Myanmar

#Local_News Published_ 12 March 2023 ၂၀၂၂-၂၀၂၃ ဘဏ္ဍာနှစ်တွင် ပင်လယ်ရေကြောင်းမှ အများဆုံးကုန်သွယ်မှုပြုလုပ်ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့်စာရင်းများအရ သိရသည်။ မြန်မာနိုင်ငံမှ ပြည်ပနိုင်ငံတွေကို ပင်လယ်ရေကြောင်းကနေတဆင့် အပြန်အလှန်ကုန်သွယ်မှုမှ ယခုဘဏ္ဍာရေးနှစ် ၁၀ လတာကာလအတွင်း ကုန်သွယ်မှုပမာဏငွေမှာ အမေရိကန်ဒေါ်လာ ၂၃ ဒသမ ၁၄ ဘီလီယံ ရရှိထားပြီး ကာလတူ ပြီးခဲ့သည့် ဘဏ္ဍာရေးနှစ်နှင့် နှိုင်းယှဉ်ပါက အမေရိကန်ဒေါ်လာ ၃ ဒသမ ၃၇ ဘီလီယံပိုမိုရရှိထားကြောင်း စာရင်းများအရ သိရသည်။ ဝန်ကြီးဌာနက ထုတ်ပြန်ထားသည့် ကိန်းဂဏန်းအချက်အလက်တွေအရ ၂၀၂၂ ခုနှစ် ဧပြီ မှ ၂၀၂၃ ခုနှစ် ဖေဖော်ဝါရီ ၂၄ ရက်အထိ လပေါင်း ၁၀ လတာ ကာလအတွင်းမှာ မြန်မာနိုင်ငံအနေဖြင့် ပင်လယ်ရေကြောင်းကတဆင့် ပို့ကုန်တင်ပို့မှု ပမာဏသည် အမေရိကန်ဒေါ်လာ ၉ ဒသမ ၆၂ ဘီလီယံ ရရှိခဲ့သည့်အတွက် ပြီးခဲ့တဲ့နှစ် ကာလတူနှင့်နှိုင်းယှဉ်ပါက ၇ ဒသမ ၈ ရာခိုင်နှုန်း တိုးလာခြင်းဖြစ်သည်။ အလားတူ ပင်လယ်ရေကြောင်းကတဆင့် သွင်းကုန် တင်သွင်းမှုပမာဏသည်လည်း အမေရိကန်ဒေါ်လာ ၁၃ ဒသမ ၅၂ ဘီလီယံရရှိထားပြီး ကာလတူ အခြေအနေနှင့်ယှဉ်ပါက ၂၆ ရာခိုင်နှုန်း တိုးလာသည်။ လက်ရှိဘဏ္ဍာရေးနှစ် ၁၀ လတာ ကာလအတွင်း ပင်လယ်ရေကြောင်းကတဆင့် မြန်မာနှင့် ပြည်ပနိုင်ငံတွေအကြား အပြန်အလှန်ကုန်သွယ်မှုကို ယခင်နှစ်နှင့်နှိုင်းယှဉ်ပါက ၃၃ ဒသမ ၈ ရာခိုင်နှုန်းတိုးလာကြောင်း စာရင်းများအရ သိရသည်။ ၂၀၂၂-၂၃ ဘဏ္ဍာရေးနှစ် ၁၀လတာ ကာလအတွင်းမှာ ပင်လယ်ရေကြောင်း အပါအဝင် နယ်စပ်လမ်းကြောင်းတို့ကတဆင့် မြန်မာနှင့် ပြည်ပနိုင်ငံတွေအကြား အပြန်အလှန်ကုန်သွယ်မှုသည် အမေရိကန်ဒေါ်လာ ၃၀ ဒသမ ၇၉ ဘီလီယံ ရရှိထားသည့်အနက် နယ်စပ်ကုန်သွယ်မှုသည် အမေရိကန်ဒေါ်လာ ၇ ဒသမ ၆၄ ဘီလီယံ ရရှိထားသည်။ ymg/ppk #Yangon_Media_Group

: Category: Myanmar; 12 March 2023; Hits: 356

Myamar

#LocalNews Published_ 12 March 2023 ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း)မြို့နယ် လေးထောင့်ကန်ကျေးရွာအနီး မြေဧရိယာ ၁၇၁ ဧကပေါ်၌ တည်ဆောက်လျက်ရှိသော ပြည်သူ့အငှားအိမ်ရာစီမံကိန်းပထမအဆင့်အပိုင်း တည်ဆောက်ရေးလုပ်ငန်းများ လာမည့်ဘဏ္ဍာနှစ်တွင် ရာနှုန်းပြည့်ပြီးစီးမည်ဖြစ်ကြောင်း ဆောက်လုပ်ရေးဝန်ကြီးဌာနက သိရသည်။ အဆိုပါ ပြည်သူ့အငှားအိမ်ရာ စီမံကိန်းကို နိုင်ငံတော်အစိုးရဘဏ္ဍာငွေဖြင့် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်(MCEF)က အဆောက်အအုံ ၉၇ လုံးနှင့် မြန်မာနိုင်ငံလိုင်စင်ရ ကန်ထရိုက်တာများအသင်းချုပ် (MLCA)က အဆောက်အအုံ ၉၇ လုံးဖြင့် စုစုပေါင်း အဆောက်အအုံ ၁၉၄ လုံးကို ဆောက်လုပ်နေခြင်းဖြစ်ပြီး အဆင့်မြင့်အိမ်ခန်းပေါင်း ၃၁၀၄ ခန်းပါဝင် မည်ဖြစ်ကြောင်း သိရသည်။ ယင်းကို တိုင်းဒေသကြီးအတွင်းရှိ အိမ်ရာမဝယ်ယူနိုင်သေးသည့် ဝင်ငွေနည်းပြည်သူများ၊ အငြိမ်းစား ဝန်ထမ်းများ၊ အငြိမ်းစားယူရန် နီးကပ်နေသည့် ဝန်ထမ်းများ၊ ဝင်ငွေနည်း ကုမ္ပဏီဝန်ထမ်းများနေထိုင်ရေး အဆင်ပြေစေရန် ရည်ရွယ်၍ တည်ဆောက်နေခြင်း ဖြစ်ကြောင်း၊လက်ရှိတွင် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်(MCEF)က တာဝန်ယူထားသည့် အဆောက်အအုံ ၉၇ လုံး အနက် ၂၇ လုံးကို မြို့ပြနှင့်အိမ်ရာဖွံ့ဖြိုးရေးဦးစီးဌာနကို အပ်နှံပြီးဖြစ်ကြောင်း၊ကျန်အဆောက်အအုံများကိုလည်း ဆက်လက် တည်ဆောက်နေကြောင်း၊စီမံကိန်းအတွင်းလမ်း၊ အုတ်ရေမြောင်း၊ Box Culvert နှင့် ရေသန့်လုပ်ငန်းဆောင်ရွက်ပြီးစီးမှု ၉၃ ရာခိုင်နှုန်း ဆောင်ရွက်ပြီးစီးနေပြီဖြစ်ကြောင်း သိရသည်။ အိမ်ရာစီမံကိန်း ပြီးစီးပါကရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကော်မတီ(YRTC)အနေဖြင့် သယ်ယူပို့ဆောင်ရေးလုပ်ငန်းများ ဆောင်ရွက်သွားမည် ဖြစ်ကြောင်း၊လျှပ်စစ်လုပ်ငန်းအတွက် ဓာတ်အားခွဲရုံ တည်ဆောက်ရေးလုပ်ငန်းများ လုပ်ဆောင်နေပြီဖြစ်ကြောင်းလည်း သိရသည်။ ymg/mt #Yangon_Media_Group '

: Category: Myanmar; 12 March 2023; Hits: 402

Myamar

#LocalNews Published_ 12 March 2023 ပြည်ပသို့သယ်ဆောင်မည့် ငွေကျပ် ၃၀ ဘီလီယံတန်ဖိုးရှိ အိုက်စ် (မက်သ်အဖက် တမင်း) များကို မန္တလေးတိုင်းဒေသကြီး သာစည်မြို့နယ်တွင်ဖမ်းမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။ ပြီးခဲ့သည့် မတ်လ ၄ ရက်က ရှမ်းပြည်နယ် (မြောက်ပိုင်း)မှ ရန်ကုန်တိုင်းဒေသကြီးသို့ ဆီဘောက်ဆာယာဉ်ဖြင့် အိုက်စ်(မက်သ်အဖက်တမင်း)များ ကို သယ်ဆောင်မည်ဖြစ်ကြောင်း သတင်းရရှိသောကြောင့် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့ က မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံရှာဖွေစစ်ဆေးရေးစခန်းတွင် စောင့်ဆိုင်းရှာဖွေခဲ့ကြခြင်း ဖြစ်ကြောင်း သိရသည်။ အဆိုပါ မူးယစ်ဆေးများကို သိန်းဝင်းဆွေ(ခ)မဲကြီး မောင်းနှင်ကာ ကျော်ခိုင်ထွေး လိုက်ပါလာသည့်သတင်းရရှိထားသော ဆီဘောက်ဆာရှစ်ဘီးယာဉ်၏ ကိုယ်ထည်အတွင်း သိုဝှက်သယ်ဆောင်လာခြင်း ဖြစ်ကြောင်း၊စစ်ဆေးဖော်ထုတ်ချက်အရ ဖမ်းဆီးရမိ အိုက်စ်(မက်သ်အဖက်တမင်း)များ သယ်ဆောင်ရာတွင် ပူးပေါင်းပါဝင်သူ ကိုဘုန်း (ခ) ဘုန်းနိုင်ဝင်းအား မတ်လ ၅ ရက်တွင် တောင်ကြီးမြို့၊ ကျောင်းကြီးစုရပ်ကွက်၊ နယ်မြေ(၁၂)၊ နေအိမ်၌ FORD ယာဉ် ၁ စီးနှင့်အတူ ဆက်လက် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။ ဖမ်းဆီးရမိခဲ့သည့် အိုက်စ် (မက်သ်အဖက်တမင်း)များမှာ လက်ဖက်ခြောက်အိတ်ခွံအမျိုးမျိုးဖြင့် ထုပ်ပိုးထားခြင်း၊ လက်ဖက်ခြောက်အိတ်ထုပ်ပိုးခွံ အမှတ်တံဆိပ်အသစ်ဖြင့် ထုပ်ပိုးထားခြင်းများပြုလုပ်ထား ကြောင်း၊၎င်း အိုက်စ်(မက်သ်အဖက်တမင်း)များမှာ ရန်ကုန်တိုင်းဒေသကြီးမှတစ်ဆင့် ပင်လယ်ရေကြောင်းအသုံးပြု၍ ပြည်ပသို့ ဆက်လက်သယ်ဆောင်မည့် အိုက်စ်(မက်သ်အဖက်တမင်း)များဖြစ်ကြောင်း၊ယခုအခါ ၎င်းတို့အား ဥပဒေအရ အရေးယူထားရှိပြီး ကွင်းဆက် ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း သိရသည်။ ymg/mt #Yangon_Media_Group

: Category: Myanmar; 12 March 2023; Hits: 405

Myamar

#Local_News
Published_ 1 March 2023

ကရင်ပြည်နယ်မြဝတီမြို့နယ်မှာ ပြီးခဲ့တဲ့ ၂၀၂၂ခုနှစ်အောက်တိုဘာလလောက်လကစပြီး လျှပ်စစ်မီးပြတ်တောက်နေတာဖြစ်တယ်လို့ ဒေသခံတွေက ပြောပါတယ်။ အစိုးရလျှပ်စစ်မီးမရရှိတဲ့အတွက် ဆိုလာပြားတွေ၊ မီးစက်တွေကိုအသုံးပြုနေရတာကြောင့် ကုန်ကျစရိတ်မြင့်မားလာပြီး အခြေခံကုန်ဈေးနှုန်းတွေလည်းမြင့်တက်လာတယ်လို့ဒေသခံတွေက ပြောပါတယ်။

#Local_News #မြဝတီမြို့ #မြို့နေလူထုအခက်အခဲ #လျှပ်စစ်မီးပြတ်တောက် #YMG #Yangon_Media_Group

: Category: Myanmar; 02 March 2023; Hits: 300

Video
Myamar

#Local_News
Published_ 1 March 2023

မတ်လအတွင်းမှာ လေဖိအားနည်းရပ်ဝန်း တစ်ကြိမ်ဖြစ်ပေါ်နိုင်ပြီး ဒေသအချို့မှာ မြူတွေကျဆင်းဦးမှာဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #မတ်လ #လေဖိအားနည်းရပ်ဝန်း #မြူကျဆင်း#YMG
#Yangon_Media_Group

: Category: Myanmar; 02 March 2023; Hits: 296

Video
Myamar

#Local_News
Published_ 1 March 2023

အထပ်မြင့် တိုက်ခန်းနေထိုင်တဲ့သူတွေအနေနဲ့ မီးလောင်ချိန်မှာ အိမ်သော့နဲ့သံပန်းသော့တွေပျောက်နေလို့ တိုက်ခန်းတွင်းပိတ်မိပြီး သေဆုံးမှုတွေများနေတယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်၊၊

#Local_News #အိမ်သော့နှင့်သံပန်းသော့များ #တိုက်ခန်းတွင်း #မီးလောင်သေဆုံးမှု #YMG #Yangon_Media_Group

: Category: Myanmar; 02 March 2023; Hits: 329

Video
Myamar

#Local_News
Published_ 1 March 2023

မတ်လ ၁ရက်နေ့ မနက်ပိုင်းမှာ ကမ္ဘာ့ရွှေဈေး တစ်အောင်စကို ၁၈၂၆ ဒေါ်လာပေါက်ဈေးရှိနေပြီး ဖေဖော်ဝါရီလ ၂၈ရက်ထက် ဈေးနှုန်းမြှင့်တက်လာပါတယ်။

#Local_News #ကမ္ဘာ့ရွှေဈေး #ဒေါ်လာ #ပြင်ပပေါက်ဈေး #YMG
#Yangon_Media_Group

: Category: Myanmar; 02 March 2023; Hits: 332

Video
Myamar

Page 1119 of 1927

ယခုဘဏ္ဍာနှစ်အတွင်း ပင်လယ်ရေကြောင်းမှ အများဆုံးကုန်သွယ်မှုပြုလုပ်ထား

ရန်ကုန် ပြည်သူ့အငှားအိမ်ရာစီမံကိန်း ပထမအဆင့် ပြီးစီးတော့မည်

မြဝတီမြို့မှာ ၆လကျော် အစိုးရလျှပ်စစ်မီးပြတ်တောက်နေတဲ့အတွက် မြို့နေလူထုအခက်အခဲဖြစ်ပေါ်နေ

မတ်လအတွင်း လေဖိအားနည်းရပ်ဝန်းတစ်ကြိမ်ဖြစ်ပေါ်နိုင်၊ ဒေသအချို့၌ မြူကျဆင်းဦးမည်

အိမ်သော့နှင့်သံပန်းသော့များ ပျောက်နေ၍ တိုက်ခန်းတွင်းမီးလောင်သေဆုံးမှုများအဖြစ်များနေ

Contact Us

Building D, No.101, 1st Floor, Mahabandoola Tower(Near Mahabandoola Bridge), Mahabandoola Road, Pazundaung Township, Yangon.