#Local_News
Published 5 December 2023
ရန်ကုန်တိုင်းဒေသကြီး လှည်းကူးမြို့နယ် စခန်းကြီးကျေးရွာအနီး လှည်းကူး-ဖောင်ကြီး လမ်းတွင် ဒီဇင်ဘာ ၅ရက် နံနက် ၈နာရီခန့်က ယာဉ်သုံးစီးဆင့်တိုက်မှု ဖြစ်ပွားခဲ့ကြောင်း လှည်းကူးမြို့နယ် မီးသတ်တပ်ဖွဲ့ထံမှ သိရသည်။
အဆိုပါ ယာဉ်တိုက်မှုကြောင့် ယာဉ်ပေါ်တွင် လူတစ်ဦးညှပ်နေကြောင်း သတင်းရရှိသဖြင့် လှည်းကူးမြို့နယ် မီးသတ်စခန်းမှ တာဝန်ရှိသူများက သွားရောက်ကယ်ဆယ်ထုတ်ယူပေးတာကြောင့် ၈နာရီ၈မိခန့်တွင် ကယ်ထုတ်နိုင်ခဲ့ကြောင်း သိရသည်။
ယာဉ်တိုက်မှုဖြစ်စဉ်တွင် ထိခိုက်ဒဏ်ရာရရှိသူများလည်းရှိပြီး ယင်းထိခိုက်ဒဏ်ရာရသူများကို လှည်းကူးမြို့နယ် ကြက်ခြေနီအသင်းနှင့်လူမှုကူညီရေးအသင်းများက ရှေးဦးသူနာပြုစုခြင်းတို့ ပြုလုပ်ပေးကာ ဆေးရုံကို ပို့ဆောင်ပေးခဲ့ကြောင်း သိရသည်။
#Local_News #ယာဉ်သုံးစီးဆင့်တိုက်မှုဖြစ် #YMG/LW #Yangon_Times
