#Local_News
Published_ 13 October 2022
လေယာဉ်လက်မှတ်အတုများ ရောင်းချနေမှုများရှိနေ၍ Myanmar Airways International (MAI)လေကြောင်းလိုင်းမှ အရေးပေါ်အသိပေးကြေညာချက်ထုတ်ပြန်လိုက်ကြောင်း သိရသည်၊၊
ထုတ်ပြန်ချက်တွင် "လေကြောင်းလိုင်းများ၏ လေယာဉ်ခရီးစဉ်လက်မှတ်များကို မသမာသူများမှ အတုအပပြုလုပ်၍ ခရီးသည်များထံ လိမ်လည်ရောင်းချနေသည့် သတင်းများကို ကြားသိနေရကြောင်း၊
အဆိုပါ လိမ်လည်ရောင်းချနေသူများသည် လူမှုကွန်ယက်စာမျက်နှာများပေါ်တွင် တရားဝင်လက်မှတ်အရောင်းကိုယ်စားလှယ်များ၏ အမည်ကို အလွဲသုံးစားပြုလုပ်၍လည်းကောင်း၊ တစ်ဆင့်ခံလက်မှတ်အရောင်းကိုယ်စားလှယ်များအဖြစ် account များနှင့် page များ အတုအပပြုလုပ်၍လည်းကောင်း အယောင်ဆောင် လိမ်လည်လျက်ရှိကြောင်း ဖော်ပြထားသည်၊၊
သို့ဖြစ်ပါ၍ MAI နှင့် Air KBZ ၏ ခရီးသည်များအနေဖြင့် လိမ်လည်ရောင်းချခံရခြင်းမှ ရှောင်ရှားနိုင်ရန် မိမိတို့ဝယ်ယူထားသည့်လက်မှတ်များ မှန်ကန်မှုရှိ၊ မရှိကို ငွေပေးချေမှု မပြုမီ MAI နှင့် Air KBZ ၏ တရားဝင် websiteများ ဖြစ်သည့် www.maiair.com နှင့် www.airkbz.com တို့တွင် PNR (သို့) e-ticket number ဖြင့် ကိုယ်တိုင်ဝင်ရောက် စစ်ဆေးနိုင်သလို Facebook Messenger တွင်လည်း လာရောက်စစ်ဆေးနိုင်ကြောင်း အထူးအလေးထား အသိပေးတိုက်တွန်းကြောင်း ထုတ်ပြန်ချက်တွင်ရေးသားဖော်ပြထားသည်၊၊
#ymg/tthl
#Yangon_Media_Group
#Local_News
Published_13 October 2022
ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal များတွင် စက်သုံးဆီ ဂါလန် ၁၃ သန်းကျော် တင်ဆောင်လာသည့် နိုင်ငံတကာသင်္ဘောများ ထပ်မံရောက်ရှိလာကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သိရသည်။
အောက်တိုဘာ ၁၂ ရက်နေ့တွင် Aulac Vision သင်္ဘောမှ ပရီမီယံဒီဇယ်ဆီ (၂.၈၈) ဂါလန်သန်း၊ MT Yu Yi သင်္ဘောမှ ရိုးရိုးဒီဇယ်ဆီ (၂.၁၈) ဂါလန်သန်းနှင့် ပရီမီယံဒီဇယ်ဆီ (၁.၈၆) ဂါလန်သန်းအား ဆီချလုပ်ငန်းဆောင်ရွက်လျက်ရှိပြီး ယနေ့တွင် ရိုးရိုးဒီဇယ်ဆီ (၁.၆၀) ဂါလန်သန်းနှင့် ပရီမီယံဒီဇယ်ဆီ (၄.၅၃) ဂါလန်သန်းတင်ဆောင်လာသည့် MT Harmony One သင်္ဘောသည်လည်း ထပ်မံ ဆိုက်ကပ်လာပြီး ဆီချလုပ်ငန်းများ ဆက်လက်ဆောင်ရွက်သွားမည်ဖြစ်ကြောင်း သိရသည်။
လက်ရှိတွင် စက်သုံးဆီလက်ကျန်အခြေအနေအရ စက်သုံးဆီဖူလုံမှုရှိကြောင်း၊ စက်သုံးဆီဖြန့်ဖြူးမှု အနေဖြင့် မြန်မာတစ်နိုင်ငံလုံးရှိ စက်သုံးဆီအရောင်းဆိုင်တွေကို ဆီတင်ဘောက်ဆာများ၊ ဆီတွဲရေယာဉ်များ၊ ရထားတွေဖြင့် အချိန်မီပို့ဆောင်ပေးနေကြောင်း သိရသည်။
ယနေ့စက်သုံးဆီဈေးနှုန်းမှာ ၉၂ တစ်လီတာ ၁၉၉၀ ကျပ်၊ ၉၅ တစ်လီတာ ၂၀၅၅ ကျပ်၊ ဒီဇယ်တစ်လီတာ ၂၆၅၅ ကျပ်နှင့် ပရီမီယံဒီဇယ်တစ်လီတာကို ၂၇၄၀ ကျပ်ဖြစ်ပြီး ယခင်နေ့ထက်မြင့်တက်လာကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။
#ymg/sth
#Yangon_Media_Group
#Local_News
Published_ 12 October 2022
ခွင့်မပြုတဲ့ ပိုးသတ်ဆေးတစ်မျိုးပါဝင်လို့ စင်္ကာပူအစားအစာအေဂျင်စီ(SFA)က ပြန်လည်သိမ်းဆည်းဖို့ ကြေညာထားတဲ့ Mie Sedaap တံဆိပ်ခေါက်ဆွဲ အမျိုးအစား(၆)မျိုး မြန်မာဈေးကွက်အတွင်းရှိ မရှိ မြန်မာနိုင်ငံ FDA က ကွင်းဆင်းစစ်ဆေးခြင်းတွေ စတင်နေပြီလို့သိရပါတယ်၊၊
#Yangon_Media_Group
#Local_News
Published – 12 October 2022
ပြီးခဲ့တဲ့ စက်တင်ဘာလအတွင်းမှာ ပြည်ပကို ဆန်နဲ့ ဆန်ကွဲတင်ပို့မှုဟာ မက်ထရစ်တန်ချိန် ၉၀၀၀၀ ကျော်တင်ပို့ခဲ့ပြီး သြဂုတ်လထက်တင်ပို့မှုလျော့ကျခဲ့တယ်လို့ မြန်မာနိုင်ငံဆန်စပါးအဖွဲ့ချုပ်ကနေ သိရပါတယ်။
#Yangon_Media_Group
#Local_News
Published _ 12 October 2022
အခြေခံစားသောက်ကုန်ဈေးကွက်ထဲ ကြက်သားနဲ့ ကြက်ဥဈေးနှုန်းတွေ ပြန်မကျတာမရှိသေးပဲ ဈေးကွက်ထဲမှာ ကြက်သားတစ်ပိဿာကို ကျပ်တစ်သောင်းနဲ့ အချို့သောနေရာတွေမှာ ကျပ်တစ်သောင်းထက်ပိုပေးရတဲ့ ပေါက်ဈေးရှိနေတယ်လို့ သိရပါတယ်။
#Yangon_Media_Group
#Local_News
Published_12 October 2022
တရုတ်နိုင်ငံ ယူနန်ပြည်နယ် တယ်ဟုန်ခရိုင် ချန်းဖုန်းမြို့နယ် လားရင်းနဲ့ ထိစပ်နေတဲ့ ကချင်ပြည်နယ် ဗန်းမော်ခရိုင် (မိုးမောက်) လွယ်ဂျယ်မြို့က နှစ်နိုင်ငံကုန်သွယ်ရာ လွယ်ဂျယ် - လားရင်း နယ်စပ်လမ်းကြောမှာ ကိုဗစ်စစ်ဆေးတဲ့လုပ်ငန်းကို ထပ်တိုးလုပ်ဆောင်လိုက်ပါတယ်။
#Yangon_Media_Group
#DailyNews
Published _ 12 October 2022
၁။ လွယ်ဂျယ် - လားရင်း နယ်စပ်လမ်းကြောင်းတွင် ကိုဗစ်စစ်ဆေးမှုများ ထပ်တိုးလုပ်ဆောင်
၂။ ကြက်သားနှင့် ကြက်ဥစျေးနှုန်းများ ကျဆင်းမှုမရှိသေး
၃။ စက်တင်ဘာလအတွင်း ပြည်ပသို့ ဆန်၊ ဆန်ကွဲ မက်ထရစ်တန်ချိန် ၉၀၀၀၀ ကျော်တင်ပို့ခဲ့
၄။ အိန္ဒိယအမျိုးသမီးလေယာဉ်မှူးများအတွက် ရှေ့ဆောင်လမ်းပြလေယာဉ်မှူး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
Page 1462 of 1987
