#Local_News
Published 11 March 2025

▪️ ယခုမတ်လ (၂၀)ရက်မှစတင်၍ ပြည်ပအလုပ်အကိုင်အလုပ်သမားသက်သေခံကတ် (OWIC) ကတ်ကို ပြန်လည်ထုတ်ပေးမည်ဖြစ်ကြောင်း အလုပ်သမားဝန်ကြီးဌာနမှ အသိပေးထုတ်ပြန်ထားသည်။

▪️ အလုပ်သမားဝန်ကြီးဌာနအနေဖြင့် ယခုကာလအတွင်း ပြ ည်ပနိုင်ငံများသို့ အလုပ်လုပ်ရန် ထွက်ခွာမည့်သူများစာရင်းစိစစ်ခြင်း၊ OWIC ကတ်ထုတ်ပေးသော စက်များ၌ တပ်ဆင်ထားသည့် Software များပြုပြင်ခြင်း၊ OWIC ကတ် ထုတ် ပေးရေးစင်တာများ တစ်နေရာတည်းပေါင်းစည်းခြင်း၊ အလုပ်ရှင်/ အလုပ်သမားစာချုပ်ချုပ်ဆိုသည့်နေရာများ တစ်စုတစည်းတည်းဖြစ်အောင် ပြင်ဆင်ခြင်းစသည့်လုပ်ငန်းများ ဆောင်ရွက်လျက်ရှိသောကြောင့် OWIC ကတ်ထုတ်ပေးရေးလုပ်ငန်းစဉ်ကို ခေတ္တရပ်ဆိုင်းခဲ့ခြင်းဖြစ်ကြောင်း သိရသည်။

▪️ ထို့ကြောင့်  OWIC ကတ်အသစ် ပြုလုပ်လိုသူများအား မတ်လ (၂၀)ရက် နေ့မှစတင်၍ အလုပ်သမားဝန်ကြီးဌာနသို့ တင်ပြထားသည့်အတည်ပြုပြီး အလုပ်ခေါ်စာများ (တင်ပြရက်စွဲအစဉ်အလိုက်)အရ ပြည်ပသို့ သွားရောက်အလုပ်လုပ်ကိုင်ရန်အတွက် ခွင့်ပြုချက်ရရှိပြီးသူများအားလည်းကောင်း၊ မိမိအစီအစဉ်(ကျွမ်းကျင်)ဖြင့် သွားရောက်မည့်သူများအားလည်းကောင်း စိစစ်ပြီး OWIC ကတ်ပြန်လည်ထုတ်ပေးမည်ဖြစ်ကြောင်း သိရသည်။

▪️ ထို့ပြင် OWIC ကတ်ထုတ်ယူရရှိမှသာ လေယာဉ်လက်မှတ်ဝယ်ယူခြင်းကို ဆောင်ရွက်ကြရန်လိုအပ်ကြောင်းလည်း ထုတ်ပြန်ချက်တွင် အသိပေးဖော်ပြထားကြောင်း သိရသည်။

#YMG/NN #Yangon_Times

#Local_News
Published 11 March 2025

▪️ ကိုရီးယား-မြန်မာချစ်ကြည်ရေး (ဒလ) တံတားစီမံကိန်း၏ ရေလယ်ပင်မတံတား သံမဏိဆိုင်းကြိုးများတပ်ဆင်ခြင်းလုပ်ငန်းများဆောင်ရွက်လျှက်ရှိရာ ဧပြီလတွင် ပြီးစီးမည်ဖြစ်ကြောင်း သိရသည်။

▪️ သံမဏိ ဆိုင်းကြိုးများတပ်ဆင်ခြင်းလုပ်ငန်းများဆောင်ရွက်လျှက်ရှိရာ  ဧပြီလတွင် ဒလဘက် အခြမ်း၌ ဆိုင်းကြိုး ၁၃ နှင့် ရန်ကုန်ဘက်အခြမ်း၌ ဆိုင်းကြိုး ၁၂ တပ်ဆင်ပြီးစီးမည်ဖြစ်၍ ရေလမ်းကင်းလွတ်အကျယ် ၁၃၃ မီတာသာ ကျန်ရှိတော့မည်ဖြစ်‌ကြောင်း သိရသည်။

▪️ ထို့ကြောင့်သံမဏိဆိုင်းကြိုးတပ်ဆင်ခြင်းလုပ်ငန်းဆိုင်းကြိုး ၁၂/၁၃ မှ ဆိုင်းကြိုး ၂၀ အထိလုပ်ငန်း ဆောင်ရွက်နေစဉ်အတွင်း တံတားအောက်မှဖြတ်သန်းခုတ်မောင်းရမည့် ရေယာဉ်ကြီးများ၏ ရေလမ်း ကင်းလွတ်အမြင့်သည် ရေထရက်ရေအမြင့်ဆုံးအချိန် ရေပြင်မှ Form Traveller အောက်ခြေအထိ ၄၀.၈ မီတာရှိပြီး မြေပြင်တိုင်းတာတွေ့ရှိချက်များအရ ၄၃.၁၃ မီတာရှိသောကြောင့် ဧပြီလမှစတင်ပြီး တံတားအောက်မှခုတ်မောင်းဖြတ်သန်းရမည့် ရေယာဉ်များ၏ Air Draft သည် ၄၁ မီတာအထိသာ ဖြတ်သန်းခုတ်မောင်းနိုင်မည်ဖြစ်ကြောင်း၊  လိုအပ်ပါက Round Turn Arichorage (RTA)တွင် ကျောက်ချရပ်နားပြီး ရေစစ်ချိန်ထိစောင့်ဆိုင်းဖြတ်သန်းခြင်း ဆောင်ရွက်သွားရမည်ဖြစ်‌ကြောင်း ကို ရေကြောင်းသတိပေးချက်ထုတ်ပြန်ထားချက်အရ သိရသည်။

▪️ ကိုရီးယား- မြန်မာ နှစ်နိုင်ငံချစ်ကြည်ရေး (ဒလ)တံတားသည် ခေတ်မီလှပသော ဒီဇိုင်းဖြင့် ပုံစံထုတ် တည်ဆောက်ထားပြီး မြန်မာနိုင်ငံရှိ တည်ဆောက်ပြီး တံတားများအနက် ရေလမ်းကင်းလွတ် အမြင့်အများဆုံး ကြိုးဆိုင်းတံတား တစ်စင်းဖြစ်ပြီး ရန်ကုန်ဘက်ခြမ်း ချဉ်းကပ်တံတားဘေးပတ်ဝန်းကျင်ရှိ လူနေအိမ်များအတွက် မော်တော်ယာဉ်များ၏ ဆူညံသံများ အနှောင့်အယှက် မဖြစ်စေရေး အသံထိန်းနံရံများကို တံတားတစ်ဖက်တစ်ချက်တွင်တပ်ဆင်ထားသည့်အပြင် တံတားကြီးရေရှည် တည်တံ့ခိုင်မြဲရေးအတွက် ထိန်းသိမ်းရေး အဆောက်အအုံတစ်ခု၊ တံတားအသုံးပြုခ ကောက်ခံရေး စခန်း (Toll Plaza)နှင့်တန်ပိုယာဉ်များ ထိန်းသိမ်းကြီးကြပ်ရန် Weight Bridge တို့ကိုလည်း ထည့်သွင်း တည်ဆောက်ထားကြောင်း သိရသည်။

#YMG/SW #Yangon_Times

#Local_News
Published 11 March 2025

▪️ ကလေးများအတွက် နွေရာသီကျောင်းပိတ်ရက် စတင်သည့်ကာလအထိမ်းအမှတ်အနေဖြင့် ရန်ကုန်တိရစ္ဆာန်ဥယျာဥ်တွင်  Children Party ကို လေးရက်ကြာ ပြုလုပ်သွားမည်ဖြစ်ကြောင်း သိရသည်။

▪️ "မိသားစုနဲ့ ဒါမှမဟုတ် သူငယ်ချင်းအပေါင်းအသင်းများနဲ့ ပျော်ပျော်ပါးပါး အပန်းဖြေအနားယူချင်လို့ပဲဖြစ်ဖြစ်၊ တိရစ္ဆာန်‌လေး‌တွေကို ချစ်မြတ်နိုးလို့ပဲဖြစ်ဖြစ်၊ ဗဟုသုတရချင်လို့ပဲဖြစ်ဖြစ် လည်ပတ်ချင်တယ်ဆိုရင်တိရစ္ဆာန်ဥယျာဉ် (ရန်ကုန်) သို့ အရောက်လှမ်းခဲ့ပြီး Children Party Event ကို လာရောက်ဆင်နွှဲဖို့ ဖိတ်ခေါ်ပါတယ် " ဟု ရန်ကုန်တိရစ္ဆာန်ဥယျာဥ်မှ ဖိတ်ခေါ်ထားသည်။

▪️ "Children Party" ကို မတ်လ ၁၃ ရက်မှ  ၁၆ရက်နေ့ထိ စည်ကား သိုက်မြိုက်စွာ ကျင်းပသွားမည်ဖြစ်ပြီး ကလေးများအကြိုက် Kid's talent show ၊Megic Show၊ Game activity အပြင် စိတ်၀င်စားဖွယ်ရာ Entertainment များစွာပါ၀င်မည်ဖြစ်ကာ မိဘများအတွက် လူသုံးကုန်ပစ္စည်းအစုံအလင်‌ရောင်းချပေးမည့်စျေးရောင်းပွဲတော်ပါဝင်မည်ဖြစ်ကြောင်း သိရသည်။

#YMG/SW #Yangon_Times

#Daily_News

Published 10 March 2025

၁။ ရန်ကုန်-မန္တလေး အမြန်လမ်း၌  EV Charging Station နှစ်ခုထပ်တိုးတည်ဆောက်

၂။ ဆောက်လုပ်ရေးဆိုင်ရာလုပ်ငန်းရှင်များအသင်းချုပ်နှင့် ရုပ်ရှင်အစည်းအရုံးတို့နားလည်မှုစာချွန်လွှာလက်မှတ်ရေးထိုး

၃။ ပြည်တွင်းထုတ်သံထည်ထုတ်ကုန်ပစ္စည်းများ အဆင့်မြှင့်တင်ထုတ်လုပ်နိုင်ရေးလုပ်ဆောင်မည်

၄။ ကမ္ဘာ့မိုဘိုင်းနည်းပညာအဆန်းသစ်ဆုံး နောက်ဆုံးထုတ်ပစ္စည်းများပြသခဲ့ကြသည့် Mobile World Congress ပြပွဲ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 10 March 2025

▪️ ပြည်ပအလုပ်အကိုင်အေဂျင်စီ ၃၉ ခုကို မြန်မာ အလုပ်သမားများ၏ မိသားစုလွှဲပို့ငွေ အထောက်အထားများတင်ပြရန် ယနေ့နောက်ဆုံးထား  အသိပေးထားကြောင်း အလုပ်သမားဝန်ကြီးဌာနမှ သိရသည်။

▪️ အလုပ်သမားဝန်ကြီးဌာနသည် ပြည်ပရောက် မြန်မာလုပ်သားများ၏  လစာ  ၂၅ ရာခိုင်နှုန်းကို မိသားစုထံ တရားဝင်လမ်းကြောင်းများမှလွှဲပို့ရန်  ညွန်ကြားထားကြောင်း သိရသည်။

▪️ ထို့ကြောင့် ယခုအသိပေးထားသည့်  အေဂျင်စီများမှမိသားစုလွှဲပို့ငွေ အထောက်အထားများ အချိန်မီပေးပို့လာခြင်းမရှိသည့် အေဂျင်စီများ၏  အလုပ်ခေါ်အသစ်တင်ပြခွင့် ဆိုင်းငံ့သွားမည်ဖြစ်ပြီး ဒဏ်ကြေးပါပေးဆောင်ရမည်ဖြစ်ကြောင်း သိရသည်။

#YMG/NN #Yangon_Times

အခုလအတွင်းဖြေဆိုကြမယ့် တက္ကသိုလ်ဝင်တန်းကျောင်းသူ၊ ကျောင်းသားတွေ သွားလာရေးအဆင်ပြေစေဖို့ YBS ယာဉ်တွေထပ်တိုးပြေးဆွဲတာ၊ မီနီဘတ်(စ်) ၁၀ စီးကိုအသင့်ပြင်ထားတာ၊ ဝန်ထမ်းတွေဆီအကူအညီ တောင်းလာပါက တက်စီအငှားယာဉ်ငှားရမ်းပေးတာ စတာတွေအပါအဝင် အကူအညီတွေပေးသွားမယ်လို့ ရန်ကုန်တိုင်းဒေသကြီးပုဂ္ဂလိကအများပိုင်သယ်ယူပို့ဆောင်ရေးကြီးကြပ်မှုကော်မတီ YRTC က သိရပါတယ်။
#Local_News
Published 10 March 2025
#တက္ကသိုလ်ဝင်စာမေးပွဲဖြေဆိုသူ #YRTC
#YMG/NN #Yangon_Times