၂၁ ဩဂုတ် ၂၀၂၄

မြန်မာနိုင်ငံအရေးကိစ္စ၏ဖြစ်ကြောင်းကုန်စင်ကို နက်ရှိုင်းစွာလေ့လာပြီး တရားမျှတ၍ ပကတိဖြစ်သည့်ရပ်တည်ချက်ကို  အရင်းခံဆောင်ရွက်ပေးဖို့ တရုတ်ပြည်သူ့သမ္မတ နိုင်ငံ တရုတ်ကွန်မြူနစ်ပါတီဗဟိုကော်မတီ နိုင်ငံရေးရာဗျူရိုအဖွဲ့ဝင်၊ နိုင်ငံခြားရေးဝန်ကြီး Mr. Wang Yi မစ္စတာဝမ်ယိက ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံ    ဆိုင်ရာအထူးသံတမန် Ms. Julie Bishop မစ္စ ဂျူလီဘစ်ရှော့ကို တိုက်တွန်းပြောဆိုလိုက်တယ်လို့သိရပါတယ်။

တရုတ်နိုင်ငံခြားရေးဝန်ကြီးမစ္စတာဝမ်ယိဟာ ကုလသမဂ္ဂ မြန်မာအထူးသံတမန်  မစ္စ ဂျူလီဘစ်ရှော့ကို ယမန်နေ့ဩဂုတ် ၂၀ရက် က တရုတ်နိုင်ငံ ဘေဂျင်းမြို့တွင် လက်ခံတွေ့ဆုံစဉ် ယင်းကိုပြောကြားခဲ့တာဖြစ်တယ်လို့  မြန်မာနိုင်ငံဆိုင်ရာ တရုတ်ပြည်သူ့    သမ္မတနိုင်ငံ သံရုံးရဲ့ သတင်းထုတ်ပြန်ချက်မှာ ဖော်ပြထားတာဖြစ်ပါတယ်။

“ အထူးသံတမန်အနေဖြင့် မြန်မာနိုင်ငံ၏ထူးခြားသော နိုင်ငံအခြေအနေနှင့် မြန်မာနိုင်ငံအရေးကိစ္စ၏ ဖြစ်ကြောင်းကုန်စင်ကို နက်ရှိုင်းစွာလေ့လာပြီး တရားမျှတ၍ ပကတိဖြစ်သည့်ရပ်တည်ချက်ကိုအရင်းခံကာ ဘက်အသီးသီးနှင့်ဆက်ဆံရေးကို ဟန်ချက်ညီစွာဖြေရှင်း၍ မြန်မာနိုင်ငံပြည်သူများ၏ ရေရှည်အကျိုးစီးပွားအတွက် မြန်မာနိုင်ငံက သဘောထားကွဲလွဲမှုကို ပေါင်းစပ်နိုင်မည့် ထိရောက်သည့်နည်းလမ်းကို ကူညီရှာဖွေပေးရန် မျှော်လင့်ပါတယ်” လို့ မစ္စတာဝမ်ယီက ပြောကြားခဲ့ ပါတယ်။

မစ္စတာဝမ်ယိက က တရုတ်နိုင်ငံသည် မြန်မာနိုင်ငံ၏ အကြီးဆုံး အိမ်နီးချင်းနိုင်ငံဖြစ်ကြောင်း၊ မြန်မာနိုင်ငံ ပြန်လည်     တည်ငြိမ်ဖွံ့ဖြိုးတိုးတက်ရန် တရုတ်နိုင်ငံထက် ပိုလိုလားသောနိုင်ငံမရှိဘူးလို့ မစ္စ ဂျူလီဘစ်ရှော့ကို ပြောကြားပါတယ်။

ယင်းအပြင်မြန်မာနိုင်ငံအရေးကိစ္စတွင် တရုတ်နိုင်ငံက မြန်မာနိုင်ငံ၏ အချုပ်အခြာအာဏာ၊ လွတ်လပ်ရေး၊ နိုင်ငံတစ်သား  တည်းဖြစ်မှုနှင့် နယ်မြေတည်တံ့မှုကို ခိုင်မာစွာလေးစားကြောင်း၊ ပြည်တွင်းရေးကို မစွက်ဖက်ခြင်းနှင့် မြန်မာပြည်သူ    များကပိုင်ဆိုင်၍ မြန်မာပြည်သူများဦးဆောင်သော ငြိမ်းချမ်းရေးလုပ်ငန်းစဉ်ကို အခိုင်အမာလိုက်နာတယ်လို့လည်း တရုတ် နိုင်ငံခြားရေးဝန်ကြီးက ကုလ အထူးသံတမန်ကို ဆက်လက်ပြောကြားခဲ့တယ်လို့သတင်းထုတ်ပြန်ချက်မှာဖော်ပြထားပါတယ်။

မစ္စတာဝမ်ယိက အာဆီယံက အဓိကလမ်းကြောင်းအဖြစ် အခန်းကဏ္ဍမှပါဝင်မှုကို ထောက်ခံအားပေးကြောင်း၊ အာဆီယံ၏ မြန်မာနိုင်ငံဆိုင်ရာ ဘုံသေဘာတူညီချက် ၅ ရပ်နှင့် မြန်မာနိုင်ငံ၏ ရှေ့လုပ်ငန်းစဉ် ၅ ရပ်အသစ်တို့ အပြန်အလှန်  ကူညီမြှင့်တင်၍ ထိရောက်စွာဖော်ဆောင်နိုင်ရန် မျှော်လင့်ကြောင်းလည်းပြောကြားခဲ့ပါတယ်။

အထူးသံတမန် တာဝန်ထမ်းဆောင်ရန်အတွက် တရုတ်နိုင်ငံမှ ကူညီထောက်ပံ့ပေးရန်ဆန္ဒရှိကာ မြန်မာနိုင်ငံ နိုင်ငံရေး    ပြန်လည်သင့်မြတ်မှုနှင့် ရေရှည်တည်ငြိမ်အေးချမ်းရေး ဖော်ဆောင်ရန်အတွက် အပြုသဘောဆောင်သော အခန်းကဏ္ဍမှ ပါဝင်သွားလိုကြောင်းလည်း မစ္စတာဝမ်ယိကဆက်လက်ပြောကြားပါတယ်။

မစ္စ ဂျူလီဘစ်ရှော့က တရုတ်နိုင်ငံက မိမိတာဝန်စတင်ထမ်းဆောင်ချိန်တွင် တရုတ်နိုင်ငံခရီးစဉ်အတွင်း မိမိအားဧည့်ခံမှုကို ကျေးဇူးတင်ရှိပါကြောင်းစတင်ပြောဆိုပါတယ်။

အဲဒီနောက် မြန်မာနိုင်ငံအရေးကိစ္စသည် ရှုပ်ထွေး၍ စိန်ခေါ်မှုရှိကြောင်း၊ တရုတ်နိုင်ငံသည် မြန်မာနိုင်ငံ၏ အရေးကြီး အိမ်နီးချင်းနိုင်ငံနှင့် ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံဖြစ်သည့်အတွက် တမူထူးခြားသော အကျိုးသက်ရောက်မှုရှိတယ်လို့လည်း အထူးသံတမန်ကဆက်လက်ပြောဆိုတဲ့အကြောင်း သတင်းထုတ်ပြန်ချက်မှာ ဖော်ပြ  ထားပါတယ်။

မစ္စ ဂျုလီဘစ်ရှော့က တရုတ်နိုင်ငံ၊ အာဆီယံတို့နှင့်အတူ နီးကပ်စွာဆက်ဆံကာ ပူးပေါင်းဆောင်ရွက်မှုကိုမြှင့်တင်၍ မြန်မာ  နိုင်ငံအရေးကိစ္စကို ကောင်းမွန်စွာဖြေရှင်းနိုင်မည့် သဘောတူညီချက်ကို ကြိုးပမ်းဖော်ဆောင်ပြီး ပဋိပက္ခကို ဆောလျင်    စွာအဆုံးသတ်ကာ လူသားချင်းစာနာထောက်ထားမှုအခြေအနေကို ပြေလျော့စေခြင်းဖြင့် မြန်မာပြည်သူများက ဦးဆောင်သည့် ရေရှည်ငြိမ်းချမ်းရေးနှင့် သာယာဝပြောရေးကို ဖော်ဆောင်သွားရန်လိုကြောင်း  မစ္စတာဝမ်ယိကို ပြန်လည် ပြောကြားခဲ့တယ်လို့ သိရပါတယ်။

@ymg/knl

#World_Society
Published 21 August 2024

▪️ ဟောလိဝုဒ်မှ နာမည်ကြီးစုံတွဲ ဂျနီဖာလိုပက်ဇ်နဲ့ ဘင်အက်ဖ်လက်ခ်တို့ဟာ ဒုတိယအကြိမ် ချစ်ကြိုးသွယ်ခဲ့ကြပြီးနောက် ၂ နှစ်အကြာမှာပဲ ဂျနီဖာလိုပက်ဇ်က ဘင်အက်ဖ်လက်ခ်နဲ့ ကွာရှင်းဖို့ လျှောက်ထားလိုက်ကြောင်း အမေရိကန်မီဒီယာက အင်္ဂါနေ့မှာ ဖော်ပြလိုက်ပါတယ်။

▪️ ယင်းတို့ဟာ ၂၀၀၀ ခုနှစ်အစောပိုင်းက စတင်ချိန်းတွေ့ခဲ့ကြပြီး နောက်ထပ် ဆယ်စုနှစ် ၂ ခုနီးပါးအကြာမှာ သူတို့ရဲ့ မေတ္တာရေး ပြန်လည်ထူထောင်နိုင်ခဲ့ပါတယ်။

▪️ ဒါပေမဲ့ ယခုအင်္ဂါနေ့မှာ လိုပက်ဇ်က လော့စ်အိန်ဂျလိစ်တရားရုံးမှာ ကွာရှင်းစာတမ်း လျှောက်တင်ခဲ့ကြောင်း TMZ ဝက်ဘ်ဆိုက်မှ ဆိုပါတယ်။

▪️ ဒီကိစ္စနဲ့ ပတ်သက်ပြီး နှစ်ဦးနှစ်ဖက်စလုံးမှ မှတ်ချက်ပြောကြားခြင်း မရှိသေးပါဘူး။

▪️ အသက် ၅၅ နှစ်ရှိ လိုပက်ဇ်ဟာ ၄ ကြိမ်မြောက် အိမ်ထောင်ကျထားတာ ဖြစ်ပြီး အသက် ၅၂ နှစ်ရှိ အက်ဖ်လက်ခ်ကတော့ ဒုတိယအကြိမ်မြောက်ဖြစ်ပါတယ်။

▪️ သူတို့နှစ်ဦးဟာ ၂၀၀၂ ခုနှစ်က Gigli ဇာတ်ကား ရိုက်ကူးစဉ် စတင်တွေ့ဆုံခဲ့တာ ဖြစ်ပါတယ်။
ချိန်းတွေ့နေကြပြီး စေ့စပ်ကြောင်း ကြေညာတဲ့အချိန်မှာ မီဒီယာတွေ အထူးအာရုံစိုက်လာကြပါတယ်။

▪️ ၂၀၀၃ ခုနှစ်မှာ မင်္ဂလာဆောင်ကို ရွှေ့ဆိုင်းခဲ့ပြီး ၂၀၀၄ ခုနှစ်အစောပိုင်းမှာ သူတို့ရဲ့ ပတ်သက်မှု ပြီးဆုံးသွားပြီလို့ ကြေညာခဲ့ပါတယ်။

▪️ ၂၀၂၁ မှာတော့ ယင်းတို့နှစ်ဦးဟာ စုံတွဲပုံတွေကို အင်တာနက်မှာ ထပ်တင်ခဲ့ပြီး ပျံ့နှံ့လာခဲ့ပြန်တယ်။

▪️ ဒုတိယအကြိမ် ချစ်ခွင့်ရတာ ကျေနပ်စရာပါလို့ လိုပက်ဇ်က အင်တာဗျူးမှာ ပြောကြားခဲ့ပါတယ်။

▪️ ၂၀၂၂ ဧပြီမှာ စေ့စပ်ကြောင်း ကြေညာခဲ့ပြီး ဇူလိုင်မှာ လက်စ်ဗေးဂတ်စ်မှာ လက်ထပ်ခဲ့ကြပါတယ်။

▪️ နောက်ထပ်တစ်လမှာပဲ အမေရိကန် ဂျော်ဂျီယာရှိ ၈၇ ဧကကျယ်တဲ့ Good Will Hunting မြေနေရာမှာ ပွဲအခမ်းအနား ထပ်မံပြုလုပ်ခဲ့ပါတယ်။

▪️ ယမန်နှစ်က လော့စ်အိန်ဂျလိစ်မှာ ဒေါ်လာသန်း ၆၀ တန်အိမ်တစ်လုံးကို အတူတူဝယ်ယူခဲ့ကြပါသေးတယ်။

▪️ ယခုနှစ် အစောပိုင်းမှာတော့ ထိုစုံတွဲမှာ အိမ်ထောင်ရေး ပြဿနာတွေ ဖြစ်နေတဲ့ သတင်းတွေ တက်လာခဲ့ပါတယ်။

▪️ လိုပက်ဇ်ဟာ ပြီးခဲ့တဲ့လက ၅၅ နှစ်ပြည့်မွေးနေ့ကို အက်ဖ်လက်ခ်မပါဘဲ ကျင်းပခဲ့ပြီး အတူတကွ ဝယ်ယူထားတဲ့ အိမ်ကိုရောင်းကာ အက်ဖ်လက်ခ်က တစ်ဦးတည်းနေ ဇိမ်ခံအိမ်သို့ ပြောင်းရွှေ့ခဲ့ပါတယ်။

▪️ People magazine ပြောကြားချက်အရ သူတို့ဟာ ဆယ်လီနေထိုင်ပုံစံနဲ့ ပတ်သက်ပြီး ကွဲလွဲနေတာကြောင့် ဆက်ဆံရေး တင်းမာလာတယ်လို့ ဆိုပါတယ်။

▪️ လိုပက်ဇ်က သူမရဲ့ ပရိသတ်တွေကို ပွင့်ပွင့်လင်းလင်း ဖော်ပြနေထိုင်လိုပေမယ့် အက်ဖ်လက်ခ်ကတော့ သိုသိုသိပ်သိပ် နေထိုင်ချင်တာကြောင့် တစ်နေ့ထက်တစ်နေ့ ပိုမိုခက်ခဲလာတယ်လို့ ဖော်ပြထားပါတယ်။

▪️ လိုပက်ဇ်က ယခင်က သရုပ်ဆောင် အိုဂျာနီနိုအာ၊ အကသမား ခရစ္စဂျုဒ်၊ အဆိုတော် မာ့ခ်အန်သိုနီတို့နဲ့ လက်ထပ်ဖူးကာ အက်ဖ်လက်ခ်က မင်းသမီး ဂျန်နီဖာဂါနာနဲ့ လက်ထပ်ဖူးပါတယ်။

#Source: Barron's

#World_Health
Published 21 August 2024

▪️ ဆီးချိုရှိသူတွေအနေနဲ့ အစားစားပြီးတိုင်း သွေးတွင်းသကြားဓာတ် တည်ငြိမ်စေရန်အတွက် အဆာပြေစားစရာတွေက အရေးကြီးပါတယ်။

▪️ အမျှင်ဓာတ်၊ ပရိုတိန်း၊ ကျန်းမာရေးအဆီတို့ ကြွယ်ဝတဲ့ အဆာပြေစားစရာတွေ စားသုံးခြင်းဖြင့် ဆာလောင်မှုကို ထိန်းချုပ်ပေးပြီး သွေးတွင်းသကြားဓာတ် ချက်ချင်းမတက်ဘဲ စွမ်းအင် ထိန်းသိမ်းပေးပါတယ်။

▪️ ဒါကြောင့် ကြာရှည်သိုလှောင်ထားနိုင်တဲ့ အဆာပြေစားစရာတွေကို ဖော်ပြလိုက်ပါတယ်။

(၁) အခွံမာသီးများ
▪️ ကာဗိုဟိုက်ဒရိတ် နည်းပါးပြီး အာဟာရဓာတ်ကြွယ်ဝကာ ဝမ်းဗိုက်ပြည့်ဝနေစေပြီး သွေးတွင်းသကြားဓာတ်ကို ထိန်းသိမ်းပေးပါတယ်။

(၂) အစေ့အဆန်များ
▪️ အာဟာရဓာတ် များပြားပြီး သကြားဓာတ် စုပ်ယူမှုကို နှေးစေတာကြောင့် သွေးတွင်းသကြားဓာတ် မြင့်တက်ခြင်းမှ ကာကွယ်ပေးပါတယ်။

(၃) အချိုနည်းသည့် ဂရာနိုလာမုန့်
▪️ ကောက်နှံများ၊ အခွံမာသီး၊ အစေ့အဆန်တို့နဲ့ ပြုလုပ်ထားတာကြောင့် အာဟာရကြွယ်ဝပြီး စွမ်းအင်ထိန်းသိမ်းပေးပါတယ်။

(၄) ကောက်နှံမုန့်ကြွပ်များ
▪️ သွေးတွင်းသကြားဓာတ်ကို ဖြေးညင်းစွာသာ တက်စေတဲ့အပြင် အာဟာရဓာတ်တွေက နှလုံးကျန်းမာရေးနဲ့ ဇီဝကမ္မဖြစ်စဉ်တို့ကို မြှင့်တင်ပေးပါတယ်။

(၅) ကုလားပဲလှော်
▪️ အမျှင်ဓာတ်နဲ့ ပရိုတိန်းတွေက အစာကိုဖြည်းညင်းစွာ ခြေပေးပြီး သကြားဓာတ်ကို ထိန်းသိမ်းပေးပါတယ်။

(၆) စည်သွတ်တူနာငါး၊ ဆယ်လ်မွန်ငါး
▪️ အိုမီဂါ-၃ ဖက်တီးအက်ဆစ်ကြွယ်ဝပြီး နှလုံးကျန်းမာရေးကို ကောင်းမွန်စေကာ သွေးတွင်းသကြားဓာတ်ကို ထိန်းပေးပါတယ်။

(၇) မြေပဲထောပတ်
▪️ ကျန်းမာရေးအဆီနဲ့ ပရိုတိန်းတို့ ကြွယ်ဝပြီး သွေးတွင်းသကြားဓာတ် ထိန်းပေးတဲ့အပြင် နှလုံးကျန်းမာရေးကို ကောင်းမွန်စေပါတယ်။

(၈) သံလွင်ဆီ
▪️ ကာဗိုဟိုက်ဒရိတ်နည်းပြီး မပြည့်ဝဆီ ပါဝင်တာကြောင့် သွေးတွင်းသကြားဓာတ် ထိန်းသိမ်းပေးပြီး နှလုံးကျန်းမာရေးကို ထောက်ပံ့ပေးပါတယ်။

#Source: DoctorNDTV

#World_Health
Published 21 August 2024

▪️ ရေချိုးတဲ့အခါ လူတွေသန့်ရှင်းရေးလုပ်ဖို့ ကျော်သွားတတ်တဲ့ နေရာ ၃ ခုကို ဗာဂျီးနီးယားမှ ဒေါက်တာ ဂျေဆန်ဆင်းက ဖော်ပြသွားပါတယ်။

▪️ ချက်၊ ခြေထောက်နဲ့ နားရွက်တို့အကြောင်းကို ဆင်းက တစ်တော့မှာ ပြောသွားပါတယ်။

▪️ ချက်နေရာဟာ အတွင်းကျတဲ့ နေရာဖြစ်ပြီး စိုစွတ်နေတတ်တာကြောင့် ဘက်တီးရီးယားတွေ မှိုတွေ ပေါက်ဖွားနိုင်ကာ ရောဂါပိုးဝင်ရောက်နိုင်ပြီး အနံ့ဆိုးထွက်နိုင်ကြောင်း ရှင်းပြပါတယ်။

▪️ ချက်က အတွင်းကိုဝင်နေတဲ့ သူတွေအနေနဲ့ နားကြပ်တံထိပ်ဖြင့် အသုံးပြုနိုင်ပြီး ချက်က အပြင်ဘက်ကို ထွက်နေတဲ့သူတွေကတော့ အဝတ်စဖြင့် ပွတ်တိုက်နိုင်ကြောင်း၊ တစ်ပတ်ကို ၁ ကြိမ် ၂ ကြိမ်ခန့် သန့်ရှင်းသင့်ကြောင်း Teen Vogue မှာလည်း ဖော်ပြထားပါတယ်။

▪️ နောက်တစ်နေရာက ခြေထောက်ဖြစ်ပြီး ခြေဖဝါးဟာဆိုရင် ချွေးဂလင်းတွေ ပိုများကြောင်း ပြောပါတယ်။

▪️ ချွေးထွက်တဲ့အပြင် ပူနွေးစိုစွတ်တဲ့အခါမှာ ဘက်တီးရီးယားတွေ ပေါက်ဖွားရာနေရာ ဖြစ်လာပါတယ်။

▪️ ခြေထောက်သန့်ရှင်းရေး အားနည်းပြီး အရေပြားမှာ အနာဖြစ်တဲ့အခါ ပိုးဝင်ရောက်ကာ ရောဂါဖြစ်လာတတ်ပါတယ်။

▪️ ခြေအိတ်ဝတ်သူတွေ၊ ဖိနပ်ကြပ်ကြပ် စီးသူတွေ၊ လေ့ကျင့်ခန်းလုပ်တဲ့သူတွေ အနေနဲ့ ခြေချောင်းကြားတွေကို ဆေးကြောပေးဖို့ အထူးလိုအပ်ပါတယ်။

▪️ နောက်တစ်နေရာကတော့ နားရွက်နောက်ဖက် ဖြစ်ပါတယ်။

▪️ ထိုနေရာမှာ အဆီထုတ်တဲ့ ဂလင်းတွေရှိပြီး အဆီထုတ်ပေးတာကြောင့် ချွေးနဲ့ ဖုန်မှုန့်တွေ ရှိနေတတ်ပါတယ်။

▪️ အရေပြားက ခေါက်နေတာကြောင့် ဘက်တီးရီးယားတွေ အလွန်ပေါက်ဖွားနိုင်ကာ ဆံပင်နဲ့လည်း နီးကပ်တာကြောင့် အညစ်အကြေးတွေ စုပြုံနေတတ်ပါတယ်။

▪️ ဒီနေရာတွေဟာ အခြားနေရာတွေထက် သန့်ရှင်းလုပ်လေ့ မရှိတာကြောင့် ဘက်တီးရီးယားတွေ ပိုမိုပေါက်ဖွားနိုင်တယ်လို့ ဂျော့ဂျ်ဝါရှင်တန်တက္ကသိုလ်မှ ညွှန်ကြားရေးမှူး ကိသ်ခရန်ဒေါလ်က ပြောပါတယ်။

▪️ ယင်းတို့အဖွဲ့က ထို ၃ နေရာမှ အရေပြားနမူနာများရယူပြီး စမ်းသပ်ခဲ့ကြပါတယ်။

▪️ ထိုအခါမှာ မသန့်ရှင်းတဲ့ ပိုးမွှားတွေ စုပြုံနေတာကို တွေ့ခဲ့ကြပါတယ်။

▪️ ဒါ့အပြင် ချိုင်းကြား၊ ပေါင်ကြားတို့ဟာလည်း သေချာသန့်ရှင်းဖို့လိုကြောင်း ဖော်ပြသွားပါတယ်။

▪️ ဖုံးကွယ်နေတဲ့ အရေပြားမှန်သမျှကို အထူးဂရုစိုက် သန့်ရှင်းပေးသင့်ပြီး ရေချိုးပြီးနောက်မှာလည်း စိုစွတ်မှုမကျန်အောင် သုတ်သင်သင့်တယ်လို့ ပြောသွားပါတယ်။

#Source: New York Post

လျှပ်စစ်ကားကို ဆယ်မိနစ်အတွင်း မြန်နှုန်းမြင့် အားသွင်းနိုင်သည့် (၆၀၀)ကီလိုဝပ် ဘက်ထရီအားသွင်းစခန်းနှစ်ခုပေကျင်းတွင် စတင်အသုံးပြု

တရုတ်ပြည် လျှပ်စစ်ဓာတ်အားလိုင်း ကော်ပိုရေးရှင်းက ပေကျင်းမှာ ပထမဦးဆုံး ၆၀၀ ကီလိုဝပ် အများသုံးအားသွင်းစခန်း ၂ ခုကို စတင်ဖွင့်လှစ်ပြီဖြစ်ပြီး ထိုစခန်း ၂ ခုပေါင်းလိုက်ရင် တစ်နေ့ကို လျှပ်စစ်ကားအစီးရေ ပျမ်းမျှ ၇၀၀ ခန့် အားသွင်းပေးနိုင်မှာ ဖြစ်ပါတယ်။
#Asia_News
Published 20 August 2024
#မြန်နှုန်းမြင့်အားသွင်းနိုင် #လျှပ်စစ်ကား
#YMG #Yangon_Times #Yangon_Media_Group

၂၀ ဩဂုတ် ၂၀၂၄

ကမ္ဘာ့အသက်အရှည်ဆုံးသူဖြစ်တဲ့ စပိန်နိုင်ငံမှ အသက် ၁၁၇နှစ်အရွယ် မာရီယာ ဘရန်ညာမိုရီယာဟာ ဩဂုတ် ၂၀ ရက် အင်္ဂါနေ့မှာ ကွယ်လွန်ခဲ့ပြီဖြစ်ပါတယ်။ သူမဟာ အမေရိကန်ပြည်ထောင်စုမှ မွေးဖွားပြီး ကမ္ဘာစစ်ပွဲကြီးနှစ်ပွဲစလုံးကို ဖြတ်သန်း ခဲ့ရသူပါ။

ပြင်သစ်နိုင်ငံမှ သီလရှင်ကြီး လူစီလီ ရန်ဒွန် အသက် ၁၁၈နှစ်အရွယ်မှာ ကွယ်လွန်ခဲ့ပြီးနောက် ဂင်းနက်စ်ကမ္ဘာ့စံချိန်အဖွဲ့က ဘရန်ညာကို ကမ္ဘာ့အသက်အကြီးဆုံးသူအဖြစ် ၂၀၂၃ ဇန်နဝါရီလက တရားဝင်အသိအမှတ်ပြုခဲ့ပါတယ်။

“ မာရီယာဘရန်ညာဟာ ကျွနုပ်တို့ကိုခွဲသွားခဲ့ပြီ။ သူမဟာ သူဆုတောင်းသလိုပဲ အိပ်ပျော်နေရင်းက ငြိမ်းချမ်းစွာ မနာမကျင်ဘဲ  ကွယ်လွန်ခဲ့ပါပြီ” လို့ သူမရဲ့ မိသားစုက သူမရဲ့ အိတ်စ်ဆိုရှယ်အကောင့်မှာ ပို့စ်ရေးတင်ခဲ့ပါတယ်။

သူမရဲ့ အကြံဉာဏ်တွေနှင့်ကြင်နာမှုတွေကို အမြဲသတိရနေတော့မှာပါ” လို့လည်း စာထဲမှာရေးထားပါတယ်။

ပြီးခဲ့တဲ့ ဆယ်စုနှစ်နှစ်ုမှာ ဆန်တာမာရီယာဒဲလ်တူရာ ဘိုးဘွားရိပ်သာမှာ နေထိုင်ခဲ့တဲ့ ဘရန်ညာဟာ သူမ အားနည်းလာပြီလို့ တနင်္ဂနွေနေ့က ရေးခဲ့ပါတယ်။

“ အချိန်ကနီးလာပြီ။ မငိုကြနှင့်။ မျက်ရည်တွေ အမေမုန်းတယ်။ အဲဒါထက် အမေ့အတွက် မခံစားကြနှင့်။ ဘယ်ကိုပဲသွားရ သွားရ အမေပျော်မှာပါ” လို့ သူမရဲ့မိသားစုက တင်ပေးနေတဲ့ အိတ်စ် ဆိုရှယ်ပလက်ဖောင်းပေါ်က သူမရဲ့ အကောင့်မှာ သူမက ရေးတင်ခဲ့ပါတယ်။

ဘရန်ညားသေဆုံးသွားတဲ့အတွက် ယခုအခါ ကမ္ဘာ့အသက်အရှည်ဆုံး သူဟာ ဂျပန်နိုင်ငံက တိုမီကို အီတိုကာ ဖြစ်လာပါလိမ့် မယ်။ အီတိုကာဟာ ၁၉၀၈ ခုနှစ် မေ ၂၃ရက်မှာ မွေးဖွားခဲ့ပြီး ယခုအခါ အသက် ၁၁၆နှစ်ရှိပြီဖြစ်ပါတယ်။

Ref: AFP

#Daily_News
Published 20 August 2024

၁။ မြန်မာနိုင်ငံအတွင်း မျောက်ကျောက်ရောဂါမကူးအောင် နိုင်ငံဝင်ထွက်ပေါက်များ၌ စောင့်ကြပ်ထိန်းချုပ်မည်

၂။ ပထမဆုံး Professional Boxing ပြိုင်ပွဲ ယနေ့ ရန်ကုန်မှာကျင်းပ

၃။ နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ သန်း ၁၅၀ ကျော်ရှိထားပြီး စင်္ကာပူမှအများဆုံးရင်းနှီးမြှုပ်နှံ

၄။ လျှပ်စစ်ကားကို ဆယ်မိနစ်အတွင်း မြန်နှုန်းမြင့် အားသွင်းနိုင်သည့် (၆၀၀)ကီလိုဝပ် ဘက်ထရီအားသွင်းစခန်းနှစ်ခု‌ဘေကျင်းတွင် စတင်အသုံးပြု ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ကမ္ဘာ့ရွှေဈေး(၄၀)ဒေါ်လာပြန်တက်လာလို့ မြန်မာ့ရွှေဈေးပါ သောင်းဂဏန်းပြန်တက်လာတယ်လို့ သိရပါတယ်။
#Local_News
Published 20 August 2024
#ကမ္ဘာ့ရွှေဈေး(၄၀)ဒေါ်လာ #မြန်မာ့ရွှေဈေးတက်
#YMG/tthl #Yangon_Times

#Local_News
Published 20 August 2024

▪️ နိုင်ငံတော်အရန်ဆန်အမျိုးအစားတွင် ဧည့်မထအပြင် ပေါ်ဆန်းမွှေးဆန် အမျိုးအစား ပါဝင်လာမည်ဖြစ်ပြီး အရန်ဆန်အရေအတွက်ကို အိတ်ရေတစ်သန်းအထိ တိုးမြှင့်သိုလှောင်သွားမည် ဖြစ်ကြောင်း မြန်မာနိုင်ငံဆန်စပါးအသင်းချုပ်မှ သိရသည်။

▪️ အဆိုပါဆန်အိတ်ရေများကို ငါးသိန်းမှတစ်သန်းထိ တိုးမြှင့်သိုလှောင်သွားမည်ဖြစ်ကာဆန်အိတ်များ၏ အလေးချိန်မှာ ၁၀၈ ပေါင် သတ်မှတ်ထားပြီး အရန်ဆန် အမျိုးအစားသတ်မှတ်ခြင်းနှင့် ဆန်အိတ်အရေအတွက် တိုးမြှင့်သတ်မှတ် သိုလှောင်ခြင်းတို့ကို စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနနှင့် မြန်မာနိုင်ငံဆန်စပါးအသင်းချုပ်(MRF)တို့က ပူးပေါင်းဆောင်ရွက်ခြင်း ဖြစ်ကြောင်း သိရသည်။

▪️ ဆန်ဈေးကွက်တည်ငြိမ်စေရေးနှင့် ဝင်ငွေနည်းအိမ်ထောင်စုများထံ ရောင်းချပေးနိုင်ရန်ရည်ရွယ်ထားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆန်စပါးအသင်းချုပ်(MRF)တိုအနေဖြင့် အရန်ဆန်ထားရှိမှု အစီအစဉ်တွင် ပို့ကုန်တစ်တန်လျှင် ဆန်တစ်အိတ်မှ သုံးအိတ်ထိထားရှိရန် သတ်မှတ်ထားကြောင်း သိရသည်။

#YMG/NN #Yangon_Times

မြန်မာယူ - ၁၂အသင်းဟာ U - 12 Junior Soccer World Challenge 2024 ပြိုင်ပွဲမှာ ဂျပန်အသင်းနှစ်သင်းကိုတစ်ပွဲနိုင်၊ တစ်ပွဲသရေရလဒ်ရထားတယ်လို့ မြန်မာနိုင်ငံဘောလုံးအဖွဲ့ချုပ်မှ သိရပါတယ်။
#Local_News
Published 20 August 2024
#World_Challengeပြိုင်ပွဲ #တစ်ပွဲနိုင်၊တစ်ပွဲသရေရ
#YMG/tthl #Yangon_Times

အခု ၂၀၂၄-၂၀၂၅ ဘဏ္ဍာနှစ်လေး‌လတာကာလအတွင်း နိုင်ငံခြားရင်းနှီးမြှုပ်နှံမှု အမေရိကန်ဒေါ်လာသန်း ၁၅၀ ကျော်ရှိထားပြီး စင်္ကာပူမှအများဆုံးရင်းနှီးမြှုပ်နှံထားတယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနရဲ့ ထုတ်ပြန်တဲ့ စာရင်းတွေအရ သိရပါတယ်။
#Local_News
Published 20 August 2024
#နိုင်ငံခြားရင်းနှီးမြှုပ်နှံမှု #စင်္ကာပူမှအများဆုံးရင်းနှီးမြှုပ်နှံ
#YMG/NN #Yangon_Times

မြန်မာပြည်ရဲ့ ပထမဆုံးသော Professional Boxing ပြိုင်ပွဲကို ဒီကနေ့  နေ့လယ်၂နာရီမှာ ရန်ကုန်မြို့က သုဝဏ္ဏဘောလုံးကွင်းဝင်း အတွင်းမှာ ကျင်းပသွားမယ်လို့ MBC က သိရပါတယ်။
#Local_News
Published 20 August 2024
#Professional_Boxingပြိုင်ပွဲ #မြန်မာပြည်ရဲ့ပထမဆုံး
#YMG/NN #Yangon_Times