#World_Health
Published 09 April 2025
▪️ စကော့တလန်မှ အမျိုးသမီး ဂျွိုင်းမိုင်လ်ဟာ ပါကင်ဆန်ရောဂါရှိသူတွေကို လက္ခဏာမပေါ်ခင်ကပင် အနံ့ခံနိုင်တယ်လို့ ပြောလာပါတယ်။
▪️ အသက် ၇၅ နှစ်ရှိ သူနာပြုဟောင်းဖြစ်သူက သူမရဲ့အနံ့ခံအာရုံဖြင့် သိပ္ပံပညာရှင်တွေကို ကူညီပေးနေပြီး ပါကင်ဆန်ရောဂါကို စောစီးစွာ လက်တွေ့သိရှိနိုင်ဖို့ နီးစပ်နေပါတယ်။
▪️ အယ်လ်ဇိုင်းမားပြီးရင် အမေရိကန်မှာ ဒုတိယအဖြစ်အများဆုံး အာရုံကြောချို့ယွင်းရောဂါဖြစ်ပြီး ရောဂါလက္ခဏာမပေါ်ခင်အထိ ဦးနှောက်ကို ဖြည်းဖြည်းချင်း ဖျက်ဆီးလာကာ အာရုံကြောဆဲလ်တွေပါ ပျက်စီးလာပါတယ်။
▪️ ထိန်းချုပ်မရအောင် တုန်လှုပ်ခြင်း၊ ကြွက်သားတောင့်တင်းခြင်း၊ လှုပ်ရှားမှု နှေးကွေးခြင်း၊ ဟန်ချက်ထိန်းရန် ခက်ခဲခြင်းတို့အထိ ခံစားရနိုင်ပါတယ်။
▪️ ပါကင်ဆန်ရောဂါအတွက် ကုသနည်းမရှိတာကြောင့် စောစီးစွာ ရောဂါတွေ့ရှိဖို့က အရေးကြီးပြီး ဆေးဝါးများ နေထိုင်စားသောက်မှုပုံစံ ပြောင်းလဲခြင်းတို့ဖြင့် လက္ခဏာထိန်းချုပ်စေနိုင်သလို ရောဂါဆိုးရွားလာမှုကို နှောင့်နှေးစေနိုင်ပါတယ်။
▪️ မိုင်လ်ဟာ သူမရဲ့ခင်ပွန်းဟောင်း လက်စ်ဆီကနေ ထူးထူးခြားခြား အနံ့တစ်မျိုးထွက်နေတာကို သတိထားမိခဲ့ပြီး အစကတော့ ချွေးနံ့ဆိုးလို့သာ ထင်ခဲ့ပါတယ်။
▪️ ဆယ်စုနှစ်တစ်ခုနီးပါး အကြာမှာတော့ လက်စ်ဟာ ပါကင်ဆန်ရောဂါဖြစ်ကြောင်း တွေ့ခဲ့ပါတယ်။
▪️ နောက်ပိုင်း ပါကင်ဆန်လူနာတွေအတွက် ကူညီထောက်ပံ့ရေးအဖွဲ့မှာ ရှိနေစဉ် တခြားလူနာတွေထံကနေ ထိုကဲ့သို့ အနံ့ထူးထူးဆန်းဆန်းကို သတိထားမိခဲ့ပါတယ်။
▪️ စကော့တလန် အီဒင်ဘာ့ဂ်တက္ကသိုလ်မှ ပါကင်ဆန်သုတေသီ တီလိုကူနက်သ်ထံ သွားခဲ့ပြီး သူမရဲ့အနံ့ခံအာရုံဖြင့် ပါကင်ဆန် အစောပိုင်းရှာဖွေမှုတွေမှာ ပါဝင်ကူညီခဲ့ပါတယ်။
▪️ သူမကို စမ်းသပ်ဖို့အတွက် သုတေသီတွေက ပါကင်ဆန်လူနာများ ညလုံးပေါက်ဝတ်ထားတဲ့ အင်္ကျီတွေနဲ့ ကျန်းမာရေးကောင်းသူတွေ ဝတ်ထားတဲ့ အင်္ကျီတွေကို ပေးခဲ့ပါတယ်။
▪️ မိုင်လ်က ထိုအင်္ကျီတွေကို အနံ့ခံပြီး အံ့ဩဖွယ်ကောင်းလောက်အောင် မှန်ကန်စွာ ခွဲခြားနိုင်ခဲ့ပါတယ်။
▪️ ဒါကြောင့် ပါကင်ဆန်ရောဂါ ရှိသူတွေမှာ ထူးခြားတဲ့ အနံ့တစ်မျိုးရှိနေနိုင်တယ်လို့ တီလိုက ပြောပါတယ်။
▪️ မိုင်လ်အနံ့ခံမိတဲ့ အနံ့ဟာ ရောဂါကြောင့်ဖြစ်လာတဲ့ အရေပြားအဆီကနေ ဓာတုပြောင်းလဲမှုဖြစ်တာနဲ့ ဆက်စပ်နေနိုင်တယ်လို့ သိပ္ပံပညာရှင်များ ယုံကြည်နေပါတယ်။
#Source: New York Post
