#Local_News
Published_ 26 February 2023

ရန်ကုန်မှာ လျှပ်စစ်ဓာတ်အားလိုင်းတွေ ပြုပြင်တာ၊ တည်ဆောက်တာတွေဆောင်ရွက်နေစဉ်အချိန်တွေမှာ မြို့နယ်(၅)ခုရဲ့နေရာအချို့မှာ လျှပ်စစ်မီးတွေ ယာယီပြတ်တောက်နိုင်တယ်လို့ ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းမှ သိရပါတယ်၊၊

#Local_News #ဓာတ်အားလိုင်း #တည်ဆောက်နေစဉ် #လျှပ်စစ်မီးပြတ်တောက် #YMG #Yangon_Media_Group

#TV Yangon Times Matters အစီအစဉ်
Published - 26 Feb 2023

အစီအစဉ်တင်ဆင်သူ ဆရာဟိန်းလတ်က သင်္ချာမောင်မောင်တီ
(သင်္ချာဆရာ)နှင့်အတူ

-"ဆယ်တန်းအောင်စာရင်းမထွက်ခင်ကတည်းက စာစသင်ခဲ့တာဖြစ်ပြီး စာသင်သက်နှစ် (၅၀)ပြည့်အတွင်းမှာ တပည့်ပေါင်း သိန်းကျော်နှင့်သင်္ချာဂုဏ်ထူးရှင် (၁၀၀)ခန့်မွေးထုတ်ခဲ့ပြီးဖြစ်ကြောင်း

- စာသင်သက်နှစ် (၅ဝ)ပြည့် ရွှေရတုအထိမ်းအမှတ်အဖြစ် သင်္ချာမှော်ရုံတောမှာ ..သူ‌ယောင်မယ်ပုစ္ဆာ ပွင့်သစ်များနှင့်ပျော်မွေ့နေသော" ကိန်းဂဏန်းကြားက မောင်မောင်တီ" စာအုပ်မိတ်ဆက်ပွဲ ပြုလုပ်ခဲ့တဲ့အ‌ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV_Yangon_Times_Matters #ဆရာဟိန်းလတ် #သင်္ချာမောင်မောင်တီ #YMG #Yangon_Media_Group

Published 26 Feb 2023

ပြည်ပနိုင်ငံတွေမှာရှိကြတဲ့ မြန်မာသံရုံးတွေနှင့် ကောင်စစ်ဝန်ချုပ်ရုံးတွေမှာ စီးပွားရေးသံမှူးတွေအဖြစ် တာဝန်ထမ်းဆောင်ဖို့အတွက် ဝန်ကြီးဌာနတွေက အရာထမ်း (၁၆)ဦးကို ခန့်အပ်လိုက်တယ်လို့ ဇန်နဝါရီ ၁၆ ရက် နေ့စွဲဖြင့် ထုတ်ပြန်တဲ့ နစက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ အမိန့်ကြော်ငြာစာ အမှတ် ၆/၂၀၂၃ အရသိရပါတယ်။

စီး/ကူးဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦး လက်မှတ်ရေထိုးထုတ်ပြန်တဲ့ အဆိုပါ စီးပွားရေးသံမှူးများခန့်အပ်တာဝန်ပေးတဲ့ အမိန့်မှာ စီမံကိန်းဘဏ္ဍာရေးဝန်ကြီးဌာန၊ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဟိုတယ်နှင့်ခရီးသွားလာရေးဝန်ကြီးဌာန၊ကာကွယ်ရေးဝန်ကြီးဌာနတို့မှ အရာရှိကြီး (၁၆)ဦးပါဝင်ပါတယ်။

ခန့်အပ်ခံရတဲ့ စီးပွားရေးသံမှူးများမှာ အဆိုပါ ဝန်ကြီးဌာန (၅)ခုတွင် တာဝန်ထမ်းဆောင်နေသည့် ဦးစီးအရာရှိအဆင့်(၁)ဦး၊လက်ထောက်ညွှန်ကြားရေးမှူးအဆင့် (၆)ဦးနှင့် ဒုတိယညွှန်ကြားရေးမှူးအဆင့်(၉)ဦးတို့ပါဝင်ကြတယ်လို့ အမိန့်ကြော်ငြာစာတွင်ဖော်ပြထားပါတယ်။

ယင်းစီးပွားရေးသံမှူး (၁၆)ဦးသည် ပြည်ပ(၁၂)နိုင်ငံဖြစ်တဲ့ ဂျာမနီ၊ဗီယက်နမ်၊ဖိလစ်ပိုင်၊အမေရိကန်ပြည်ထောင်စု၊ဂျပန်၊အိန္ဒိယ၊ တောင်ကိုရီးယား၊တရုတ်၊ အာရပ်စော်ဘွားများပြည်ထောင်စု၊ရုရှားဖက်ဒရေးရှင်းစင်္ကာပူနှင့်ထိုင်းနိုင်ငံတို့မှာ တာဝန်ထမ်းဆောင်ကြမှာဖြစ်ပါတယ်။

အဆိုပါစီးပွားရေးသံမှူးတွေဟာ သက်ဆိုင်ရာ ပြည်ပနိုင်ငံများရှိ မြန်မာသံရုံးများ၊ ကောင်စစ်ဝန်ချုပ်ရုံးများတွင် နိုင်ငံခြားရေးဝန်ကြီးဌာနရှိ အဆင့်တူသံတမန်ဝန်ထမ်းများအတွက် သတ်မှတ်ထားသည့် လစာနှင့် နိုင်ငံခြားစရိတ်များအတိုင်း  ခံစားခွင့်ပြုကြောင်းလည်းအမိန့်အရသိရပါတယ်။

YMG/knl

#စီးပွားရေးသံမှူး

#မြန်မာစီးပွားရေးသံမှူး

#မြန်မာနိုင်ငံရေး

#မြန်မာစီးပွားရေး

#YangonMediaGroup

#Myanmar_News

#LocalNews
Published-25 February 2023

ယာယီရပ်ထားသော မလေးရှားရောက် မြန်မာနိုင်ငံသားများ၏ နိုင်ငံကူးလက်မှတ်လုပ်ငန်းစဉ် ပြန်လည်စတင်မည် ဖြစ်ကြောင်း မလေးရှားနိုင်ငံဆိုင်ရာ မြန်မာသံရုံး(ကွာလာလမ်ပူ)က သိရသည်။

နိုင်ငံကူးလက်မှတ်ထုတ်ပေးမည့် နည်းပညာအဆင့်မြှင့်တင်မှုများ ပြုလုပ်ရန်ရှိသောကြောင့် ပြီးခဲ့သည့် ဖေဖော်ဝါရီလ ၆ ရက်ကစတင်ရပ်နားခဲ့သော အဆိုပါလုပ်ငန်းစဉ်ကို မတ်လ ၁ ရက်တွင် ပြန်လည်စတင်မည်ဟု အဆိုပါသံရုံးက ထုတ်ပြန်ထားခြင်းဖြစ်သည်။

ယာယီရပ်နားထားစဉ်တွင် နိုင်ငံကူးလက်မှတ်ပြုလုပ်ရန် ရက်ချိန်းယူထားသူများအား သက်မှတ်နေ့အလိုက် မတ်လ ၁ ရက်ကတင် ပြုလုပ်ပေးမည်ဖြစ်ပြီး ရက်ချိန်းရယူထားသူများအနေဖြင့် သံရုံးသို့ လာရမည့်ရက်ကိုလည်း ထုတ်ပြန်ချက်တွင် ပူးတွဲဖော်ပြထားသည်။

ymg/mt

#Yangon_Media_Group

#Local_News
Published_ 26 February 2023

ရန်ကုန်မြို့၊ MCC ခန်းမ၌ ဖေဖော်ဝါရီ ၂၅ ရက် နံနက်ပိုင်းက ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ လူငယ်ထုတွေ့ဆုံပွဲကိုကျင်းပခဲ့ကြောင်း သိရပါတယ်။

တွေ့ဆုံပွဲသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဌ ဦးခင်ရီ၊ ဒုတိယ ဥက္ကဌ ဦးမျိုးဇော်သိန်း ၊ဗဟိုကော်မတီဝင်များ၊ တိုင်းဒေသကြီး ပြည်ခိုင်ဖြိုးပါတီ ဥက္ကဌ များ၊ တိုင်းဒေသကြီးကော်မတီဝင်များ၊ ခရိုင်ဥက္ကဌများနှင့် ကော်မတီဝင်များ၊ မြို့နယ်ဥက္ကဌနှင့် ကော်မတီဝင်များ၊ ပါတီဝင် လူငယ် မောင်မယ်များနှင့် ပါတီဝန်းရံသူများအင်အားစုစုပေါင်း ၃၂၀၀ ကျော် တက်ရောက်ခဲ့ကြပါတယ်။

တွေ့ဆုံပွဲတွင် ပြည်ခိုင်ဖြိုးပါတီဥက္ကဌဦးခင်ရီက ကြိုဆိုနှုတ်ခွန်းဆက်စကားပြောကြားပြီး လူငယ်များနှင့်ကဏ္ဍအလိုက် အပြန်အလှန်ဆွေးနွေးခဲ့ကြကြောင်း သတင်းရရှိပါတယ်။

ygm_mnn

#Yangon_Media_Group

#Local_News
Published_ 25 February 2023

ဖေဖော်ဝါရီလ ၂၀ ရက်နေ့ကစပြီး ၂၅ ရက်နေ့အထိ ကမ္ဘာ့ရွှေဈေးဆက်တိုက်ကျဆင်းလာပြီး ဖေဖော်ဝါရီလ ၂၅ ရက်နေ့ပေါက်ဈေးဟာ တစ်အောင်စကို ၁၈၁၀ ဒေါ်လာအထိ ဈေးကျလာတယ်လို့ ရွှေလုပ်ငန်းရှင်တွေက ပြောပါတယ်။

#Local_News #Gold #Business #Market_Price #YMG
#Yangon_Media_Group