#LocalNews
Published_17 May 2022
သရုပ်ဆောင်ရဲတိုက်ရင်ဆိုင်နေရသော မူးယစ်အမှုကို လာမယ့် မေလ ၁၉ ရက် ကြာသပတေးနေ့တွင် အမိန့်ချမည်ဖြစ်ကြောင်း သူ၏အမှုကို လိုက်ပါဆောင်ရွက်ပေးနေသူတစ်ဦးက YMG ကို ပြောသည်။
ရဲတိုက်ကို မူးယစ်ဆေးဝါးလက်ဝယ်တွေ့ရှိမှုဖြင့် မူးယစ်ဆေးဝါးဆိုင်ရာဥပဒေပုဒ်မ ၁၆(ဂ)/၂၃ ဖြင့် စွဲဆိုထားခြင်းဖြစ်သောကြောင့် လက်ရှိတွင် အဆိုပါအမှုကို ရင်ဆိုင်နေရခြင်းလည်း ဖြစ်သည်။
၎င်းကို မေလ ၁၂ ရက်က ရန်ကုန်အနောက်ပိုင်းခရိုင်တရားရုံး၌ အပြီးသတ်လျှောက်လဲချက်ပေးခဲ့ခြင်းဖြစ်ကြောင်း၊ ပြစ်မှုထင်ရှားပါက ထောင်ဒဏ် ၅ နှစ်မှ ၁၀ နှစ်ထိ ချမှတ်နိုင်ကြောင်းလည်း သိရသည်။
ထောင်ဒဏ်သုံးနှစ်ချမှတ်ခံထားရသော ၅၀၅ (က) အမှုကိစ္စအတွက် ပြီးခဲ့သည့် မတ်လ ၂ ရက်တွင် နစက၏ ၅၀၅ (က) လွတ်ငြိမ်းစာရင်း၌ သရုပ်ဆောင် ရဲတိုက်ပါဝင်ခဲ့သောကြောင့် လက်ရှိတွင် မူးယစ်ဆေးဝါးအမှုတစ်ခုသာ ကျန်ရှိတော့ကြောင့် သိရသည်။
ymg/mt
#Yangon_Media_Group
