#World_Health
Published 1 April 2025
▪️ ရေချိုးခန်းတွေမှာရှိတတ်တဲ့ ပန်းရောင်မှိုတွေဟာ တကယ်တမ်းတော့ ဘက်တီးရီးယားတွေ ဖြစ်ပြီး စိုထိုင်းတဲ့နေရာတွေကို နှစ်သက်ကြပါတယ်။
▪️ TikTokပေါ်မှာ ဒေါက်တာ ကာရန်ရာဂျ်က serratia marcescensလို့ခေါ်တဲ့ မှိုတွေကို သေချာမထိန်းချုပ်ရင် လူသားတွေမှာ ဘေးအန္တရာယ်တွေ ရှိနိုင်တယ်လို့ ဖော်ပြထားပါတယ်။
▪️ ဆပ်ပြာတွေ ခေါင်းလျှော်ရည်တွေရဲ့ ဘေးထွက်အနည်တွေကို ကြိုက်နှစ်သက်တာကြောင့် ရေချိုးခန်းထဲမှာ ရှိနေကြတာဖြစ်တယ်လို့ ရှင်းပြပါတယ်။
▪️ မျက်လုံးထဲ၊ ဒဏ်ရာရတဲ့နေရာတွေထဲ ဝင်သွားရင် မျက်ခမ်းရောင်ခြင်း၊ ယားယံပြည်တည်ခြင်းတို့ ဖြစ်နိုင်ပါတယ်။
▪️ အရေပြားရောဂါပိုးဝင်ခြင်း၊ ဆီးလမ်းကြောင်းပိုးဝင်ခြင်းတို့အပြင် ရှုသွင်းမိပါက အသက်ရှူလမ်းကြောင်း ပြဿနာတွေပါ ဖြစ်လာနိုင်ပါတယ်။
▪️ ဒါတွေက ခဏတာပဲ ဖြစ်တတ်ပေမယ့် ရောဂါခုခံနိုင်စွမ်းမရှိရင်တော့ ပြင်းထန်နိုင်ပြီး ဆေးရုံတက်ရတဲ့အထိ ဖြစ်နိုင်ပါတယ်။
▪️ ဓာတုကုထုံး ခံယူနေသူတွေ၊ အင်္ဂါအစားထိုးသူတွေ၊ ဆီးချိုလို နာတာရှည်ရောဂါရှိသူတွေဆိုရင် အထူးဂရုပြုသင့်ပြီး တွေ့တာနဲ့ ချက်ချင်းရှင်းလင်းသင့်ပါတယ်။
▪️ ဆပ်ပြာမှုန့်၊ မုန့်ဖုတ်ဆိုဒါတို့ကို ရောစပ်ပြီး ပန်းရောင်ဘက်တီးရီးယားတွေ စုပြုံနေတဲ့နေရာတွေကို တိုက်ချွတ်နိုင်ပါတယ်။
▪️ တိုက်ချွတ်ပြီးရင် နောက်ထပ်ဖြစ်မလာအောင် ရေချိုးခန်းလိုက်ကာများကို လျှော်ဖွပ်ရပါမယ်။
▪️ လေဝင်လေထွက်ရှိအောင် ရေချိုးပြီးတဲ့အခါ ရေချိုးခန်းတံခါးကို မိနစ်အနည်းငယ်မျှ ဖွင့်ထားသင့်ပါတယ်။ ပန်းရောင်မှိုတွေ ကြီးထွားမလာအောင် ရေချိုးခန်းအိမ်သာတွေကို ပုံမှန်သန့်ရှင်းရေးလုပ်သင့်ပါတယ်။
#Source: Metro
