#Local_News
Published _ 16 July 2022
ရေမြေသဘာဝမှရရှိသည့် ကမာမွေးမြူမှုသည် အစာစရိတ်ကုန်ကျမှုမရှိဘဲ မွေးမြူသူတို့ စမ်းသပ်အောင်မြင်မှုရရှိခဲ့ကြောင်း ရခိုင်ပြည်နယ်၊ ကျောက်ဖြူမြို့နယ်နှင့် ဂွမြိုနယ်တို့တွင် ယခင်ရှိရာကထက် ပိုမိုတိုးမြှင့်လုပ်ကိုင်လာကြောင်း၊ သိရသည်။
၂၀၂၁ ခုနှစ်က ရခိုင်ပြည်နယ် ကျောက်ဖြူမြို့နယ်နှင့် ဂွမြို့နယ်တို့တွင် ကမာမွေးမြူမှုကို ယခုနှစ်ထိ တစ်နှစ်တိုင် မွေးမြူလုပ်ကွက်ပေါင်း ၁၅၀၀၀ ခွဲခန့်ကို စမ်းသပ်ခဲ့ရာ ထိန်းသိန်းစောင့်ရှောက်စရိတ်သာ ကုန်ခဲ့ပြီး၊ အစာစရိတ်မကုန်ခဲ့သောကြောင့် ယခုနောက်ထပ် လုပ်ကွက်ပေါင်း ၁၅၀၀၀ ခွဲ ကျော်ထိ မွေးမြူလုပ်ကိုင်လာမှုကြောင့် လုပ်ကွက်ပေါင်း ၃၀၀၀၀ ကျော်ထိ ရှိလာကြောင်း ပြည်နယ်ငါးလုပ်ငန်းဦးစီးဌာနမှ သိရသည်။
ကမာ ကောင်များကို အကောင်လိုက် လည်းကောင်း၊ အသားခွာပြီးသား ရောင်းချခြင်း လည်းကောင်း တစ်ကောင်လျှင် ၉၀၀ ကနေ ၁၅၀၀ ကြား ပေါက်ဈေးရှိနေကြောင်း၊ လက်ရှိတွင် ရခိုင်မှထွက်ရှိသည့် ကမာကောင်များကို ပြည်တွင်း၌သာ ရောင်းချနေပြီး နိုင်ငံခြားသို့ တင်ပို့နိုင်ခြင်းမရှိသေးကြောင်း သိရသည်။
ymg/NN
#Yangon_Media_Group
