#Local_News
Published_ 12 February 2023

ပြည်မနှင့်တောင်တန်းမခွဲခြားဘဲ တန်းတူညီမျှအခွင့်အရေးရကြလျက် ပြည်ထောင်စုကြီးတစ်ရပ်လုံးဖွံ့ဖြိုးတိုးတက်အောင် အတူတကွ ဝိုင်းဝန်းတည်ဆောက်ကြစေလိုကြောင်း ဖေဖော်ဝါရီလ ၁၂ ရက်နေ့မှာကြရောက်တဲ့ ၇၆ ကြိမ်မြောက်ပြည်ထောင်စုနေ့ အခမ်းအနား ကို ပြည်သူ့ရှေ့ဆောင်ပါတီ(PPP) ကသဝဏ်လွှာပေးပို့လိုက်တာပါ။

ပြည်ထောင်စုနေ့ဟာ မြန်မာ့လွတ်လပ်ရေးသမိုင်းမှာ အရေးပါတာကြောင့် နှစ်စဉ် ဖေဖော်ဝါရီလ ၁၂ ရက်နေ့ကို ပြည်ထောင်စုနေ့အဖြစ် သတ်မှတ်ပြီး ရုံးများဆိုင်များပိတ်ကာ အထိမ်းအမှတ်ပွဲတွေကျင်းပခဲ့ကြတာဖြစ်တယ်လို့ အဲ့ဒီသဝဏ်လွာမှာ ဖော်ပြထားပါတယ်။

၁၉၄၇ ခုနှစ် ဖေဖော်ဝါရီလ ၁၂ ရက် မနက် ၁၀ နာရီ ဗိုလ်ချုပ်အောင်ဆန်းနဲ့ ကိုယ်စားလှယ် ၂၁ ဦးတို့ တောင်တန်းဒေသများက ပြည်မကြီးတို့ပူးပေါင်းရန် သဘောတူခဲ့ကြပြီး ပင်လုံစာချုပ်ကို ချုပ်ဆိုကြပြီး အဆိုပါနေ့ကို ပြည်ထောင်စုနေ့လို့ သတ်မှတ်ခဲ့ကြတာဖြစ်တယ်လို့ သဝဏ်လွှာမှာဖော်ပြထားပါတယ်။

ymg/ynzw

#Yangon_Media_Group

#LocalNews
Published_ 12 February 2023

မလေးရှားနိုင်ငံတွင် ရေနစ်သေဆုံးသော မြန်မာနိုင်ငံသား အသက် ၃၂ နှစ်အရွယ် ကိုငြိမ်းချမ်းအောင်၏ရုပ်အလောင်းကို ယနေ့ ဖေဖော်ဝါရီလ ၁၂ ရက်တွင် စာတန်းဆေးရုံကြီးရေခဲတိုက်မှတစ်ဆင့် မလေးရှားနိုင်ငံ၊ ပူချွန်းမြို့ရှိ (၁၄) မိုင် သုဿန်၌ ဆွေမျိုး သူငယ်ချင်းမိတ်သင်္ဂဟများနှင့် သဂြိုလ်ခဲ့ကြောင်း သိရသည်။

ယင်းမှာ မလေးရှားနိုင်ငံ၊ ကွာလာလမ်ပူမြို့တွင် အလုပ်လုပ်ကိုင်နေသူဖြစ်ပြီး ဖေဖော်ဝါရီလ ၈ ရက်က ရေနစ်သေဆုံးခဲ့ကြောင်း မလေးရှားနိုင်ငံ မြန်မာလူမှုကူညီရေးအသင်းက သိရသည်။

ရုပ်အလောင်းကို စာတန်းဆေးရုံကြီးသို့ပို့ဆောင်ကာ ဆရာဝန်များ ရင်ခွဲစစ်ဆေးမှုပြီးနောက် ရေခဲတိုက်သို့ ပို့ဆောင်ထားခဲ့ခြင်းဖြစ်ကြောင်း ၊ယင်းမှတစ်ဆင့် ပူချွန်းမြို့ရှိ (၁၄) မိုင် သုဿန်၌ သဂြိုလ်ခဲ့ခြင်းဖြစ်ကြောင်း သိရသည်။

ကိုငြိမ်းချမ်းအောင်သည် ပဲခူးတိုင်းဒေသကြီး ၊ ကျောက်တံခါးမြို့နယ်၊ သမင်အင်ကုန်းကျေးရွာတွင် နေထိုင်သူတစ်ဦးဖြစ်ကြောင်း သိရသည်။

ymg/mt

#Yangon_Media_Group

Published 12 Feb 2023

မြန်မာနိုင်ငံမှာ ပြဿနာတွေ ဒီအတိုင်းဆက်ရှိနေရင် စစ်တပ်အုပ်ချုပ်တာ သက်ဆိုးရှည်သွားမှာမို့ ဘယ်လိုပဲဖြစ်ဖြစ် ရွေးကောက်ပွဲဟာ  ကျင်းပသင့်တယ် လို့ ဂျပန်အထူးကိုယ်စားလှယ်မစ္စတာ ဆာဆာကာဝါကပြောပါတယ်။

မြန်မာနိုင်ငံရဲ့ အမျိုးသားသင့်မြတ်ရေး အထူးကိုယ်စားလှယ်  နီပွန်ဖောင်ဒေးရှင်း ဥက္ကဋ္ဌ မစ္စတာ ဆာဆာကာဝါ က နစ်ကေးအေးရှား မီဒီယာနှင့် မေးမြန်းခန်းတစ်ခုမှာ ပြောကြားခဲ့တာဖြစ်ပါတယ်။

အဝေးကဝေဖန်နေကြခြင်းက ပြဿနာကိုဖြေရှင်းနိုင်မှာ မဟုတ်ဘူးလို့လည်းသူကပြောပါတယ်။

အာဆီယံအနေနှင့် မြန်မာနိုင်ငံရဲ့ နိုင်ငံရေးအကျပ်အတည်းကိုဖြေရှင်းနိုင်ဖို့ နစကနှင့် အာဆီယံအကြား လုပ်ငန်းလုပ်ကိုင်နေတဲ့ working-level အဆင့် ဆွေးနွေးပွဲတွေ ကျင်းပသင့်တယ်လို့ ဂျပန်အထူးကိုယ်စားလှယ်ကပြောပါတယ်။သူက အဲဒီ အလုပ်လုပ်သူတွေအဆင့် ထိတွေ့ဆက်ဆံမှုကို မကြာခဏပိုမိုပြုလုပ် ပေးဖို့လိုအပ်ပြီး မြန်မာနိုင်ငံမှာ ရုံးတစ်ရုံးဖွင့်သင့် တယ်လို့လည်း နစ်ကေးအေးရှားကိုပြောခဲ့ပါတယ်။ 

အာဆီယံအနေနှင့် နိုင်ငံတကာအသိုက်အဝန်းရဲ့ နားလည်မှု အသေအချာရရှိနိုင်မယ့် နေရာတစ်ခုကို ရှာဖွေဆောင်ရွက်သင့်တယ်လို့လည်း မစ္စတာဆာဆာကာဝါကအကြံပြုလိုက်ပါတယ်။

မြန်မာစစ်တပ်နှင့်နီးကပ်သူလို့ သူ့ကိုဝေဖန်နေတဲ့အပေါ်မှာလည်း “ ရလဒ်မထွက်ရင်တော့ အဓိပ္ပါယ်မရှိဖြစ်မှာပေါ့။ ဒါကြောင့် ကျွန်တော်က အဲဒါကို ခေါင်းထဲကိုမထည့်ဘူး” လို့ ပြန်လည်တုန့်ပြန်ပြောကြားခဲ့ပါတယ်။

Source: Nikkei Asia

#Myanmar

#Myanmar_Politics

#LocalNews
Published_ 12 February 2023

ဒီမိုကရေစီရေးနှင့် ဖက်ဒရယ်ရေးကိုဦးတည်သည့် နိုင်ငံရေးမျှော်လင့်ချက် ဖန်တီးပေးနိုင်မှသာလျှင် ပြည်သူလူထုအနေဖြင့် နိုင်ငံရေးနည်းလမ်းအပေါ် ပြန်လည်ယုံကြည်သက်ဝင်ပြီး ပူးပေါင်းပါဝင်လာမည်ဖြစ်ကြောင်း (၇၆)နှစ်မြောက် ပြည်ထောင်စုနေ့တွင် ပြည်သူ့ပါတီဗဟိုဌာနချုပ်က သဘောထားထုတ်ပြန်လိုက်သည်။

အဆိုပါ ပြည်သူ့ပါတီ၏ (၇၆)နှစ်မြောက် ပြည်ထောင်စုနေ့ ကြေညာချက်ထဲတွင် " နိုင်ငံတော်တည်ငြိမ်ရေးနှင့် ဖွံ့ဖြိုးတိုးတက်ရေး၏ အခြေခံနိုင်ငံရေးပြဿနာမှာ ဒီမိုကရေစီရေးနှင့် ဖက်ဒရယ်ရေးပင်ဖြစ်သည်။ လက်ရှိဖြစ်ပေါ်နေသော လက်နက်ကိုင်ပဋိပက္ခများ၏ အခြေခံအကြောင်းတရားမှာလည်း ဒီမိုကရေစီရေးနှင့် ဖက်ဒရယ်ရေးပင်ဖြစ်သည်။ ဤသည်မှာ နိုင်ငံရေးပြဿနာများကို နိုင်ငံရေးနည်းလမ်းဖြင့် မဖြေရှင်းခဲ့ခြင်း၏ အကျိုးဆက်ပင် ဖြစ်သည်။"ဟု ဆိုထားသည်။

ယင်းနောက် လွတ်လပ်ပြီး မြန်မာနိုင်ငံတော်အား ပြည်ထောင်စုပုံစံ ဒီမိုကရေစီနည်းကျ တည်ဆောက်သွားကြရန်၊ လွတ်လပ်ရေးခေါင်းဆောင်ကြီးများ နိုင်ငံရေးနည်းလမ်းဖြင့် ကြိုးပမ်းခဲ့ကြသည့် အစဉ်အလာကို ပြန်လည်ဖော်ထုတ်နိုင်ရန် အရေးတကြီးလိုအပ်နေကြောင်းလည်း သဘောထားထုတ်ပြန်ချက်တွင် ရေးသားထားသည်။

တိုင်းရင်းသားတန်းတူညီမျှရေး၊ ဖက်ဒရယ်ရေးပြဿနာကို မဖြေရှင်းနိုင်မှုကြောင့်ပင် တိုင်းရင်းသားဒေသအသီးသီး၌ လက်နက်ကိုင်ပဋိပက္ခများ ဖြစ်ပွားနေရခြင်းဖြစ်ကြောင်း၊ပြည်ထောင်စုမူ၊ ဖက်ဒရယ်မူကို အကြောင်းပြု၍ ပြည်ထောင်စုကြီး ပြိုကွဲတော့မည်ဟူသည့် အကြောင်းပြချက်ဖြင့်၊ ၁၉၆၂ ခုနှစ်တွင် တပ်မတော်မှ နိုင်ငံတော်အာဏာကို သိမ်းပိုက်ခဲ့သည့်အချိန်မှစ၍ ဒီမိုကရေစီရေး ပြဿနာပေါ်ပေါက်လာခြင်းဖြစ်ကြောင်း လည်း ဖော်ပြထားသည်။

၁၉၄၇ ခုနှစ်၊ ဖေဖော်ဝါရီလ (၁၂) ရက်တွင် တောင်တန်းဒေသ တိုင်းရင်းသားခေါင်းဆောင်ကြီးများနှင့် ပြည်မခေါင်းဆောင်များ လွတ်လပ်ရေးကို ပူးပေါင်းရယူပြီး နိုင်ငံတော်သစ်ကို မည်သို့မည်ပုံ တည်ဆောက်ကြမည်ဟု သဘောတူလက်မှတ် ရေးထိုးခဲ့ကြကြောင်း ပြည်ထောင်စုနေ့ ပင်လုံသဘောတူညီချက်သည် လွတ်လပ်ရေးနှင့် အချုပ်အခြာအာဏာ တည်တံ့ခိုင်မြဲရေး၊ ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်ရေးတို့၏ ရေသောက်မြစ်လည်းဖြစ်ကြောင်းလည်း ပြည်သူ့ပါတီက ထုတ်ပြန်သည့်သဘောထားတွင် ထည့်သွင်းရေးသားထားသည်။

ymg/mt
#Yangon_Media_Group

#Local_News
Published_ 12 February 2023

နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးချမ်းအေးသည် တရုတ်ပြည်သူ့ သမ္မတနိုင်ငံ၊ နိုင်ငံခြားရေးဝန်ကြီးဌာန၊ အာရှရေးရာဌာန၊ ဒုတိယညွှန်ကြားရေးမှူးချုပ် Ms. Fang Hong ဦးဆောင်သည့် ကိုယ်စားလှယ်အဖွဲ့အား ဖေဖော်ဝါရီ ၁၀ ရက်၊ နံနက်ပိုင်း တွင်နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ပါတယ်။

တွေ့ဆုံစဉ် Ms. Fang Hong က အာဆီယံ-တရုတ် ဆွေးနွေးဘက်ဆက်ဆံရေး နှစ် (၃၀) ပြည့် အထိမ်းအမှတ် အထူးထိပ်သီးအစည်းအဝေး၌ အာဆီယံ-တရုတ် ဘက်စုံ မဟာ ဗျူဟာမြောက်မိတ်ဖက်ဆက်ဆံရေး တည်ထောင်နိုင်ခဲ့ခြင်းအပါအဝင် လွန်ခဲ့တဲ့နှစ်များအတွင်း အာဆီယံ-တရုတ် ဆွေးနွေးဘက်ဆက်ဆံရေး တိုးတက်စေရေး အတွက် မြန်မာနိုင်ငံ၏ကြိုးပမ်းဆောင်ရွက်မှုများကို ကျေးဇူးတင်ကြောင်း ပြောကြားပါတယ်။

ထို့နောက် အာဆီယံ-တရုတ် စိုက်ပျိုးရေးနှင့် အစားအစာဖူလုံရေး ပူးပေါင်း ဆောင်ရွက်မှု နှစ်အတွက် ဖွင့်ပွဲ အခမ်းအနားကို ၂၀၂၃ ခုနှစ်၊ ဧပြီလတွင် ပြုလုပ်ရေးနှင့် (၂၉) ကြိမ်မြောက် အာဆီယံ-တရုတ် အဆင့်မြင့်အရာရှိကြီးများအစည်းအဝေးအတွက် ကြိုတင်ပြင်ဆင်ရေးတို့ အပေါ် ဆွေးနွေးခဲ့ ကြပါတယ်။

ဆက်လက်၍ တောင်တရုတ်ပင်လယ်ဆိုင်ရာ ကျင့်ထုံးတစ်ရပ်၏ တစ်ခုတည်း သောညှိနှိုင်းစာသားအား ဒုတိယအကြိမ်ဆွေးနွေးမှုအား ဆောလျင်စွာ အပြီးသတ်ရေး ကြိုးပမ်းဆောင်ရွက်သွားရန် နှစ်ဖက်စလုံးမှထပ်မံကတိပြုခဲ့ကြပြီး မြန်မာနိုင်ငံအနေဖြင့် အာဆီယံနှင့် ပူးပေါင်းဆောင်ရွက်မှုအပါအဝင် နှစ်ဖက်အပြန်အလှန် စိတ်ဝင်စားမှုရှိတဲ့ ကိစ္စရပ်များကို ဆွေးနွေးခဲ့ကြပါတယ်။

ထို့နောက် အာဆီယံရေးရာဦးစီးဌာန၊ ညွှန်ကြားရေးမှူးချုပ် ဒေါက်တာ ခင်သီတာအေးသည် ဒုတိယညွှန်ကြားရေးမှူးချုပ် Ms. Fang Hong ဦးဆောင်သည့် ကိုယ်စားလှယ်အဖွဲ့အား နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ပြီး အာဆီယံ-တရုတ် ပူးပေါင်းဆောင်ရွက်ရေး၊ အာဆီယံအပေါင်းသုံး ပူးပေါင်းဆောင်ရွက်ရေး၊ အရှေ့အာရှ ထိပ်သီးအစည်းအဝေး၊ အာဆီယံဒေသဆိုင်ရာဖိုရမ်ကဲ့သို့ အာဆီယံ ဦးဆောင်သည့် ယန္တရားများတွင် ပူးပေါင်းဆောင်ရွက်မှုမြှင့်တင်ရန် အခွင့်အလမ်းများအပေါ် အမြင်ချင်းဖလှယ်ခဲ့ကြပြီး အခြားအပြန်အလှန်စိတ်ဝင်စားမှုရှိသည့် ကိစ္စရပ်များကို ဆွေးနွေးခဲ့ ကြကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_ 12 February 2023

ဖေဖော်ဝါရီ ၁၂ ရက်နေ့မှာကြရောက်တဲ့ ၇၆ နှစ်မြောက်ပြည်ထောင်စုနေ့အခမ်းအနားသို့ပေးပို့တဲ့ သဝဏ်လွှာမှာ နစက ဥက္ကကပြောကြားခဲ့တာဖြစ်ပါတယ်။တိုင်းရင်းသားလက်နက်အဖွဲ့တွေအနေနဲ့ တွေ့ဆုံဆွေးနွေးရေးလမ်းကြောင်းပေါ်မှာတစ်ဆင့် လက်နက်ပဋိပက္ခချုပ်ငြိမ်းရေးကို ဆောက်ရွက်ဖို့ကိုလည်း တိုက်တွန်းထားပါတယ်။တစ်နိုင်ငံလုံးထာဝရငြိမ်းချမ်းရေးရရှိစေဖို့အတွက် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ပါ သဘောတူချုပ်တွေအတိုင်း အလေးထားလုပ်ဆောင်သွားမှာဖြစ်တယ်လို့လည်းဆိုပါတယ်။

နိုင်ငံတော်စီမံအုပ်ချုပ်ရေးကောင်စီဟာ အရေးပေါ်ကာလပြဠာန်းချက်တွေပြီးစီးပါက အထွေထွေရွေးကောက်ပွဲကျင်းပပေးမည်ဖြစ်ပြီး အနိုင်ရပါတီကို ဒီမိုကရေစီစံနူန်းများနဲ့အညီ နိုင်ငံအာဏာလွှဲအပ်နိုင်ရေးဆောင်ရွက်သွားဖြစ်တယ်လို့ သဝဏ်လွှာမှာဖော်ပြထားပါတယ်။၂၀၂၂ ခုနှစ်ကို ငြိမ်းချမ်းနှစ်အဖြစ်သတ်မှတ်ထားပြီး တိုင်းရင်းသားလက်နက်ကိုင်တွေနဲ့ဆွေနွေးပြီး ပြည်တွင်းပဋိပက္ခချုပ်ငြိမ်ရေးနဲ့ တည်ငြိမ်အေးချမ်းရေးဆောက်ရွက်ခဲ့ပေမယ့်ပြည်တွင်းပြည်ပစွက်ဖက်မူတွေကြောင့် အလှမ်းကွာနေဆဲဖြစ်တယ်လို့ ဖော်ပြထားပါတယ်။

တပ်မတော်အနေနဲ့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ပေါ် လျှောက်လှမ်းနိုင်ရေးအတွက် ၂၀၁၈ ခုနှစ် ဒီဇင်ဘာလ ၂၁ ရက်နေ့ကစပြီး ၂၀၂၂ ခုနှစ် နှစ်ကုန်အထိ တစ်ဖက်သတ်အပစ်ခတ်ရပ်စဲပေးထားခဲ့ပါတယ်။

ymg/ynzw
#Yangon_Media _Group