#World_News
Published 07 April 2025
▪️ အမေရိကန် နိုင်ငံခြားရေးဝန်ကြီး မာကိုရူဘီယိုက တောင်ဆူဒန် နိုင်ငံကူးလက်မှတ် ကိုင်ဆောင်ထားသူတွေရဲ့ ဗီဇာအားလုံးကို ပြန်လည်ရုပ်သိမ်းရန်နဲ့ အမေရိကန်သို့ ဝင်ရောက်လာခြင်းမှ ကာကွယ်ဖို့အတွက် နောက်ထပ်ဗီဇာထုတ်ပေးခြင်းတွေကိုလည်း ကန့်သတ်သွားရန် လုပ်ဆောင်နေတယ်လို့ စနေနေ့က ပြောသွားပါတယ်။
▪️ ဒီလိုလုပ်ရတာဟာ တောင်ဆူဒန် ကြားဖြတ်အစိုးရအနေနဲ့ နေရပ်ပြန်ပို့တဲ့ တောင်ဆူဒန်နိုင်ငံသားတွေကို အချိန်နဲ့တပြေးညီ လက်ခံခြင်းမရှိတာကြောင့် ဖြစ်တယ်လို့ ရူဘီယိုက ဆိုရှယ်မီဒီယာမှာ ဖော်ပြထားပါတယ်။
▪️ ဒါပေမဲ့ တောင်ဆူဒန်အနေနဲ့ အပြည့်အဝ ပူးပေါင်းဆောင်ရွက်တဲ့အချိန်မှာတော့ ဒါတွေကို ပြန်လည်သုံးသပ်ပေးရန် အမေရိကန်ပြင်ဆင်သွားမယ်လို့ ပြောထားပါတယ်။
▪️ ဒါဟာ ဒေါ်နယ်ထရမ့် သမ္မတတာဝန်ယူပြီးနောက်ပိုင်း နိုင်ငံတစ်ခုတည်းမှ ပတ်စ်ပို့ကိုင်ဆောင်သူများကို ပထမဆုံးအနေနဲ့ နှင်ထုတ်လိုက်တာ ဖြစ်ပါတယ်။
▪️ တောင်ဆူဒန်ဟာ ၂၀၁၁ ခုနှစ်က မြောက်ဘက်အိမ်နီးချင်းဆီကနေ လွတ်လပ်ရေးရပြီးနောက် ပြည်တွင်းစစ်ဘေးကြီး ကြုံတွေ့ခဲ့ရပါတယ်။
သမ္မတ ဆယ်ဗာကီယာနဲ့ ပြိုင်ဘက် ဒုသမ္မတ ရိခ်မာချာတို့က ၂၀၂၀ မှာ ကြားဖြတ်အစိုးရ ဖွဲ့စည်းခဲ့ပါတယ်။
▪️ ငြိမ်းချမ်းရေးသဘောတူညီချက်က နောက်ဆုံးမှာ တိုက်ခိုက်ရေးအဖြစ်သာ အဆုံးသတ်ခဲ့ပြီး ကီယာကို သစ္စာခံတဲ့ တပ်ဖွဲ့တွေက ပြီးခဲ့တဲ့လအတွင်း မာချာကို နေအိမ်အကျယ်ချုပ် ဖမ်းဆီးခဲ့ပြီးနောက်မှာတော့ ကြားဖြတ်အစိုးရ ပြိုလဲဖို့ နီးစပ်လာပါတယ်။
▪️ ကုလအတွင်းရေးမှူးချုပ် အန်တိုနီယိုဂူတာရက်စ်က တောင်ဆူဒန်မှာ နောက်ထပ်ပြည်တွင်းစစ်ကြီး မဖြစ်ပွားအောင် ကာကွယ်ဖို့ ဒေသတွင်းနဲ့ နိုင်ငံတကာခေါင်းဆောင်များကို တိုက်တွန်းလိုက်ပါတယ်။
▪️ ဘိုင်ဒင်အစိုးရလက်ထက်က တောင်ဆူဒန်နိုင်ငံသားတွေကို ယာယီအကာအကွယ်ရခွင့် (TPS)ပေးခဲ့ပြီး ၂၀၂၅ မေလ ၃ ရက်နေ့မှာ သက်တမ်းကုန်ဆုံးမှာ ဖြစ်ပါတယ်။
▪️ TPSက နေရပ်ပြန်ပို့ခြင်းမှ ကာကွယ်ပေးထားပြီး စစ်ဘေး၊ သဘာဝဘေး၊ အခြားအကြောင်းအရာများကြောင့် နေရပ်သို့ လုံခြုံစွာမပြန်နိုင်တဲ့ နိုင်ငံခြားသားတွေကို ပေးထားတာ ဖြစ်ပါတယ်။
▪️ ထရမ့်အစိုးရကတော့ TPSပေးထားတာတွေကို စတင်ဖျက်သိမ်းနေပြီး ဇန်နဝါရီကလည်း ဗင်နီဇွဲလား ၆ သိန်းကျော်အတွက် ကာကွယ်ခွင့်တွေကို ရုပ်သိမ်းခဲ့ပါတယ်။
#Source: DW
