Published 21 February 2024

   လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနက လစ်လပ်နေသော လက်ထောက်လူဝင်မှုကြီးကြပ်ရေးမှုးရာထူးနေရာအတွက် ဝန်ထမ်း အမျိုးသား၁၂၀ဦးနှင့်အမျိုးသမီး ၃၀ဦးကိုခေါ်ယူကြောင်း သိရသည်။

 အဆိုပါ ရာထူး အတွက် လျှောက်ထားနိုင်သူများမှာ အသက်၁၈နှစ်မှ ၂၆နှစ် အတွင်း ဖြစ်ရမည်ဖြစ်ပြီး ဤဝန်ကြီးဌာန တွင်တာဝန်ထမ်းဆောင်သူဖြစိပါက ၃၅နှစ်အောက်အထိ လက်ခံကြောင်း အိမ်ထောင်မရှိ လူပျို အပျို ဖြစ်ရမည် ဖြစ်ကာ ပညာရေးဝန်ကြီးဌာန အသိအမှတ်ပြု တက္ကသိုလ် ဘွဲ့တစ်ခုခုရရှိရမည်ဖြစ်ပြီး ကွန်ပျုတာ အသုံးပြု နိုင်ရမည် ဖြစ်ကြောင်း သိရသည်။

  အရပ်အမောင်းနှင့် ကိုယ်အလေးချိန်သတ်မှတ်ချက်များလည်းရှိပြီး ဒေသမရွေးသွားရောက်တာဝန်ထမ်းဆောင်နိုင်ရမည်ဖြစ်ပြီး ဝန်ထမ်းအဖြစ် တာဝန်ခန့်အပ် ခံရပါကအနည်းဆုံးငါးနှစ် တာဝန်ထမ်းရမည်ဖြစ်ကြောင်း သိရသည်။

   နယ်စပ်ဒေသများတွင် တာဝန်ထမ်းဆောင်ရန် အတွက် ဒေသခံ တိုင်းရင်းသားများ ကို ဦးစားပေးရွေးချယ်မည် ဖြစ်ကာရွေးချယ်ခံရပါက  ကနဦး လစာ အဖြစ် ကျပ်၁၈၀၀၀၀ဖြင့်စတင်ခန့်ထားမည်ဖြစ်ကြောင်း သိရသည်။

  လျှောက်လွှာပုံစံများ ကို တိုင်းဒေသကြီး ပြည်နယ် ဦးစီးမှုးရုံး ၊ပြည်ထောင်စုနယ်မြေဦးစီးမှုးရုံး၊ဒုတိယပြည်နယ်ဦးစီးမှုးရုံး၊ရှမ်းပြည်နယ်အရှေ့ပိုင်း နှင့်မြောက်ပိုင်း တို့တွင် ထုတ်ယူနိုင်ကာ မတ်လ လ ၃ရက်နေ့ ကိုနောက်ဆုံးထား ပြီးလူကိုယ်တိုင်လာရောက်လျှောက် ထားရမည်ဖြစ်ကြောင်း သိရသည်။

  အင်္ဂလိပ်စာရေးဖြေကို သက်ဆိုင်ရာတိုင်းဒေသကြီး/ပြည်နယ် များတွင်ဖြေဆိုရမည် ဖြစ်ပြီး ရေးဖြေအောင်မြင်ပါက  ကွန်ပျုတာနှင့်လူတွေ့နှုတ်ဖြေကို ပြညထောင်စုဝန်ကြီးရုံး နေပြည်တော်ရုံး အမှတ် ၄၈ တွင်ဖြေဆိုရမည် ဖြစ်သည်။

  ပြည်လုံးကျွတ် လူဦးရေနှင့် အိမ်အကြောင်းအရာ သန်းခေါင်စာရင်းကို ၂၀၂၄ ခုနှစ် အောက်တိုဘာလအတွင်း ကောက်ယူမည်ဖြစ်ကြောင်း သိရသည်။
Yangon Times/LW
#Local_News
#Published_ 21 February 2024
#YMG_News #Yangon_Times #Yangon_Media_Group

မြင်းခြံ မြို့နယ်က မြင်း သိန်း၅၀နဲ့ လေလံပွဲအောင်မြင်

ပထမဆုံး မြင်းလေလံပွဲ ကြမ်းခင်းဈေး ကျပ်၃၅သိန်းဖြင့်ပြုလုပ် ' မြင်းခြံက မြင်းကြမ်းခင်းဈေး ၃၅သိန်းခေါ်ပြီး သိန်း၅၀နဲ့ လေလံပွဲ အောင်သွားပါတယ်၊ လာမယ့်နှစ် တံခွန်စိုက်ဖလား မြင်းစီးပြိုင်ပွဲမှာလည်း မြင်းလေလံပွဲ ပြုလုပ်သွားပါမယ် '
Yangon Times/NN
#Local_News
#Published_ 21 February 2024
#YMG_News #Yangon_Times #Yangon_Media_Group

ကိုရီးယားနိုင်ငံမှာ တက္ကသိုလ်တွေ ဘာသာစကားသင်တန်းတွေ တတ်ရောက်ဖို့ သင်တန်းကြေး ကျောင်းဝင်ကြေးကို ကြားခံကတစ်ဆင့် ပေးသွင်းတဲ့သူအချို့မှာ  ပေးသွင်းခိုင်းတဲ့ အသိမိတ်ဆွေတွေ ပညာရေးဝန်ဆောင်မှု ကုမ္ပဏီအချို့က သက်ဆိုင်ရာကျောင်းတွေကို ပေးသွင်းမှုမရှိတဲ့အတွက် မြန်မာနိုင်ငံကနေ ကျောင်းလာတတ်ဖို့ စီစဉ်ထားတဲ့သူတွေအနေနဲ့ ဆုံးရှုးနစ်နာမှုတွေ ဖြစ်ပေါ်နေပြီး မြန်မာသံရုံးကိုလည်း အထောက်အထား အပြည့်စုံနဲ့ တိုင်ကြားထားတာတွေ ရှိတယ်လို့ သိရပါတယ်။
Yangon Times/LW
#Local_News
#Published_ 21 February 2024
#YMG_News #Yangon_Times #Yangon_Media_Group

ကိုဗစ်ကာကွယ်ဆေးကို သင်္ဘောသားတွေနဲ့ မိသားစုဝင်တွေ အသက် (၁၈) နှစ် နှင့် (၆၀)နှစ် အကြား ရှိသူတွေကတော့ တနင်္လာနေ့မှ သောကြာနေ့အထိ တစ်ပတ် (၅)ရက်ထိုးနှံနိုင်တယ်။
အသက် (၆၀) နှင့် (၆၀) အထက် ထိုးနှံလိုသူ‌တွေအနေနဲ့ ဗုဒ္ဓဟူး၊ ကြာသပတေး၊ သောကြာနေ့ တစ်ပတ် (၃) ရက် ထိုးနှံနိုင်မှာဖြစ်ပါတယ်။
Yangon Times/tthl
#Local_News
#Published_ 21 February 2024
#YMG_News #Yangon_Times #Yangon_Media_Group

၂၀ ဖေဖော်ဝါရီ ၂၀၂၃

ပြည်သူ့စစ်မှုထမ်းများကို ခေါ်ယူတဲ့နေရာမှာ အမျိုးသမီးများကို ခေါ်ယူဖို့ လတ်တလော အစီအစဉ်မရှိသေး ကြောင်း ဗိုလ်ချုပ်ဇော်မင်းထွန်းကပြောကြားပါတယ်။

ပြည်သူ့စစ်မှုထမ်းဥပဒေဆိုင်ရာ ထပ်မံအသိပေးလိုသည့်အချက်များနှင့် ပတ်သက်၍ နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ဖေဖော်ဝါရီ ၂၀ရက်တွင်ပြောကြားရာ၌ ယင်းကဲ့သို့ အသိပေး ပြောကြားခဲ့တာဖြစ်ပါတယ်။

ဗိုလ်ချုပ်ဇော်မင်းထွန်း၏ ရှင်းလင်းပြောကြားချက်အပြည့်အစုံကို ဖော်ပြပေးအပ်ပါတယ်။

@ymg/knl

၂၀ ဖေဖော်ဝါရီ ၂၀၂၄

မြန်မာနိုင်ငံ၏ ရေအားနှင့်နေရောင်ခြည် စွမ်းအင်သုံးလျှပ်စစ်ဓာတ်အား ထုတ်လုပ်မှု လုပ်ငန်းများတွင် ရုရှားနိုင်ငံက ပူးပေါင်းဆောင်ရွက်သွားမည့် အခြေအနေများကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် ရုရှားဖက်ဒရေး   ရှင်းနိုင်ငံ၊ နိုင်ငံခြားရေးဝန်ကြီးဌာန ဒုတိယဝန်ကြီး  Mr. Andrey Rudenkoတို့ ဆွေးနွေးခဲ့ကြပါတယ်။

နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ ရုရှားဖက်ဒရေးရှင်းနိုင်ငံ၊ နိုင်ငံခြားရေး ဝန်ကြီးဌာန ဒုတိယဝန်ကြီးMr. Andrey Rudenko ဦးဆောင်တဲ့ကိုယ်စားလှယ်အဖွဲ့ကယနေ့ဖေဖော်ဝါရီ ၂၀ ရက်   မွန်းလွဲပိုင်းတွင် နေပြည်တော်ရှိ နစကဥက္ကဋ္ဌရုံး သံတမန်ဆောင်ဧည့်ခန်းမ၌ လာရောက်ဂါရဝပြုတွေ့ဆုံစဉ် ဆွေးနွေးခဲ့ကြခြင်းဖြစ်ပါတယ်။

ထိုသို့တွေ့ဆုံရာတွင် မြန်မာ-ရုရှား နှစ်နိုင်ငံအကြားရှည်ကြာခိုင်မြဲသည့် သံတမန်ဆက်ဆံမှုများ ချစ်ကြည် ရင်းနှီးမှု နှင့်ပူးပေါင်းဆောင်ရွက်မှုများ ပိုမိုတိုးတက်ကောင်းမွန်လာမှုအခြေအနေများ၊ နှစ်နိုင်ငံအကြား ခရီးသွားလုပ်ငန်း  များနှင့် ကုန်သွယ်မှုလုပ်ငန်းများတိုးတက်စေရေးအတွက် လေကြောင်းခရီးစဉ်များ ပြေးဆွဲလျက်ရှိမှုအခြေအနေ များကို ဆက်လက်ဆွေးနွေးခဲ့ကြတယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

ယင်းအပြင်နျူကလီးယား နည်းပညာကို ငြိမ်းချမ်းစွာအသုံးချရေးအတွက် ပူးပေါင်းဆောင်ရွက်လျက်ရှိမှု အခြေအနေများ၊ လူမှုရေးကဏ္ဍနှင့် ပညာရေးကဏ္ဍများ တိုးတက်ရေးတို့တွင်ပူးပေါင်း ဆောင်ရွက်လျက်   ရှိမှုအခြေအနေများ၊ မြန်မာနိုင်ငံအတွက်လိုအပ်သည့်ဓာတ်မြေဩဇာများလုံလောက်စွာရရှိရေးနှင့်နှစ်နိုင်ငံအကြား  ချစ်ကြည်ရင်းနှီးမှုနှင့်ပူးပေါင်းဆောင်ရွက်မှုများ ယခုထက်ပိုမိုတိုးတက်အောင် ဆက်လက်ဆောင်ရွက်သွားမည့် ကိစ္စရပ်များကိုလည်းဆွေးနွေးခဲ့ကြကြောင်းသတင်းထုတ်ပြန်ထားပါတယ်။

တွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယဝန်ကြီး

ချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးလွင်ဦးနှင့် တာဝန်ရှိသူများတက်ရောက်ကြပြီး ရုရှားဖက်ဒရေးရှင်းနိုင်ငံ၊ နိုင်ငံခြားရေးဝန်ကြီးဌာန ဒုတိယ  ဝန်ကြီးနှင့်အတူ မြန်မာနိုင်ငံဆိုင်ရာရုရှားနိုင်ငံသံအမတ်ကြ Mr. Iskander Azizov နှင့် တာဝန်ရှိသူများ တက်ရောက်  ခဲ့ကြပါတယ်။

@ymg/knl