Published_ 13 July 2023
ထိုင်းနိုင်ငံခြားရေးဝန်ကြီးနှင့် ဒေါ်အောင်ဆန်းစုကြည်တို့ ပြီးခဲ့သည့် ဇူလိုင်လ ၉ ရက်က တွေ့ဆုံခဲ့သည်မှာ မှန်ကန်ကြောင်း နိုင်ငံတော် စီမံအုပ်ချုပ်ရေး ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကပြောသည်။
ယင်းတို့ အနေဖြင့်လွတ်လွတ်လပ်လပ် ဆွေးနွေးခဲ့ကြောင်းလည်း ၎င်းကပြောသည်။
“ထိုင်းနိုင်ငံရဲ့ ဒုတိယဝန်ကြီးချုပ်နဲ့ နိုင်ငံခြားရေးဝန်ကြီးဖြစ်သူ ဒွန်ပရာမတ်ဝီနိုင်းဟာ မြန်မာနိုင်ငံကို တနင်္ဂနွေနေ့မှာ ရောက်ရှိလာတာ ရှိပါတယ်။
နိုင်ငံတကာသတင်းတွေမှာ ဖော်ပြနေသလို ဒေါ်အောင်ဆန်းစုကြည်နဲ့ တွေ့ဆုံခဲ့တာ ရှိပါတယ်။ နှစ်ယောက်ချင်း တွေ့ဆုံတာ ဖြစ်ပါတယ်။
တွေ့ဆုံတာက တစ်နာရီခွဲနီးပါးလောက် ကြာပါတယ်။ နှစ်ယောက်တည်း လွတ်လွတ်လပ်လပ်တွေ့တာ ဖြစ်ပါတယ်။
ထိုင်းနိုင်ငံခြားရေးဝန်ကြီး အနေနဲ့လည်း သူဆွေးနွေးချင်တဲ့ အချက်တွေကို လွတ်လွတ်လပ်လပ် ဆွေးနွေးခဲ့တာဖြစ်ပါတယ်။ လွတ်လွတ်လပ်လပ် ဆွေးနွေးတာ ဖြစ်တဲ့အတွက် ဆွေးနွေးချက်တွေကိုတော့ အသေးစိတ် မသိရှိပါဘူး။
ကျွန်တော်တို့ မျက်ဝါးထင်ထင် တွေ့မြင်ရချက်အရ ဒေါ်အောင်ဆန်းစုကြည် ကျန်းမာရေး ကောင်းမွန်ကြောင်း သိရှိရပါတယ်” ဟု ဗိုလ်ချုပ်ဇော်မင်းထွန်းက မီဒီများအား ပြောသည်။
ထိုသို့ တွေ့ဆုံရာတွင် ဒေါ်အောင်ဆန်းစုကြည်က NUG နှင့် PDF များကို အသိအမှတ်မပြုသကဲ့သို့ ထောက်လည်း မထောက်ခံကြောင်းပြောကြားခဲ့သည်ဟု ဂျပန်အခြေစိုက် သတင်းဌာနက ရေးသားသည်။
#Yangon-Times/BM
#Local_News
#YMG #Yangon_Times
