#Local_News
Published_21 June 2022
မလေးရှားနိုင်ငံတွင် အကြောင်းအမျိုးမျိုးကြောင့် ထိန်းသိမ်းရေးစခန်းများသို့ ရောက်နေကြသည့် မြန်မာနိုင်ငံသားများအား နေရပ်သို့ ဆက်လက်ပို့ဆောင်နိုင်ရန် ဆွေးနွေးနေကြကြောင်း မလေးရှားနိုင်ငံဆိုင်ရာ မြန်မာသံရုံးက သိရသည်။
ပြီးခဲ့သည့်ရက်ပိုင်းတွင် မလေးရှားနိုင်ငံနှင့် ထိုင်းနယ်စပ်ရှိ Tanah Merah လူဝင်မှုကြီးကြပ်ရေးဌာန ထိန်းသိမ်းရေးစခန်းအတွင်း ထိန်းသိမ်းခံထားရသော မြန်မာနိုင်ငံသားများအား သံရုံးဒုတိယအတွင်းဝန်နှင့် တာဝန်ရှိသူများက သွားရောက်တွေ့ဆုံခဲ့ကြောင်း အဆိုပါ မြန်မာသံရုံး၏ ထုတ်ပြန်ချက်တွင် ဖော်ပြထားသည်။
Tanah Merah လူဝင်မှုကြီးကြပ်ရေးဌာနထိန်းသိမ်းရေးစခန်းတွင် မြန်မာနိုင်ငံသား အမျိုးသား ၇၈ဦး၊ အမျိုးသမီး ၂၃ဦး၊ ကလေးနှစ်ဦး စုစုပေါင်း ၁၀၃ ဦး ထိန်းသိမ်းခံထားရကြောင်း၊ ယင်းတို့အား ဒုတိယအတွင်းဝန်နှင့် တာဝန်ရှိသူများက အားပေးစကားပြောကြားကာ ထိန်းသိမ်းခံထားရသည့်သူများအနက် အထောက်အထား ပြည့်စုံသူများအား မြန်မာနိုင်ငံသို့ အမြန်ဆုံးပြန်ပို့နိုင်ရန် သက်ဆိုင်ရာဌာနများနှင့် ညှိနှိုင်းဆောင်ရွက်ပေးခဲ့ကြောင်း သိရသည်။
ymg/mt
#Yangon_Media_Group
