#Local_News
Published 16 February 2024
လှိုင်သာယာ(အရှေ့ပိုင်း) မြို့နယ်ရှိ ဘုရင့်နောင်ပန်းခြံအတွင်း ဈေးဆိုင်ခန်းများ ပွဲကြည့်စင်များနှင်ပျော်ပွဲရွှင်ပွဲကျင်းပနိုင်မည့်နေရာများ ပါဝင်သော တိုးချဲ့တည်ဆောက်ရေးလုပ်များ ဆောင်ရွက်နေကြောင်း ရန်ကုန်မြို့တော်စည်ပင်သာယာရေးကော်မတီထံမှ သိရသည်။
ရန်ကုန် - ပုသိမ်လမ်းနှင့် ရန်ကုန် - ညောင်တုန်းလမ်းဆုံရှိ ဘုရင့်နောင်ပန်းခြံကို အင်ဂျင် နီယာဌာန (လမ်းနှင့်တံတား)က ပန်းခြံအတွင်းလျှောက်လမ်း များတည်ဆောက်ခြင်း ပန်းဥယျာဉ်နှင့်အားကစား ကွင်းများဌာနက ပန်းပင်များ စိုက်ပျိုးရန်ဆောင်ရွက်နေခြင်း၊ ပန်းခြံတိုးချဲ့မြေ နေရာတွင် ၁၀ ပေပတ်လည်ဆိုင် ခန်းပေါင်း ၃၀၀ ၊ လေးဧက ကျယ်ဝန်းသော ပျော်ပွဲရွှင်ပွဲကျင်းပရာနေရာ၊ ပွဲကြည့်စင်၊ ပဒုမ္မာကြာရေပန်း၊ ကလေးကစားကွင်း၊ ကိုယ်လက်လှုပ်ရှားအားကစား ပြုလုပ်ရန်နေရာတို့ကို တိုးချဲ့မည်ဖြစ်ကြောင်း သိရသည်။
ထို့အပြင် အမှိုက်စွန့်ပစ်ရန်နေရာနှင့်ယာဉ်အစီး ရေ ၂၀၀ ရပ်နားနိုင်သည့် ယာဉ်ရပ်နားရန်နေရာများဆောင်ရွက်မည်ဖြစ်ကြောင်း သိရသည်။
အဆိုပါ ဆောင်ရွက်နေမှုများကို ဖေဖေါ်ဝါရီ၁၄ရက် ကရန်ကုန်တိုင်းဒေသကြီး ဝန်ကြီးချုပ်ဦးစိုးသိန်းနှင့် တိုင်းဒေသကြီးအစိုးရအဖွဲ့ဝင်ဝန်ကြီးများက လာရောက်ကြည့်ရှုစစ်ဆေးခဲ့ကြောင်း သိရသည်။
#Local_News #ပျော်ပွဲရွှင်ပွဲကျင်းပနိုင်မည့်နေရာ ##လှိုင်သာယာဘုရင့်နောင်ပန်းခြံ #YMG/LW #Yangon_Times
