#Local_News
Published_ 20 November 2022

ရုရှားနိုင်ငံမှ ကာကွယ်ရေးဝန်ကြီးအပါအဝင် ဘာသာရေးနှင့် နိုင်ငံရေးနယ်ပယ်မှ ထင်ရှား သူ ၄၁ ဦးကို စည်သူဘွဲ့၊ သီရိပျံချီဘွဲ့၊ ဝဏ္ဏကျော်ထင်ဘွဲ့နဲ့ လူမှုထူးချွန်၊ စီမံထူးချွန်ဘွဲ့တွေကို နိုဝင်ဘာ ၁၉ ရက်မှာ ချီးမြင့်ခဲ့ပါတယ်။

ပြည်ပမှ ရုရှားလူမျိုး ၃ ဦး၊ ဂျပန်လူမျိုး တစ်ဦး၊ သံဃာတော် ၃ ပါးနဲ့ နိုင်ငံရေးပါတီမှ ခေါင်းဆောင်တွေ တိုင်းရင်းသားလက်နက်ကိုင်အချို့နှင့် နစကရဲ့ အကြံပေးတွေ ချီးမြှင့်ခံခဲ့ရတာဖြစ်ပါတယ်။ ဆရာတော် ဦးဝီရသူအပါအဝင် ကရင်ပြည်နယ်က အမျိုးသားရေး ဆရာတော်နှစ်ပါးကိုလည်း သီရိပျံချီဘွဲ့ချီးမြင့်ခဲ့ပါတယ်။

နိုင်ငံရေးမှာထင်ရှားတဲ့ ရခိုင်နိုင်ငံရေးသမား ဒေါက်တာအေးမောင်၊ ကွယ်လွန်သွားပြီဖြစ်တဲ့ နိုင်ငံရေးသမားကြီး ဦးသုဝေ၊ နယ်ခြားစောင့်တပ်မှထင်ရှားတဲ့ ဗိုလ်မှူးကြီး စောချစ်သူ၊ စီးပွားရေးလုပ်ရှင်တွေဖြစ်ကြတဲ့ ဦးသိမ်းဝေနဲ့ ဦးဇော်ဝင်းရှိန် အပါအဝင် နစက ရဲ့ အကြံပေးတွေလည်း ရရှိခဲ့ပါတယ်။ ဒါ့အပြင် ကွယ်လွန်သွားပြီဖြစ်တဲ့ အွန်လိုင်းမှာ ထင်ရှားတဲ့ ကိုရဲမိုး(ခ)နေရီလည်း လူမှုထူးချွန် ပထမအဆင့် ချီးမြှင့်ခံရပါတယ်။

ygm_mnn
#Yangon_Media_Group

https://fb.watch/gUjHzsxTMg/

#Local_New
Published_19 November 2022

ပြည်ပနိုင်ငံတွေထံ ကုန်ပစ္စည်းတင်ပို့ ရောင်းချခြင်းကနေ ရရှိတဲ့ ပို့ကုန်ဝင်ငွေတွေကို အမေရိကန်ဒေါ်လာအပြင် တရုတ်ယွမ်၊ ထိုင်းဘတ်ငွေတို့နဲ့ပါ ပြန်လည်ပေးသွင်းခွင့်ပြုမယ်လို့ မြန်မာနိုင်ငံတော်ဗဟိုဘဏ်ကနေ ကြေညာထားပါတယ်။

#Yangon_Media_Group

#LocalNews
Published_ 19 November 2022

ရန်ကုန်မြို့တွင်း ၂၆ လမ်းရှိ ကုန်မာဆိုင်ပိုင်ရှင်ကိုရန်ပြု၍ လုယက်သွားသူများကို ဖမ်းဆီးမိပြီ ဖြစ်ကြောင်း မြန်မာနိုင်ငံ ရဲတပ်ဖွဲ့က ထုတ်ပြန်သည်။

ပြီးခဲ့သည့် နိုဝင်ဘာလ ၂ ရက် ညနေ ၆ နာရီ ၃၈ မိနစ်အချိန်ခန့်တွင် ပန်းဘဲတန်းမြို့နယ်၊ အမှတ်(၁)ရပ်ကွက်၊ ကုန်သည်လမ်းနှင့် ၂၆ လမ်းထိပ်ရှိ “သစ္စာ”ကုန်မာနှင့် အိမ်အလှဆင်ပစ္စည်းအရောင်းဆိုင်တွင် ဆိုင်ရှင်ဖြစ်သူ ဦးမောင်မောင်ထွန်း(ခ) အင်မရမ်းနှင့် မိတ်ဆွေဖြစ်သူ ဦးမြင့်ကြည်တို့ရှိနေစဉ် Mask အနက်ရောင်များ ဝတ်ဆင်ထားသော အသက်(၃၀)နှစ်ခန့်ရှိ အမျိုးသား ၃ ဦး ဓားမြှောင်များကိုင်ဆောင်ဝင်ရောက်လာကာ ၎င်းတို့နှစ်ဦးအား ရန်ပြုတိုက်ခိုက်ခြိမ်းခြောက်၍ ဦးမောင်မောင်ထွန်းပိုင် မီးခံသေတ္တာအတွင်းရှိ ငွေကျပ်သိန်း ၂၈၀ ၊ ဦးမြင့်ကြည်ပိုင် YGN 4H 6543 Toyota Allion ခဲရောင်မော်တော်ယာဉ်နှင့် I phone ၂ လုံးတို့ကို လုယက်ယူဆောင်သွားခဲ့သည့် ဖြစ်စဉ် ဖြစ်ပွားခဲ့ခြင်းဖြစ်သည်။

လုယက်မှုကျူးလွန်သူ တရားခံများကို ပန်းဘဲတန်း မြို့မရဲစခန်းတွင် (ပ)၆၈/၂၀၂၂၊ ရာဇသတ်ကြီးပုဒ်မ ၃၉၄ ဖြင့် အမှုဖွင့်လှစ်ထားခဲ့ခြင်း ဖြစ်ပြီး ယခုအခါ လုယက်မှုကျူးလွန်သူ တရားခံ သီဟအောင်(ခ)ဝက်ပိန်ပါ ၃ ဦးအား ငွေစက္ကူ ရောရာ ၆၄၀၀၀၀ ကျပ်၊ ဖုန်းမျိုးစုံ ၄ လုံး၊ ရွှေလက်စွပ် ၂ ကွင်း၊ ရွှေနားကပ်တစ်ရံ၊ နာရီတစ်လုံး၊ ပိုက်ဆံအိတ်တစ်လုံး၊ လုယက်မှုကျူးလွန်စဉ် ဘိုဘို(ခ)မြင့်ထွေး ဝတ်ဆင်ခဲ့သည့် ပလေကပ်ပုဆိုးတစ်ထည်နှင့် နက်ပြာရောင်တီရှပ်လက်တိုတစ်ထည်တို့နှင့်အတူ ဖမ်းမိကြောင်း သိရသည်။

ယင်း'သစ္စာ'ကုန်မာဆိုင်တွင် ယခင်က ယာဉ်မောင်းအဖြစ်လုပ်ကိုင်ခဲ့ဖူးသော အသက် ၂၉ နှစ်အရွယ် သီဟအောင် ဝက်ပိန်ဆိုသူဖြစ်ကြောင်း စတင်ဖော်ထုတ်သိရှိခဲ့ရပြီးနောက် လုယက်ယူဆောင်သွားခံခဲ့ရသည့် YGN 4H/6543 Toyota Allion ခဲရောင်မော်တော်ယာဉ်ကို ရန်ကင်းမြို့နယ်တွင် ပြန်လည်တွေ့ရှိသိမ်းဆည်းရမိခဲ့ပြီးနောက် ယင်းကို လုယက်မှုကျူးလွန်ရာမှရရှိသည့် ငွေများဖြင့် ဝယ်ယူထားသည့် ရွှေလက်စွပ် ၂ ကွင်း၊ VIVO Y16 အမျိုးအစား အနက်ရောင်လက်ကိုင်ဖုန်းတစ်လုံး၊ Digitech အမျိုးအစား နာရီတစ်လုံး၊ အနက်ရောင်ပိုက်ဆံအိတ်တစ်လုံးနှင့် ငွေကျပ် ၆၄၀၀၀၀ ကျပ်တို့နှင့်အတူ စတင်ဖမ်းဆီးရမိခဲ့ခြင်းဖြစ်ကြောင်း ရဲတပ်ဖွဲ့၏ ထုတ်ပြန်ချက်တွင် ဖော်ပြထားသည်။

သီဟအောင်(ခ)ဝက်ပိန်၏ထွက်ဆိုချက်အရ လုယက်မှုတွင် အတူပါဝင်ကျူးလွန်ခဲ့သူများဖြစ်ကြသည့် မင်္ဂလာဒုံမြို့နယ်၊ ပေါင်းကူးဉာဏရပ်ကွက်၊ မဉ္ဇူ(၂)လမ်းနေ မျိုးဇော်ထွန်း(၃၁)နှစ်အား လုယက်မှုကျူးလွန်ရာမှရရှိသည့် ငွေများဖြင့် ဝယ်ယူထားသည့် Redmi Note 11 Pro Prime အမျိုးအစား အနက်ရောင်ဖုန်းတစ်လုံးနှင့်အတူ ယင်းနေ့ ည ၉ နာရီခွဲအချိန်တွင် ၎င်း၏နေအိမ်၌ ဖမ်းဆီးရမိခဲ့ပြီး မရမ်းကုန်းမြို့နယ်၊ အမှတ်(၈)ရပ်ကွက်၊ မြစံပယ်လမ်း၊ အမှတ်(၉၃)နေ ဘိုဘို (ခ)မြင့်ထွေး(၂၅)နှစ်အား လုယက်မှုကျူးလွန်ရာမှရရှိသည့် ငွေများဖြင့် ဝယ်ယူထားသည့် ရွှေနားကပ်တစ်ရံ၊ VIVO Y17 အမျိုးအစား နက်ပြာရောင်ဖုန်းတစ်လုံး၊ Techno Spark 7 အမျိုးအစား အစိမ်းရောင်ဖုန်းတစ်လုံးနှင့် အခင်းဖြစ်စဉ် ၎င်းဝတ်ဆင်ခဲ့သည့် ပလေကပ်ပုဆိုးတစ်ထည်၊ နက်ပြာရောင်တီရှပ်လက်တိုတစ်ထည်တို့နှင့်အတူ ယင်းနေ့ ည ၁၀ နာရီအချိန်တွင် ၎င်း၏နေအိမ်၌ ထပ်မံဖမ်းဆီးရမိခဲ့ကြောင်း သိရသည်၊၊

အခင်းဖြစ်စဉ်ကရရှိခဲ့သော ငွေကျပ်သိန်း ၂၈၀ ကို မျိုးဇော်ထွန်းနှင့် ဘိုဘို(ခ)မြင့်ထွေးတို့အား တစ်ဦးလျှင် ကျပ်သိန်း ၃၀ စီပေး၍ သီဟအောင်(ခ)ဝက်ပိန်က ကျန်ရှိငွေ ကျပ်သိန်း ၂၂၀ ကို ယူဆောင်ခဲ့ခြင်းဖြစ်ကြောင်း ထွက်ဆိုခဲ့ကြောင်းလည်း ထုတ်ပြန်ချက်တွင်ဖော်ပြထားကြောင်းသိရသည်၊၊

ymg/tthl
#Yangon_Media_Group

#LocalNews
Published_19 November 2022

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ဖို့မြေရပ်ကွက်၊ သိမ်ဖြူလမ်း၊ အမှတ်(၅၀၀) မြေညီထပ်တွင် ဖွင့်လှစ်ထားသည့် Ye Min Aung Money Changer ကို ဓားပြတိုက်မှု ကျူးလွန်သူများအား ဖမ်းဆီးရမိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

ပြီးခဲ့သည့် နိုဝင်ဘာလ ၁၂ ရက် ညနေ ၄ နာရီ ၁၅ မိနစ်အချိန်ခန့်ကအဆိုပါMoney Changer သို့ အမျိုးသား ၃ ဦးဝင်ရောက်လာပြီး အမျိုးသား ၂ ဦးက သေနတ်ဖြင့်ချိန်ကာ ကျန်အမျိုးသားတစ်ဦးက ဓားမြှောင်တစ်လက်ကိုင်ဆောင်ခြိမ်းခြောက်၍ ဆိုင်ရှိ ငွေကျပ်သိန်း ၃၀၀ ခန့်နှင့် I phone တစ်လုံးကို ဓားပြတိုက်ယူဆောင်သွားခဲ့ကြကြောင်း သိရသည်။

ယင်းဓားပြတိုက်မှုတွင် လူ ၄ ဦးက ပူးပေါင်းကျူးလွန်ခဲ့ကြခြင်းဖြစ်ပြီး ၃ ဦးက ဆိုင်အတွင်း ဝင်ရောက်လုယက်ကာ တစ်ဦးမှာ ဆိုင်အပြင်ဘက်ရှိ မော်တော်ယာဉ်ပေါ်၌ အသင့်စောင့်ဆိုင်းနေခဲ့ကြောင်း၊ အခင်းဖြစ်နေရာ၌ လုယက်သူများကျန်ရှိခဲ့သည့် ပစ္စတိုသေနတ်တစ်လက်၊ ကျည်အိမ်တစ်ခု၊ 9mm ကျည် ၉ တောင့်နှင့် ကျည်ခွံတစ်ခုတို့ကို သက်ဆိုင်ရာက သိမ်းဆည်းရမိခဲ့ကြောင်း၊အမှုကို တောင်ညွန့်မြို့မရဲစခန်းတွင် (ပ)၃၅၂/၂၀၂၂၊ ရာဇသတ်ကြီးပုဒ်မ ၃၉၅ ဖြင့် ဖွင့်လှစ်ထားခဲ့ကြောင်း သိရသည်။

ဓားပြတိုက်မှုကျူးလွန်စဉ်က အသုံးပြုခဲ့ သည့် မော်တော်ယာဉ် မောင်းနှင်ပေးခဲ့သူ မင်္ဂလာတောင်ညွန့်မြို့နယ်၊ ဖို့မြေရပ်ကွက်၊ ၁၀၃ လမ်း၊ တိုက်အမှတ်(၂၇)၊ ၆ လွှာ-အေနေ အသက် ၁၉ နှစ် အရွယ် အောင်ပိုင်ဦး(ခ)ပိုင်ပိုင် အား ငွေစက္ကူ ရောရာ ၄၅ သိန်း၊ Redmi K30 အမျိုးအစား အပြာရောင်ဖုန်းတစ်လုံး၊ ဓားပြတိုက်မှုကျူးလွန်စဉ် ဝတ်ဆင်အသုံးပြုခဲ့သည့် အနက်ရောင်တီရှပ်အင်္ကျီလက်တို တစ်ထည်၊ အဖြူရောင်ဘောင်းဘီရှည် တစ်ထည်တို့နှင့်အတူ နိုဝင်ဘာလ ၁၈ ရက်နံနက် ၈ နာရီ ၄၅ မိနစ်အချိန်က မင်္ဂလာတောင်ညွန့် မြို့နယ်၊ ဗိုလ်မင်းရောင်လမ်းရှိ မြယာကုန်းမီးပွိုင့်တွင် စတင်ဖမ်းဆီးရမိခဲ့ကြောင်း ယင်း၏ ထွက်ဆိုချက်အရ ပြစ်မှုကျူးလွန်ရာတွင် ပါဝင်သူ သာကေတမြို့နယ်၊ (၇/အရှေ့)ရပ်ကွက်၊ သဇင်နီလမ်း၊ အမှတ်(၉)နေ အသက် ၂၄ နှစ်အရွယ် အောင်ရဲနိုင်(ခ) အရှည်ကြီး ကို Redmi K30 အမျိုးအစား ခရမ်းရောင်ဖုန်း တစ်လုံးနှင့်အတူ ယင်းနေ့ နံနက် ၉ နာရီ ၃၅ မိနစ်အချိန်တွင် သာကေတမြို့နယ်၊ မင်းနန္ဒာလမ်းနှင့် မင်းရဲကျော်စွာလမ်းထိပ်တွင် ဖမ်းဆီးရမိခဲ့ပြီး အလားတူ ပြစ်မှုကျူးလွန်ရာတွင် ပါဝင်သူ သာကေတမြို့နယ်၊ (၆/အရှေ့)ရပ်ကွက်၊ အောင်သုခ(၂၂)လမ်း၊ အမှတ်(၁၁၅၄)နေ အသက် ၂၄ နှစ်အရွယ် မင်းဟိန်း(ခ)ဂွပု အား ယင်းနေ့ နံနက် ၁၀ နာရီ ၃၅ မိနစ်အချိန်တွင် Oppo A16K အမျိုးအစား အနက်ရောင်ဖုန်းတစ်လုံးနှင့်အတူ ၎င်း၏ နေအိမ်၌ ထပ်မံဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများ၏ထွက်ဆိုချက်အရ ဓားပြတိုက်မှုကို ဖမ်းဆီးရန်ကျန်နေသေးသည့် ဝေကြီး(ခ)ဝေဖြိုးအောင်က ဦးဆောင်၍ အဖွဲ့ဝင် ၄ ဦးဖြင့် ကျူးလွန်ခဲ့ကြခြင်းဖြစ်ပြီးဓားပြတိုက်မှုကျူးလွန်စဉ် ဝေကြီး(ခ)ဝေဖြိုးအောင်က ပစ္စတိုသေနတ်ကို ကိုင်ဆောင်ကာ အောင်ရဲနိုင်(ခ)အရှည်ကြီးနှင့်အတူ ဆိုင်အတွင်း ဝင်ရောက်လုယက်ဓားပြတိုက်ခဲ့ကာ မင်းဟိန်း(ခ)ဂွပုက ဆိုင်အပေါက်ဝတွင် အခြေအနေစောင့်ကြည့်ပေးပြီး အောင်ပိုင်ဦး(ခ)ပိုင်ပိုင်က ဆိုင်အပြင်၌ မော်တော်ယာဉ်ဖြင့် အသင့်စောင့်ဆိုင်းပေးခဲ့ခြင်းဖြစ်ကြောင်း သိရသည်။

ပစ္စတိုသေနတ်ကိုလည်း ဖမ်းဆီးရန်ကျန်သူ ဝေကြီး(ခ) ဝေဖြိုးအောင် က ယူဆောင်လာခဲ့ခြင်းဖြစ်ပြီး ဓားပြတိုက်မှုကျူးလွန်ရာမှရရှိ ခဲ့သည့် ငွေ ၁၇၃ သိန်းကျပ် အနက်မှ အောင်ပိုင်ဦး(ခ)ပိုင်ပိုင်အား ၁၅ သိန်းကျပ်၊ မင်းဟိန်း(ခ)ဂွပုအား ၁၀ သိန်းကျပ်၊ အောင်ရဲနိုင်(ခ)အရှည်ကြီးအား ၁၅ သိန်းကျပ်စီ အသီးသီးခွဲတမ်းအဖြစ်ပေးအပ်ခဲ့ကာ ကျန်ငွေများကို ဝေကြီး(ခ)ဝေဖြိုးအောင်က ယူဆောင်ခဲ့ခြင်းကြောင်း ဖော်ထုတ်သိရှိရသည်။

#ymg/sth
#Yangon_Media_Group

 https://fb.watch/gUjoshZsp9/

#Local_News
Published _ 19 november 2022

လာမယ့် ဒီဇင်ဘာလဆန်းပိုင်းတွင် ကြံကြိတ်ခွဲရာသီစတင်တော့မှာဖြစ်တာကြောင့် ကြံတစ်တန်ကို အမြင့်ဆုံးဈေး ၉သောင်းကျပ်ကနေ အနိမ့်ဆုံးဈေး ၇သောင်းကျပ်အထိ ပေါက်ဈေးရှိနေတယ်လို့ မြန်မာနိုင်ငံ သကြားနှင့် ကြံထွက်ပစ္စည်းလုပ်ငန်းရှင်များအသင်းကနေ သိရပါတယ်။

#Yangon_Media_Group

#LocalNews
Published _19 November 2022

စင်ကာပူနိုင်ငံတွင် ယနေ့ညနေပိုင်းက ကျင်းပခဲ့သည့် One Championship ၏ One-163 ပြိုင်ပွဲ မစ်ဒယ်ဝိတ်တန်းပွဲစဉ်၌ မြန်မာMMA ဖိုက်တာ အောင်လအန်ဆန်းက ဂျပန်ကစားသမား အိုကာမီ ကို အနိုင်ရရှိခဲ့သည်။

ပွဲစဉ် ပထမပိုင်းတွင်ပင် အလဲထိုးဖြင့် အနိုင်ရရှိခဲ့ခြင်းဖြစ်သည်။

ymg/mt
Yangon _Media_Group