#Local_News
Published 25 May 2024
▪️ ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ ကျောင်းကြီးအိုးတန်းရပ်ကွက်၊ ဆွေးနွေးဘုရားလမ်းနှင့်ဂျပန်လမ်းထောင့်ရှိ နေအိမ်(၁)လုံးနှင့် ဆေးဆိုင်ဂိုဒေါင်တို့ မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့နှင့် လူမှုကူညီရေးအသင်းထံက သိရသည်။
▪️ မေလ ၂၅ရက် နံနက် ၂နာရီ ခွဲ အချိန်ခန့်က ဖြစ်ပွား ခဲ့ ခြင်း ဖြစ်ကာ ပြည်ခရိုင်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၂)စီး၊ ပြည်မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၃နာရီ ၅၂မိနစ် အချိန်တွင် မီးငြိမ်းခဲ့ကြောင်း သိရသည်။
▪️"တတ်နေလင်း ဆေးဆိုင်ရဲ့ ဆေးပစ္စည်းဂိုဒေါင်လောင်တာ လောင်တဲ့ အချိန်လဲ ကြာသွားတယ်ဆေးပစ္စည်းတွေ ဆို တော့ ဆုံးရှုံးမှု တန်ဖိုးကမနည်းလှဘူး သိန်းထောင်ချီရှိမယ်ထင်တယ်"ဒေသခံတစ်ဦးက ပြောသည်။
▪️ အဆိုပါ မီးလောင်မှုကြောင့် ထိခိုက်ဒဏ်ရာရသူအနည်းငယ်ရှိသော်လည်း စိုးရိမ်စရာ အခြေနေမရှိကြောင်း သိရသည်။
▪️ မီးလောင်သည့် ဖြစ်စဉ်နှင့် ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။
#YMG/LW#Yangon_Times
