#Local_News

Published_ 3 May 2023

၂၀၂၃ ခုနှစ်၊ မေလ(၅)ရက်နေ့မှ (၁၇)ရက်နေ့အထိ ကမ္ဘောဒီးယားနိုင်ငံတွင် ကျင်းပပြုလုပ်မည့် (၃၂)ကြိမ်မြောက် အရှေ့တောင်အာရှအားကစားပြိုင်ပွဲသို့ ဖိတ်ကြားခံပုဂ္ဂိုလ်အဖြစ် တက်ရောက်မည့် မြန်မာနိုင်ငံအိုလံပစ်ကော်မတီဥက္ကဌ အားကစားနှင့်လူငယ်ရေးရာဝန်ကြီးဌာနဝန်ကြီး ဦးမင်းသိန်းဇံနှင့်အတူ  မြန်မာအားကစားအဖွဲ့သည် ယနေ့ နေ့လယ် ၁နာရီတွင် မြန်မာအမျိုးသားလေကြောင်းလိုင်းဖြင့် ရန်ကုန်အပြည်ပြည်ဆိုင်ရာလေဆိပ်မှ ထွက်ခွာကြပါတယ်။

မြန်မာအားကစားအဖွဲ့များအား ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် အစိုးရအဖွဲ့ဝင်ဝန်ကြီးများ၊ အားကစားနှင့်ကာယပညာဦးစီးဌာနမှ တာဝန်ရှိပုဂ္ဂိုလ်များ၊ မိဘပြည်သူများ လိုက်လံပို့ဆောင်နှုတ်ဆက်ခဲ့ကြပါတယ်။

ထို့နောက် ပြည်ထောင်စုဝန်ကြီးနှင့် ရန်ကုန်တိုင်းဒေသကြီးဝန်ကြီးချုပ်တို့က မြန်မာအားကစားအဖွဲ့အား ရင်းရင်းနှီးနှီးလိုက်လံနှုတ်ဆက်၍ ကျန်းမာရေးကိုအထူးဂရုစိုက်ရန်၊ အောင်မြင်မှုများရရှိပြီး နိုင်ငံ့ဂုဏ်ဆောင်နိုင်အောင် အစွမ်းကုန် ကြိုးစားကြဖို့ တိုက်တွန်းအားပေးစကားပြောကြားကြပါတယ်။

အဆိုပါ အားကစားအဖွဲ့များတွင် ဖိတ်ကြားခံပုဂ္ဂိုလ်(၁)ဦး၊ အုပ်ချုပ်မှုအဖွဲ့ (၁၃)ဦး၊ ဗိုဗီနမ်အားကစားနည်းမှ  အုပ်ချုပ်/နည်းပြ (၆)ဦး၊ အမျိုးသားအားကစားသမား(၁၅)ဦး၊ အမျိုးသမီးအားကစားသမား (၁၁)ဦး၊ ပီတန်းအားကစားနည်းမှ အုပ်ချုပ်/နည်းပြ(၂)ဦး၊ အမျိုးသားအားကစားသမား(၂)ဦး၊ အမျိုးသမီးအားကစားသမား(၇)ဦး၊ လက်ဝှေ့အားကစားနည်းမှ အုပ်ချုပ်/  နည်းပြ(၄)ဦး၊ အမျိုးသားအားကစားသမား(၆)ဦး၊ အမျိုးသမီးအားကစားသမား(၃)ဦး၊ တင်းနစ်အားကစားနည်းမှ အုပ်ချုပ်/နည်းပြ (၂)ဦး၊ အမျိုးသားအားကစားသမား(၄)ဦး၊ အမျိုးသမီးအားကစားသမား(၃)ဦး၊ ပြေးခုန်ပစ် (မာရသွန်) အားကစားနည်းမှ အုပ်ချုပ်/နည်းပြ(၄)ဦး၊ အမျိုးသားအားကစားသမား(၂)ဦး၊ အမျိုးသမီးအားကစားသမား(၄)ဦး၊  ရိုးရာလက်ဝှေ့အားကစားနည်းမှ အုပ်ချုပ်/နည်းပြ(၆)ဦး၊ အမျိုးသားအားကစားသမား (၉)ဦး၊ အမျိုးသမီးအားကစားသမား(၃)ဦး၊ ခြင်းလုံးအားကစားနည်းမှ အုပ်ချုပ်/နည်းပြ(၆)ဦး၊ အမျိုးသားအားကစားသမား(၁၄)ဦး၊ အမျိုးသမီးအားကစားသမား(၁၄)ဦးနှင့် အပြည်ပြည်ဆိုင်ရာ ဒိုင်လူကြီး(၈)ဦးတို့ လိုက်ပါသွားကြောင်း သတင်းရရှိပါတယ်။

#YMG #Yangon_Media_Group

Published 3 May 2023

တရုတ်နိုင်ငံနှင့် မြန်မာနိုင်ငံတို့ဟာ နှစ်နိုင်ငံအကြား အလုံးစုံသော မဟာဗျူဟာမြောက်  ပူးပေါင်းဆောင်ရွက်မှု  ထပ်မံတိုးမြှင့်ဖို့ မေလ(၂)ရက် အင်္ဂါနေ့က သဘောတူခဲ့ကြတယ်လို့သိရပါတယ်။

မြန်မာနိုင်ငံမြို့တော်မှာ မြန်မာခေါင်းဆောင် ဗိုလ်ချူပ်မှူးကြီးမင်းအောင်လှိုင်နှင့်တွေ့ဆုံစဉ် တရုတ်နိင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်က “ အိမ်နီးချင်းနှစ်နိုင်ငံဟာ ပေါက်ဖော်ချစ်ကြည်ရေးကို အတူတကွမျှဝေခံစားကြတဲ့ အလျောက် မြန်မာနိုင်ငံနှင့် ဆက်ဆံရေးဟာ အရေးကြီးအထင်ကရဖြစ်တယ်လို့ တရုတ်က စွဲမြဲထားတယ်လို့ ပြောဆိုခဲ့ပါတယ်။

မျှဝေတဲ့အနာဂတ်နှင့်အတူ တရုတ်-မြန်မာအသိုက်အဝန်းကို အတူတကွလက်တွဲဆောင်ရွက်ဖို့၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေးဦးစီးဦးရွက်ပြုမှု၊ကမ္ဘာလုံဆိုင်ရာလုံခြုံရေးဦးစီးဦးရွက်ပြုမှုနှင့် ကမ္ဘာလုံးဆိုင်ရာ လူမှုတိုးတက်ရေး ဦးစီးဦးရွက်ပြုမှုတွေ အကောင်အထည်ဖော်ရာမှာ ဦးဆောင်ဖို့  တရုတ်နိုင်ငံက အဆင်သင့် ရှိနေတယ်လို့လည်း ချင်းကပြောပါတယ်။

မြန်မာနိုင်ငံဟာ တည်ငြိမ်ရေးနှင့် အမျိုးသားဖွံ့ဖြိုးတိုးတက်ရေးရရှိလိမ့်မယ်လို့ တရုတ်က  ရိုးသားစွာ  ယုံကြည်တယ်လို့လည်း သူကပြောပါတယ်။ အမျိုးသားအခြေအနေတွေနှင့်ကိုက်ညီမယ့် မြန်မာ့စရိုက်လက္ခဏာတွေနှင့်အတူ ဖွံ့ဖြိုးတိုးတက်မှု လမ်းကြောင်းတစ်ခုကို စူးစမ်းရှာဖွေတာကို တရုတ်ကထောက်ခံအားပေးတယ်လို့လည်း သူကဖြည့်စွက်ပြောကြားပါတယ်။

မြန်မာ့နိုင်ငံရေးအသွင်ကူးပြောင်းမှုလုပ်ငန်းစဉ်တိုးတက်ရေးကို တရုတ်ကထောက်ခံပြီး နိုင်ငံထဲက သက်ဆိုင်တဲ့ အဖွဲ့တွေဟာ ကွဲပြားခြားနားမှုတွေကို သင့်လျော်မှန်ကန်စွာ ရင်ဆိုင်ဖြေရှင်းဖို့နှင့် အခြေခံဥပဒေနှင့် တရားဥပဒေမူဘောင်အောက်ကေန အမျိုးသားပြန်လည်သင့်မြတ်ရေးရရှိအောင်ဆောင်ရွက်ဖို့  တရုတ်နိုင်ငံကထောက်ခံအားပေးတယ်လို့ မစ္စတာချင်းက ဆက်လက်ပြောကြားပါတယ်။

မြန်မာနိုင်ငံရဲ့ အချုပ်အခြာအာဏာကို နိုင်ငံတကာအသိုက်အဝန်းက လေးစားသင့်ကြပြီး မြန်မာနိုင်ငံ ငြိမ်းချမ်းရေးနှင့် ပြန်လည်သင့်မြတ်ရေးရရှိဖို့ ကူညီရာမှာ အပြုသဘောအခန်းကဏ္ဍကနေဆောင်ရွက်ပေးသင့်ကြတယ်လို့လည်းသူက ပြောပါတယ်။

မြန်မာနိုင်ငံရဲ့ဖွံ့ဖြိုးတိုးတက်ရေးကြိုးပမ်းအားထုတ်မှုတွေ၊မှာ ကူညီဖို့ တရုတ်နိုင်ငံဖက်က အစွမ်းရှိသလောက် ဆက်လက် ကူညီပေးမှာဖြစ်ပြီး တရုတ်-မြန်မာ စီးပွားရေးစင်္ကြံရဲ့ အဓိကကျကျပူးပေါင်းဆောင်ရွက်နေတဲ့စီမံကိန်းတွေကိုအရှိန်မြှင့်တင် မယ်လို့ သူကဆက်လက်ပြောဆိုပါတယ်။  လယ်ယာစိုက်ပျိုးရေး၊ပညာရေး၊ကျန်းမာရေးစောင့်ရှောက်မှုနှင့် မြန်မာပြည်သူတွေ အကျိုးရှိစေမယ့် အခြားကဏ္ဍတွေရဲ့ စီံမံကိန်းတွေကို အကောင်အထည်ဖော်သွားမယ်လို့လည်း တရုတ်နိုင်ငံခြားရေးဝန်ကြီးက ဆက်လက်ပြောဆိုပါတယ်။

သက်ဆိုင်တဲ့ပြဿနာတွေကို ညှိနှိုင်းဆွေးနွေးခြင်းဖြင့် ဖြေရှင်းမှုနှင့်အတူ မြန်မာနှင့် ဘင်္ဂလားဒေ့ရှ်နိုင်ငံတွေရဲ့ ဆက်ဆံရေးတိုးမြှင့်လာစေရေး တရုတ်ကထောက်ခံအားပေးတယ်လို့သူကပြောဆိုလိုက်ပြီး  တရုတ်-မြန်မာ-ဘင်္ဂလားဒေ့ရှ် လက်တွေ့ကျကျပူးပေါင်းဆောင်ရွက်မှု ချဲ့ထွင်ရေးကို အဲဒီနှစ်နိုင်ငံနှင့်အတူ တရုတ်က လက်တွဲလုပ်ဆောင်လိုတယ်လို့လည်း မစ္စတာချင်းက ပြောပါတယ်။

မြန်မာနှင့်တရုတ်နိုင်ငံတို့ဟာ သံတမန်ဆက်ဆံရေးတည်ထောင်ခဲ့တာ  နှစ်ပေါင်း ၇၀နီးပါး ရှိပြီလို့ ဗိုလ်ချူပ်မှူးကြီး မင်းအောင်လှိုင်က ပြောကြားပြီး နှစ်နိုင်ငံဟာ ဖွံဖြိုးတိုးတက်မှုအရှိန်ုနှင့် အသီးအပွင့်ရလာဒ်တွေကို အမြဲထိန်းသိမ်းခဲ့ကြတယ်လို့ ဆက်လက်ပြောကြားပါတယ်။

မြန်မာ-တရုတ်ချစ်ကြည်ရေးနှင့်ပူးပေါင်းဆောင်ရွက်ရေးကို ပိုမိုတိုးမြှင့်ဖို့ နှင့် အနာဂတ်အတူတကွမျှဝေတဲ့ မြန်မာ-တရုတ် အသိုက်အဝန်းကို တက်ကြွစွာတည်ထောင်ရန် မြန်မာနိုင်ငံက တရုတ်နှင့်အတူလက်တွဲဆောင်ရွက်လိုတယ်လို့လည်း ဗိုလ်ချူပ်မှူးကြီးကပြောပါတယ်။

တရုတ်နိုင်ငံက ကြီးမားတဲ့အခန်းကဏ္ဏကနေ ပါဝင်ဆောင်ရွက်မှုကိုကြိုဆိုထားတဲ့ မြန်မာနိုင်ငံနှင့်ပတ်သက်တဲ့ ပြဿနာအရေးကိစ္စတွေမှာ တရုတ်နိုင်ငံရဲ့ ဓမ္မဓိဋ္ဌာန်ကျပြီးဘက်လိုက်မှုကင်းတဲ့ ရပ်တည်ချက်ကို မြန်မာက ကျေးဇူးတင်တယ်လို့ ဗိုလ်ချူပ်မှူးကြီးကဖြည့်စွက်ပြောကြားပါတယ်။

မြန်မာနိုင်ငံထဲက တရုတ်နိုင်ငံသားတွေနှင့် အဖွဲ့အစည်းတွေကို အကာအကွယ်ပေးရေး အထူးအရေးကြီးတယ်ဆိုတာကို မြန်မာကစွဲမြဲစွာသိရှိထားကြောင်းလည်း မြန်မာခေါင်းဆောင်ကပြောကြားပါတယ်။ နှစ်နိုင်ငံရဲ့နယ်စပ်ဒေသ တည်ငြိမ်အေးချမ်းရေးထိန်းသိမ်းရာမှာ တရုတ်ဘက်နှင့်အတူ ပူးပေါင်းဆောင်ရွက်ဖို့ မြန်မာက အမြဲအသင့်ရှိပါတယ်လို့လည်း သူက ပြောပါတယ်။

ချင်ဟာ သူ့ရဲ့ခရီးစဉ်အတွင်း မြန်မာနိုင်ငံ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌ ဦးသန်းရွှေ၊ နိုင်ငံခြားရေးဝန်ကြီး ဦးသန်းဆွေတို့နှင့်လည်းတွေ့ဆုံခဲ့ပါတယ်။

Source CCTV

-ymg/knl

#တရုတ်-မြန်မာဆက်ဆံရေး

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gang

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

#Local_News
Published_ 3 May 2023

ကဆုန်လပြည့် ဗုဒ္ဓနေ့မေလ(၃)ရက်တွင် မန္တလေးမြို့ ကျုံးပြင်လေးရပ်၌ သံဃာတော် (၁၀၂၆၈)ပါးအားဆွမ်း၊ ဆွမ်းဟင်း၊ နဝကမ္မဝတ္ထုငွေနှင့် လှူဖွယ်ပစ္စည်းများ ဆက်ကပ်လှူဒါန်းပူဇော်ပွဲကျင်းပခဲ့ကြောင်း သိရသည်၊၊

ဗုဒ္ဓဘာသာတို့၏ နေ့ထူးနေ့မြတ်ဖြစ်သည့် (၁၃၈၅)နှစ် ကဆုန်လပြည့်နေ့ဗုဒ္ဓနေ့တွင် သာသနာတော်နှစ်(၂၆၇၅နှစ်)အထိမ်းအမှတ်အဖြစ် မန္တလေးတိုင်းဒေသကြီးအစိုးရအဖွဲ့နှင့်အလှူရှင်များမှကြီးမှူး၍ ကျင်းပခဲ့ခြင်းဖြစ်သည်၊၊

မန္တလေးမြို့ ကျုံးပြင်လေးရပ်၌ သံဃာတော် (၁၀၂၆၈)ပါးအားနန်းမြို့ရိုးအရှေ့ဖက်၊အနောက်ဖက်၊တောင်ဖက်၊မြောက်ဖက်ရှိသတ်မှတ်မဏပ်များတွင်တစ်ပြိုင်နက်ကျင်းပခဲ့ပြီး နန်းမြို့ရိုးတစ်ဖက်ကို သံဃာတော်(၂၅၆၇)ပါးစီဖြင့် ဆွမ်း၊ ဆွမ်းဟင်း၊ နဝကမ္မဝတ္ထုငွေနှင့် လှူဖွယ်ပစ္စည်းများ ဆက်ကပ်လှူဒါန်းပူဇော်ပွဲ ကျင်းပခဲ့ခြင်းကြောင်းနှင့်လှူဒါန်းပူဇော်ပွဲကိုအများပြည်သူကြည့်ရူနိုင်ရန်မြန်မာ့အသံရုပ်မြင်သံကြားမှတိုက်ရိုက်ထုတ်လွှင့်ခဲ့ကြောင်းသိရသည်၊၊

#ymg/tthl #Local_News #ကဆုန်လပြည့် #မန္တလေး
#YMG #Yangon_Media_Group

Published 3 May 2023

အကျဉ်းထောင်အသီးသီးတွင်သေဒဏ်ချမှတ်ခြင်းခံထားရသော အကျဉ်းသား/သူ (၃၈) ဦးကို သေဒဏ်ပြစ်ဒဏ်မှလွတ်ငြိမ်းခွင့်ပြု၍ ထောင်ဒဏ်တစ်သက်သို့ ပြောင်းလဲကျခံစေလိုက်တယ်လို့ နစက,က ယနေ့ မေလ(၃)ရက်နေ့မှာ အမိန့်ထုတ်ပြန်ပါတယ်။

မေလ(၃)ရက်ရက်စွဲဖြင့်ထုတ်ပြန်တဲ့ အမိန့်အမှတ် ၃၂ / ၂၀၂၃မှာ” နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် မြန်မာသက္ကရာဇ် ၁၃၈၅ ခုနှစ်၊ ကဆုန်လပြည့်နေ့တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့် အကျဉ်းထောင်အသီးသီးတွင်သေဒဏ်ချမှတ်ခြင်းခံထားရသော အကျဉ်းသား/သူ (၃၈) ဦးကို ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေပုဒ်မ ၂၀၄၊ ပုဒ်မခွဲ (က) အရ ချမှတ်ထားသည့် သေဒဏ်ပြစ်ဒဏ်မှ လွတ်ငြိမ်းခွင့်ပြု၍ ထောင်ဒဏ်တစ်သက်သို့ ပြောင်းလဲကျခံစေလိုက်သည်” လို့ဖော်ပြပါရှိပါတယ်။

-ymg/knl

#YangonMediaGroup

#သေဒဏ်ကိုတစ်သက်တစ်ကျွန်းပြောင်းလဲ

#မြန်မာ့နိုင်ငံရေး

#Local_News

Published_ 3 May 2023

ရန်ကုန်တိုင်းဒေသကြီးအစိုးရအဖွဲ့နှင့် ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပသော ကဆုန်လပြည့်(ဗုဒ္ဓနေ့) ကဆုန်ညောင်ရေသွန်းလောင်းပူဇော်ပွဲအခမ်းအနားကို ရွှေတိဂုံစေတီတော်ရင်ပြင်၌ မေလ(၃)ရက်တွင် ကျင်းပခဲ့သည်။

နံနက် (၅:၃၀)နာရီအချိန်တွင် ‌ရင်ပြင်တော်တောင်ဘက် ဧည့်ခံတန်ဆောင်း၌ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူးနှင့် ရန်ကုန်တိုင်းဒေသကြီးအစိုးရအဖွဲ့ဝင်ဝန်ကြီးများ၊ ဘဏ္ဍာတော်ထိန်းဂေါပကအဖွဲ့ဝင်များက ရွှေတိဂုံစေတီတော်မြတ်ကြီးအား ဆွမ်း၊ သစ်သီး၊ ပန်း၊ ရေချမ်း၊ ဆီမီး၊ အမွှေးနံ့သာများဖြင့် အရုဏ်ဆွမ်းတော်ကြီး ကပ်လှူပူဇော်ခြင်း၊ ရွှေတိဂုံ စေတီတော်ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယဆရာတော်ကြီးများအား ရှေးဟောင်းဗုဒ္ဓရုပ်ပွားတော်များတန်ဆောင်း၌ အရုဏ်ဆွမ်းဆက်ကပ်လှူဒါန်းခြင်းများ ဆောင်ရွက်သည်ဟုဆိုသည်၊၊

နံနက်(၇)နာရီအချိန်တွင် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူးနှင့် ရန်ကုန်တိုင်းဒေသကြီးအစိုးရအဖွဲ့ဝင်ဝန်ကြီးများ၊ ဘဏ္ဍာတော်ထိန်းဂေါပကအဖွဲ့ဝင်များ၊ ဗုဒ္ဓဝေယျာဝစ္စအသင်းအဖွဲ့များနှင့် ဝန်ထမ်းများက ညောင်ရေအိုးများကိုင်ဆောင်လျက် ဗြဟ္မာ၊ သိကြား၊ နတ်၊ နဂါး၊ ဂဠုန်၊ နရီစည်တော် အဆောင်အယောင်များဖြင့် စေတီတော်ကြီးအား လက်ယာရစ်တစ်ပတ်လှည့်လည်ပူဇော်ကြပြီး အခမ်းအနားကျင်းပမည့် ရင်ပြင်တော်အင်္ဂါထောင့် ဗောဓိညောင်ပင်သို့ ဝင်ရောက်နေရာယူကြကြောင်း၊

ထို့နောက် ပရိဘောဂစေတီဖြစ်တော်မူသော ဗောဓိညောင်ပင်အား ဩဝါဒါစရိယဆရာတော်ကြီးများက ဗုဒ္ဓါဘိသေကအနေကဇာတင်တော်မူကြကြောင်း၊ ဆက်လက်၍ အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့၍ ဖွင့်လှစ်ကြပြီးဥပါသကာတစ်ဦးက ကုသိုလ်တော်အတူပြုရန် နတ်၊ ဗြဟ္မာများအား ဖိတ်ကြားခြင်းဆောင်ရွက်ခဲ့သည်။ အလှည့်ကျသဘာပတိ ဂေါပကအဖွဲ့ဝင် ဦးထိန်ဝင်းက ဗောဓိရုက္ခဥဒကပူဇာမင်္ဂလာ စာတမ်းလွှာကို ဖတ်ကြားလျှောက်ထား၍ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယ၊ တိပိဋကရွေးချယ်ရေးအဖွဲ့ ဩဝါဒါစရိယ၊ တိပိဋကဓမ္မဘဏ္ဍာဂါရိက၊ အဂ္ဂမဟာပဏ္ဍိတ၊ သ.အ.စ ဓမ္မာစရိယ ပါဠိပါရဂူ ဘဒ္ဒန္တသိရိန္ဒာဘိဝံသထံမှ နဝင်္ဂသီလခံယူဆောက်တည်ကြပြီး ဩဝါဒါစရိယဆရာတော်ကြီးများအားရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူးနှင့် ရန်ကုန်တိုင်းဒေသကြီးအစိုးရအဖွဲ့ဝင်ဝန်ကြီးများ၊ ဘဏ္ဍာတော်ထိန်းဂေါပကအဖွဲ့ဝင်များက လှူဖွယ်ဝတ္ထုများ ဆက်ကပ်လှူဒါန်းကြပြီး ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့၏ဩဝါဒါစရိယ၊ အဂ္ဂမဟာဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ ဒွိပိဋကဓရ၊ ဝိနယ+ဒီဃနိကာယပါဠိပါရဂူ၊ ရွှေပြည်သာ ပရိယတ္တိစာသင်တိုက် ပဓာနနာယကဆရာတော် ဘဒ္ဒန္တ နာဂိတထံမှ အနုမောဒနာတရားနာကြား၍ ရေစက်သွန်းချအမျှပေးဝေကြကြောင်းသိရသည်၊၊

ယင်းနောက် ဩဝါဒါစရိယဆရာတော်ကြီးများ၊ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူး၊ ရန်ကုန်တိုင်းဒေသကြီးအစိုးရအဖွဲ့ဝင်ဝန်ကြီးများနှင့် ဘဏ္ဍာတော်ထိန်းဂေါပကအဖွဲ့ဝင်များက ဗောဓိညောင်ပင်အား ရေစင်သွန်းလောင်းပူဇော်ကြသည်။

အခမ်းအနားဒုတိယပိုင်းကိုဆက်လက် ကျင်းပရာတွင် ဗောဓိညောင်ပင်၏အရပ်လေးမျက်နှာ၌ ဗြဟ္မာ၊ သိကြား၊ နတ်၊ နဂါး၊ ဂဠုန် အဆောင်အယောင်များဖြင့် နေရာယူလျက် ဇယော ဟိ ဗုဒ္ဓဿ ဂါထာရွတ်ဆို၍ အစဉ်အတိုင်းရေသွန်းလောင်းပူဇော်ခြင်း၊ အရံယောဂီများက ဗောဓိညောင်နန်း အစချီသော ရှစ်လုံးဘွဲ့ကဗျာရွတ်ဆို၍ ညောင်ရေသွန်းလောင်းပူ‌ဇော်ခြင်း၊ ဧည့်ပရိတ်အပေါင်းက ဇယန္တောအစချီသည့် ဆုတောင်းပတ္တနာ(၆)ဂါထာနှင့် သွန်းကြ သွန်းကြ အစချီသည့် ဂါထာများကို ရွတ်ဖတ်ပူဇော်ခြင်းများ ဆောင်ရွက်ကြသည်။ ထို့နောက် ကုသိုလ်တော်အတူပြုရန် ပင့်ဖိတ်ထားသည့် နတ်ဗြဟ္မာများအား ဂါထာပါး၍ ပြန်လည်ပို့ဆောင်ပြီးနောက် အခမ်းအနားကို ဗုဒ္ဓသာသနံ စိရံ တိဋ္ဌတု သုံးကြိမ်ရွတ်ဆိုဆုတောင်း၍ ရုပ်သိမ်းခဲ့ကြောင်း၊

အခမ်းအနားပြီးနောက် ရင်ပြင်တော် ‌အရပ်မျက်နှာအသီးသီးရှိ ဗောဓိညောင်ပင်(၅)ပင်တွင်အများပြည်သူတို့ ညောင်ရေသွန်းလောင်းပူဇော်နိုင်ရန်အတွက် ဘဏ္ဍာတော်ထိန်းဂေါပကအဖွဲ့၏ စီမံမှုဖြင့် ဗုဒ္ဓဝေယျာဝစ္စအသင်းများနှင့် ဝန်ထမ်းများက တစ်နေ့တာ ကုသိုလ်ယူဆောင်ရွက်ပေးခဲ့ကြောင်း ဂေါပကအဖွဲ့၏ ထုတ်ပြန်ချက်အရသိရသည်၊၊

#ymg/tthl #Local_News #ရွှေတိဂုံစေတီတော် #ကဆုန်လပြည့် #ကဆုန်ညောင်ရေသွန်းလောင်းပူဇော်ပွဲ #YMG #Yangon_Media_Group

Published 3 May 2023

တရုတ်-မြန်မာနယ်စပ်ဒေသတည်ငြိမ်ရေးထိန်းသိမ်းရန်နှင့် နိုင်ငံအကြားချစ်ကြည်စွာပူးပေါင်းဆောင်ရွက်မှုတိုးမြှင့်ရန် ကြိုးပမ်းအားထုတ်ကြဖို့ တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်ဟာ မေလ၂ ရက်နေ့ အင်္ဂါနေ့က တရုတ်နိုင်ငံ အနောက်တောင်ပိုင်း ယူနန်ပြည်နယ်က တရုတ်-မြန်မာနယ်စပ်ကို သွားရောက်စစ်ဆေးစဉ်တိုက်တွန်းပြောကြားခဲ့တယ်လို့ တရုတ်CCTVသတင်းဌာနကသတင်းထုတ်ပြန်ပါတယ်။

ယူနန်ဟာ မြန်မာနှင့်ဆက်စပ်တဲ့ အရေးကိစ္စတွေမှာ ထိပ်တန်းရှေ့ဆုံးမှာတည်ရှိတဲ့အတွက်  တရုတ်-မြန်မာ ဆက်ဆံရေး တိုးတက်ရေးမှာ အတုမရှိတဲ့ အခန်းကဏ္ဍကနေပါဝင်ဆောင်ရွက်နေတာဖြစ်တယ်လို့လည်း မစ္စတာချင်းက ပြောပါတယ်။

နယ်စပ်မျဉ်းရှင်းရှင်းလင်းလင်းရှိစေဖို့နှင့် နယ်စပ်ဒေသတည်ငြိမ်ရေးထိန်းသိမ်းဖို့ ကြိုးပမ်းအားထုတ်ကြဖို့လည်း သူက ပြောပါတယ်။ ပြီးတော့ နယ်စပ်ဖြတ်ကျော်မှုခင်းတွေကိုလည်း တင်းကြပ်စွာကိုင်တွယ်ဖို့လည်း သူက တိုက်တွန်းလိုက်ပါတယ်၊

ရှေ့တန်းစီမံခန့်ခွဲရေး၊ နယ်စပ်ဖြတ်ကျော်ကုန်သွယ်ရေးနှင့် နှစ်နိုင်ငံဆက်ဆံရေးမှာ နှစ်ဖက် ညှိနှိုင်းဆောင်ရွက်ဖို့လည်း တရုတ်နိုင်ငံခြားရေးဝန်ကြီးက တိုက်တွန်းခဲ့ပါတယ်။ အီဲဒအပြင် ပုံမှန်နယ်စပ်ဖြတ်ကျော်ကုန်သွယ်ရေးတိုးမြှင့်ရေး၊ ပြည်သူအချင်းချင်းကူးလူးဆက်ဆံရေး၊ ဝင်ပေါက်ဂိတ်တွေကို ဖွင့်နိုင်သမျှများများဖွင့်နိုင်ရေး အရေးကြီးတယ်လို့လည်း သူက အလေးပေးပြောဆိုပါတယ်။  နယ်စပ်ဖြတ်ကျော် စီးပွာရေးပူးပေါင်းဆောင်ရွက်မှုဇုံတည်ဆောက်မှုနှင့် တရုတ်-မြန်မာ စီးပွားရေးစင်္ကြ တိုးတက်မှုရှိစေရေးလည်း သူက တိုက်တွန်းခဲ့ပါတယ်။

နိုင်ငံခြားရေးရာကိစ္စမှာ ယူနန်အနေနှင့် နိုင်ငံတော်အခွဲအဆင့်အကျိုးရှိစွာ ကိုင်တွယ်ဆောင်ရွက်ဖို့နှင့် နယ်စပ်ဒေသတစ်လျောက် ငြိမ်းချမ်းရေးနှင့် တည်ငြိမ်အေးချမ်းရေးနှင့် တရုတ်မြန်မာ ချစ်ကြည်ရေး အလုံးစုံအနေအထားကို ထိန်းသိမ်းမြှင့်တင်ဖို့လည်း တရုတ်နိုင်ငံခြားရေးဝန်ကြီးက ပြောကြားခဲ့တယ်လို့သိရှိရပါတယ်။

#ymg/knl

#တရုတ်နိုင်ငံခြားရေးဝန်ကြီးတရုတ်-မြန်မာနယ်စပ်သွားရောက်

#တရုတ်-မြန်မာဆက်ဆံရေး

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan