Published_ 10 February 2024

ဖေဖော်ဝါရီ ၁၀ ရက်နေ့  နံနက်အစောပိုင်းက  ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ် (၁၅၈/၅)ဖာလုံအနီးတွင် သစ်ဆန်း ခရီးသည်ကား ၊ ခိုင်မန္တလေး ခရီးသည်ကား ၊ Toyota RAV 4(အဖြူရောင်) ကား၊ Super Custom(အဖြူရောင်) နှင့် Toyota Caldina (လိမ္မော်ရောင်) ကားတို့ တိုက်မိမှုဖြစ်ခဲ့ကြောင်း အမြန်လမ်းမီးသတ်တပ်ဖွဲ့ထံကသိရသည်။

   အဆိုပါယာဉ် ၅ စီးဆင့်တိုက်မှုဖြစ်ပွားခဲ့ခြင်းကြောင့် ၂ ဦး ​ေ-သဆုံးကာ၈ ဦး ထိခိုက်ဒဏ်ရာရရှိခဲ့ကြောင်း သိရသည်။

 ယာဉ်တိုက်မှုကြောင့် သစ်ဆန်း ခရီးသည်ယာဉ်နှင့် ခိုင်မန္တလေး ခရီးသည်ယာဉ်ပေါ်ပါ ခရီးသည်များ ထိခိုက်ဒဏ်ရာရရှိမှုမရှိခဲ့ကြောင်းသိရသည်။

Toyota RAV 4(အဖြူရောင်)ယာဉ်ပေါ်ပါ အမျိုးသား  (၃)ဦး၊ အမျိုးသမီး  (၃)ဦး၊ စုစုပေါင်း(၆)ဦး အနက် အမျိုးသား (၁)ဦး (သေဆုံး)၊ အမျိုးသား (၂)ဦး ထိခိုက်ဒဏ်ရာ(မစိုးရိမ်ရ)၊ အမျိုးသမီး (၂)ဦး ထိခိုက်ဒဏ်ရာ(စိုးရိမ်ရ)၊ အမျိုးသမီး(၁)ဦး ထိခိုက်ဒဏ်ရာ(မစိုးရိမ်ရ)ရရှိခဲ့သည်။

 Super Custom(အဖြူရောင်)ယာဉ်ပေါ်ရှိ အမျိုးသား (၁)ဦး၊ အမျိုးသမီး(၂)ဦး စုစုပေါင်း (၃)ဦး အနက်၊ အမျိုးသား (၁)ဦး (သေဆုံး)၊ အမျိုးသမီး (၂)ဦး ထိခိုက်ဒဏ်ရာ (မစိုးရိမ်ရ) ရရှိခဲ့ကြောင်းသိရသည်။

Toyota Caldina (လိမ္မော်ရောင်)ယာဉ် ပေါ်ရှိ အမျိုးသား (၁)ဦး ထိခိုက်ဒဏ်ရာ (မစိုးရိမ်ရ)တို့အား သာဂရအမြန်လမ်းမီးသတ်မှ ကယ်ဆယ်ရေးလုပ်ငန်းတွေ လုပ်ဆောင်ပေးခဲ့ပြီး ဆွာလူမှုကူညီရေးအသင်းနှင့် မြို့သစ်လူမှုကူညီရေးအသင်းမှ သူနာတင်ယာဉ်များဖြင့် တောင်ငူပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group

Published 9 February 2024

မော် လမြိုင်မြို့၌ ရေတွင်းထဲပြုတ်ကျသည့် စိတ်ကျန်မာရေးမကောင်းသူအား ယနေ့မနက်ပိုင်းတွင် ကူညီကယ်ဆယ်နိုင်ခဲ့ကြောင်း ဘိုဘိုဝင်းRescueအရေးပေါ်ကယ်ဆယ်ရေးအဖွဲ့မှ သိရသည်။

' ဒီနေ့နံနက်၅နာရီအချိန်မှာ မော်လမြိုင်မြို့ မုပွန်ရပ်ကွက်၊ ကျောက်တန်းလမ်းမကြီးဘေး နေအိမ်က ရေတွင်းထဲ ခန့်မှန်ချိန် နံနက်၄နာရီအချိန် လောက်က ပြုတ်ကျသူ အမျိုးသမီး၁ဦး(စိတ်ကျန်မာရေးမကောင်းသူ)အား ရေတွင်းထဲမှ  အသက်ရှင်ရက် အောင်မြင်စွာ ကူညီ ကယ်ဆယ်နိင်ခဲ့ပါတယ် ' ဟု ဘိုဘိုဝင်းRescueအရေးပေါ်ကယ်ဆယ်ရေးအဖွဲ့ က ပြောကြား သည်။

ဖြစ်စဥ်မှာ မော်လမြိုင်မြို့ မုပွန်ရပ်ကွက်၊ ကျောက်တန်းလမ်းမကြီးဘေး နေအိမ်ရှိရေတွင်းထဲကို ခန့်မှန်းချိန် နံနက် ၄ နာရီအချိန်ခန့်က အမျိုးသမီးတစ်ဦး ပြုတ်ကျခဲ့ရာ မနက် ၆ နာရီ ဝန်းကျင်မှာ ရေတွင်းထဲမှ   အသက်ရှင်လျက် အောင်မြင်စွာ ကူညီ ကယ်ဆယ်နိုင်ခဲ့ကြောင်းသိရသည်။

အဆိုပါ ရေတွင်းသည် အနက် ပေ ၈၀ ကျော်ခန့်ရှိပြီး  ပြုတ်ကျသည့်  အမျိုးသမီးသည်  ရေတွင်းအတွင်းပိုင်းရှိ  အုတ်စွန်းအထစ်တစ်ခုကို ဖက်တွယ်ထားနိုင်ခဲ့သောကြောင့် အောက်အထိ ပြုတ်ကျနစ်မြုပ်ခဲ့ခြင်းမရှိကြောင်း သိရသည် အဆိုပါ အမျိုးသမီးကို မော်လမြိုင်မြို့ မီးသတ်တပ်ဖွဲ့ဝင်များမှ  ရေတွင်းထဲသို့  တွဲဆိုင်းကြိုး၊ လှေကားများဖြင့် ဆင်းကာ ကူညီကယ်ဆယ်ခဲ့ပြီး ဘိုဘိုဝင်း လူမှုကူညီရေးအသင်းပိုင် သူနာတင်ယာဥ်ဖြင့် မော်လမြိုင်ဆေးရုံကို ပို့ဆောင်ပေးခဲ့ကြောင်း သိရသည်။
Yangon_Times/NN
#Local_News
#Published_ 9 February 2024
#YMG #Yangon_Media_Group #Yangon_Times

#Daily_News
Published_ 9 February 2024

၁။ ဆံတော်ရှင်မော်တင်စွန်းဘုရားပွဲတော် မတ်လအတွင်းကျင်းပမည်၊ EVကားဖြင့် ပါလာရောက်လည်ပတ်သူများရှိနေ

၂။ တစ်လလျှင် တန်ချိန် (၁) သိန်းခွဲခန့်ဖြင့် ဆန်ကွဲ၊ ပေါင်းဆန်နှင့် တန်းမြင့်ဆန် (၅ မတ်ဆန်) များကိုသာ ဦးစားပေး တင်ပို့သွားမည်

၃။ ပုပ္ပါးတောင်မကြီးပေါ် သန့်ရှင်းရေးအတွက် စိတ်ပါဝင်စားသူများ စုပေါင်းပြီး အမှိုက်ကောက်ကမ်ပိန်းပြုလုပ်မည်

၄။ ဂျာကာတာမှ ဘန်ဒန်သို့ပြေးဆွဲသည့် အမြန်ရထားလမ်းကြောင့် အင်ဒိုနီးရှား ဧည့်ခရီးသွားလုပ်ငန်းအတွက် လွယ်ကူတိုးတက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_9 Feb 2024

ဘဏ်လုပ်ငန်းနှင့်ငွေကြေးဝန်ဆောင်မှူ ဆိုင်ရာနယ်ပယ်တွင် လုပ်ကိုင်လိုသူများအား လူငယ်များ အထောက် အပံ့ပြုပေးမည့် အစီအစဉ် စတင်မည် ဖြစ်ကြောင်း သိရသည်။

ယင်းအစီအစဉ်ကို MTB မြန့်မာ့ခရီးသွားဘဏ်နှင့် Kudos to you professional developement accademy တို့က ပူးပေါင်း ဆောင်ရွက်ကြမည် ဖြစ်ကြောင်း သိရသည်။

"ဘဏ်လုပ်ငန်းနဲ့ငွေကြေးဆိုင်ရာဝန်ဆောင်မှူနယ်ပယ်ကိုစိတ်ဝင်စားပြီး လက်တွေ့သင်ယူချင်တယ်၊အလုပ် လည်းရချင်တယ်၊ဒါပေမဲ့လည်းအတွေ့အကြုံမရှိတော့ အခက်အခဲဖြစ်နေတယ် ဆိုတဲ့လူငယ်တွေအတွက် လုပ်ငန်းခွင်မဝင်ခင် လိုအပ်တဲ့ကျွမ်းကျင်မှူ့တွေကို စာသင်ခန်းအတွင်းသင်ယူနိုင်ခွင့်ရစေဖို့ရယ်၊ လက်တွေ့ လုပ်ငန်း ခွင်လေ့လာနိုင်ဖို့အတွက်ရယ် ၊ အလုပ်အကိုင်ဖန်တီးပေးနိုင်ဖို့အတွက်ရယ် ရည်ရွယ်ပြီးလုပ်ဆောင်တာ ဖြစ်ပါတယ်”ဟုမြန်မာ့ခရီးသွားဘဏ်၏ အလုပ်အမှူဆောင်ဥက္ကဌ ဦးဝင်းလွင်က ပြောသည်။

ဘဏ်လုပ်ငန်းနှင့်ငွေကြေးဝန်ဆောင်မှူ ဆိုင်ရာနယ်ပယ်တွင် လူငယ်များ အတွက် လိုအပ်သည့် ကျွမ်းကျင်မှူ များသင်ယူနိုင်ရန်၊အတွေ့အကြုံရရှိနိုင်စေရန်နှင့်အလုပ်အကိုင်အခွင့်အလန်းများရရှိစေရန် သင်ကြားခွင့်ဆိုင် ရာအထောက်အပံ့ပြုပေးမည့် အစီအစဉ်ကို မြန့်မာ့ခရီးသွားဘဏ်အနေဖြင့် ရည်ရွယ်ဆောင်ရွက်နေခြင်း ဖြစ်ကြောင်းလည်း သိရသည်။

"Kudos to you အနေနဲ့ ဝန်ထမ်းကောင်းများပေါ်ထွက်လာရေးနှင့် အလုပ်လိုချင်ပေမဲ့အတွေ့အကြုံမရှိ၊အတွေ့အကြုံမရှိလို့အလုပ်မခန့် ဖြစ်နေတဲ့အလုပ်လုပ်ချင်တဲ့ညီငယ်ညီမတွေနဲ့အလုပ်ရှင်တွေကြားပေါင်းကူးပေးမယ့် Followership program လေးကို ၂၀၁၉ ကတည်းက လုပ်ပေးဖို့ပြင်ဆင်နေခဲ့တာပါ၊ ဒီအကြောင်းလေးကိုပြောပြဖြစ်တော့ မြန့်မာ့ခရီးသွားဘဏ်ကနေပြီး သင်တန်းတက်ရောက်ချင်တဲ့လူငယ်တွေအတွက် စတင်ပေးဆောင်ရမယ့် သင်တန်းကြေးကို လည်းပေးဆောင်သွားမယ်၊ အလုပ်သင်အဖြစ်တစ် လ ပါ မြန့်မာခရီး သွား ဘဏ်နှင့်ဆက်စပ်နေတဲ့လုပ်ငန်းစုတွေမှာ စီစဉ်ပေးမယ်ပြောတဲ့အပြင် အလုပ်သင်ကာလပြီးဆုံးရင် အလုပ်ရနိုင် ဖို့ အတွက် အခွင့်အလမ်းတွေဖန်တီးပေးသွားဖို့ ရှိပါတယ်” ဟု Kudos To You ၏ တည်ထောင်သူဦးကောင်း ငြိမ်းစိုး က ဆိုသည်။

ယင်း Kudos to you ၏ Followership သင်တန်းတွင် လုပ်ငန်းခွင်တစ်ခုဝင်ရောက်နိုင်ရန် လိုအပ် သည့် Sales, Marketing, Communication, Customer Service,Personal Grooming and Etiquettes, Admin, HR knowledge and Workplace Ethic စသော ဘာသာရပ်များကို နာရီ ၄၀ တိတိသင်ကြားပို့ချပေးသွားမည် ဖြစ်ကြောင်းလည်း သိရသည်။

သင်တန်းတက်ရောက်ခွင့် ရရှိမည့်သူများအနေဖြင့် အနိမ့်ဆုံး တက္ကသိုလ်ဝင်တန်းတက်ရောက်ဖူးသူဖြစ်ရန် လိုကြောင်း၊ ဘဏ်လုပ်ငန်းနှင့် ငွေကြေးဆိုင်ရာဝန်ဆောင်မှူလုပ်ငန်းများတွင် အလုပ်လုပ်ကိုင်လိုစိတ် ပြင်းပြ သည့် သင်ယူလိုစိတ်ရှိသော လူငယ်များလျှောက်ထားနိုင်ကြောင်း နှင့် လျှောက်ထားသူများအား လူတွေ့စစ်ဆေးရွေးချယ်သွားမည်ဖြစ်ကြောင်း သိရသည်။
Yangon Times/PP
#Local_News
#Published_ 9 February 2024
#YMG_News #Yangon_Times #Yangon_Media_Group

Published 9 February 2024

ရန်ကုန်-မန္တလေးအမြန်လမ်း၌ SUZUKI ယာဥ်တစ်စီး နောက်ဘီးတာယာပွင့်၍  လမ်းလယ်ကျွန်းရှိ သစ်ပင်အား ဝင်ရောက်တိုက်မိပြီး လူ၁၀ဦးထိခိုက်ဒဏ်ရာရရှိခဲ့ပြီးနှစ်ဦးမှာ စိုးရိမ်ရကြောင်းမြန်မာနိုင်ငံမီးသတ်တပ်ဖွဲ့မှ သိရသည်။

ဖြစ်စဉ်မှာ ဖေဖော်ဝါရီ ၉ရက်နေ့၊ နေ့လယ် ၂နာရီ  ၃၆မိနစ် အချိန်ခန့် က ရန်ကုန်-မန္တလေးအမြန်လမ်းမကြီး၊  မိုင်တိုင်အမှတ် (၇၀/၄)နှင့် (၇၀/၅) အကြားတွင် SUZUKI ERTIGA (အမျိုးအစား) အနက်ရောင်ယာဥ်သည် မောင်းနှင်နေစဉ် နောက်ဘီးတာယာပွင့်၍ အရှိန်မထိန်းနိုင်ဘဲ လမ်းလယ်ကျွန်းရှိ သစ်ပင်အား ဝင်ရောက်တိုက်မိကြောင်း သတင်းရရှိသဖြင့် ဥသျှစ်ကုန်းအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ကြောင်းသိရသည်။

အဆိုပါဖြစ်စဉ်ကြောင့် ယာဥ်ပေါ်ပါ ကျား (၁)ဦး၊ မ (၃)ဦး၊ ကလေး (၂) ဦး စုစုပေါင်း (၆)ဦးအနက် မ(၁)ဦးနှင့် ကလေး(၁)ဦး ထိခိုက်ဒဏ်ရာ(စိုးရိမ်ရ) ကျန် (၄) ဦး ထိခိုက်ဒဏ်ရာ(မစိုးရိမ်ရ)တို့အား ရဲတပ်ဖွဲ့ပိုင်ယာဥ်ဖြင့် မြို့ချောင်းဆေးရုံသို့ ကူညီပို့ဆောင်ပေးခဲ့ကြောင်းသိရသည်။
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

Published_ 9 February 2024

ဆင်ကြီးမိုမို ခြေသည်းအထက်ပိုင်းတွင် ကြွက်နို့သဏ္ဍာန် ထွက်ပေါ်လာ၍စစ်ဆေးကုသစောင့် ရှောက်‌ပေးနေသလိုညဘက် အိပ်ချိန်တွင် သက်တောင့်သက်သာဖြစ်စေရန် သဲပေါ်မှာ အိပ်စက်စေ ခြင်းများကိုဆောင်ရွက်ပေးလျက်ရှိကြောင်း  Yangon Zooမှသိရသည်။

အသက်အရွယ်ကြီးရင့်လာမှု၏နောက်ဆက်တွဲအကျိုးရလဒ်အနေဖြင့် သက်ကြီးဆင်များတွင် ဖြစ်လေ့ဖြစ်ထရှိ‌သော ခြေသည်းအထက်ပိုင်းတွင် ကြွက်နို့သဏ္ဍာန် ထွက်ပေါ်လာသည်ကို တွေ့ရခြင်းဖြစ်သည်။

၎င်းအခြေအနေကို ဆင်ကျွမ်းကျင်သူ ပညာရှင်များဖြစ်သည့် ဒေါက်တာခင်မောင်ဝင်း (ဆင်ဖြူတော်ဥယျာဉ်) နှင့် မြန်မာ့သစ်လုပ်ငန်းမှ ဒု-လက်ထောက် အထွေထွေမန်‌နေဂျာ ဒေါက်တာဇော်မင်းဦးတို့ကို ပင့်ဖိတ်၍အကြံဉာဏ်တောင်းခံခဲ့ပြီး လိုအပ်သည်များကို နေ့စဉ်မပြတ် ဆောင်ရွက်ပေးလျက်ရှိကြောင်း၊ တဖန် အင်းစိန်ရောဂါရှာဖွေရေးဌာနမှ ကျွမ်းကျင်ပညာရှင် ဒေါက်တာဝင်းမြင့်အား ပင့်ဖိတ်၍ လိုအပ်‌သော စစ်ဆေးမှုများ ပြုလုပ်ခဲ့ပြီး လိုအပ်သည်များကို ဆက်လက်လုပ်ဆောင်လျက်ရှိကြောင်း သိရသည်။

တိရစ္ဆာန်ဥယျာဉ် (ရန်ကုန်) ရှိ ဆင်မကြီးမိုမိုအား ၁၉၆၁ခုနှစ်တွင် ကယားပြည်နယ် လွိုင်ကော်မြို့မှ ဦးခွန်စန္ဒမှ လှူဒါန်းခဲ့ပြီး လှူဒါန်းစဉ် အသက် (၇) နှစ်ခန့်ရှိပြီး ယခုဆိုလျှင် အသက် (၇၁) နှစ်သို့ ရောက်ရှိခဲ့ပြီဖြစ်ကာဆင်မကြီးမိုမိုသည် အသက်ကြီးလာသည်နှင့်အမျှ ၎င်း၏မူရင်းသဘာဝအတိုင်း အစာကို အမျိုးမျိုးရွေးချယ်စားသောက်တတ်ပြီး နေ့စဉ်နှင့်အမျှ အစာကို ပြောင်းလဲစားသောက်တတ် ကြောင်းဆင်မကြီးမိုမိုအတွက် လိုအပ်သော ဖြည့်စွက်စာများ‌နှင့် ကြိုက်နှစ်သက်သည့် အစာကိုပိုမိုကျွေးခြင်း၊ ညဘက် အိပ်ချိန်တွင် သက်တောင့်သက်သာဖြစ်စေရန် သဲပေါ်မှာ အိပ်စက်စေခြင်းများကို ဆောင်ရွက်၍ အနီးကပ်ကျွေးမွေးပြုစုစောင့်ရှောက်လျက်ရှိကြောင်းသိရသည်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group