#World_Health
Published 30 January 2025

▪️ ပန်းဂေါ်ဖီစိမ်းနဲ့ တရုတ်နံနံတို့မှာပါတဲ့ ဓာတ်တိုးဆန့်ကျင်ဒြပ်ပေါင်း လူတီယိုလင်ဟာ ဆံပင်ဖြူလာခြင်းကို လျှော့ချပေးနိုင်တယ်လို့ Antioxidantsဂျာနယ်မှာ ဖော်ပြထားပါတယ်။

▪️ ဂျပန် နာဂိုယာတက္ကသိုလ်မှ သုတေသီအဖွဲ့က ဓာတ်ခွဲခန်းကြွက်တွေမှာ လူတီယိုလင်ကို လိမ်းဆေးနဲ့ သောက်ဆေးပေးပြီး စမ်းသပ်ခဲ့ကြပါတယ်။

▪️ ဆံပင်ဖြူတယ်ဆိုတာဟာ ဆံပင်မွေးညင်းပေါက်အတွင်းရှိ ရောင်ခြယ်ဆဲလ်များ တဖြည်းဖြည်း လျော့နည်းလာတာကြောင့် ဖြစ်ပါတယ်။

▪️ ရောင်ခြယ်ပစ္စည်း မယ်လနင်ကြောင့် ဆံပင်မှာ သဘာဝအရောင် ထွက်ပေါ်စေတာ ဖြစ်ပါတယ်။

▪️ အသက်ကြီးလာရင် မယ်လနင်ထုတ်လုပ်မှု လျော့နည်းလာပြီး အရောင်မှိန်လာကာ ဆံပင်ဖြူလာရပါတယ်။

▪️ နာဂိုယာတက္ကသိုလ် သုတေသီတွေက လူတီယိုလင်ကို ကြွက်တွေရဲ့ကျောမှာ သုတ်လိမ်းခြင်းနဲ့ ပါးစပ်မှ ဆေးပေးခြင်းတို့ကို ရက်သတ္တပတ် ၁၆ ပတ်ကျော်ကြာအောင် စမ်းသပ်ခဲ့ပါတယ်။

▪️ ဆေးမပေးတဲ့ကြွက်တွေမှာ အမွေးအရောင်ဖျော့သွားမှုနှုန်းက ၆၀ မှ ၈၀ ရာခိုင်နှုန်းရှိပြီး လူတီယိုလင်ပေးတဲ့ ကြွက်တွေကတော့ အမွေးအရောင် ပြောင်းလဲမှု မရှိသလောက် ဖြစ်ခဲ့ပါတယ်။

▪️ ဆေးကို အတွင်းပိုင်းအထိရောက်အောင် ပေးတာထက်စာရင် အပြင်ပိုင်းမှာ အသုံးပြုခြင်းက ဆံပင်ဖြူခြင်းကို ပိုမိုဆန့်ကျင်ပေးနိုင်တယ်လို့ ယူဆနေကြပါတယ်။

▪️ ကြွက်တွေရဲ့ မွေးညင်းပေါက်တွေကို စစ်ဆေးရာမှာ အမွေးဖြူခြင်းကို လျော့ကျစေတဲ့ အင်ဒိုသီလင်က လူတီယိုလင်ပေးတဲ့ ကြွက်တွေမှာ ဆက်ရှိနေပါတယ်။

▪️ အင်ဒိုသီလင်က ဆံပင်ရောင်ခြယ် ဆဲလ်ထုတ်လုပ်မှုကို အားပေးပြီး လူတီယိုလင်ရဲ့ ဓာတ်တိုးဆန့်ကျင်အာနိသင်က ဆဲလ်အိုမင်းခြင်းမှ ကာကွယ်ပေးတာကြောင့် ဆံပင်ဖြူခြင်းကို လျှော့ချပေးတာ ဖြစ်မယ်လို့ ယူဆနေကြပါတယ်။

▪️ လူတွေမှာ ဒီလိုမျိုးသက်ရောက်မှုတွေ ဖြစ်လာမယ်လို့ တပ်အပ်မပြောနိုင်ပေမယ့် ယခင်သုတေသနမှာ အလားတူဖြစ်ပျက်နိုင်မယ်လို့ ယူဆရကြောင်း ပရော်ဖက်ဆာ မာဆာရှီကာတိုက ပြောပါတယ်။

▪️ အချို့သော အာဟာရဓာတ် ချို့တဲ့ခြင်းဖြင့် အရွယ်မတိုင်ခင် ဆံပင်ဖြူစေနိုင်ပါတယ်။

▪️ အနာဂတ်မှာ လူသားတွေရဲ့ ဆံပင်ကိုစမ်းသပ်ပြီး ဆံပင်ဖြူခြင်းကို နှောင့်နှေးကာကွယ်ပေးနိုင်မယ့် ဆေးတွေ ထွက်ပေါ်လာဖို့ သုတေသနအဖွဲ့က မျှော်လင့်နေပါတယ်။

#Source: New York Post

စစ်ဘေးရှောင် ပါလက်စ်တိုင်းလူမျိုး အများအပြားဟာ တနင်္ဂနွေနေ့က ဂါဇာကမ်းမြောင်အလယ်ပိုင်းရှိ ကမ်းရိုးတန်းလမ်းမပေါ်မှာ သောင်တင်နေကြပြီး ဂါဇာမြောက်ပိုင်းရှိ နေအိမ်တွေသို့ ပြန်သွားဖို့ စောင့်ဆိုင်းနေကြပါတယ်။
#World_Crisis
Published 29 January 2025
#စစ်ဘေးရှောင်ပါလက်စ်တိုင်း #လမ်းမတွင်သောင်တင်
#YMG #Yangon_Times #Yangon_Media_Group

#Daily_News
Published 29 January 2025

၁။ ရွှေတိဂုံစေတီတော်တွင် မြန်မာ့ရိုးရာထမနဲထိုးပြိုင်ပွဲကျင်းပမည်

၂။ MSME ထုတ်ကုန်ပြပွဲနှင့်ပြိုင်ပွဲတွင် ဆုပေါင်း ၃၁ ခုအထိပေးမည်

၃။ မဲခေါင်-လန်ချန်း အထူးရန်ပုံငွေဖြင့် စားသောက်ကုန်ထုတ်လုပ်သည့်သင်တန်းများ ဖွင့်လှစ်ပေးမည်

၄။ ဂါဇာမြောက်ပိုင်းသို့ နေရပ်ပြန်လာကြသည့် စစ်ဘေးရှောင်ပါလက်စ်တိုင်းအရပ်သားအများအပြား လမ်းမတွင်သောင်တင်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published_29 Jan 2025

▪️ ရှမ်းပြည်နယ်(မြောက်ပိုင်း)ကရန်ကုန်တိုင်းဒေသကြီးသို့ သယ်ဆောင်သည့် ငွေကျပ် ၂ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၁၃ ဒသမ ၈ သိန်း ကို မန္တလေးတိုင်းဒေသကြီး သာစည်မြို့နယ်တွင် ဖမ်းဆီးရမိ ကြောင်း မြန်မာနိုင်ငံရဲတပ်ဖွဲ့ကသိရ သည်။

▪️ ဇန်နဝါရီလ ၂၄ ရက် ည ၁၁ နာရီတွင် မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံကျေးရွာအနီးတွင် မူဆယ်မှ ရန်ကုန်သို့ မျိုးမင်းဦး(ခ)မဲကြီး မောင်းနှင်လာသည့် I ZONE ကုန်တင်ယာဉ်ကို မူးယစ်ဆေးဝါး တား ဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က သတင်းအရရှာဖွေစဉ် အထက်ပါအတိုင်း ဖမ်းမိခဲ့ခြင်း ဖြစ်သည်။

▪️ အဆိုပါ မူးယစ်ဆေးများကိုယာဉ်၏ကိုယ်ထည်အတွင်း အံဝှက်ပြုလုပ် သယ်ဆောင်လာခြင်း ဖြစ်ကြောင်း သိရ သောကြောင့် မျိုးမင်းဦး(ခ)မဲကြီး ကို ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်း သိရသည်။

#Yangon_Times/PP

ဧရာဝတီတိုင်းဒေသကြီးအတွင်းက ဆန်စက်တွေနဲ့ ဆန်သိုလှောင်ရုံ‌တွေကို တရားမဝင် သိုလှောင်ထားခြင်းရှိ/မရှိနဲ့ ဈေးကွက်စောင့်ကြည့် စစ်ဆေးတာတွေ ဆောင်ရွက်နေတယ်လို့ တရားမဝင်ကုန်သွယ်မှု အထူးတိုက်ဖျက်ရေးအဖွဲ့မှ သိရပါတယ်။
#Local_News
Published 29 January 2025
#ဆန်သိုလှောင်ရုံ #တရားမဝင်ကုန်သွယ်မှု
#YMG/SW #Yangon_Times

မဲခေါင်-လန်ချန်း ပူးပေါင်းဆောင်ရွက်မှုဆိုင်ရာ အထူးရန်ပုံငွေ (၂၀၂၄)နဲ့ စားသောက်ကုန်လုပ်ငန်းစနစ်တကျ တည်ထောင်လုပ်ကိုင်ဆောင်ရွက်လိုသူ‌ေတွအတွက် တိုင်းဒေသကြီး၊ ပြည်နယ်တွေမှာ သင်တန်း (၁၅) ကြိမ် ဖွင့်လှစ်ပေးသွားမယ်လို့ အသေးစားစက်မှုလက်မှုလုပ်ငန်းဦးစီးဌာန (နေပြည်တော်ရုံးချုပ်)မှ သိရပါတယ်။
#Local_News
Published 29 January 2025
#မဲခေါင်-လန်ချန်း #အသေးစားစက်မှုလက်မှုလုပ်ငန်း
#YMG/SW #Yangon_Times

(၇၈) နှစ်မြောက် ပြည်ထောင်စုနေ့အထိမ်းအမှတ် ပြည်ထောင်စုအဆင့် MSME ထုတ်ကုန်ပြပွဲနဲ့ ပြိုင်ပွဲကို နေပြည်တော် ဥပ္ပါတသန္တိစေတီတော်အနီးရှိ တပေါင်းကွင်းမှာ ဖေဖော်ဝါရီ ၁၀ ရက်ကနေ ၁၄ ရက်အထိ စကျင်းပသွားမှာဖြစ်ရာ ပြိုင်ပွဲမှာတော့ ဆုအမျိုးအစားပေါင်း ၃၁မျိုးအထိပေးအပ်ချီးမြင့်သွားမယ်လို့ သိရပါတယ်။
#Local_News
Published 29 January 2025
#MSMEထုတ်ကုန်ပြပွဲ #ဆုပေါင်း၃၁ခု
#YMG/SW #Yangon_Times

(၁၇) ကြိမ်မြောက် မြန်မာ့ရိုးရာထမနဲထိုးပြိုင်ပွဲကို ရွှေတိဂုံစေတီတော်မြတ်ကြီးရဲ့ အရှေ့ဘက်အောက်ပစ္စယာမှာရှိတဲ့ ထန်းပင်ကုန်းကွင်းမှာ လာမယ့်လအတွင်းမှာကျင်းပသွားမယ်လို့ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က  သိရပါတယ်။
#Local_News
Published 29 January 2025
#ရွှေတိဂုံစေတီတော် #မြန်မာ့ရိုးရာထမနဲထိုးပြိုင်ပွဲ
#YMG/NN #Yangon_Times

#World_News
Published 29 January 2025

▪️ အမေရိကန်မှာ အစိုးရဝန်ထမ်းအင်အား သိသိသာသာ လျှော့ချသွားမယ့် အစီအစဉ်အစိတ်အပိုင်းအနေဖြင့် အရပ်သားအချိန်ပြည့် အစိုးရဝန်ထမ်းအားလုံးနီးပါးအတွက် အလုပ်နုတ်ထွက်ရင် များပြားတဲ့ ငွေကြေးပေးသွားမယ်လို့ မက်လုံးပေးကမ်းလှမ်းထားကြောင်း ဒေါ်နယ်ထရမ့် စီမံအုပ်ချုပ်ရေးအဖွဲ့က အင်္ဂါနေ့မှာ ပြောသွားပါတယ်။

▪️ ရက်ရွှေ့ဆိုင်းနုတ်ထွက်ခြင်း ပရိုဂရမ်အရ အစိုးရဝန်ထမ်းတွေဟာ စက်တင်ဘာ ၃၀ အထိ အလုပ်လုပ်စရာမလိုဘဲ လစာရရှိနေမှာဖြစ်တယ်လို့ ဝန်ထမ်းတွေထံပေးပို့တဲ့ အီးမေးလ်မှာ ဖော်ပြထားပါတယ်။

▪️ အစိုးရဝန်ထမ်းတွေ အလုပ်နုတ်ထွက်ခြင်းအတွက် ငွေကြေးမက်လုံးက များသောအားဖြင့် ဒေါ်လာ ၂ သောင်းခွဲ အများဆုံးအထိရှိပါတယ်။

▪️ ဒီအစီအစဉ်မှာ ပါဝင်ခြင်းရှိမရှိ ဆုံးဖြတ်ဖို့ ဖေဖော်ဝါရီ ၆ ရက်နေ့အထိ အချိန်ပေးထားပါတယ်။

▪️ စိတ်ပါဝင်စားတဲ့ ဝန်ထမ်းများက အစိုးရအကောင့်တစ်ခုရဲ့ အီးမေးလ်ကို စာပြန်ပြီး 'နုတ်ထွက်မည်'ဆိုတဲ့ စာလုံးရေးသားဖို့ အမေရိကန်အစိုးရက ညွှန်ကြားထားပါတယ်။

▪️ ဒီဝန်ထမ်းတွေထဲမှာ လူဝင်မှုကြီးကြပ်ရေး၊ နိုင်ငံတော် လုံခြုံရေးနဲ့ ဆက်စပ်နေရာများ၊ အမေရိကန်စာတိုက်မှာ အလုပ်လုပ်တဲ့ သူတွေကလွဲပြီး အရပ်သားဝန်ထမ်းတွေ အကျုံးဝင်နေပါတယ်။

▪️ စာတိုက်လုပ်ငန်း မပါဘဲနဲ့ဆိုရင် အမေရိကန်အရပ်သားဝန်ထမ်းပေါင်း ၂.၃ သန်းရှိနေပါတယ်။

▪️ စစ်တပ်နဲ့ အချို့အေဂျင်စီတွေက ဝန်ထမ်းအင်အား တိုးချဲ့သွားဖွယ်ရှိပေမယ့် အများစုကတော့ အင်အားလျှော့ချသွားဖွယ် ရှိနေကာ ဝန်ထမ်းများအတွက် အလုပ်အာမခံချက် မပေးနိုင်ဘူးလို့ အီးမေးလ်မှာ ဖော်ပြထားပါတယ်။

▪️ ဒါပေမဲ့ ရာထူးမှ ဖယ်ရှားခံရပါက ဂုဏ်သိက္ခာရှိရှိဖြင့် ဆက်ဆံခံရမှာဖြစ်ကြောင်း၊ အစိုးရဝန်ထမ်းအင်အား ပြန်လည်ဖွဲ့စည်းရာမှာ သိသာထင်ရှားစွာ လုပ်ဆောင်မှာဖြစ်ကြောင်း ဖော်ပြထားပါတယ်။

▪️ အစိုးရဝန်ထမ်း အများအပြားဟာ အလုပ်သမားသမဂ္ဂတွေကို ကိုယ်စားပြုပြီး အလုပ်ခန့်အပ်ခြင်းဆိုင်ရာ ကာကွယ်မှုများ ရှိထားပါတယ်။

▪️ ထရမ့်အစိုးရအဖွဲ့ဟာ ဖက်ဒရယ်အစိုးရကြီးကို အဆိပ်သင့်ဝန်းကျင်ဖြစ်အောင် လုပ်နေပြီး ဝန်ထမ်းတွေဟာ ဆက်ပြီးနေချင်ရင်တောင် မနေနိုင်တဲ့ အခြေအနေဖြစ်တယ်လို့ အမေရိကန် အစိုးရဝန်ထမ်းအဖွဲ့ချုပ်ဥက္ကဌ အဲဗရတ်ကယ်လီက ဆိုလိုက်ပါတယ်။

▪️ အစိုးရဝန်ထမ်းများအနေနဲ့ အခြားအလုပ်တစ်ခု ဝင်လုပ်နိုင်ပြီး စက်တင်ဘာ ၃၀ အထိ အငြိမ်းစားခံစားခွင့် ဆက်လက်ရရှိနိုင်မယ်လို့ သိရပါတယ်။

#Source: Reuters

#Local_News
Published 29 January 2025

▪️ မြန်မာ့ရုပ်ရှင်ထူးချွန်ဆုချီးမြှင့်ပွဲအခမ်းအနားသို့ သတင်းမီဒီယာတစ်ခုလျှင်နှစ်ဦးနှုန်းတက်ရောက်ခွင့်ပြုမည်ဖြစ်ကြောင်း သိရသည်။

▪️ ၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲ အခမ်းအနားကို ၂၀၂၅ ခုနှစ် ဖေဖော်ဝါရီလ ၉ ရက်နေ့တွင် နေပြည်တော်၊ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန(၁) MICC-1 တွင်ကျင်းပမည်ဖြစ်ကြောင်း၊ အဆိုပါအခမ်းအနားကျင်းပမည့် နေရာကန့်သတ်ချက်အရ သတင်းမီဒီယာသမားဦးရေအား A Zone ၊ B Zone ခွဲခြားသတ်မှတ်ကာ သတင်းရယူစေမည်ဖြစ်ရာ အခမ်းအနားသို့တက်ရောက် သတင်းရယူလိုသောလုပ်ငန်းအသိအမှတ်ပြုလက်မှတ်ရယူထားသည့် သတင်းမီဒီယာများအနေဖြင့် သတင်းမီဒီယာတစ်ခုလျှင် (၂) ဦးနှုန်းဖြင့် ခွင့်ပြုပေးမည်ဖြစ်‌ကြောင်း သိရသည်။

▪️ ထို့ကြောင့် တက်ရောက်သတင်းယူမည့် သတင်းမီဒီယာများအနေဖြင့် အမည်၊နိုင်ငံသားစိစစ်ရေးကတ်ပြား အမှတ်၊ ရာထူးတာဝန်၊ သတင်းဌာနအမည်စသည့် သတ်မှတ်လျှောက်လွှာပုံစံပါ အချက်အလက်များကိုဖြည့်စွက်ကာ ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မူပိုင်ခွင့်နှင့် မှတ်ပုံတင်ဌာနခွဲ(နေပြည်တော်)၊ ၀၆၇-၃၄၁၂၁၄၃၊ iprd.crd.npt @gmail.com၊ (ရန်ကုန်)၀၁-၅၄၄၅၈၂၊ ၀၁-၅၄၄၅၈၃၊ This email address is being protected from spambots. You need JavaScript enabled to view it. သို့ ၃၁-၁-၂၀၂၅ ရက်နေ့ အရောက် ဆက်သွယ်ဆောင်ရွက်နိုင်ကြောင်း
ပြန်ကြားရေးဝန်ကြီးဌာနက အသိပေးထုတ်ပြန်ထားသည်။

#YMG/SW #Yangon_Times

#World_Health
Published 29 January 2025

▪️ ပြုပြင်ထုတ်လုပ်ထားတဲ့ အသားကြီးတွေ စားသုံးခြင်းနဲ့ ဒီမန်ရှာ၊ ဦးနှောက်စွမ်းရည် ကျဆင်းခြင်းတို့ကြား ဆက်စပ်မှုရှိနေတာကို မကြာသေးမီက Neurology ဂျာနယ်မှာ လေ့လာဖော်ပြခဲ့ကြပါတယ်။

▪️ ပျမ်းမျှအသက် ၄၉ နှစ်ရှိတဲ့ လူပေါင်း ၁၃၃၇၇၁ ဦးထံမှ ကျန်းမာရေးအချက်အလက်များ ဆန်းစစ်ခဲ့ကြပါတယ်။

▪️ ဝက်ပေါင်ခြောက် ၂ ချပ်ခန့် ပမာဏကို နေ့စဉ်စားသုံးပါက ဒီမန်ရှာဖြစ်နိုင်ခြေ ပိုများနေတာ တွေ့ရပါတယ်။

▪️ အသားကြီးနေရာမှာ ငါး၊ အခွံမာသီး၊ ကြက်ဘဲတို့ဖြင့် အစားထိုးရင်တော့ ဒီမန်ရှာနဲ့ ဦးနှောက်စွမ်းရည်ကျဆင်းမှု ဖြစ်နိုင်ခြေ လျော့နည်းနိုင်တယ်လို့ ဟားဗတ်ဒ်ဆေးတက္ကသိုလ်မှ တွဲဖက်ပရော်ဖက်ဆာ ဒန်နီယယ်ဝမ်က ပြောပြပါတယ်။

▪️ အဆင့်ဆင့်ထုတ်လုပ်တဲ့ အသားကြီးတွေကို လက်တစ်ဖဝါးစာရဲ့ ၄ ပုံ ၁ ပုံခန့် နေ့စဉ်စားသုံးခြင်းဖြင့် ဦးနှောက်အိုမင်းခြင်း ၁.၆၁ နှစ်ပိုမြန်လာပြီး ဦးနှောက်စွမ်းဆောင်ရည် ကျဆင်းစေပါတယ်။

▪️ ငါးနဲ့အစားထိုးစားလိုက်ရင်တော့ ဒီမန်ရှာဖြစ်နိုင်ခြေ ၂၈ ရာခိုင်နှုန်း လျော့ကျသွားပြီး အခွံမာသီး၊ ပဲအမျိုးမျိုးတို့ဖြင့် အစားထိုးရင်တော့ ၂၀ ရာခိုင်နှုန်းခန့် လျော့ကျနိုင်ပါတယ်။

▪️ ဦးနှောက်စွမ်းရည် မြှင့်တင်ဖို့အတွက် အသားကြီးလျှော့စားပြီး အခြားပရိုတိန်းများ၊ အပင်အခြေပြုအစာများဖြင့် အစားထိုးသင့်တယ်လို့ ဒေါင်ဝမ်က ပြောထားပါတယ်။

▪️ အသားကြီးတွေနဲ့ အဆင့်ဆင့်ထုတ်လုပ် အသားတွေမှာပါတဲ့ ပြည့်ဝဆီများနဲ့ ဆားများက ဦးနှောက်ဆဲလ်တွေရဲ့ ကျန်းမာရေးကို ထိခိုက်စေကာ လုပ်ဆောင်ချက်များ ချို့ယွင်းစေတယ်လို့ သုတေသီများ ယူဆထားပါတယ်။

▪️ ဒီထက်ပိုမိုကွဲပြားတဲ့ လူတွေမှာတော့ သုတေသနတွေ ထပ်လုပ်ဖို့လိုသေးတယ်လို့ ဒေါက်တာဒေါင်ဝမ်က ဆိုပါတယ်။

▪️ ဒီရလဒ်တွေကနေ အစားအစာနဲ့ ဦးနှောက်ကျန်းမာရေးတို့ကြား ဆက်စပ်ပုံကို ပိုမိုသတိထားဆင်ခြင်နိုင်ဖို့ တွန်းအားဖြစ်လာစေမယ်လို့ မျှော်လင့်နေပါတယ်။

#Source: The Jerusalem Post

#World_Science
Published 29 January 2025

▪️ Ozempic နဲ့ Wegovy တို့လို ကိုယ်အလေးချိန်ချတဲ့ဆေးတွေက ကျန်းမာရေး တိုးတက်စေနိုင်မယ်လို့ လေ့လာချက်မှာ ဖော်ပြထားပေမယ့် ဒီဆေးတွေဟာ ဘေးထွက်အန္တရာယ်တွေတော့ ရှိနေနိုင်တယ်လို့ သုတေသီများ သတိပေးထားပါတယ်။

▪️ Ozempic ၊ Wegovy နဲ့ သာမန်ကုသမှုတွေ အသုံးပြုနေပြီး ဆီးချိုရောဂါရှိတဲ့ အမေရိကန်လူမျိုး ၂ သန်းထံမှ အချက်အလက်များ ဆန်းစစ်ခဲ့ကြပါတယ်။

▪️ ဒီဆေးတွေရဲ့ ကျန်းမာရေးအကျိုးကျေးဇူးတွေထဲမှာ..
- နှလုံးဖောက်နိုင်ခြေ၊ လေဖြတ်နိုင်ခြေ၊ နှလုံးရောဂါ၊ သွေးပေါင်ချိန်မြင့်မားခြင်းတို့ကို လျှော့ချပေးပါတယ်။

- ဒီမန်ရှာရောဂါ၊ စိတ်ကစဉ့်ကလျားဖြစ်ခြင်း၊ တက်ခြင်း၊ မူးယစ်ဆေးသုံးစွဲခြင်းတို့ လျော့ကျနိုင်ပါတယ်။

- အသည်းကင်ဆာ၊ ကျောက်ကပ်ရောဂါ၊ ဘက်တီးရီးယားရောဂါများ ဖြစ်နိုင်ခြေ လျော့နည်းပါတယ်။

▪️ ဒီဆေးတွေကို ၃ နှစ်ခွဲကြာအောင် အသုံးပြုပြီးနောက် အယ်လ်ဇိုင်းမားဖြစ်နိုင်ခြေ ၁၂ ရာခိုင်နှုန်းနည်းသွားတယ်လို့ လေ့လာချက်အရ သိရပါတယ်။

ဒါပေမဲ့ ဘေးထွက်ဆိုးကျိုးများအနေနဲ့..
- မူးဝေအော့အန်ခြင်း၊ ဗိုက်အောင့်ခြင်း၊ သွေးလွန်ခြင်းစတဲ့ အစာခြေပြဿနာများ

- အရိုးအဆစ်ကိုက်ခဲခြင်း

- ပန်ကရိယနဲ့ ကျောက်ကပ်တို့ ရောင်ရမ်းခြင်းတို့ ဖြစ်နိုင်ပါတယ်။

▪️ ဒီဆေးတွေမှာပါတဲ့ semaglutide က ဗိုက်ပြည့်တဲ့အခါ ဦးနှောက်ကို လှုံ့ဆော်ပြီး ဆာလောင်မှုကို ထိန်းချုပ်ပေးပါတယ်။

▪️ ပညာရှင်တွေကတော့ ဒီဆေးတွေကို မရှိမဖြစ် လိုအပ်မှသာ အကြံပြုထားပြီး အဝလွန်ပြဿနာ မရှိတဲ့သူတွေအတွက်တော့ ဘေးထွက်ဆိုးကျိုးက အကျိုးကျေးဇူးထက် ပိုများနေနိုင်တယ်လို့ ဆိုပါတယ်။

#Source: WION