#World_News
Published 13 November 2024
▪️ တရုတ်ပြည်တောင်ပိုင်းမှာ ကားတစ်စီးက အားကစားစင်တာတစ်ခုရှိ လူအုပ်ထဲကို ဝင်တိုက်သဖြင့် လူ ၃၅ ဦးသေဆုံးကာ ၄၃ ဦးအပြင်းအထန် ဒဏ်ရာရရှိခဲ့ပြီး တရုတ်သမိုင်းကြောင်းမှာ အသက်အန္တရာယ် အထိခိုက်ဆုံး တိုက်ခိုက်မှုတွေထဲက တစ်ခုဖြစ်လာပါတယ်။
▪️ မကာအိုအနီး တရုတ်တောင်ပိုင်း လူဦးရေ ၂သန်းခွဲခန့်ရှိတဲ့ ကျူဟိုင်မြို့မှာ တနင်္လာနေ့ညက ဖြစ်ပွါးခဲ့တာဖြစ်ပါတယ်။
▪️ လူတွေမြေပြင်ပေါ် လဲနေပြီး ကားတစ်စီးက ထိုနေရာကနေ ထွက်ပြေးနေတဲ့ ဗီဒီယိုတွေ ပုံရိပ်တွေက တနင်္လာနေ့ည တရုတ်ဆိုရှယ်မီဒီယာတွေပေါ်မှာ ပျံ့နှံ့ခဲ့ပါတယ်။
▪️ အသက် ၆၂ နှစ်အရွယ် ဖန်လို့အမည်ရတဲ့ ယာဉ်မောင်းသူကို ဖမ်းဆီးခဲ့ပြီး သူ့ရဲ့လည်ပင်းနဲ့ အခြားနေရာတွေမှာ ကိုယ့်ကိုယ်ကို ဓားနဲ့ခြစ်ထားတယ်လို့ ယူဆရတဲ့ ဒဏ်ရာတွေကိုလည်း ဆေးရုံတက်ရောက်ကုသ ထားရပါတယ်။
▪️ ဖန်ဟာ လင်မယားကွာရှင်းခြင်းမှာ ပစ္စည်းဥစ္စာခွဲဝေမှုနဲ့ ပတ်သက်ပြီး မကျေနပ်တာတွေ ရှိတယ်လို့ ရဲတွေက ပြောပါတယ်။
▪️ အင်္ဂါနေ့ညနေခင်းမှာ အခင်းဖြစ်ပွားရာ အားကစားစင်တာ အပေါက်ဝတစ်ခုမှာ ဖယောင်းတိုင်တွေ ပန်းတွေခင်းထားတာကို မြင်တွေ့ရပါတယ်။
▪️ ကျူဟိုင်မြို့နဲ့ ကွမ်တုံပြည်နယ်မှ ကယ်ဆယ်ရေးလုပ်သား ရာနဲ့ချီ ရောက်ရှိလာပြီး အရေးပေါ်ကုသမှု ပေးခဲ့သလို ဆေးရုံ ၅ ခုမှ ကျန်းမာရေးဝန်ထမ်း ၃၀၀ကျော်ဟာ အချိန်နဲ့အမီ အသက်များကယ်ဆယ်ခဲ့ကြပါတယ်။
▪️ ကျူဟိုင်မှာ တရုတ်ပြည်သူ့လွတ်မြောက်ရေးတပ်ရဲ့ အကြီးမားဆုံး နှစ်စဉ်လေကြောင်းပြပွဲကြီး ပြုလုပ်နေချိန်မှာ အခုလို ဖြစ်ပွားခဲ့တာ ဖြစ်ပါတယ်။
▪️ သမ္မတရှီကျင့်ဖင်က ဒဏ်ရာရသူများကို အတတ်နိုင်ဆုံး ကြိုးစားကုသရန်နဲ့ အပြစ်ကျူးလွန်သူကို ပြင်းပြင်းထန်ထန် အရေးယူရန် CCTVရုပ်သံကနေ မိန့်ကြားလိုက်ပါတယ်။
▪️ ဒီအမှုကို ကိုင်တွယ်ဖို့ ဗဟိုအစိုးရက အဖွဲ့တစ်ဖွဲ့ စေလွှတ်လိုက်တယ်လို့ ဖော်ပြထားပါတယ်။
Source: Reuters။
