#Local_News
Published 26 July 2024
▪️ မြစ်ရေကြီးမှုမှကာကွယ်ရန် ဧရာဝတီနှင့်ပဲခူးတိုင်းတို့ရှိ ရေကာတာနှင့် တာဘောင်ကြံ့ခိုင်ရေးလုပ်ငန်းများလုပ်ဆောင်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
▪️ ဇူလိုင်၂၅ ရက်နေ့၊ ည၈နာရီ ၄၅ မိနစ်အချိန်ခန့်က ဧရာဝတီတိုင်းဒေသကြီး၊ မအူပင်မြို့နယ်၊ ရွှေတောင်မှော်ကျေးရွာအုပ်စု၊ ညောင်ဝိုင်းကျေးရွာရှိ ညောင်ဝိုင်းရေကာတာ အောက်ခြေမှရေယိုစိမ့်မှုဖြစ်ပွားနေကြောင်း သတင်းရရှိသဖြင့် မအူပင်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ကျေးရွာနေပြည်သူများ၊ သက်ဆိုင်ရာအဖွဲ့အစည်းများနှင့်ပူးပေါင်း၍ အတားအဆီးများ၊ သဲအိတ်ဖို့ခြင်းလုပ်ငန်းများ ဆောင်ရွက်ခဲ့ကြောင်း သိရသည်။
▪️ ထို့အပြင် ဇူလိုင်၂၆ ရက်နေ့၊ နံနက်၈နာရီ အချိန်ခန့်က ၊ ပဲခူးတိုင်းဒေသကြီး၊ ပဲခူးမြို့နယ်အတွင်း မိုးသည်းထန်စွာရွာသွန်းမှုကြောင့် ပဲခူးမြစ်ရေမြင့်တက်လာပါသဖြင့် ကျောက်ကြီးစုရပ်ကွက်ရှိ ကျောက်ကြီးစုတာဘောင်ကြံ့ခိုင်ရေးနှင့် ပန်းလှိုင်ရပ်ကွက်ရှိ ပန်းလှိုင်တာဘောင်ကြံ့ခိုင်ရေးတို့အတွက် ပဲခူးတိုင်းဒေသကြီးအတွင်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများသည် သဲအိတ်များဖြင့် တာဖို့ခြင်းလုပ်ငန်းများ ဆောင်ရွက်ခဲ့ ကြောင်းသိရသည်။
#YMG/NN #Yangon_Times
#Local_News
Published 26 July 2024
▪️ ရန်ကုန် - နေပြည်တော်အမြန်လမ်းမကြီး၌ Hondafit ယာဉ်မှ Guard railတန်းအား တိုက်မိပြီးနှစ်ဦး ေ-သဆုံး၊ တစ်ဦးဒ-ဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
▪️ ဖြစ်စဉ်မှာ၂၆ ရက်နေ့၊ မနက်၆ နာရီ ၂၀မိနစ် အချိန်ခန့်က ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ် ၁၇၁/၀ အနီးတွင် Hondafit အမျိုးအစား( အနက်ရောင်)ယာဉ်သည် Guard rail တန်းအားတိုက်မိပြီး ယာဉ်မတော်တဆမှုဖြစ်ပွားကြောင်း သတင်းရရှိသဖြင့် သာဂရအမြန်လမ်းမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများသွားရောက်ဆောင်ရွက်ခဲ့ကြောင်း သိရသည်၊၊
▪️ အဆိုပါဖြစ်စဉ်ကြောင့် ယာဉ်ပေါ်ပါ ကျား(၃)ဦး အနက် ကျား(၁)ဦး ထိခိုက်ဒဏ်ရာ(မစိုးရိမ်ရ)နှင့် ကျား(၂)ဦး (သေဆုံး)တို့အား ဆွာနာရေးလူမှုကူညီရေးအသင်းပိုင် သူနာတင်ယာဉ်ဖြင့် နေပြည်တော်ကုတင်(၁၀၀၀)ဆေးရုံကြီးသို့ ပို့ဆောင်ပေးခဲ့ ကြောင်းသိရသည်။
#YMG/NN #Yangon_Times
#Local_News
Published 26 July 2024
▪️ လေဆင်နှာမောင်းတိုက်၍ ရန်ကုန်တိုင်း၊ ကွမ်းခြံကုန်းရှိကျေးရွာအိမ်ခြေ(၇၀)နီးပါးပျက်စီးသွားကြောင်း ရှင်သန်ရေးကူညီမှုအသင်းမှ သိရသည်။
▪️ ဇူလိုင်(၂၆)ရက်နံနက်အစောပိုင်းက လေဆင်နှာမောင်းတိုက်ခတ်ခံရ၍ ရန်ကုန်တိုင်း၊ ကွမ်းခြံကုန်းမြို့နယ် ကညင်ကုန်းနှင့် ညောင်နီကုန်းကျေးရွာများတွင် အိမ်ခြေ (၃၄) အလုံးစုံပျက်စီး၊(၃၇)လုံးအမိုးအကာပျက်ခဲ့ရသည်ဟု ဆိုသည်။
▪️ လေဘေးသင့် မိသားစုဝင်စုစုပေါင်း ၃၄၂ ဦးရှိပြီး အမိုးအကာတာပေါ်လင်နှင့် အဝတ်အစားများလိုအပ်နေကြောင်း အရေးပေါ် ကူညီကယ်ဆယ်ရေးပစ္စည်းများ၊ အသုံးအဆောင်ပစ္စည်းများလိုအပ်နေကြောင်း သိရသည်။
#YMG/tthl #Yangon_Times
၂၅ ဇူလိုင် ၂၀၂၄
မူးယစ်ဆေးဝါး တရားမဝင်ရောင်းဝယ်ဖောက်ကားမှုနှင်သံသယရှိနေတဲ့ တရုတ်နိုင်ငံသား (၃)ဦးကို မြန်မာနိုင်ငံက တရုတ်နိုင်ငံဘက်သို့ ဇူလိုင် ၂၄ရက်က လွှဲပြောင်းပေးလိုက်တယ်တယ်လို့ တရုတ်ပြည်သူ့လုံခြုံရေးဝန်ကြီးဌာနကပြောပါတယ်။
မြန်မာနိုင်ငံထဲ မြောက်ပိုင်းမှာ နှစ်ကာလရှည်ကြာ အခြေချနေထိုင်ခဲ့တဲ့ အဲဒီတရုတ်နိုင်ငံသား (၃)ဦးဟာ တရုတ်နိုင်ငံသို့ မူးယစ်ဆေးဝါး နှစ်ထောင် ကီလိုဂရမ်ကျော် မှောင်ခိုတင်ပို့ခဲ့တယ်လို့ ပြောပါတယ်။
Source CCTV+
#Daily_News
Published 25 July 2024
၁။ အပျော်စီးသင်္ဘောပေါ်၌ အသုံးပြုနိုင်မည့်လုပ်ငန်းသုံး အင်္ဂလိပ်စာအခမဲ့သင်တန်းဩဂုတ်လ၌ထပ်ဖွင့်မည်
၂။ စစ်ကိုင်းတိုင်းအတွင်းရှိ ယဉ်ကျေးမှုအခြေခံသည့် ဒေသများသို့ တစ်လတာအတွင်းပြည်တွင်း၊ပြည်ပခရီးသွားတစ်သောင်းကျော်ဝင်ရောက်ထား
၃။ သံလွင်မြစ်ရေနှင့် ဘီးလင်းမြစ်ရေတက်နေ၍ ဘားအံနှင့်ဘီးလင်းမြို့သူမြို့သားများ သတိထားရန်လို
၄။ ဘေဂျင်းတွင်ပြုလုပ်သည့် ပါလက်စ်တိုင်းအဖွဲ့ခွဲများ ပြန်လည်သင့်မြတ်ရေးဆွေးနွေးပွဲတွင် သဘောတူညီမှုများရရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
ပြည်ပနိုင်ငံတွေကို စေလွှတ်ထားတဲ့ အလုပ်သမားတွေရဲ့ ကိုယ်ရေးအချက်အလက်ပေးပို့ဖို့ ပျက်ကွက်တဲ့ အေဂျင်စီ ထက်ဝက်ခန့်ရှိနေတယ်လို့ အလုပ်သမားညွှန်ကြားရေးဦးစီးဌာနက သိရပါတယ်။ အလုပ်သမားတွေရဲ့အချက်အလက်ပေးပို့ဖို့ ပျက်ကွက်တဲ့ အေဂျင်စီတွေကိုလုပ်ငန်းဆိုင်းငံ့မယ့်အပြင် ဒဏ်ကြေးပါ ကောက်မယ်လို့ သိရပါတယ်။
#Local_News
Published 25 July 2024
#ကိုယ်ရေးအချက်အလက်မပေး #အေဂျင်စီတွေကိုလုပ်ငန်း
#YMG/NN #Yangon_Times
#Local_News
Published 25 July 2024
▪️ တရုတ်-မြန်မာနှစ်နိုင်ငံ မူကြီး(၅)ရပ်ကို ဆက်လက်ကျင့်သုံးပြီး မြန်မာနိုင်ငံနှင့်အတူကမ္ဘာလုံးဆိုင်ရာဖွံ့ဖြိုးတိုးတက်မှု အစီအမံများ ဆက်လက်ဆောင်ရွက်မည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။
▪️ ယင်းကဲ့သို့ ဆောင်ရွက်မည့် အကြောင်းကို တရုတ်နိုင်ငံမှစီစဉ်ကျင်းပတဲ့ "ငြိမ်းချမ်းစွာအတူယှဉ်တွဲနေထိုင်ရေးမူကြီး(၅)ရပ် ထုတ်ပြန်ခြင်းနှစ်(၇၀) ပြည့်ဆွေးနွေးပွဲ"အခမ်းအနားတွင် မြန်မာနိုင်ငံဆိုင်ရာ တရုတ်သံရုံးမှသံမှူး Ms.Qiao Liမှထည့် သွင်းပြောကြားခဲ့ခြင်းဖြစ်သည်။
▪️ မြန်မာနိုင်ငံဆိုင်ရာ တရုတ်သံရုံးမှသံမှူးက "တရုတ်နိုင်ငံဟာ ဆက်လက်ပြီး ငြိမ်းချမ်းစွာအတူယှဉ်တွဲနေထိုင်ရေးမူကြီး(၅)ရပ်လမ်းညွှန်ချက်ဖြင့် ချစ်ကြည်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန်အကျိုးဖြစ်ထွန်းခြင်း၊ အားလုံးပါဝင်ခြင်းဆိုတဲ့ အိမ်နီးချင်းနိုင်ငံများနဲ့ သံတမန်ဆက်ဆံရေးကို လက်တွေ့ဖော်ဆောင်ကာ မြန်မာနိုင်ငံနဲ့ အတူ (၁)ကမ္ဘာလုံးဆိုင်ရာဖွံ့ဖြိုးတိုးတက်မှု အစီအမံ၊(၂)ကမ္ဘာလုံးဆိုင်ရာလုံခြုံရေးအစီအမံ၊ (၃)ကမ္ဘာလုံးဆိုင်ရာ လူသားယဉ်ကျေးမှု အစီအမံဆိုတဲ့ အစီအမံ(၃)ခုကို ချိတ်ဆက်ဖော်ဆောင်ကာ တရုတ်မြန်မာနိုင်ငံက Belt and Roadsစီးပွားရေးစင်္ကြန် တည်ဆောက်မှုကို မြှင့်တင်ဖော်ဆောင်သွားမှာဖြစ်တယ်"လို့ ထည့်သွင်းပြောကြားခဲ့သည်။
▪️ အဆိုပါ ဆွေးနွေးပွဲသို့မြန်မာနိုင်ငံဆိုင်ရာ တရုတ်သံရုံးမှယာယီတာဝန်ခံ Ms.Cao Jing၊ နိုင်ငံတော် စီမံအုပ်ချုပ်ရေးကောင်စီဥက္ကဌရုံး၊ ဝန်ကြီး ဌာန(၂)ပြည်ထောင်စုဝန်ကြီး ဦးကိုကိုလှိုင်၊
▪️ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ ဥက္ကဌ ဦးသန့်ကျော်၊ပြည်ထောင်စုကြံ့ခိုင်ရေးနှင့်ဖွံ့ဖြိုးတိုးတက် ရေးပါတီ ဗဟိုအလုပ်အမှုဆောင်၊ ရန်ကုန်တိုင်းဒေသကြီးပါတီ ဥက္ကဌ ဦးခင်မောင်စိုး၊
▪️ မြန်မာ-တရုတ်ချစ်ကြည် ရေးအသင်းဒုတိယဥက္ကဌဦးခင်မောင်ဌေး၊ နိုင်ငံခြားဘာသာတက္ကသိုလ်ဒုပါမောက္ခချုပ်ဒေါက်တာချောချောစိန်၊
▪️ နေအုပ်ဖောင်ဒေးရှင်းဥက္ကဌ ဦးနေအုပ်နှင့် မြန်မာနိုင်ငံဆိုင်ရာ တရုတ်သံရုံးမှသံမှူး Ms.Qiao Li တို့တက်ရောက် အမှာစကားပြောကြားခဲ့ကြောင်း သိရသည်။
#YMG/tthl #Yangon_Times
Page 55 of 1739