Published_04 November 2023
ရန်ကုန်တိုင်းဒေသကြီး သာကေတ မြို့နယ် တွင် ရပ်ထားသည့် တွဲကား ကို အနောက် မှ ဝင်တိုက်မိသဖြင့် တိုက်သည့် ယာဉ်မှ ယာဉ်မောင်း ထိခိုက်ဒဏ်ရာ ရရှိခဲ့ကြောင်း သာကေတမြို့နယ် လူမှုကူညီရေးအဖွဲ့ထံ က သိရသည်။
နိုဝင်ဘာ ၃ ရက် ည ၈နာရီ ခန့် က သာကေတမြို့နယ် ရတနာလမ်းမကြီး၊လယ်ယာ( ၃)လမ်းထိပ် တွင် ဖြစ်ပွားခဲ့တာ ဖြစ်ပြီး တိုက်သည့် ယာဉ် မှ ယာဉ်မောင်း မှာ ကားထဲ တွင် ညှပ်နေသောကြောင့် ရပ်ကွက်နေပြည်သူများ ၊ပရဟိတ အသင်းများနှင့်သက်ဆိုင်ရာတာဝန်ရှိသူ များပူးပေါင်းကာ ကားထဲ မှ ထုတ်ပေးနိုင်ခဲ့ကြောင်း သိရသည်။
အဆိုပါ ယာဉ်မောင်းမှာ အသက် ၄၀နှစ် ဝန်းကျင်ရှိပြီး ယာဉ်တိုက်မှုကြောင့် ဦးခေါင်းနှင့်လက်မောင်း တို့တွင် ထိခိုက်ဒဏ်ရာများ ရရှိခဲ့ကြောင်း သိရသည်။
ယင်းလူနာ ကို မြေပြင်ကုသမှုများ ပြုလုပ်ပေးပြီး မြင့်မြတ်အားမာန်လူမှုကူညီရေးအသင်း လူနာတင်ယာဉ် ဖြင့် ရန်ကုန်ပြည်သူ့ဆေးရုံကြီး ကို ပို့ဆောင်ပေးခဲ့ကြောင်း သိရသည်။
#Yangon_Times/LW
#Local_News
#Published_ 04 November 2023
#YMG #Yangon_Times #Yangon_Media_Group
