#Local_News
Published_ 21 April 2023

ပြည်ထောင်စုရွေးကောက်ပွဲကော်မရှင်သည် ကြေညာချက်အမှတ် (၆/၂၀၂၃) ဖြင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကို ဧပြီလ ၂၀ ရက်နေ့တွင် နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၉ နှင့်အညီ နိုင်ငံရေးပါတီအဖြစ် မှတ်ပုံတင်ခွင့်ပြုခဲ့ပြီးဖြစ်ကြောင်း ရွေးကောက်ပွဲကော်မရှင်က ထုတ်ပြန်လိုက်သည်။

နိုင်ငံရေးပါတီ မှတ်ပုံတင်ခြင်းဥပဒေအသစ်အရ ပါတီမှတ်ပုံတင်အမှတ်(၁)ဖြစ်ပြီး ပထမဦးဆုံးခွင့်ပြုပေးသည့်ပါတီဖြစ်သည်။

နိုင်ငံတော်စီမံအုပ်ချုပ်ရေးကောင်စီ ဥပဒေအမှတ် (၁၅/၂၀၂၃) ဖြင့် ပြဋ္ဌာန်းခဲ့သည့် နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၃ အရ နိုင်ငံရေးပါတီတည်ထောင်ခွင့်နှင့် မှတ်ပုံတင်ခွင့်လျှောက်ထားသည့်ပါတီ ၁၃ ပါတီရှိပြီး နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၂၅ အရ နိုင်ငံရေးပါတီအဖြစ် ဆက်လက်တည်ထောင်ခွင့်နှင့် မှတ်ပုံတင်ခွင့်လျှောက်ထားသည့်ပါတီ ၅၀ ပါတီ၊ စုစုပေါင်း ၆၃ ပါတီရှိပြီဖြစ်ကြောင်း ရွေးကောက်ပွဲကော်မရှင်ရဲ့စာရင်းများအရ သိရသည်။

ထိုသို့ ဥပဒေ၊ နည်းဥပဒေများနှင့်အညီ နိုင်ငံရေးပါတီတည်ထောင်ခွင့်၊ နိုင်ငံရေးပါတီ ဆက်လက်တည်ထောင်ခွင့်နှင့် မှတ်ပုံတင်ခွင့်လျှောက်ထားပြီးသည့် ပါတီများတွင် ပြည်ထောင်စုတစ်ဝန်းလုံးစည်းရုံးမည့် ပါတီ ၁၂ ပါတီနှင့် တိုင်းဒေသကြီး သို့မဟုတ် ပြည်နယ်တစ်ခုအတွင်း၌သာ စည်းရုံးမည့်ပါတီ ၅၁ ပါတီဖြစ်ပြီး အဆိုပါ ပါတီများကို တည်ထောင်ခွင့်နှင့် မှတ်ပုံတင်ခွင့်ပြုနိုင်ရေး ပြည်ထောင်စုရွေးကောက်ပွဲကော်မရှင်က စိစစ်ဆောင်ရွက်လျက်ရှိကြောင်း ထုတ်ပြန်ထားသည်။

မှတ်ပုံတင်ခွင့်ပြုခဲ့ပြီးဖြစ်သော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအနေဖြင့် နိုင်ငံရေးပါတီများ မှတ်ပုံတင်ခြင်းဥပဒေ၊ နည်းဥပဒေများနှင့်အညီ ဆောင်ရွက်ထားမှု ရှိ/မရှိအား ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသိန်းစိုးနှင့်အဖွဲ့ဝင်များက ယနေ့ဧပြီလ ၂၁ရက်နေ့တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဌာနချုပ်၌ ကြည့်ရှုစစ်ဆေးဆောင်ရွက်ခဲ့ကြောင်း ရွေးကောက်ပွဲကော်မရှင်က ထုတ်ပြန်ထားပါသည်။

#ymg/ynzw #Local_News #ပြည်ထောင်စုကြံ့ခိုင်ရေး #မှတ်ပုံတင်ခွင့်ပြု
#YMG #Yangon-Media-Group

#World_Health
Published 21 April 2023

ကာဗိုဟိုက်ဒရိတ်က နေ့စဉ်အစားအစာတွေထဲက အရေးပါတဲ့အစိတ်အပိုင်းဖြစ်ပြီး မရှိမဖြစ်လို့ ဆိုနိုင်ပါတယ်။

ပေါင်မုန့်၊ ပဲ၊ အာလူး၊ သကြား၊ ကွတ်ကီး၊ ဖျော်ရည်တို့မှာ အဓိကပါဝင်ပြီး သကြားပါဝင်တဲ့ အစားအစာတွေက လေဖြတ်ခြင်းနဲ့ နှလုံးဖောက်ခြင်းတို့ကို ဖြစ်နိုင်ချေများစေကြောင်း လေ့လာတွေ့ရှိထားပါတယ်။

အသက် ၃၇ နှစ်မှ ၇၃ နှစ်ကြား လူပေါင်း ၁ သိန်းကျော်မှာ ၉ နှစ်ကြာအောင်လေ့လာခဲ့ရာမှာ သကြားမှရတဲ့စွမ်းအင် ၅ ရာခိုင်နှုန်းများလာတိုင်း နှလုံးရောဂါဖြစ်နိုင်ချေ ၆ ရာခိုင်နှုန်းနဲ့ လေဖြတ်အန္တရာယ် ၁၀ ရာခိုင်နှုန်းများလာကြောင်း တွေ့ရှိရပါတယ်။

တစ်နေ့ကို သကြား ၉၅ ဂရမ်ထက်ပိုစားတဲ့လူတွေဟာ ဒီလိုအခြေအနေဖြစ်နိုင်ချေအများဆုံးရှိနေပါတယ်။

ဆန့်ကျင်ဘက်အနေနဲ့ အမျှင်ဓာတ် ၅ ဂရမ်စားသုံးနေကျသူတွေက နှလုံးရောဂါဖြစ်နိုင်ချေ ၄ ရာခိုင်နှုန်းလျော့ကျကြောင်း တွေ့ရှိထားပါတယ်။

အကြံပေးချင်တာကတော့ သကြားဓာတ်ကို တတ်နိုင်သမျှ လျှော့ချစားသုံးဖို့နဲ့ ကယ်လိုရီစုစုပေါင်းရဲ့ ၁၀ ရာခိုင်နှုန်းထက် မပိုသင့်ပါဘူး။

ဒီလိုမျိုးစားသောက်ပုံစံ ပြောင်းလဲလိုက်ရုံဖြင့် နှလုံးရောဂါနဲ့ လေဖြတ်ခြင်းအန္တရာယ် ဖြစ်နိုင်ချေလျော့ကျသွားနိုင်ပါတယ်။

မိုနိုဆက်ခရိုက်၊ ဒိုင်ဆက်ခရိုက်၊ ပိုလီဆက်ခရိုက်စတဲ့ သကြားအမျိုးမျိုးပါဝင်တဲ့ ကာဗိုဟိုက်ဒရိတ်တွေကို စားသုံးကြကြောင်း၊ သကြားတွေက အစာချေစနစ်မှာ မိုနိုဆက်ခရိုက်များအဖြစ် ပြိုကွဲသွားကြောင်း၊ သကြားဓာတ်အမျိုးမျိုးကို စုပ်ယူရာမှာနှုန်းမတူညီတာကြောင့် ခန္ဓာကိုယ်အပေါ်သက်ရောက်မှုမှာ ကွဲပြားကြောင်း မက်ကာဘီကျန်းမာရေးအစားအသောက်ပညာရှင် 'စမာဒါပရိုင်မော'က ပြောပြခဲ့ပါတယ်။

သွေးကြောစနစ်ထဲ သကြားမြန်မြန်ဝင်ရောက်လေ၊ ကျန်းမာရေးပြဿနာအမျိုးမျိုးအပေါ် ပိုမိုသက်ရောက်လေဖြစ်ပါတယ်။

ကာဗိုဟိုက်ဒရိတ်တွေ ပိုမိုရှုပ်ထွေးတဲ့ပုံစံဖြစ်ဖို့လိုအပ်ပြီး ဒါမှသာ ဖြည်းဖြည်းချင်းပြိုကွဲသွားကာ ကျန်းမာရေးအပေါ် အန္တရာယ်သက်ရောက်မှု နည်းစေမှာဖြစ်ပါတယ်။

ရိုးရှင်းတဲ့သကြားဓာတ်တွေက ဂလူးကို့စ်၊ သကာရည်တို့ဖြစ်ပြီး မုန့်ပဲသရေစာ၊ အချိုဓာတ်ပါတဲ့ဖျော်ရည်တို့မှာ ပါဝင်ပါတယ်။

သစ်သီးဖျော်ရည်တွေက သကြားဓာတ်များပြီး အသီးလိုက်စားမယ်ဆိုရင်တော့ အမျှင်ဓာတ်ပါဝင်တာကြောင့် သွေးတွင်းသကြားစုပ်ယူမှုနှေးစေပါတယ်။

ဒါကြောင့် အသီးဖျော်ရည်သောက်တာထက် အသီးလိုက်စားပေးခြင်းက ပိုမိုကျန်းမာစေပါတယ်။

#Source: The Jerusalem Post #World_Health #သကြား #လေဖြတ်ခြင်းအန္တရာယ်
#Yangon_Media_Group #YMG

#Local_News
Published_ 21 April 2023

ရှမ်းပြည်နယ်(အရှေ့ပိုင်း)၊ တာချီလိတ်မြို့၌ ငွေကျပ် ၁ ဒသမ ၁ ဘီလီယံကျော်တန်ဖိုးရှိ စိတ်ပြောင်းဆေးဝါး (Happy Water) ၁၀ ကီလိုကျော်အား မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ဧပြီ ၁၉ ရက်တွင် ဖမ်းဆီးရမိခဲ့ကြောင်းသိရပါတယ်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များနှင့် ပူးပေါင်းအဖွဲ့သည် ဧပြီ ၁၉ ရက် ည ၉ နာရီခွဲအချိန်ခန့် ရှမ်းပြည်နယ်(အရှေ့ပိုင်း)၊ တာချီလိတ်မြို့၊ ဆန်ဆိုင်း(က)ရပ်ကွက်၊ မြို့ရှောင်လမ်းတွင် စိုင်းအောင်ဆာ မောင်းနှင်ပြီး စိုင်းပူးခမ်းလိုက်ပါလာသည့် Crown မော်တော်ယာဉ်ကို သတင်းအရရှာဖွေခဲ့ပါတယ်။

ထို့သို့ရှာဖွေရာ ယာဉ်ပေါ်မှ ပလတ်စတစ်အိတ် ၂၉၅ အိတ်ဖြင့်ထည့်လျက် ဒေသကာလတန်ဖိုးငွေကျပ် ၁ ဒသမ ၁ ဘီလီယံကျော် တန်ဖိုးရှိ စိတ်ပြောင်းဆေးဝါး(Happy Water) ၁၀ ဒသမ ၀၃ ကီလို သိမ်းဆည်းရမိခဲ့တာ ဖြစ်ပါတယ်။

သို့ဖြစ်၍ ၎င်းတို့အား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်းနှင့် အလားတူ မူးယစ်ဆေးဝါးနှင့် စိတ်ပြောင်းဆေးဝါးများ ဖော်ထုတ်ဖမ်းဆီးရမိရေး အရှိန်အဟုန်မြှင့်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

#ymg_mnn #Local_News #တာချီလိတ် #စိတ်ပြောင်းဆေးဝါး #YMG
#Yangon_Media_Group

#Local_News
Published_ 21 April 2023

ဧပြီလ ၂၀ ရက်တွင်ကျင်းပသည့် “Tiangong အာကာသစခန်းမှ အာကာသယာဉ်မှူးများနှင့်စကားဝိုင်း - Shenzhou -15 အာကာသယာဉ်မှူးများနှင့် Shanghai Cooperation Organization (SCO) အဖွဲ့ဝင်နိုင်ငံမှ လူငယ်များ အမေးအဖြေအစီအစဉ်” အွန်လိုင်းသင်ခန်းစာတွင် မြန်မာနိုင်ငံ အခြေခံပညာအထက်တန်းကျောင်း ၄ ကျောင်းမှ ကျောင်းသားကျောင်းသူ ၂၀ ဦးတက်ရောက်ပါဝင်ခဲ့ကြောင်း တရုတ်သံရုံးရဲ့ ထုတ်ပြန်ချက်အရ သိရပါတယ်။

အဆိုပါအစီအစဉ်တွင် SCO အဖွဲ့အတွင်းရေးမှူးချုပ် Mr. Zhang Ming၊ SCO ချစ်ကြည်ရင်းနှီးစွာပူးပေါင်းဆောင်ရွက်ရေးကော်မတီ ဒုတိယဥက္ကဋ္ဌ Ms. Cui Li ၊ All-China Youth Federation အသင်း ဒုတိယဥက္ကဋ္ဌ Mr. Fu Zhenbang၊ အာကာသယာဉ်မှူးကိုယ်စားလှယ် Mr. Cai Xuzhe တို့မှ အမှာစကားပြောကြားခဲ့ပါတယ်။

ထို့နောက် Shenzhou-15 အာကာသယာဉ်မှူး Mr. Fei Junlong၊ Mr. Deng Qingming၊ Mr. Zhang Lu တို့သည် Tian Gong အာကာသစခန်းပေါ်မှ SCO အဖွဲ့ဝင်နိုင်ငံမှ လူငယ်များက တရုတ်အာကာသယာဉ်မှူးများ၏ အာကာသခရီးစဉ်အပေါ် သိရှိလိုသည့်မေးခွန်းများကို ဖြေကြားကြပါတယ်။

မြန်မာအထက်တန်းကျောင်း ၄ ကျောင်းမှ ကျောင်းသားကျောင်းသူ ၂၀ ဦးသည် ယခုအစီအစဉ်တွင် ပါဝင်ခဲ့ကြပါတယ်။

Shenzhou-15 အာကာသယာဉ်မှူးများသည် အာကာသအတွင်း၌ နေထိုင်လုပ်ကိုင်နေသည်မှာ ၄ လ ကျော်ကြာပြီ ဖြစ်ပါတယ်။

ယခုအကြိမ်အစီအစဉ်သည် တရုတ်နိုင်ငံအာကာသလုပ်ငန်းနှင့် မြန်မာလူငယ်ကျောင်းသားကျောင်းသူများကို ပိုမိုနီးစပ်လာစေရန်ဖြစ်ပြီး တရုတ်သံရုံးက စီစဥ်ပေးခဲ့တာဖြစ်ပါတယ်။

#ymg_mnn #Local_News #တရုတ် #အမေးအဖြေအစီအစဉ် #YMG
#Yangon_Media_Group

#Local_News
Published_ 20 April 2023

ပြည်မြို့ တက္ကသိုလ်ကျောင်းရှေ့ ရွက်နုလက်ဖက်ရည်ဆိုင်အနီး ဓာတ်ကြိုးလိုင်းပေါ်တွင် ဧပြီလ ၁၉ရက်နေ့ ညပိုင်းက မျောက်မျိုးနွယ်ဝင် ( မျောက်လေပွေ) slow loris တစ်ကောင်တွေ့ရှိခဲ့လို့ သွားရောက်ဖမ်းဆီးခဲ့တယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (ပြည်) ပရဟိတပါရမီအဖွဲ့မှာ တာဝန်ရှိသူတစ်ဦးက YMG ကို ပြောပါတယ်။

#Local_News #ပြည်မြို့ #တက္ကသိုလ်ကျောင်းရှေ့ #ရှားပါးမျောက်မျိုးစိတ်
#YMG #Yangon_Media_Group

#Local_News
Published_ 20 April 2023

ကမ္ဘာ့ရွှေဈေးဟာလည်း ဧပြီလ ၁၉ ရက်နေ့မှာတစ်အောင်စကို ၂၀၀၄ ဒေါ်လာဝန်းကျင် ပေါက်ဈေးရှိခဲ့ပြီး အခု ဧပြီလ ၂၀ ရက်နေ့မှာ ၁၉၉၂ ဝန်းကျင်ပေါက်ဈေးရှိနေပြီး ဈေးပြန်ကျဆင်းလာပါတယ်။

#Local_News #ကမ္ဘာ့ရွှေ #ရွှေဈေးအနည်းငယ်ပြန်ကျ #YMG #Yangon_Media_Group