#LocalNews
Published -6 Mar 2022

လူမှုကွန်ယက်စာမျက်နှာများတွင် လေယာဉ်ဆီများတင်သွင်း ဖြန့်ဖြူးနေကြောင်း သတင်းထွက်ပေါ်မှုများမှာ သတင်းမှားသာဖြစ်ပြီး ကုမ္ပဏီအနေနဲ့ အခြားစက်သုံးဆီများကိုသာ တင်သွင်းဖြန့်ဖြူးရောင်းချနေတယ်လို့ ရွှေဗျိုင်းဖြူကုမ္ပဏီလီမိတက်ကထုတ်ပြန်လိုက်ပါတယ်။

ထုတ်ပြန်ရာမှာ"ကျွန်တော်များ ရွှေဗျိုင်းဖြူ ကုမ္ပဏီလီမိတက်သည် နိုင်ငံတော်၏ တည်ဆဲဥပဒေများ၊ အမိန့်ညွှန်ကြား ချက်များနှင့်အညီ ၂၀၁၀ ခုနှစ်မှစတင်၍ ပြည်ပမှ မော်တော်ယာဉ်စက်သုံးဆီများကို တင်သွင်းကာ ပြည်တွင်း တွင် ပြန်လည်ဖြန့်ဖြူး ရောင်းချလျက်ရှိပါသည်။ကျွန်တော်များကုမ္ပဏီသည် လုပ်ငန်းစတင် လည်ပတ်ချိန်မှ စ၍ ယနေ့အချိန်ထိ မော်တော်ယာဉ်များတွင် သုံးစွဲရန် စက်သုံးဆီ တစ်မျိုးတည်းကိုသာ တင်သွင်းဖြန့်ဖြူး ရောင်းချနေခြင်းဖြစ်ပါသည်။"ဟုရေးသားဖော်ပြထားပါတယ်။

ဒါ့အပြင်လူမှုကွန်ယက် စာမျက်နှာများမှာ ရွှေဗျိုင်းဖြူကုမ္ပဏီကို အထင်အမြင် လွဲမှားကာ လေယာဉ်ဆီ တင်သွင်းဖြန့်ဖြူးခြင်းများ ပြုလုပ်နေကြောင်း မှားယွင်း ဖော်ပြထားသည်ကို တွေ့ရှိရပြီး ကုမ္ပဏီသည် လေယာဉ်ဆီ တင်သွင်းရန်အတွက် မည်သည့် ဌာနတွင်မှ လိုင်စင် လျှောက်ထား၊ ရယူခဲ့ခြင်း မရှိသလို လေယာဉ်ဆီ တင်သွင်းရာတွင် မရှိမဖြစ် လိုအပ်သော သိုလှောင်ကန်နှင့် အခြားဆက်စပ်နည်းပညာ၊ အသုံးအဆောင်များလည်း ပိုင်ဆိုင်ခြင်း မရှိဘူးလို့ ဖော်ပြထားပါတယ်။

ဆက်လက်ပြီး ကုမ္ပဏီအနေနဲ့ 92-Ron, 95-Ron, Premium Diesel နှင့် Diesel တို့ကိုသာ တင်သွင်းဖြန့်ဖြူးရောင်းချနေခြင်း ဖြစ်ပြီး မမှန်မကန် အထောက်အထားမဲ့ ကောလဟာလသတင်းများသည် ကုမ္ပဏီ နှင့် သက်ဆိုင်ခြင်း မရှိဘူးလို့ အသိပေးထုတ်ပြန်ထားပါတယ်။

ymg/hm
#Yangon_Media_Group 

#LocalNews
Published - 6 Mar 2022

ဘီလူးချောင်းလျှပ်စစ်ဓါတ်အားပေးစက်ရုံမှထွက်ရှိသောလျှပ်စစ်ဓါတ်အားဖြန့်ဝေရေးဓာတ်အားလိုင်း တာဝါတိုင်များ ဖျက်ဆီးခြင်းခံရတဲ့အတွက်လျှပ်စစ်ဓာတ်အား (၂၂၀) မဂ္ဂါဝပ်ခန့်ကို နိုင်ငံတော်ဓာတ်အားစနစ်သို့ ပို့လွှတ်နိုင်မှုမရှိဘူးလို့ နစက လျှပ်စစ်နဲ့စွမ်းအင်ဝန်ကြီးဌာနပြည်ထောင်စုဝန်ကြီးကပြောဆိုလိုက်ပါတယ်။

မတ်လ ၅ရက်နေ့ကရန်ကုန်တိုင်းဒေသကြီးအတွင်းရှိ လိုအပ်လျက်ရှိသော လျှပ်စစ်ဓာတ်အားများကို ထိန်းညှိဖြန့်ဖြူးပေးနိုင်ရေး၊ ဖြန့်ဖြူးလျက်ရှိသည့် ဓာတ်အားစနစ်ရှိ ဓာတ်အားလိုင်းနှင့် ထရန်စဖော်မာများ၌ ဓာတ်အားပျောက်ဆုံးမှု လျော့နည်းကျဆင်းစေရေး၊ ရောင်းချထားသော ဓာတ်အားခများ ရရှိရေးတိုနှင့်ပတ်သက်၍ ခရိုင်လျှပ်စစ်မန်နေဂျာ/ ခရိုင်လျှပ်စစ် အင်ဂျင်နီယာများ၊ ဘဏ္ဍာရေးတာဝန်ခံများနှင့် တွေ့ဆုံပွဲမှာ ယခုလိုပြောဆိုခဲ့တာဖြစ်ပါတယ်။

ပြည်ထောင်စုဝန်ကြီး ဦးအောင်သန်းဦးက ယခုအချိန်တွင် ဘီလူးချောင်း ရေအားလျှပ်စစ် ဓာတ်အားပေးစက်ရုံများမှ ထွက်ရှိလာသည့် လျှပ်စစ်ဓာတ်အား ပိုလွှတ်နေသည့် ဓာတ်အားလိုင်း တာဝါတိုင်များ ဖျက်ဆီးခြင်းခံရသည့်အတွက် လျှပ်စစ်ဓာတ်အား (၂၂၀) မဂ္ဂါဝပ်ခန့်ကို နိုင်ငံတော်ဓာတ်အားစနစ်သို့ ပို့လွှတ်နိုင်မှုမရှိခြင်း၊ LNG ဈေးနှုန်း အဆမတန်မြင့်တက်ပြီး နိုင်ငံတကာ ရေနံဈေးကွက် တည်ငြိမ်မှုမရှိ၍ ဝယ်ယူရန်ခက်ခဲနေသည့် ကာလအတွင်း LNG ဓာတ်ငွေ့ရည်သုံး ဓာတ်အားပေး စက်ရုံများ၏ ဓာတ်အားထုတ်လုပ်မှု (၇၅၀) မဂ္ဂါဝပ်ခန့် ရပ်တန့်ထားရခြင်းတို့ကြောင့် ဓာတ်အားပေးစက်ရုံများ၏ ထုတ်လုပ်နိုင်မှုသည် သုံးစွဲမှုထက် လျော့နည်းနေသည့်အတွက် ဝန်အားထိန်းညှိခြင်း၊ ဝန်အားလျော့ချရခြင်းတို့ ဆောင်ရွက်နေရတာဖြစ်တယ်လို့ ပြောပါတယ်။

ဒါ့အပြင် ပျက်စီးသွားတဲ့တာဝါတိုင်များကိုလည်း အမြန်ဆုံးပြင်ဆင်ပြီး ဓာတ်အားပို့လွှတ်နိုင်ရေး ဆောင်ရွက်လျက်ရှိပါကြောင်း ကျောက်ဖြူဒေသ၌ (၁၅၀) မဂ္ဂါဝပ် ပိုမိုတိုးမြှင့်ထုတ်လုပ်နိုင်ရန် ဆောင်ရွက်နေတဲ့အပြင် အခြားသော အရင်းအမြစ်များမှလည်း ထုတ်လုပ်နိုင်ရန် ဆောင်ရွက်နေတယ်လို့ ဆိုပါတယ်။

မြန်မာနိုင်ငံတစ်ဝန်းမှာ ယခုအခါ နေ့စဉ်လျှပ်စစ်ဓာတ်အားပြတ်တောက်မှုများဆိုးရွားစွာဖြစ်ပေါ်နေပြီး ယခင်ခွဲတမ်းစနစ်မဟုတ်တော့ဘဲ အချိန်ကြာမြင့်စွာပြတ်တာက်မှုများကို ပြည်သူတွေခံစားနေကြရတာဖြစ်ပါတယ်။

ymg/hm
#Yangon_Media_Group 

#local_news
Published_ 6 March 2022

သင်္ဃန်းကျွန်းမြို့နယ်၊ လေးထောင့်ကန်လမ်းရှိ အာရှစိမ်းလန်းဖွံဖြိုးရေး (AGD) ဘဏ်အား ဓားပြတိုက်မှုကိုကျူးလွန်ခဲ့တဲ့ ဆေးဆိုင်ပိုင်ရှင်ဟောင်းတစ်ဦးအပါအဝင်ကျူးလွန်သူတွေကို ဖမ်းဆီးရမိကြောင်း သတင်းထုတ်ပြန်ထားပါတယ်။

၂၀၂၂ ခုနှစ်၊ ဖေဖော်ဝါရီ ၅ ရက်တွင် AGD Bank ၌ ဘဏ်ဓားပြတိုက်သူများက HIACE အမျိုးအစားခဲရောင်ယာဉ်ဖြင့် ဘဏ်သို့ရောက်ရှိလာခဲ့ပြီး WIFI တပ်ဆင်သူများ အသွင်ဖြင့် လုံခြုံရေးဝန်ထမ်း ၃ ဦးအားသေနတ်ဖြင့်ထောက်၍ ချုပ်နှောင်ကာ မီးခံ သေတ္တာအား လက်လုပ်မိုင်းဖြင့်ဖောက်ခွဲပြီး ဘဏ်စာရွက်စာတမ်းများ၊ CCTV ထိန်းချုပ် စက်၊ ကွန်ပျူတာများနှင့် ငွေကျပ်သိန်း ၆၀၀ ကျော်တိုအား ယူဆောင်သွားခဲ့ပါတယ်။

ဓားပြတိုက်မှု ဖြစ်စဉ်နှင့်ပတ်သက်၍ တရားခံများအား ဖမ်းဆီးရမိရေး ဆောင်ရွက်ခဲ့ရာ ၂၀၂၂ ခုနှစ်၊ မတ်လ ၄ ရက်တွင် ဓားပြတိုက်မှုဖြစ်စဉ်၌ တရားခံများ အသုံးပြုခဲ့သည့် Toyota HIACE (ခဲရောင်)ယာဉ်အား မှတ်တမ်းတိုက်ဆိုင် စစ်ဆေးခဲ့ရာ ယာဉ်ပိုင်ရှင်မှာ သင်္ဃန်းကျွန်းမြို့နယ်၊ သုဝဏ္ဏမြို့သစ်၊ ရန်ကုန်သစ်ရပ်ကွက်၊ နှင်းဆီဖြူ လမ်းနေ ဒေါက်တာကောင်းချစ်စိုး ပိုင်ဆိုင်ကြောင်း သိရှိရသဖြင့် ၎င်း၏နေအိမ်အား စောင့်ကြည့်မှုများပြုလုပ်ခဲ့ရာ ဘဏ်ဓားပြတိုက်မှုဖြစ်စဉ်တွင် ပါဝင်သောတရားခံ ရှိင်းထက်အောင် (၂၈)နှစ်အား မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက်၌ ယာဉ်အမှတ်၊ 4N/7883 Nissan ယာဉ်နှင့်အတူ ဖမ်းဆီးရမိခဲ့ပါတယ်။

ရှိင်းထက်အောင်၏ ထွက်ဆိုချက်အရ ယင်းနေ့ညနေပိုင်းတွင် ဘဏ်ဓားပြတိုက်မှု အား ဦးဆောင်သူ ဒေါက်တာကောင်းချစ်စိုး၏ သင်္ဃန်းကျွန်းမြို့နယ်၊ သုဝဏ္ဏမြို့သစ်၊ ရန်ကုန်သစ်ရပ်ကွက်၊ နှင်းဆီဖြူလမ်းရှိနေအိမ်အား ဝင်ရောက်ရှာဖွေစစ်ဆေးခဲ့ရာ နေအိမ်အတွင်း၌ ဒေါက်တာ ကောင်းချစ်စိုး (၃၄)နှစ်၊ သီဟအောင် (၂၈)နှစ်၊ ပြည်သိမ်းခိုင် (၂၈)နှစ်၊ ပိုင်စစ်(ခ) ပိုင်စစ်သွေး (၂၅)နှစ်တို ၄ ဦးအား ငွေစက္ကူ ရောရာ ၅,၀၆၉,၅၀၀ ကျပ်၊ အမေရိကန်ဒေါ်လာ ၈၀၀၀၊ လက်ကိုင်ဖုန်းမျိုးစုံ ၄ လုံး၊ CCTV အထိုင်စက် ၁ လုံး၊ Hard Disk ၉ ခုနှင့် ဓားပြတိုက်ရာတွင် အသုံးပြုခဲ့သော သံကျောက်ဖြတ် အဝိုင်းပြား ၁၅ ပြား၊ တူ ၂ လက်၊ သံတူရွင်း ၂ ချောင်း၊ ကတ်ကြေး ၂ လက်၊ ယာဉ်အမှတ်၊ 8K/2658 Toyota HIACE (ခဲရောင်)မော်တော်ယာဉ် ၁ စီး တို့ နှင့်အတူ ဖမ်းဆီးရမိခဲ့ပါတယ်။

ဖြစ်စဉ်တွင် တရားခံ ကျား ၅ ဦးအား ငွေစက္ကူရောရာ ၅,၀၆၉,၅၀၀ ကျပ်၊ အမေရိကန်ဒေါ်လာ ၁၀၀ တန် ၈၀ ရွက် (ဒေါ်လာ ၈၀၀၀) ၊ လက်ကိုင်ဖုန်းမျိုးစုံ ၄ လုံး၊ CCTV အထိုင်စက် ၁ လုံး၊ Hard Disk ၉ ခုနှင့် ဓားပြတိုက်ရာတွင် အသုံးပြုခဲ့သော ဆက်စပ်ပစ္စည်းများနှင့်အတူ ဖမ်းဆီးရမိခဲ့ပါတယ်လို့ သိရပါတယ်။

ဘဏ်ဓားပြတိုက်ရာတွင် ရရှိခဲ့သော ငွေသိန်း ၆၁၀ ကျပ်အား ကောင်းချစ်စိုးသည် သီဟအောင်၊ ပိုင်စစ်သွေး၊ ပြည်သိမ်းခိုင်၊ ရှိင်းထက်အောင်တို့ ၄ ဦးအား တစ်ဦးလျှင် ငွေကျပ် သိန်း ၃၀ စီ ခွဲဝေပေးခဲ့ပြီး ကျန်ငွေများအား ၎င်းမှ ယူဆောင်ခဲ့ကာ ၎င်းငွေများမှ ကျပ်သိန်း ၁၆၀ အား အမေရိကန်ဒေါ်လာဖြင့် လဲလှယ်ခဲ့ရာ ဒေါ်လာ ၈,၀၀၀ ရရှိခဲ့တယ်လို့ ဆိုပါတယ်။

ဒေါက်တာကောင်းချစ်စိုးဟာ ဓားပြတိုက်ရာတွင် အသုံးပြုခဲ့တဲ့ မော်တော်ယာဉ်အား ၂၀၂၂ ခုနှစ်၊ ဖေဖော်ဝါရီလ ၈ ရက်တွင် ကျော်စိန်ဝင်းထံသို့ ပြန်လည်ပေးအပ်ခဲ့သော်လည်း လုံခြုံရေးတပ်ဖွဲ့ဝင်များက မော်တော်ယာဉ်နှင့်ပတ်သက်၍ လိုက်လံရှာဖွေစစ်ဆေးမှုများ ပြုလုပ်ခဲ့သောကြောင့် ကျော်စိန်ဝင်းထံမှ မော်တော်ယာဉ်အား ငွေကျပ် သိန်း ၂၅၀ ဖြင့် အပိုင်ဝယ်ယူခဲ့ကြောင်း၊ ၎င်းနောက် ကောင်းချစ်စိုးဟာ လုယက်ရာမှ ရရှိသည့် ငွေများဖြင့် ယာဉ်အမှတ်၊ 4N/7883 Nissan ယာဉ်အား ငွေကျပ် သိန်း ၉၀ ဖြင့် ထပ်မံဝယ်ယူခဲ့တယ်လို့ သတင်းထုတ်ပြန်ထားပါတယ်။

ဒေါက်တာကောင်းချစ်စိုးဟာ ၂၀၁၉ခုနှစ်မှာ ဇနီးဖြစ်သူနှင့်အတူ ဆေးဆိုင်ဖွင့်လှစ်ရောင်းချခဲ့ရာ ဆေးပစ္စည်းများအရှုးပေါ်တဲ့အတွက် ဆေးကုမ္ပဏီတွေနှင့် ငွေကြေးပြဿနာတွေဖြစ်ပြီး အမှုရင်ဆိုင်ခဲ့ရပါတယ်။ အဲဒီအတွက် ငွေကြေးလိုအပ်မှုကြောင့် ဘဏ်ဓားပြတိုက်မှုကို သူ့ကုမ္ပဏီက ဝန်ထမ်းတွေနှင့်အတူ ကျူးလွန်ခဲ့တာဖြစ်တယ်လို့ အမှုစစ်ဆေးရာမှသိရှိရတယ်လို့သတင်းထုတ်ပြန်ချက်မှာဖော်ပြထားပါတယ်

#ymg_mnn
Yangon_Media_Group

#HealthMatter
Published - 5 Mar 2022

၁။ ရင်ကွဲနာဆိုတဲ့ Broken Heart Syndrome ဆိုတာ ??

၂။ ကိုဗစ်ကူးစက်မှုရဲ့နောက်ဆက်တွဲအဖြစ် Broken Heart Syndrome အဖြစ်ဆက်စပ်ခံစားနေကြရတယ်လို့ အချို့နိုင်ငံတကာသတင်းတွေမှာတွေ့ရပါတယ်။
မြန်မာနိုင်ငံမှာရော တွေ့ရပါသလား ??

၃။ Broken Heart Syndrome မဖြစ်အောင် ဒါမှမဟုတ် ဖြစ်ရင်လည်း သက်သာပျောက်ကင်းအောင် ဘယ်လိုနေထိုင်ပြုမူဆောင်ရွက်ဖို့လိုမလဲ??? ..... ဆိုတာတွေကို ကျန်းမာရေးပညာပေးပညာရှင် ဆရာကြီးဒေါက်တာခင်မောင်လွင်က ဆွေးနွေးပြောဆိုတင်ပြထားပါတယ်။

#Yangon_Media_Group

#LocalNews
Published_ 5 March 2022

မြန်မာနိုင်ငံကို အခုလတတိယပတ်မှာလာမယ်ဆိုတဲ့ အာဆီယံအထူးကိုယ်စားလှယ် ပရက်ဆော့ခွန်း( Prak Sokhonn) နဲ့ တွေ့ဆုံနိုင်ဖို့ PPST မှာပါတဲ့ အဖွဲ့ဝင်တစ်ခုချင်းစီက ကိုယ်စားလှယ်တွေ တက်ရောက်နိုင်ဖို့ နစက အနေနဲ့ အကြောင်းကြားထားပါပြီ။

#Yangon_Media_Group

#LocalNews
Published _5 March 2022

ရခိုင်ပြည်နယ် စစ်တွေမြို့နယ်က ပြည်တော်သာ-ရေချမ်းပြင် မီးရထားလမ်းပိုင်းကို မတ်လ ၂၇ ရက်နေ့ မတိုင်ခင် ပြေးဆွဲဖို့လုပ်နေပါပြီ။

#Yangon_Media_Group