#LocalNews
Published - 30 Dec 2021
ဧရာဝတီတိုင်းဒေသကြီး၊ ပုသိမ်မြို့၊ ကုသိနာရုံရပ်ကွက်၊ တကောင်းဘုရားလမ်းရှိ အင်ကြင်းမြိုင်တိုက်တန်းတွင် ဒီကနေ့ ဒီဇင်ဘာ ၃၀ ရက်၊ မွန်းလွဲပိုင်းအချိန်က မီးလောင်မှုတစ်ခု ဖြစ်ပွားခဲ့တယ်လို့ သိရပါတယ်။
အဆိုပါ မီးလောင်မှုကို ဧရာဝတီတိုင်းဒေသကြီးအတွင်းရှိ မီးသတ်စခန်းများမှ မီးသတ်ယာဉ်(၆)စီး၊ ရေသယ်ယာဉ်(၁၀)စီးတို့ဖြင့် ထွက်ခွာငြှိမ်းသတ်ခဲ့ပြီး မွန်းလွဲ ၁၂ နာရီ မိနစ် ၄၀ အချိန်ခန့်တွင် မီးကို ငြိမ်းသတ်နိုင်ခဲ့ကြောင်း မီးသတ်ဦးစီးဌာနမှ သတင်းထုတ်ပြန်ခဲ့ပါတယ်။
လက်ရှိအချိန်မှာ မီးလောင်မှု အကြောင်းအရင်းအသေးစိတ်နဲ့ ထိခိုက်ဆုံးရှုံးမှုတွေကိုတော့ မီးသတ်တပ်ဖွဲ့က ဆက်လက်စုံစမ်းစစ်ဆေးလျက်ရှိတယ်လို့ ဆိုပါတယ်။
Photo - MFSD
#Yangon_Media_Group
