#Local_News
Published_ 17 January 2024

တရုတ်နိုင်ငံမှ “နှလုံးသားမှပိုးလမ်းမ” Care for the Future လှူဒါန်းမှုအစီအစဉ်အဖြစ် ရန်ကင်းလေ့ကျင့်ရေးအလယ်တန်းကျောင်းသို့ LED မီး၊ ကျောင်းသုံးနှင့် အားကစားသုံးပစ္စည်းများလှူဒါန်းခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

တရုတ်ငြိမ်းချမ်းရေးနှင့် ဖွံ့ဖြိုးရေးဖောင်ဒေးရှင်းမှ ကြီးမှူး၍ မြန်မာ-တရုတ် ပူးပေါင်းဆက်ဆံရေး ဗဟိုအသင်းမှ တာဝန်ခံကျင်းပသည့် “နှလုံးသားမှပိုးလမ်းမ” Care for the Future လှူဒါန်းမှုအစီအစဉ်ကို ဇန်နဝါရီလ ၁၆ ရက်တွင် ရန်ကုန်မြို့၌ ကျင်းပခဲ့ပြီး ရန်ကုန်မြို့ လေ့ကျင့်ရေးအလယ်တန်းကျောင်း (ရန်ကင်း) သို့ ဘောလုံး၊ ဘော်လီဘော၊ ကြက်တောင်၊ မှတ်စုစာအုပ်၊ LED မီး စသည့်အားကစားနှင့် စာရေးကိရိယာများ လှူဒါန်းခဲ့ခြင်း ဖြစ်သည်။

တရုတ်ငြိမ်းချမ်းရေးနှင့် ဖွံ့ဖြိုးရေးဖောင်ဒေးရှင်းကို ၂၀၁၁ ခုနှစ် ဇန်နဝါရီလတွင် စတင်တည်ထောင်လာကတည်းက မြန်မာနိုင်ငံတွင် မူလတန်းနှင့် အထက်တန်းကျောင်းပေါင်း ၁၉ ကျောင်းနှင့် ဆေးရုံ ၂ ရုံ စသည့် ပြည်သူ့လူနေမှုဘဝအကျိုးပြုစီမံကိန်းပေါင်း ၂၀ ကျော် ကူညီတည်ဆောက်ပေးခဲ့ပြီး မေတ္တာဖြင့်လှူဒါန်းမှုများကြောင့် လူပေါင်းသိန်းချီက အကျိုးခံစားရစေခဲ့သည်ဟု ဆိုသည်။

ဖောင်ဒေးရှင်းသည်  မြန်မာနိုင်ငံ၌ ပိုမိုများပြားသော ပြည်သူ့လူနေမှုဘဝ အကျိုးပြုစီမံကိန်းများ ဖော်ဆောင်သွားမည်ဖြစ်ပြီး တရုတ်-မြန်မာ ချစ်ကြည်ရေး ပိုမိုနက်ရှိုင်းစေရန်အတွက် တက်ကြွစွာ အကျိုးထမ်းဆောင်သွားမည်ဖြစ်သည်။ 

ရန်ကုန်မြို့ လေ့ကျင့်ရေးအလယ်တန်းကျောင်း (ရန်ကင်း) မှ ဆရာ၊ ဆရာမများက တရုတ်ငြိမ်းချမ်းရေးနှင့် ဖွံ့ဖြိုးရေးဖောင်ဒေးရှင်း၏ ဂရုပြုမှုနှင့် ကူညီထောက်ပံ့မှုတို့အား ကျေးဇူးတင်ရှိကြောင်း၊ ယခုလှူဒါန်းသောပစ္စည်းများကို အကျိုးရှိစွာ အသုံးချသွားကာ ကျောင်းသားကျောင်းသူများ စာကြိုးစား၍ ကိုယ်ခန္ဓာကြံ့ခိုင်ရေးအတွက် လေ့ကျင့်ရန် အားပေးပြီး မြန်မာ-တရုတ် ချစ်ကြည် ရေးလက်ဆင့်ကမ်းရန်အတွက် ခိုင်မာသောအခြေခံ ချမှတ်ပေးသွားမည်ဖြစ်ကြောင်း ပြောကြားခဲ့ကြောင်း သိရသည်။

#Local_News #ကျောင်းသုံးနှင့်အားကစားသုံးပစ္စည်းများလှူဒါန်း #tthl #Yangon_Times

"ရန်ကုန်တိုင်းအတွင်းရှိ မြို့နယ် (၁၃) မြို့နယ်မှ သီလရှင်ကျောင်း (၆၁၈) ကျောင်း ၊ သီလရှင်အပါး (၉၅၁၃) ပါးတို့ကို  တပါးလျှင်ဆွမ်းဆန် (၁) ပြည် ၊ န၀ကမ္မအလှူငွေ (၁၀၀၀၀) ကျပ်စီနဲ့ အခြားသော လှူဖွယ်၀တ္ထုအစုစုတို့ကို လှူဒါန်းသွားမှာဖြစ်တယ်"ချမ်းမြေ့ရိပ်သာကျောင်း (ရန်ကုန်) ကျောင်းတိုက်
#Local_News
Published_ 17 January 2024
#ချမ်းမြေ့ဆရာတော်ကြီး #ရှစ်ရက်ကြာလှူ
#tthl #Yangon_Times

#Local_News
Published-17 January 2024

၂၀၂၃ -၂၄ ဘဏ္ဍာနှစ် ၂၀၂၃ ခုနှစ် ဧပြီလမှ ၂၀၂၄ ခုနှစ် ဇန်နဝါရီလ ၅ ရက်အထိ ကိုးလကျော်ကာလအတွင်းပြည်ပနိုင်ငံများသို့ မြန်မာ့သတ္ထုတွင်းထွက်ပစ္စည်းများတင်ပို့မှုမှ အမေရိကန်ဒေါ်လာ ၂၁၀ ဒသမ ၁၁၅ သန်းရရှိခဲ့ပြီးဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

ထိုသို့တင်ပို့ရာတွင် မြန်မာ့သတ္ထုတွင်းထွက်ပစ္စည်းများကို ပြည်ပနိုင်ငံများသို့ နိုင်ငံပိုင်တင်ပို့ရောင်းချမှုမှ ကန်ဒေါ်လာသန်း ၃၀ နီးပါးနှင့် ပုဂ္ဂလိကပိုင် တင်ပို့ရောင်းချမှုမှ ကန်ဒေါ်လာသန်း ၁၈၀ ဒသမ ၅၉၈ သန်း ကျော်ရရှိထားခြင်းဖြစ်သည်။

အဆိုပါ ပြည်ပနိုင်ငံများသို့ တင်ပို့ရောင်းချလျက်ရှိသည့် မြန်မာ့သတ္ထုတွင်းထွက်ပစ္စည်းများမှာ ကျောက်စိမ်း၊ စိန်၊ ရွှေ၊ ပုလဲ၊ ခဲ၊ ခဲမဖြူ၊ အဖြိုက်နက်၊ ကြေးနီ၊ ငွေ၊ ကျောက်မီးသွေး၊ သွပ်နှင့် အခြားတွင်းထွက်သတ္ထုများပါဝင်ကြောင်း သိရသည်။

#Local_News #မြန်မာ့သတ္ထုတွင်းထွက်ပစ္စည်းများတင်ပို့မှု #ကန်ဒေါ်လာ၂၁၀ဒသမ၁၁၅သန်းရရှိ #YMG/ NN #Yangon_Times

#Local_News
Published 17 January 2024

ရန်ကုန်တိုင်း ဒေသကြီးအတွင်းရှိ City Taxi ယာဉ်အစီးရေငါးသောင်း‌ကျေ ာ်ရာခိုင်နှုန်းအားဖြင့် ၈၆% ဘေးနှစ်ဖက် အဝါရောင်လိုင်း စတစ်ကာတပ်ဆင်ပြီးစီးပြီဖြစ်ကြောင်း ပုဂ္ဂလိကသယ်ယူပိုဆောင်ရေး ကြီးကြပ်မှုကော်မတီ (YRTC) မှ သိရသည်။

အဆိုပါ City Taxi ယာဉ်များတွင် အဝါရောင်ဘေး Sticker ကပ်ခြင်းလုပ်ငန်းကို ၂၀၂၃ ခုနှစ် နိုဝင်ဘာ (၁) ရက်မှ စတင်၍ ဆောင်ရွက်ခဲ့ရာ ဇန်နဝါရီ (၁၅) ရက်အထိ ခန့်မှန်းယာဉ်အစီးရေ ၅၀၀၀၀ အထိပြီးစီးနေပြီဖြစ်ကြောင်း ၊ ထိုသို့တပ်ဆင်ပြီးစီးမှုသည် ရာခိုင်နှုန်းအားဖြင့် လက်ရှိအချိန်အထိ ၈၆ % တပ်ဆင်ပြီးစီးနေပြီဖြစ်ကြောင်း သိရသည်။

၂၀၂၄ခုနှစ် ဇန်နဝါရီ (၃၁) ရက်အထိ ပညာပေးကာလအဖြစ် သတ်မှတ်ထားပြီးအဝါရောင်လိုင်း Sticker တပ်ဆင်ရန်ကျန်ရှိသော City Taxi ယာဉ်များအားလုံး ဇန်နဝါရီ (၃၁) ရက် နောက်ဆုံးထားတပ်ဆင်ရန်နှင့် တပ်ဆင်ခြင်းမရှိပါက လာမည့်ဖေဖော်ဝါရီ (၁) ရက်မှစတင်၍ ယာဉ်အန္တရာယ်ကင်းရှင်းရေးနှင့် မော်တော်ယာဉ်စီမံခန့်ခွဲမှု ဥပဒေပုဒ်မ (၉၆) အရ စစ်ဆေးအရေးယူခြင်းများ ပြုလုပ်သွားမည်ဖြစ်ကြောင်း YRTC မှ အသိပေးထားသည်။

City Taxi ယာဉ်များအား အခြားသောယာဉ်များနှင့် ကွဲကွဲပြားပြား၊ ထင်သာမြင်သာရှိစေရန်၊ လုံခြုံမှုရှိစေရန်၊ ယာဉ်အန္တရာယ်၊ လမ်းအန္တရာယ်ကင်းရှင်းစေရန် ဘေးစတစ်ကာတပ်ဆင်စေခြင်းဖြစ်သည်။

ထို့အပြင် နိုင်ငံတကာ Taxi ယာဉ်များနည်းတူ City Taxi ယာဉ်များဘေးနှစ်ဖက် ကိုယ်ထည်တွင် အဝါရောင်လိုင်း စတစ်ကာကပ်ရန် ညွှန်ကြားထားပြီး ရန်ကုန်တိုင်းဒေသကြီးအတွင်း ပြေးဆွဲနေသည့် Taxi ယာဉ်များအားလုံး အကျုံးဝင်ကြောင်း သိရသည်။

#Local_News #City_Taxiယာဉ် #စတစ်ကာတပ်ဆင်ပြီး #YMG /NN #Yangon_Times

'အောက်တိုဘာကနေလက်ရှိအချိန်အထိ ဗုဒ္ဓဂါယာခရီးသွားဦးရေတစ်သောင်းခွဲ‌လောက်အထိသွားလာပြီးဖြစ်ပေမယ့် အရင်နှစ်ကနဲ့နှိုင်းယှဉ်ရင်တော့ နည်းပါးနေသေးနေပါသေးတယ်၊ ဒါကလည်းလူတွေက စီးပွားရေးပြေလည်မှ ဘုရားဖူးနိုင်တာကိုး၊ စီးပွားရေး၊ လူမှုရေး၊ ကျန်းမာရေးအထွေထွေအားလုံးပြည့်စုံမှသာသွားနိုင်မှာဖြစ်တော့ ဒီနှစ်ကတော့မနှစ်ကထက်ယှဉ်ရင်နည်းတယ်၊ မနှစ်ကတော့ပိုသွားကြပါတယ်'
#Local_News
Published_ 17 January 2024
#ဗုဒ္ဓဂါယာခရီးသွားဦးရေ #ယမန်နှစ်ထက်ကျဆင်းနေ
#YMG/ NN #Yangon_Times

ယခင်လပိုင်းက ရာသီဥတုနဲ့ရောဂါကျရောက်ခဲ့တဲ့အတွက် အ၀ယ်အေးနေတဲ့ ဆိတ်သားသတ်ဈေးကွက် ယခုရက်ပိုင်းမှာတော့ တရုတ်နှစ်သစ်ကူးနီးလာတဲ့အတွက် ဈေးကွက်ပြန်လှုပ်လာကာ အ၀ယ်လိုက်လာတယ်လို့ ဆိုပါတယ်။
#Local_News
Published_ 17 January 2024
#ပြည်တွင်းဆိတ်သားသတ်ဈေးကွက် #ဈေးမြင့်တက်လာ
#YMG/LW #Yangon_Times