ယနေ့ညနေအထိ  နေပြည်တော်၊ အပါအဝင် အခြားပြည်နယ်နှင့်တိုင်းများတွင် ရာနှုန်းပြည့်မိုးကြီးနိုင်ဟုဆို

#Local_News
Published_ 6 July 2023
#အခြားပြည်နယ်နှင့်တိုင်းများတွင်ရာနှုန်းပြည့်မိုးကြီးနိုင်
#YMG/my
#Yangon_Times

‘အရင်က ရွှေတစ်ကျပ်သားကိုရည်ညွှန်းဈေး ၂၃သိန်းလောက်ရှိရာမှာ အခုဆိုရင်၂၂သိန်း(၅)သောင်း(၉)ထောင့်(၆)ရာထိကျသွားတယ်။အားလုံးကတော့ အရင်ဈေးသိန်း၂၀ကျော်ကိုပြန်ရောက်လိမ့်မယ်မျှော်လင့်ထားတယ်’ ရန်ကုန်တိုင်းဒေသကြီး ၊ရွှေလုပ်ငန်းရှင်များအသင်းဥက္ကဌ ဦးမျိုးမြင့်

#Local_News
Published_ 6 July 2023
#Yangon_Times

ထိုင်းနဲ့ ဖိလစ်ပိုင်အသင်းတို ကစားကြမယ့်ပွဲကို အရင်ကြည့်ခွင့်ရတာဟာ  မြန်မာအသင်းအတွက် ကံကောင်းစေတဲ့ ပြင်ဆင်ချိန်ရရှိ

#Local_News
Published_ 6 July 2023
#Ygm/my
#Yangon_Times

#Local_News
Published_ 6 July 2023

မြန်မာနှင့် တောင်ကိုရီးယားတို့အကြား ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ ပူးပေါင်း ဆောင်ရွက်ရေးအတွက် ဇူလိုင် ၅ ရက်တွင် ဆိုးလ်မြို့၌ ဆွေးနွေးခဲ့ကြောင်း သိရပါတယ်။

ကိုရီးယားသမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်၏ စီစဉ်မှုဖြင့် 2023 Asian Business Summit သို့ တက်ရောက်နေသည့် ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ဥက္ကဋ္ဌ ဦးအေးဝင်းနှင့် ဒုတိယဥက္ကဋ္ဌဒေါက်တာဝင်းစည်သူတို့သည် ကိုရီးယားသမ္မတနိုင်ငံ၊ Korea Foods Industry Development Association ဥက္ကဋ္ဌ Mr. Christophe Kim နှင့် မြန်မာသံရုံး၌တွေ့ဆုံ၍ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှု တိုးတက်စေရေး ပူးပေါင်းဆောင်ရွက်မည့် ကိစ္စရပ်များကို ဆွေးနွေးခဲ့ကြပါတယ်။

ထိုသို့ဆွေးနွေးရာတွင် မြန်မာနိုင်ငံမှ လယ်ယာထွက်ကုန်များအား ကိုရီးယားနိုင်ငံသို့ တရားဝင်တင်ပို့နိုင်ရေး၊ လယ်ယာထွက်ကုန်များဝယ်ယူတင်သွင်းရေးတို့နှင့် ပတ်သက်၍ မြန်မာနိုင်ငံသို့ ကိုရီးယားစီးပွားရေးကိုယ်စားလှယ်အဖွဲ့ လာမယ့် နိုဝင်ဘာလတွင် သွားရောက်နိုင်ရေးတို့ကို ဆွေးနွေးခဲ့ကြကြောင်း သတင်းရရှိပါတယ်။

#ygm_mnn #Local_News #မြန်မာနှင့်တောင်ကိုရီးယားတို့အကြားကုန်သွယ်မှု
#Yangon_Media_Group

#Local_News
Published 6 July 2033

ရန်ကုန်တိုင်းဒေသကြီး ဒဂုံမြို့သစ်ဆိပ်ကမ်းမြို့နယ်တွင် ဇူလိုင်လ ၆ ရက်(ယနေ့)နံနက်ပိုင်းက ယာဥ်တိုက်မှုဖြစ်ခဲ့ပြီး ထိခိုက်ဒဏ်ရာရရှိသူ ၆ ဦးရှိခဲ့ကြောင်း Ambulance Free Services Group မှ ဦးလှိုင်ဝင်းက၎င်း၏လူမှုကွန်ရက်က တစ်ဆင့်အသိပေးထားသည်။

ဒဂုံမြို့သစ် ဆိပ်ကမ်းမြို့နယ် ရွှေလီလမ်းနဲ့ မြနန္ဒာလမ်းထောင့်တွင် မြေကြီးသည်ယာဥ်နှင့် ​Light Truck ကားတို့ နံနက် ၁၀ နာရီအချိန်ခန့်က ဝင်တိုက်မိခဲ့ခြင်းဖြစ်သည်။

အဆိုပါယာဥ်တိုက်မှုကြောင့် Light Truck ကားတိမ်းမှောက်ခဲ့၍ ယာဥ်ပေါ်ပါ အမျိုးသား ၆ ဦး ထိခိုက်ဒဏ်ရာရရှိခဲ့ကြောင်း သိရသည်။

"ယာဥ်ပေါ်ပါသူ ၇ ဦးမှာ ၆ ဦးထိခိုက်ဒဏ်ရာရပါတယ်။ ဦးခေါင်း ဒဏ်ရာရရှိသူ ၄ ဦးနဲ့ သွေးထွက်ဒဏ်ရာရရှိသူ ၂ ဦးရှိပါတယ်"ဟု ဆိုသည်။

ထိခိုက်ဒဏ်ရာရရှိသူများကို5B ပရဟိတအဖွဲ့ လူနာတင်ယာဥ်​ဖြင့် စံပြဆေးရုံကြီးသို့ ပို့ဆောင်ပေးခဲ့ကြောင်းသိရသည်။

#Local_News #Light Truckနဲ့မြေသယ်ယာဥ်တိုက်မိ
#Yangon_Times/BM

#Local_News
Published 6 July 2023

​မွန်ပြည်နယ်၊ ပေါင်မြို့နယ်တွင် ကောက်စိုက်အဖွဲ့တင်ဆောင်လာသည့် ထော်လာဂျီနှင့်အိမ်စီးကားတစ်စီး မျက်နှာချင်းဆိုင်ဝင်တိုက်မိ၍ ထိခိုက်ဒဏ်ရာရရှိသူ (၁၁ )ဦးရှိခဲ့ကြောင်း ဒေသခံများထံက သိရသည်။

ဖြစ်စဥ်မှာ ဇူလိုင်လ ၅ ရက် ညနေ ၅ နာရီ ၄၅ မိနစ်အချိန်ခန့်က ပေါင်မြို့နယ် ပန်းကုန်းကျေးရွာ အဝေးပြေးလမ်းမ မြဲသောက်ရေသန့်အနီးတွင် ကောက်စိုက်အဖွဲ့အား တင်ဆောင်လာပြီးပေါင်မြို့နယ်ဘက်မှထွက်ခွာလာသည့် ထော်လာဂျီနှင့် အိမ်စီးကားတို့ မျက်နှာချင်းဆိုင်ဝင်တိုက်၍ ထိခိုက်ဒဏ်ရာရရှိသူများပြားခဲ့ဟု သိရသည်။

"ကောက်စိုက်အဖွဲ့က ထိခိုက်ဒဏ်ရာရသူများတယ်လို့ သိရတယ်။ လူနာ ၁၁ ဦးလောက်ရှိပြီး လူနာတင်ကား ၄စီးနဲ့တင်သွားပါတယ်။ ၂ဦးက ဒဏ်ရာပြင်းထန်တယ်လို့သိရပါတယ်"ဟု ဒေသခံများထံကသိရသည်။

ထိခိုက်ဒဏ်ရာရရှိသူများမှာပေါင်ဆေးရုံနှင့် ရင်းငြိမတိုက်နယ်ဆေးရုံတွင်ကုသခံရယူလျက်ရှိကြောင်း သိရသည်။

#Local_News #ထော်လာဂျီနှင့်အိမ်စီးကားတိုက်မိ
#Yangon_Times/BM