#Local_News
Published_ 17 December 2022
မန္တလေးတွင်ဒီဇင်ဘာလ (၁၆)ရက်က ထပ်မံလှုပ်ခတ်ခဲ့သော ငလျင်ကြောင့် မန္တလေးတိုင်းဒေသကြီး အင်းဝယဉ်ကျေးမှုဒေသ၊ ဒေါ်ဂျမ်းဘုရားစုအတွင်းရှိရှေး ဟောင်းဘုရား(၈)ဆူအနည်းငယ်ထိခိုက်မှုရှိခဲ့ကြောင်း သိရသည်၊၊
နောက်ဆက်တွဲငလျင်အဖြစ် ဒီဇင်ဘာလ ၁၆ ရက်တွင်မန္တလေးတိုင်း၊ပြည်ကြီးတံခွန်မြို့နယ်အနီး အင်အားရစ်ခ်ျစတာစကေး (၃.၆)အဆင့်ရှိ မြေငလျင်တစ်ခု၊ မြစ်ငယ်မြို့အနီး အင်အားရစ်ခ်ျစတာစကေး(၃.၃) အဆင့်ရှိမြေငလျင်တစ်ခု၊ အမရပူရမြို့အနီးအင်အား ရစ်ခ်ျစတာစကေး ၄.၈ အဆင့်ရှိ မြေငလျင်တစ်ခု စုစုပေါင်း (၃) ကြိမ်လှုပ်ခတ်ခဲ့ခြင်းဖြစ်သည်၊၊
မန္တလေး နောက်ဆက်တွဲငလျင်ကြောင့် အင်းဝယဉ်ကျေးမှုဒေသရှိဒေါ်ဂျမ်းဘုရားစုထဲက ဘုရားအမှတ်(၃၁၇)၊ ဘုရားအမှတ်(၃၁၆)၊ ဘုရားအမှတ် (၃၅၀)၊ (၃၅၁)၊ (၃၇)၊ (၃၄)၊ ဂူတော်သစ်ဘုရားအမှတ် (၆)၊ အင်းဝနန်းတွင်းရှိမြို့တက်မင်္ဂလာစေတီ၊ ပယ်ပုံတော်ဝန်းအတွင်းရှိ အောင်ဇေယျအရာရှိကြီးရိပ်သာအဆောက်အအုံတို့ ထိခိုက်ပျက်စီးခဲ့ကြောင်း သာသနာရေးနှင့်ယဉ်ကျေးမှုဝန်ကြီးဌာနမှသိရသည်၊၊
ဒီဇင်ဘာလ(၅)ရက်က မန္တလေးတံတားဦးတွင်ဗဟိုပြုပြီး အင်အား (၅.၂)အဆင့်ရှိ ငလျင်လှုပ်ခတ်ခဲ့ပြီး ငလျင်ကြောင့် ထိခိုက်ပျက်ဆီးခဲ့ရသည့် ရှေးဟောင်းအဆောက်အအုံများ စာရင်းအသေးစိတ်ကို သာသနာရေးနှင့်ယဉ်ကျေးမှုဝန်ကြီးဌာနမှ ထုတ်ပြန်ခဲ့ပြီး ယင်းငလျင်ကြောင့် အင်းဝရှိဘုရားများ၊ သစ္စာတိုက်(ရတ နာဘုံမ်သာ)ဘုရား၊ မယ်နုအုတ်ကျောင်း၊ မန္တလေးမြနန်းစံကျော်ရွှေနန်းတော်ထဲရှိ အဆောက်အအုံများ၊ဗားကရာကျောင်းတော်အတွင်း ဆင်းတုတော်များ၊ မြသိန်းတန်စေတီတော်၊ မင်းကွန်းမှခြင်္သေ့ကြီးစသည့် ရှေးဟောင်းအဆောက်အအုံများထိခိုက်ပျက်ဆီးခဲ့သည်ဟု ဖော်ပြခဲ့ကြောင်း သိရသည်၊၊
#ymg/tthl
#Yangon_Media_Group
