်းငယ်ရရှိ)ကို အကြင်နာကုသိုလ်ပြုရုံးခွဲ(စမ်းချောင်း) လူနာတင်ယာဉ်ဖြင့် လည်းကောင်း ရန် ကုန်ဆေးရုံကြီးသို့ ပို့ဆောင်ကူညီပေးခဲ့ကြကြောင်း စမ်းချောင်း ရဲသူရိန်အရန်မီးသတ်တပ်ဖွဲ့ထံက သိရသည်။
#Yangon_Times/PP
