#Local_News
Published 28 December 2023

မြန်မာနိုင်ငံ၏လျှပ်စစ်လိုအပ်ချက်ကိုဖြည့်ဆည်းရန်အတွက် လာအိုနိုင်ငံနှင့်ပူးပေါင်းပြီး မြန်မာ-လာအို နယ်စပ် ဖြတ်ကျော် ဓာတ်အားလိုင်းစီမံကိန်းအမြန်ဆုံးအကောင်အထည်ဖော်ရန်ရှိသလို မဲခေါင်မြစ်ဝှမ်းတွင် ရေအားလျှပ် စစ်စီမံကိန်းများ အကောင်အထည်ဖော်နိုင်ရေးလည်း ပူးပေါင်းဆောင်ရွက်သွားမည်ဖြစ်ကြောင်း လျှပ်စစ်စွမ်းအား ဝန်ကြီးဌာနမှ သိရသည်။

ယင်းကဲ့သို့စီမံကိန်းများဆောင်ရွက်ရန်ရှိခြင်းကို လာအိုနိုင်ငံ၊ ဗီယင်ကျင်းမြို့တွင် ကျင်းပသည့် မြန်မာ-လာအို လျှပ်စစ်ကဏ္ဍပူးပေါင်းဆောင်ရွက်မှုဆိုင်ရာ နှစ်နိုင်ငံဝန်ကြီးအဆင့်အစည်းအဝေး၌နှစ်နိုင်ငံဝန်ကြီးများ၏ထည့် သွင်းပြောကြားချက်အရ သိရခြင်းဖြစ်သည်။

လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်းက ‘‘မြန်မာနိုင်ငံအနေဖြင့် ၂၀၃၀ ပြည့်နှစ်တွင် ၁၄,၅၄၂ မဂ္ဂါဝပ်လိုအပ်မည်ဖြစ်ကြောင်း၊ အဆိုပါ ဓာတ်အားလိုအပ်ချက်ကို ပြည့်မီစေရန် နိုင်ငံအတွင်း ဓာတ် အားထုတ်လုပ်မှုများသာမက နယ်စပ်ဖြတ်ကျော်ဓာတ်အား ဝယ်ယူမှုများ တိုးတက်ဆောင်ရွက်နိုင်ရန် မိမိတို့ ဝန်ကြီးဌာန၏ အဓိကအရေးကြီးသော ဦးစားပေးလုပ်ငန်းတစ်ရပ်ဖြစ်ကြောင်း၊ တရုတ်နိုင်ငံ၊ ထိုင်းနိုင်ငံတို့နှင့် လည်း နယ်စပ်ဖြတ်ကျော် ဓာတ်အားလိုင်း စီမံကိန်းများ တည်ဆောက်၍ လျှပ်စစ်ဓာတ်အားဝယ်ယူ ဖြည့်ဆည်း နိုင်ရန် ဆောင်ရွက်လျက်ရှိကြောင်း၊ ထိုကြောင့် စီမံကိန်းအား လျင်မြန်စွာ အကောင်အထည်ဖော်နိုင်ရေးကို အထူး အလေးထားကြောင်း၊

မြန်မာ-လာအို နယ်စပ်ဖြတ်ကျော်ဓာတ်အားလိုင်းစီမံကိန်းကို ကာလတိုအတွင်း အကောင်အထည်ဖော် ဆောင် ရွက်လိုကြောင်း၊ နယ်စပ်ဖြတ်ကျော် ဓာတ်အားလိုင်းစီမံကိန်း၏ FSR ပြီးစီးမှုနှင့် FSR အပေါ် စိစစ် သုံးသပ်ချက် များအရ နည်းပညာနှင့် စီးပွားရေးတွက်ချေကိုက်မှုရှိသည့် အပေါ်မူတည်၍ စီမံကိန်းအကောင် အထည်ဖော်နိုင်ရေး ကို နှစ်နိုင်ငံအစိုးရများထံ တင်ပြလမ်းညွှန်မှု ခံယူနိုင်မည်ဖြစ်၍ သက်ဆိုင်ရာ ကုမ္ပဏီများက FSR မြန်ဆန်စွာ ပြီးစီးအောင်ဆောင်ရွက်ပေးကြရန် တိုက်တွန်းပြောကြားလိုကြောင်း၊ လာအိုနိုင်ငံအစိုးရ၏ ခိုင်မာသော ထောက်ခံ အားပေးမှုများကို အပြည့်အဝအသိအမှတ်ပြုကြောင်း၊

နှစ်နိုင်ငံနယ်စပ်ဖြတ်ကျော်ဓာတ်အားလိုင်းစီမံကိန်းနှင့် မဲခေါင်မြစ်ဝှမ်းတွင် ရေအားလျှပ်စစ်စီမံကိန်းများ အကောင်အထည်ဖော်နိုင်ရေးအတွက် ပူးတွဲလေ့လာမှုလုပ်ငန်းများ ဆောင်ရွက်ကြရန် လိုအပ်သည်များအား ကူညီပံ့ပိုးပေးသွားမည်ဖြစ်ပါကြောင်း’’ ပြောကြားခဲ့သည်။

ထို့နောက် လာအိုနိုင်ငံစွမ်းအင်နှင့် သတ္ထုတွင်းဝန်ကြီးဌာနဝန်ကြီး မစ္စတာ ဖိုစေးစရာစုံကလည်း’ မြန်မာ-လာအို နယ်စပ်ဖြတ်ကျော် ဓာတ်အားလိုင်းစီမံကိန်းနှင့် မဲခေါင်မြစ်ဝှမ်းတွင် ရေအားလျှပ်စစ်စီမံ ကိန်းများ ဖြစ်မြောက် နိုင်စွမ်း လေ့လာမှုတို့ကို တွန်းအားပေးဆောင်ရွက်လိုကြောင်း၊ နှစ်နိုင်ငံအကြား Power Supply Framework Agreement လက်မှတ်ရေးထိုးနိုင်ရေးဆောင်ရွက်ရန်၊ နှစ်နိုင်ငံ ဓာတ်အား စနစ်ချိတ်ဆက်ရေး နည်းပညာဆိုင်ရာ လိုအပ်ချက်များနှင့် ရယူမည့် ဓာတ်အားပမာဏများကို လေ့လာသုံးသပ်မည့် အကြံပေးပညာရှင်အဖွဲ့နှင့်ဆောင်ရွက်ရန်နှင့် မဲခေါင်မြစ်ဝှမ်း ရေအားလျှပ်စစ်စီမံကိန်းများဖြစ်မြောက်နိုင်စွမ်း လေ့လာမှုကို လာအိုကုမ္ပဏီနှင့်မြန်မာ ကုမ္ပဏီတို့ပူးပေါင်းဆောင်ရွက်နိုင်ရန်တို့အပေါ်နှစ်နိုင်ငံဝန်ကြီးဌာနများမှ လိုအပ်သော အကူအညီများပေးအပ် သွားမည် ဖြစ်ကြောင်း ထည့်သွင်းပြောကြားခဲ့သည်။

ပြည်ထောင်စုဝန်ကြီးနှင့်အဖွဲ့များသည် ဒီဇင်ဘာ ၂၆ ရက်တွင် မဲခေါင်မြစ်ပေါ်တွင် ၁၄၆၀ မဂ္ဂါဝပ် ထုတ်လုပ်မည့် Navigation Lock ပါ ထည့်သွင်းတည်ဆောက်လျက်ရှိသည့် ရေအားလျှပ်စစ်စီမံကိန်းလုပ်ငန်းခွင်သို့ သွားရောက် ကြည့်ရှုလေ့လာကြပြီး စီမံကိန်းလုပ်ငန်း အကောင်အထည်ဖော် တည်ဆောက်နေမှု အခြေအနေများအားကြည့်ရှု လေ့လာခဲ့ကြကြောင်းသိရသည်။

#Local_News #မြန်မာ-လာအိုဓာတ်အားလိုင်း #စီမံကိန်းအကောင်အထည်ဖော် #tthl #Yangon_Times

"အိမ်နီးချင်းအိန္ဒိယနဲ့အရှေ့တောင်အာရှနိုင်ငံတွေမှာ ကိုဗစ်ဖြစ်ပွားမှုတွေရှိနေတဲ့အတွက် အိန္ဒိယကနေပြန်လာတဲ့ မြန်မာတွေမှာ ကိုဗစ်ပိုးကူးစက်မှုတွေခံခဲ့ရတယ်။ ဒီဇင်ဘာလ(၄)ရက်မှ(၂၆)ရက် အထိ ကိုဗစ်ပိုးတွေ့သူ (၈၅)ဦးအထိရှိလာတာဖြစ်ပါတယ်။ ကိုဗစ်မျိုးကွဲတွေကို ကာကွယ်မှု စွမ်းရည်မြင့်မားတဲ့ ဖိုင်ဇာကိုဗစ်ကာကွယ်ဆေးကို COVAX အစီအစဉ်နဲ့ မြန်မာနိုင်ငံ အတွက်ရရှိတော့မယ်" မကွေးတိုင်းပြည်သူ့ကျန်းမာရေးဦးစီးဌာနမှူး ဒေါက်တာနန္ဒဝင်း
#Local_News
Published 28 December 2023
#ကိုဗစ်ပိုးတွေ့သူ(၈၅)ဦး #ဖိုင်ဇာကာကွယ်ဆေး
#tthl #Yangon_Times

#Local_News
Published 28 December 2023

မော်လမြိုင်မြို့ရှိ သံလွင်မြစ်အတွင်း အပျော်စီးသင်္ဘော ခရီးစဉ်ကို ယခုလဒီဇင်ဘာ ၂၉ ရက်ကစပြီး ပြေးဆွဲပေးသွားမှာဖြစ်ကြောင်း အဆိုပါ အပျော်စီးသင်္ဘောခရီးကို စီစဉ် Harmony River Crusie မှ သိရသည်။

အဆိုပါ အပျော်စီးသင်္ဘောခရီးစဉ် ကိုသံလွင်မြစ်အတွင်း  ရူခင်းများကိုကြည့်ရှုခံစားဖို့ သင်္ဘောကို ၂ နာရီကြာခုတ်မောင်းပြေးဆွဲသွားမည်ဖြစ်ကာ Buffet package အစီစဉ်နှင့် အတူ unplugged တေးဂီတဖျော်ဖြေမှုများလည်းထည့်သွင်းထားကြောင်း သိရသည်။

အပျော်စီးသင်္ဘောခရီးစဉ်ကို လိုက်ပါစီးနင်းလိုသူများအတွက်  လက်မှတ်ခနှုန်းထားမှာ  အစားအသောက်အပါ လူကြီးတစ်ဦးလျှင်၂၀၀၀၀ ကျပ်၊ ကလေးတစ်ဦး ၁၅၀၀၀ ကျပ်နှင့် အစားအသောက်မပါဘဲ အပျော်တမ်းလိုက်လံစီးနင်းလို့သူများအတွက်တစ်ဦး ၅၀၀၀ ကျပ်သတ်မှတ်ထားကြောင်း သိရသည်။

အဆိုပါမော်လမြိုင်မြို့ရှိ သံလွင်မြစ်အတွင်း အပျော်စီး သင်္ဘောခရီးစဉ်ကို ဒီဇင်ဘာ ၂၉ရက်က စတင်ပြေးဆွဲပေးမည်ဖြစ်ပြီး ကြိုတင်ဘိုကင်တင်နိုင်ကာ နောက်ပိုင်းတွင်လည်း သဘာဝဆန်သည့်( trip )ခရီးစဉ်တိုလေးတခု အဖြစ်တပတ်လျှင်(3)ရက်(သောကြာ၊ စနေ၊ တနဂ်နွေ) ညနေတိုင်း ခရီးစဉ်ကို ပြုလုပ်ပေးသွားတော့မှာဖြစ်မည်ဖြစ်ကြောင်း သိရသည်။

#Local_News #အပျော်စီးသင်္ဘော #ခရီးစဉ်ပြေးဆွဲမည် #YMG/LW #Yangon_Times

#Local_News
Published_ 28 December 2023

ဟိုတယ်နှင့်ခရီးသွားလာရေးဝန်ကြီးဌာနဝန်ကြီး ဒေါက်တာ သက်သက်ခိုင်သည် ဒီဇင်ဘာ ၂၇ ရက်တွင် တာချီလိတ်မြို့ ရွှေတိဂုံစေတီတော်သို့ သွားရောက်ဖူးမျှော်ကာ ဘုရားဖူးခရီးသွားဧည့်သည်များ အဆင်ပြေချောမွေ့စွာ လာရောက်ဖူးမျှော်နိုင်ရေး ဆောင်ရွက်ထားမှုများကို စစ်ဆေးခဲ့ကြောင်း သိရပါတယ်။

ထိုင်း-မြန်မာ အမှတ်(၁) ချစ်ကြည်ရေးတံတား၌ ခရီးသွားဧည့်သည်များ အဆင်ပြေလွယ်ကူချောမွေ့စွာ ဝင်/ထွက်နိုင်ရေး၊ နယ်စပ်ဖြတ်ကျော် ခရီးသွားလုပ်ငန်းများ အဆင်ပြေစေရေး ဆောင်ရွက်ထားရှိမှုများကိုကြည့်ရှုပြီး ဟိုတယ်နှင့် ခရီးသွားညွှန်ကြားမှု ဦးစီးဌာန၊ တာချီလိတ်ရုံးခွဲ၌ ဝန်ထမ်းများနှင့်တွေ့ဆုံ၍ လုပ်ငန်းကျွမ်းကျင်မှုနှင့် ဘာသာစကားကျွမ်းကျင်မှုရှိရေး ကြိုးစားကြဖို့ မှာကြားခဲ့ပါတယ်။

အလားတူ တာချီလိတ်မြို့ဝမ်ပုံစံပြကျေးရွာအနီးရှိ ဝမ်ပုံအပြည်ပြည်ဆိုင်ရာ ပြည်တွင်းဆိပ်ကမ်းသို့သွားရောက်၍ ခရီးသွားလုပ်ငန်းဆောင်ရွက်နိုင်ရေး ကြည့်ရှုစစ်ဆေးခဲ့ကြောင်း သိရပါတယ်။

ထို့နောက် မိုင်းဖုန်းကျေးရွာရှိ မိုင်းဖုန်းဆရာတော်ဘုရားကျောင်းသို့သွားရောက်၍ ခရီးသွားဧည့်သည်များ လာရောက်ဖူးမြော်ပြီး ဘုရားဖူးခရီးသွားလုပ်ငန်း ဖွံ့ဖြိုးတိုးတက်အောင် ဆောင်ရွက်နိုင်ရေးနှင့် တာချီလိတ်မြို့ရှိ ရွှေတြိဂံပါရာဒိုက်စ်ဟိုတယ်၌ တာဝန်ရှိသူများနှင့်တွေ့ဆုံ၍ ခရီးသွားဧည့်သည်များကို ဝန်ဆောင်မှုကောင်းများပေးနိုင်ရေး မှာကြားခဲ့ပြီး မဲခေါင်မြစ်တစ်လျှောက် ရေယာဉ်ဖြင့် လှည့်လည်ကြည့်ရှုကာ မြစ်တွင်းအပျော်စီးသင်္ဘောခရီးသွားလုပ်ငန်း အကောင်အထည်ဖော်နိုင်မှုကို ကြည့်ရှုခဲ့ပါတယ်။

ထို့နောက်ဝန်ကြီးသည် တာချီလိတ်မြို့ရှိ ဝမ်းဂျီဝမ်းဟိုတယ်၌ဌာနဆိုင်ရာများ၊ ခရီးစဉ်ဒေသစီမံခန့်ခွဲမှုအဖွဲ့များ၊ ဟိုတယ်နှင့်ခရီးသွားလုပ်ငန်းရှင်များနှင့် တွေ့ဆုံ၍ တာချီလိတ်မြို့သည် ထိုင်းနိုင်ငံနှင့် နယ်နိမိတ်ချင်း ဆက်စပ်လျက်ရှိပြီး နယ်စပ်ဒေသခရီးသွားလုပ်ငန်းဖွံ့ဖြိုးတိုးတက်ရေးအတွက် အလားအလာရှိတယ်လို့ ဆိုပါတယ်။

ထို့ပြင် ခရီးသွားလုပ်ငန်းလုပ်ကိုင်သူများအနေဖြင့် ခရီးသွားပိုမိုဝင်ရောက်ရေးအတွက် ဈေးကွက်ရှာဖွေရေးကိစ္စရပ်များကို ဝိုင်းဝန်းဆောင်ရွက်ကြရမည်ဖြစ်ကြောင်း၊ ခရီးစဉ်ဒေသအသစ်များဖော်ထုတ်ကြရမည်ဖြစ်ပြီး ခရီးသွားများကို ဝန်ဆောင်မှုကောင်းများပေးနိုင်ရေး ကြိုးစားကြရမည်ဖြစ်ကြောင်း၊ ဒေသထုတ်ကုန်များ တိုးမြှင့် ထုတ်လုပ်နိုင်ရေး၊ ခရီးသွားလုပ်ငန်း ဖွံ့ဖြိုးတိုးတက်ရေးတို့အတွက် အားလုံးဟန်ချက်ညီညီ ပူးပေါင်းဆောင်ရွက်ကြဖို့ ပြောကြားခဲ့ပါတယ်။

ထို့ပြင် ဒီဇင်ဘာ ၂၅ ရက်တွင် ဝန်ကြီးဒေါက်တာသက်သက်ခိုင်သည် တာဝန်ရှိသူ များနှင့်အတူ ကျိုင်းလပ်မြို့ရှိ မြန်မာ-လာအိုချစ်ကြည်ရေးတံတားသို့ သွားရောက်၍ ရှမ်းပြည်နယ်(အရှေ့ပိုင်း) နယ်စပ်ဒေသများ၌ နယ်စပ်ဖြတ်ကျော် မော်တော်ယာဉ်တန်းခရီးစဉ်များနှင့် နယ်စပ်ဒေသ ခရီးသွားလုပ်ငန်းများ အဆင်ပြေချောမွေ့စွာ ဖော်ဆောင်နိုင်ရေး ကြည့်ရှုစစ်ဆေးခဲ့ကြောင်း သတင်းရရှိပါတယ်။

#Local_News #ကျိုင်းတုံမြို့ #ဟိုတယ်နှင့်ခရီးသွားလုပ်ငန်း #ymg_mnn #Yangon_Media_Group

#Local_News
Published_28 Dec 2023

၂ဝ၂၄ ခုနှစ်အတွက် ပြည်ပမှမော်တော်ယာဉ်တင်သွင်းရာတွင်ထုတ်လုပ်သည့်ခုနှစ်ကို သတ်မှတ်လိုက်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်လိုက်သည်။

ထုတ်ပြန်ချက်တွင် ပို့ကုန်သွင်းကုန်ဥပဒေပုဒ်မ ၁၃ ပုဒ်မခွဲ (ခ)အရ အပ်နှင်းထားသော လုပ်ပိုင်ခွင့်ကိုကျင့်သုံး၍ အဆိုပါ အမိန့်ကြော်ငြာစာကို ထုတ်ပြန်လိုက်ခြင်းဖြစ်ကြောင်း ဖော်ပြထားသည်။

ပြည်ပမှမော်တော်ယာဉ်တင်သွင်းခြင်းတွင် ထုတ်လုပ်သည့်ခုနှစ် သတ်မှတ်သည့် အမိန့်ကြော်ငြာစာတွင် လူစီး မော်တော်ယာဉ်များကို (၂၀၂၃ ခုနှစ်မှ ၂၀၂၄ ခုနှစ်အထိ)လည်းကောင်း၊ လုပ်ငန်းသုံးယာဉ်များ (ကုန်တင်ယာဉ်-ခရီးသည်တင်ယာဉ်) ကို (၂၀၂၀ ခုနှစ်မှ ၂၀၂၄ ခုနှစ်အထိ) လည်းကောင်း၊ မီးသတ်ယာဉ်၊ လူနာတင်ယာဉ်များကို (၂၀၁၅ ခုနှစ်မှ ၂၀၂၄ ခုနှစ်အထိ) လည်းကောင်း၊ ယန္တရားများ (၂၀၁၅ ခုနှစ်မှ ၂၀၂၄ ခုနှစ်အထိ) စသည့် မော်ဒယ် များ အဖြစ် လည်းကောင်း သတ်မှတ်ကာ တင်သွင်းသည့် မော်တော်ယာဉ်အားလုံး လက်ဝဲစ တီယာရင် ယာဉ်များဖြစ်ရန်လိုကြောင်း သိရသည်။

အများပြည်သူသုံးလမ်းများပေါ်တွင် မောင်းနှင်အသုံးပြုခြင်းမရှိသည့် လုပ်ငန်းသုံးယန္တရားများကို လွန်ခဲ့သော (၁၅) နှစ်အတွင်း ထုတ်လုပ်သည့်ယာဉ် ( ၂၀၁၀ ခုနှစ်နှင့်အထက် ထုတ်လုပ်သောယာဉ်) များအဖြစ် တင်သွင်း ခွင့်ပြုမည် ဖြစ်ကြောင်းလည်း သိရသည်။

ယင်းမှာလုပ်ထုံးလုပ်နည်းအရ ပြက္ခဒိန်နှစ်အလိုက် နှစ်စဉ်တင်သွင်းခွင့်ပြုသည့် မော်တော်ယာဉ်ထုတ်လုပ်ခုနှစ် သတ်မှတ်ချက်ကို ပုံမှန်ထုတ်ပြန်ခြင်းသာဖြစ်ပြီး မော်တော်ယာဉ် တင်သွင်းမှုနှင့် ပတ်သက်၍ လက်ရှိချမှတ် ဆောင်ရွက်နေသည့် မူဝါဒများ ပြောင်းလဲခြင်း မပြုဘဲ ဆက်လက်ကျင့်သုံး လျက်ရှိကြောင်း သိရသည်။

#Local_News #ပြည်ပမှမော်တော်ယာဉ်တင်သွင်းရန် #Yangon_Times/PP

#Daily_News
Published 27 December 2023

၁။ ယခုနှစ်အတွင်း ပြည်ပခရီးသွား ၁.၁သန်းကျော် ဝင်ရောက်ထား ပြီးတရုတ်နှင့် ထိုင်းအများဆုံးဝင်ရောက်

၂။ ကုန်အဝင် အလွန်နည်းလာသဖြင့် ထန်းလျက်ဈေး မြင့်တတ်လာ

၃။ တစ်ပတ်တာအတွင်း စက်သုံးဆီ တစ်လီတာကို ကျပ် ၃၀၀ကျော် အထိ မြင့်တက်လာ

၄။ အမေရိကန်တွင် တစ်နှစ်အတွင်း သေနတ်ပစ်ခတ်မှု ၆၄၅ ကြိမ်ရှိခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group