Published 07 _October 2023

 စက်သုံးဆီ 92 တစ်လီ တာ ကို ရန်ကုန်ဈေးကွက် တွင် ကျပ် ၂၀၀၀အောက် ကျဆင်းလာချိန် တွင် ဆီဆိုင်များ၌ လိုအပ်သည့်အချိန်တိုင်း ဆီဝယ်ယူလို့မရဖြစ်နေကြောင်း မြို့တွင်း အငှားယာဥ်မောင်းသူများထံက သိရသည်။

   အောက်တိုဘာလ အစက စတင်ပြီး စက်သုံးဆီ ဈေး တဖြည်းဖြည်း ကျလာခဲ့ခြင်းကြောင့်
စက်သုံးဆီ အခြေခံ ပြီး သယ်ယူပို့ဆောင်ရေးလုပ်သူများ အဆင်ပြေလာသော်လည်း ဆီဝယ်ယူရာတွင် လိုအပ်သည့် အချိန်တိုင်းမရရှိမှုတွေဖြစ်နေကြောင်း သိရသည်။

"" အခုမနက်ဆိုရင် ဆီဆိုင်တော်တော်များများမှာ 92 ကော95ကော မရဘူး၊ဆီဈေးကျလာကတည်းက ညနေပိုင်းတွေ ဆို ဆီကုန်သွားပြီ ဆီမရှိတော့ဘူး နဲ့ ထည့်မရလို့ ဆီကို မနက်ကတည်းက ဟိုဆိုင်သည်ဆိုင်ရွေးမနေနိုင်တော့ဘူး ရတဲ့ဆိုင်မှာရသလိုထည့်ထားနေရတယ် ""ဟု အင်းစိန်မြို့နယ်က အငှားယာဥ်မောင်းသူတစ်ဦးကပြောသည်။

 ရန်ကုန်တိုင်းရှိ အခြား မြို့နယ် များ တွင်လဲစက်သုံးဆီ ဝယ်ယူရခက်နေကြောင်း အငှားယာဥ်မောင်းများ စုစည်းထားသည့် လူမူကွန်ယက်စာမျက်နှာများတွင်လဲရေးသားထားသည်ကိုတွေ့ရသည်။

  ယနေ့အောက်တိုဘာ၇ရက် စက်သုံးဆီ ရန်ကုန်ဈေးကွက် တွင်92တစ်လီတာ လျှင် ၁၉၄၅ကျပ် ၊ 95တစ်လီတာလျှင်၂၀၄၅ကျပ် ဒီဇယ်တစ်လီတာလျှင် ၂၂၂၅ကျပ်၊ပရီမီယံ ဒီဆယ်တစ်လီတာလျှင် ၂၂၆၅ကျပ် ဖြစ်ကြောင်း သိရသည်။
Yango_Times/LW
#Local_News
#YMG #Yangon_Times #Yangon_Media_Group

ဗုဒ္ဓဂါယာ ခရီးသွားလာမှု ယမာန်နှစ်ကထက် ပိုများလာပြီး ဂါယာခရီးစဉ် ၈၀ ရာခိုင်နှုန်းအထိ ရောင်းချထား

အောက်တိုဘာအထိ ခရီးစဉ်အားလုံး ရောင်းချထားပြီးဖြစ်
Yangon_Times/NN
#Local_News
#Published_ 07 October 2023
#YMG #Yangon_Times #Yangon_Media_Group

CMPလုပ်ငန်းများရှိ လုပ်သားများကို အနည်းဆုံးအခကြေးငွေအပြင် အပိုထောက်ပံကြေး ၁၀၀၀ ကျပ် ထပ်မံခံစားခွင့်ပြု

CMP စက်ရုံအလုပ်ရုံတွေမှာ လုပ်ကိုင်နေတဲ့ အလုပ်သမားများကို တစ်ရက်အလုပ်ချိန် ၈နာရီအတွက် အနည်းဆုံးအခကြေးငွေ ၄၈၀၀ကျပ်အပြင် အပိုထောက်ပံကြေး ၁၀၀၀ကျပ် ထပ်မံခံစားခွင့်ပြုမှာ ဖြစ်တယ်လို့ အလုပ်သမားဝန်ကြီးဌာနက ထုတ်ပြန်ကြေညာပါတယ်။
Yangon_Times/LW
#Local_News
#Published_ 07 October 2023
#YMG #Yangon_Times #Yangon_Media_Group

သီတင်းကျွတ်ခါနီး၍ ကြိမ်ထည်လက်ရာ ကန်တော့ခြင်းများ ရောင်းအားသွက်နေ

‘ကန်တော့ခြင်းတွေကို ရာချီအော်ဒါမှာယူမှုတွေလည်းရှိနေပြီး မနှစ်ကဈေးနဲ့ရာဂဏာန်း လောက်သာကွာခြားတယ်။ ပင်ရင်းမှာတော့ ကန်တော့ခြင်းရာဂဏန်းယူမယ်ဆိုရင် ၃၅၀၀ကျော် ၄၀၀၀နီးပါး။ လက်လီဈေးနဲ့နယ်ဈေးကျပ်၅၀၀၀ကျော်ရှိပါတယ်’ ကန်တော့ခြင်းအရောင်းဆိုင်များ
Yangon_Times/tthl
#Local_News
#Published_ 07 October 2023
#YMG #Yangon_Times #Yangon_Media_Group

Published_ 07 October 2023

စက်တင်ဘာလ အတွင်း ကန်ဒေါ်လာ ၄၂သန်းတန်ဖိုးရှိ ဆန်နှင့်ဆန်ကွဲတန်ချိန် ရှစ်သောင်းကျော်ဖြင့် ခြောက်လတာအတွင်း ဒုတိယအများဆုံးတင်ပို့ထားကြောင်း မြန်မာနိုင်ငံဆန်စပါးအသင်းချုပ်မှ သိရသည်။

၂၀၂၃-၂၄ဘဏ္ဍာနှစ်ဧပြီမှ စက်တင်ဘာလအထိ ခြောက်လတာအတွင်း ပြည်ပနိုင်ငံများသို့ ကန်ဒေါ်လာသန်းပေါင်း၂၀၈ တန် ဖိုးရှိသည့် ဆန်နှင့် ဆန်ကွဲတန်ချိန် လေးသိန်းခြောက်သောင်းကျော်တင်ပို့ထားခြင်းဖြစ်သည် ။

ဧပြီလအတွင်း၌ ကန်ဒေါ်လာ ၃၆သန်း တန်ဖိုးရှိသည့် ဆန်နှင့်ဆန်ကွဲတန်ချိန် ၈၇,၆၄၈ တန်၊ မေလအတွင်း၌ ကန်ဒေါ်လာ ၄၈ သန်းတန်ဖိုးရှိသည့် ဆန်နှင့်ဆန်ကွဲတန်ချိန် ၁၁၀,၇၀၆တန်၊ဇွန်လအတွင်း၌ ကန်ဒေါ်လာ ၂၈ သန်းတန်ဖိုးရှိသည့် ဆန်နှင့် ဆန်ကွဲ၆၂၇၂၅တန်၊ဇူလိုင်လအတွင်း၌ ကန်ဒေါ်လာ ၂၆ သန်းတန်ဖိုးရှိသည့် ဆန်နှင့် ဆန်ကွဲ၅၈၃၃၄တန်၊ သြဂုတ်လအတွင်း၌ ကန်ဒေါ်လာ ၂၈ သန်းတန်ဖိုးရှိသည့် ဆန်နှင့် ဆန်ကွဲ၅၉၉၇၁တန် နှင့် စက်တင်ဘာလအတွင်း၌ ကန်ဒေါ်လာ ၄၂ သန်းတန်ဖိုးရှိသည့် ဆန်နှင့်ဆန်ကွဲ၈၄၇၇၃တန်ကို ပြည်ပနိုင်ငံများသို့တင်ပို့ခဲ့ကြောင်း သိရသည် ။

ပြည်ပနိုင်ငံများကို ဆန်နဲ့ဆန်ကွဲတင်ပို့ရာတွင် ကုမ္ပဏီပေါင်း ၂၀ကျော်မှ၄၀ကျော်အထိ တင်ပို့နေခြင်းဖြစ်ပြီး အာရှ၊အာဖရိကနှင့်ဥရောပနိုင်ငံများသို့ ပင်လယ်ရေကြောင်းနှင့်နယ်စပ်ကုန်သွယ်ရေးများမှ တစ်ဆင့် တင်ပို့နေခြင်းဖြစ်ကြောင်းသိရသည် ။

စက်တင်ဘာ ၁ရက်က ၃၀ရက်အထိ ဆန်နှင့်ဆန်ကွဲတင်ပို့သည့်ကုမ္ပဏီပေါင်း ၄၂ကုမ္ပဏီက ဆန်တန်ချိန် ၅၃,၇၆၁တန်နှင့် ဆန်ကွဲတန်ချိန်၃၁,၀၁၁တန်စုစုပေါင်းဆန်နှင့်ဆန်ကွဲတန်ချိန် ၈၄,၇၇၃ တန်ကို ပြည်ပနိုင်ငံပေါင်း ၄၀နိုင်ငံကို တင်ပို့ခဲ့ကြောင်းသိရသည် ။

အဆိုပါကဲ့သို့တင်ပို့ရာတွင် စက်တင်ဘာလ၌ပင်လယ်ရေကြောင်းမှ ၇၇,၅၇၅ တန်နှင့် နယ်စပ်ကုန်သွယ်ရေးမှ ၇,၁၉၈ တန်ကို တင်ပို့ခဲ့ကြောင်းသိရသည် ။

ဆန်ကိုအင်ဒိုနီးရှားနိုင်ငံကို၁၁၇၇၅တန်နဲ့အများဆုံး၊ မလေးရှားနိုင်ငံကို၁၀၁၄၆နှင့်ဒုတိယအများဆုံး ၊ဖိလစ်ပိုင်နိုင်ငံကို ၈၈၄၀တန်နှင့် တတိယအများဆုံး အပါအဝင်စုစုပေါင်းနိုင်ငံပေါင်း ၂၇နိုင်ငံကို တင်ပို့ခဲ့ကြောင်းသိရသည်။

ဆန်ကွဲကိုမူ တရုတ် နိုင်ငံကို၈၆၃၃ဖြင့် အများဆုံး၊ဘယ်လ်ဂျီယမ်နိုင်ငံသို့ ၇၂၀၀
တန်ဖြင့်ဒုတိယအများဆုံး ၊ ဖိလစ်ပိုင်နိုင်ငံသို့ တန်ချိန် ၄၅၅၀ဖြင့် တတိယအများဆုံးတင်ပို့ခဲ့ပြီး စုစုပေါင်းနိုင်ငံပေါင်း ၁၃ နိုင်ငံကို တင်ပို့ခဲ့ကြောင်းသိရသည် ။
Yangon_Time/NN
#Local_News
#YMG #Yangon_Times #Yangon_Media_Group

Published_ 07 October 2023

ရန်ကုန်စတော့အိတ်ချိန်းတွင် ကုမ္ပဏီ(၈)ခု၏ ရှယ်ယာများ နေ့စဉ်ရောင်းဝယ်နေပြီး ယခုနှစ်၂၀၂၃-၂၀၂၄ဘဏ္ဍာနှစ် (၆)လတာကာလအတွင်းရှယ်ယာ(၁ဒသမ၉၄၅)သန်းအရောင်းအဝယ်ဖြစ်ခဲ့ပြီးဈေးကွက်ရင်းနှီးမြှုပ်နှံမှု တန်ဖိုးကျပ် (၇၄၉ ဒသမ ၇၇၂) ဘီလီယံရှိခဲ့ကြောင်းသိရသည်။

ယင်းကဲ့သို့ အရောင်းအဝယ်ဖြစ်ခဲ့ကြောင်းကို ရန်ကုန်စတော့အိပ်ချိန်းစာရင်းဝင် အကြိုဈေးကွက်တွင် အစုရှယ် ယာရှင်(၁၀၀)ဦးနှင့်အထက် အများပိုင်ကုမ္ပဏီများက လွယ်ကူစွာဝင်ရောက်မှတ်ပုံတင်နိုင်ရေးအတွက် စာရင်းဝင် အကြို ဈေးကွက်ဆိုင်ရာ စကားဝိုင်းဆွေးနွေးပွဲမှသိရခြင်းဖြစ်သည်။

စကားဝိုင်းဆွေးနွေးပွဲသို့ မြန်မာနိုင်ငံ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင် ဥက္ကဋ္ဌ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းတက်ရောက်ခဲ့ပြီးစာရင်းဝင်အကြိုဈေးကွက် (Pre listing Board-PLB) ဝင်ရောက်ရာတွင် ဆောင်ရွက်ရမည့်ကိစ္စများကို အသေးစိတ်ရှင်းလင်း ဆွေးနွေး မည်ဖြစ်၍ တက်ရောက်လာသူများအနေဖြင့် ပွင့်ပွင့်လင်းလင်း ဆွေးနွေးမေးမြန်း ကြစေလိုကြောင်းပြောကြား ခဲ့သည်။

ရန်ကုန်စတော့အိပ်ချိန်းတွင် စာရင်းဝင်ကုမ္ပဏီ (၈)ခု၏ ရှယ်ယာများ နေ့စဉ်ရောင်းဝယ်လျက်ရှိရာ ၂၀၂၃-၂၀၂၄ ဘဏ္ဍာရေးနှစ်အထိ ရင်းနှီးမြှုပ်နှံသူဦးရေ (၄၅၉၃၄) ဦးရှိကာ ၂၀၂၃-၂၀၂၄ ဘဏ္ဍာနှစ် (၆) လတာကာလအတွင်း စာရင်းဝင်ကုမ္ပဏီ (၈) ခု၏ ရှယ်ယာ စုစုပေါင်း (၁ ဒသမ ၉၄၅) သန်း၊တန်ဖိုးကျပ် (၄ဒသမ ၇၄)ဘီလီယံ အရောင်းအဝယ်ဖြစ်ခဲ့ပြီး ဈေးကွက်ရင်းနှီးမြှုပ်နှံမှုတန်ဖိုး ကျပ်(၇၄၉ ဒသမ ၇၇၂) ဘီလီယံရှိကြောင်းသိရသည်။
Yangon_Time/tthl
#Local_News
#YMG #Yangon_Times #Yangon_Media_Group