၃၀ ဇန်နဝါရီ ၂၀၂၅

၃၀ ဇန်နဝါရီ China Media Group CMG ၏ တရုတ်နှစ်သစ်ကူး ညချမ်းပဒေသာဖျော်ဖြေပွဲကို ကမ္ဘာအနှံ့သို့ တိုက်ရိုက်ထုတ်လွှင့်ပြသတင်ဆက်ခဲ့ရာ ပထမပိုင်းကို CCTVမှ ပေးပို့လာသဖြင့်ဖော်ပြပေးအပ်ပါတယ်။

#Daily_News
Published 30 January 2025

၁။ ရုပ်ရှင်ထူးချွန်ဆုပေးပွဲ၌ UNESCO စာရင်းဝင် သင်္ကြန်ပွဲတော်ကို ဂုဏ်ပြုတင်ဆက်မည်

၂။ MSME ထုတ်ကုန်ပြပွဲနှင့် ပြိုင်ပွဲတွင် ဧရာဝတီတိုင်းကိုယ်စားပြုထုတ်ကုန်အမျိုးအစားများ ပါဝင်ပြသသွားမည်

၃။ နိုင်ငံတကာ မြင်းစီးအားကစားပြိုင်ပွဲ ကျင်းပမည်

၄။ အမေရိကန် AI နည်းပညာရပ်ဝန်းကို လှုပ်ခါလိုက်သည့် တရုတ် AI အက်ပ် DeepSeek ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပြည်တွင်းဆောက်လုပ်ရေးကဏ္ဍရဲ့ လိုအပ်ချက်ကိုဖြည့်ဆည်းနိုင်ဖို့အတွက် ဘိလပ်မြေတွေကို ပြည်ပကနေတင်သွင်းခွင့်ပြုထားတယ်လို့ သိရပါတယ်။
#Local_News
Published 30 January 2025
#ဘိလပ်မြေ #ပြည်ပမှတင်သွင်းခွင့်ပြု
#YMG/SW #Yangon_Times

ပြည်ထောင်စုတံခွန်စိုက်ဖလားမြန်မာ့ရိုးရာနဲ့  နိုင်ငံတကာမြင်းစီးအားကစားပြိုင်ပွဲကြီးကိုလာမယ့် လအတွင်းမှာကျင်းပသွားမယ်လို့ မြန်မာနိုင်ငံမြင်းစီးအားကစားအဖွဲ့ချုပ်က သိရပါတယ်။
#Local_News
Published 30 January 2025
#မြင်းစီးအားကစားပြိုင်ပွဲ #မြင်းစီးအားကစားအဖွဲ့ချုပ်
#YMG/NN #Yangon_Times

၂၀၂၄ ခုနှစ်မြန်မာ့ရုပ်ရှင် ထူးချွန်ဆုပေးပွဲအခမ်းအနားမှာ ကမ္ဘာဒြပ်မဲ့ယဉ်ကျေးမှုအမွေအနှစ်စာရင်းဝင်အဖြစ်အသိအမှတ်ပြုခံရတဲ့ မြန်မာ့ရိုးရာနှစ်သစ်ကူးသင်္ကြန်ပွဲတော်ကို ဂုဏ်ပြုထည့်သွင်းတင်ဆက်သွားမှာဖြစ်တယ်လို့ မြန်မာနိုင်ငံရုပ်ရှင်အစည်းအရုံးမှ သိရပါတယ်။
#Local_News
Published 30 January 2025
#UNESCOစာရင်းဝင် #ရုပ်ရှင်ထူးချွန်ဆုပေးပွဲ
#YMG/SW #Yangon_Times

နေပြည်တော်မှာ ပြုလုပ်မယ့်ပြည်ထောင်စုအဆင့် MSME ထုတ်ကုန်ပြပွဲနဲ့ပြိုင်ပွဲမှာ ဧရာဝတီတိုင်း ကိုယ်စားပြုထုတ်ကုန်အမျိုးအစားတွေ ပါဝင်ပြသသွားမယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနကနေ သိရပါတယ်။
#Local_News
Published 30 January 2025
#MSME #စီးပွားရေးနှင့်ကူးသန်းရောင်းဝယ်ရေး
#YMG/NN #Yangon_Times

#Local_News
Published 30 January 2025

▪️ ကချင်နှင့်စစ်ကိုင်းအထက်ပိုင်း၌ အချိန်အခါမဟုတ်မိုးရွာနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန၏ ယနေ့ ထုတ်ပြန်ချက်အရ သိရသည်။

▪️ ဘင်္ဂလားပင်လယ်အော်အနောက်တောင်ပိုင်းတွင် တိမ်အသင့်အတင့် ဖြစ်ထွန်း နေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အနည်းငယ် ဖြစ်ထွန်းနေကြောင်း ယနေ့ညနေအထိခန့်မှန်းချက်အရ  စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်တို့တွင် နေရာကွက်ကျား မိုးအနည်းငယ်ရွာနိုင်ကာ ရွာရန်ရာနှုန်း ၆၀ ဖြစ်ကြောင်း သိရသည်။

▪️ ထို့အပြင် မကွေးတိုင်းဒေသကြီး၊ စစ်ကိုင်းတိုင်းဒေသကြီး အောက်ပိုင်း၊ ချင်းပြည်နယ်နှင့် ရခိုင်ပြည်နယ်တို့တွင် အများအားဖြင့် သာယာပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်း သိရသည်။

▪️ နောက်(၂)ရက်အတွက်ခန့်မှန်းချက်အရ စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်တို့တွင် နေရာကွက်ကျား မိုးအနည်းငယ်ရွာနိုင်ကြောင်း သိရသည်။

#YMG/NN #Yangon_Times

#Local_News
Published 30 January 2025

▪️ ချစ်သူများနေ့ အထိမ်းအမှတ်"Valentine Bazaar" ဈေးရောင်းပွဲတော်ကို ဒဂုန်စင်တာမှ  ကြီးမှူး၍ သုံးရက်တိုင်တိုင်ကျင်းပသွားမည်ဖြစ်ကြောင်း သိရသည်။

▪️ ထိုသို့ကျင်းပရာတွင်ဖေဖော်ဝါရီလ ၁၃ ရက်နေ့မှ ၁၅ ရက်နေ့အထိ  မြေနီကုန်းလမ်းဆုံ Dagon Centre ရှိ Outdoor Area ၌  ကျင်းပသွားမည်ဖြစ်ကာ ဆိုင်ခန်းပေါင်း၅၀ကျော်ပါဝင်မည်ဖြစ်ကြောင်း သိရသည်။

▪️ အဆိုပါ ဈေးအရောင်းပွဲတော်တွင် ကုန်ပစ္စည်း ၊ ဝန်ဆောင်မှု နှင့်  စားသောက်ကုန်များကို ပါဝင်ရောင်းချ ပေးသွားမည်ဖြစ်ပြီး ရောင်းချလိုသော လုပ်ငန်းရှင်များအား  ဖိတ်ခေါ်ထား  ကြောင်းသိရသည်။

#YMG/NN #Yangon_Times

#Local_News
Published 30 January 2025

▪️ ဂျပန်မြေမှ တစ္ဆေများအမည်ရှိ ကမ္ဘာလှည့်ဂျပန်အနုပညာပြပွဲကို ဂျပန်ဖောင်ဒေးရှင်း၊ရန်ကုန်တွင် ဖေဖော်ဝါရီ ၁ ရက်၌ စတင်ပြသမည်ဖြစ်ကြောင်း သိရသည်။

▪️ “အခုပြပွဲမှာ ဂျပန်နိုင်ငံရဲ့ Yokaiလို့ခေါ်တဲ့ စိတ်ကူးယဉ် တစ္ဆေသရဲတွေအကြောင်း ယဉ်ကျေးမှုကို စာရွက်ပေလွှာတွေ ၊ နိရှိကိအဲ ရောင်စုံသစ်ထွင်းပန်းချီတွေကတဆင့် အရုပ်တွေ၊ရုပ်ရှင်တွေဖြစ်လာတဲ့ထိ ယနေ့ခေတ်ထိလက်ဆင့်ကမ်းသယ်ဆောင်လာပုံကို စုံလင်စွာ မိတ်ဆက်ထားပါတယ်။ ဂျပန်Yokaiတွေဟာ ပုံဝတ္ထုများစွာထဲမှာ သဘာဝလွန်စွမ်းအားတွေ ပိုင်ဆိုင်တဲ့ ဇာတ်ကောင်များအဖြစ် ပါဝင်ခဲ့ကြပြီး နားဆင်သူတွေကို အံ့သြထိတ်လန့်အောင် စွမ်းဆောင်ခဲ့ကြပါတယ် “ဟု ဂျပန်ဖောင်ဒေးရှင်း၊ ရန်ကုန်မှ တာဝန်ရှိသူတစ်ဦးကပြောသည်။

▪️ အဆိုပါပြပွဲကို ဝင်ကြေးအခမဲ့ဖြင့်ဖေဖော်ဝါရီ ၁ ရက်မှ မတ်လ ၁ ရက်ထိ (တနင်္ဂနွေ၊ တနင်္လာနှင့် အများပြည်သူပိတ်ရက်များ မဖွင့်ပါ) နေ့စဉ်မနက် ၉နာရီခွဲမှညနေ၃နာရီခွဲထိ ပြသသွားမည်ဖြစ်ကြောင်း၊ ဖွင့်ပွဲနေ့တွင် ဂျပန်နိုင်ငံ၊ဟီရိုရှီးမားခရိုင်ရှိ မီယိုရှိမိုနိုနိုခဲပြတိုက်မှခိခါဝနာအိုကို-စံကဂျပန်တစ္ဆေသရဲယဉ်ကျေးမှုကို အထူးအွန်လိုင်းပို့ချမှုအနေဖြင့် ပြောကြားပေးသွားမည်ဖြစ်ကြောင်း သိရသည်။

#YMG/SW #Yangon_Times

#World_News
Published 30 January 2025

▪️ ၂၀၂၁ ဇန်နဝါရီ ၆ ရက်နေ့ အမေရိကန်ကပ်ပီတိုလ် တိုက်ခိုက်ခံရခြင်းဖြစ်စဉ်နောက်ပိုင်း Metaက သမ္မတဒေါ်နယ်ထရမ့်ရဲ့ အကောင့်တွေကို ပိတ်ပင်ခဲ့တဲ့အတွက် ထရမ့်ကနေ တရားစွဲဆိုခဲ့ခြင်းအပေါ် ကျေအေးပေးဖို့ Metaကုမ္ပဏီက ဒေါ်လာ ၂၅ သန်းပေးဆောင်ရန် သဘောတူညီလိုက်ကြောင်း ဗုဒ္ဓဟူးနေ့က ဆိုပါတယ်။

▪️ ထရမ့်ဟာ ၂၀၂၁ ဇူလိုင်လမှာ ယခု Xလို့အမည်ပြောင်းထားတဲ့ တွစ်တာ၊ ဖေ့စ်ဘွတ်ခ်၊ အယ်လ်ဖာဘက်ရဲ့ ဂူဂဲလ်ကုမ္ပဏီတို့အပြင် ယင်းတို့ရဲ့ အမှုဆောင်ချုပ်တို့ကိုပါ တရားစွဲဆိုခဲ့တာဖြစ်ပြီး ကွန်ဆာဗေးတစ်အမြင်တွေကို ဥပဒေမဲ့နှုတ်ပိတ်နေကြတယ်လို့ စွပ်စွဲခဲ့ပါတယ်။

▪️ ထိုစဉ်က ရွေးကောက်ပွဲမှာ ရှုံးနိမ့်ခဲ့တဲ့ထရမ့်က လိမ်လည်လှည့်ဖျားခံရတာ ဖြစ်တယ်လို့ ထပ်ခါထပ်ခါ ပြောဆိုခဲ့ပြီး အမေရိကန်ကပ်ပီတိုလ် လွှတ်တော်အဆောက်အအုံကို ထရမ့်ထောက်ခံသူများ တိုက်ခိုက်ခဲ့ကြပြီးနောက် ထရမ့်ရဲ့ ဖေ့စ်ဘွတ်ခ်နဲ့ အင်စတာဂရမ်အကောင့်တွေ ပိတ်ခံခဲ့ရပါတယ်။

▪️ ကျေအေးငွေထဲက ဒေါ်လာ ၂၂ သန်းဟာ သမ္မတစာရွက်စာတမ်းထိန်းသိမ်းရေး အဆောက်အအုံအတွက် ရန်ပုံငွေဖြစ်လာမှာဖြစ်ပြီး ကျန်တဲ့ပမာဏကတော့ တရားရုံးစရိတ်နဲ့ အမှုထဲက အခြားတရားလိုများအတွက် ဖြစ်ပါတယ်။

▪️ ဖေ့စ်ဘွတ်ခ်မူရင်းကုမ္ပဏီ Metaက ကျေအေးမှုနဲ့ပတ်သက်တဲ့ အသိပေးအကြောင်းကြားစာကို ဆန်ဖရန်ဆစ္စကိုရှိ ဖက်ဒရယ်တရားရုံးတစ်ခုမှာ တင်ပြခဲ့ပါတယ်။

▪️ နိုဝင်ဘာလက Meta စီအီးအို မာ့ခ်ဇူကာဘက်ခ် ထရမ့်ရဲ့ညစာစားပွဲကို တက်ရောက်ခဲ့ပြီးနောက် တရားစွဲဆိုမှုအကြောင်း ဆွေးနွေးမှုတွေ ပြန်လည်စတင်ခဲ့တာ ဖြစ်တယ်လို့ ဝေါလ်စထရိဂျာနယ်မှာ ဖော်ပြထားပါတယ်။

▪️ Metaကုမ္ပဏီက ယင်းတို့စီအီးအိုကို ခြိမ်းခြောက်ဖို့လုပ်နေတဲ့ သမ္မတနဲ့ ဆက်ဆံရေး ပြုပြင်ပြောင်းလဲရန် ကြိုးပမ်းနေတာ ဖြစ်ပါတယ်။

▪️ ဒီဇင်ဘာလက Metaဟာ ထရမ့်ကျမ်းသစ္စာဆိုပွဲရန်ပုံငွေအတွက် ဒေါ်လာ ၁ သန်းထည့်ဝင်ဖို့ ကြေညာခဲ့ပါသေးတယ်။

▪️ Meta က ထင်ရှားတဲ့ ရီပတ်ဘလစ်ကန် ဂျိုးလ်ကပ်ပလန်ကို ကမ္ဘာ့ရေးရာ အရာရှိချုပ်အဖြစ် ခန့်အပ်လိုက်ပြီး UFCစီအီးအိုနဲ့ ထရမ့်မိတ်ဆွေဖြစ်သူ ဒါနာဝှိုက်ကို ဘုတ်အဖွဲ့ထံ ခေါ်ယူလိုက်ပါတယ်။

#Source: Reuters

#Local_News
Published 30 January 2025

▪️ CMP စနစ် အထည်ချုပ်လုပ်ငန်းအပါအဝင် ရင်းနှီးမြှုပ်နှံမှုလုပ်ငန်း(၃)ခုကို ရန်ကုန်တိုင်း‌ဒေသကြီး၌ ရင်းနှီးမြုပ်နှုံခွင့်ပြုခဲ့ကြောင်း သိရသည်။

▪️ ဟိုတယ်ဝန်ဆောင်မှုလုပ်ငန်း၊ အဆင်သင့်ဖျော်စပ်ပြီးသော ကွန်ကရစ်များရောင်းချသည့် ဝန်ဆောင်မှုပေးခြင်းလုပ်ငန်းနှင့် CMP စနစ်ဖြင့် အဝတ်အထည်အမျိုးမျိုးချုပ်လုပ်ခြင်းလုပ်ငန်းတို့ကိုဇန်နဝါရီ ၂၈ ရက်ကကျင်းပသည့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ၏(၁/၂၀၂၅)ကြိမ်မြောက် အစည်းအဝေးမှ ခွင့်ပြုပေးခဲ့ခြင်းဖြစ်‌ကြောင်း သိရသည်။

▪️ အဆိုပါ လုပ်ငန်းသုံးခုမှာ ရာနှုန်းပြည့်မြန်မာနိုင်ငံသားရင်းနှီးမြှုပ်နှံမှုလုပ်ငန်း(၁)ခုနှင့် နိုင်ငံခြားရင်းနှီးမြှုပ်နှံမှုလုပ်ငန်း(၂) ခုတို့ဖြစ်ပြီးမတည်ငွေရင်းပမာဏမှာ ငွေကျပ်သန်း၈၀၀( အမေရိကန်ဒေါ်လာ၅ ဒဿမ ၉၃၁)သန်းဖြစ်ကာ အလုပ်အကိုင်အခွင့်အလမ်း ၁၀၁၆ ခုကို ဖန်တီးပေးနိုင်မည်ဖြစ်‌ကြောင်း သိရသည်။

#YMG/SW #Yangon_Times

#World_Health
Published 30 January 2025

▪️ မျက်လုံးစမ်းသပ်မှုလေးတစ်ခု ပြုလုပ်ရုံဖြင့် ဒီမန်ရှာရောဂါ ဖြစ်နိုင်ခြေကို ခန့်မှန်းနိုင်မယ့် ဒီဂျစ်တယ်ပစ္စည်းတစ်မျိုးကို စကော့တလန် သိပ္ပံပညာရှင်များ ထုတ်လုပ်နေကြပါတယ်။

▪️ စကော့တလန် မျက်စိဆရာဝန်များထံမှ မျက်လုံးစကင်ပေါင်းတစ်သန်းကို ရယူကာ အကြီးမားဆုံး အချက်အလက်စုစည်းမှုကြီး ပြုလုပ်ခဲ့ကြပါတယ်။

▪️ ဦးနှောက်ကျန်းမာရေးကို ညွှန်ပြနိုင်တဲ့ မြင်လွှာအစိတ်အပိုင်း ပုံရိပ်တွေကို ဆန်းစစ်ဖို့ AIနဲ့ မှတ်သားသင်ယူနိုင်တဲ့ စက်ကိရိယာတို့ အသုံးပြုကြပါတယ်။

▪️ AI က အချက်အလက်တွေကို ဆန်းစစ်ပေးတာကြောင့် သိပ္ပံပညာရှင်တွေက ဒီမန်ရှာရောဂါကို လက္ခဏာမပေါ်ခင်တည်းက တွေ့ရှိနိုင်မှာ ဖြစ်ပါတယ်။

▪️ ဒီမန်ရှာရောဂါ ဖြစ်တဲ့အခါ လူတစ်ယောက်ရဲ့ မှတ်ဉာဏ်၊ တွေးတောမှု၊ အပြုအမူ၊ စိတ်နဲ့ခန္ဓာထိန်းချုပ်မှုတို့ကို သက်ရောက်လာပါတယ်။

▪️ နေ့စဉ်ဘဝလှုပ်ရှားမှုကိုတောင် ပြုလုပ်ရန်ခက်ခဲလာပြီး အဖြစ်အများဆုံး ဒီမန်ရှာရောဂါတစ်မျိုးက အယ်လ်ဇိုင်းမား ဖြစ်ပါတယ်။

▪️ အာရုံကြောချို့ယွင်းရောဂါတွေကို ညွှန်ပြနေတဲ့ မျက်လုံးထဲမှ သွေးကြောများ အခြေအနေကို ဆန်းစစ်နိုင်မယ့် အယ်လ်ဂိုရစ်သမ်ကို အီဒင်ဘာ့ဂ်တက္ကသိုလ်ဦးဆောင်တဲ့ NeurEYE သုတေသနအဖွဲ့နဲ့အတူ ဂလက်စ်ဂိုကယ်လေဒိုနီယန်တက္ကသိုလ်မှ သုတေသီများ ဖော်ထုတ်နေကြပါတယ်။

▪️ AI အဆင့်မြင့်လာတဲ့အခါ ရောဂါတွေကို ခန့်မှန်းလာနိုင်ပြီး ဒီမန်ရှာလိုရောဂါမျိုးကို စောစီးစွာ တွေ့ရှိနိုင်မှာဖြစ်တယ်လို့ ပရော်ဖက်ဆာ မီဂွယ်ဘာနေဗျူးက ဆိုပါတယ်။

▪️ "မျက်လုံးက ထင်ထားတာထက် ပိုပြီးဖော်ပြနိုင်ပါတယ်။ မြင်လွှာဟာ အချက်အလက်များစွာ ပိုင်ဆိုင်ထားပြီး ဦးနှောက်ကျန်းမာရေး အတိုင်းအတာတစ်ခုလို ဖြစ်ပါတယ်" လို့ အီဒင်ဘာ့ဂ်တက္ကသိုလ်မှ ပရော်ဖက်ဆာ ဘယ်ဂျင်းဒီလွန်က ပြောသွားပါတယ်။

▪️ မြင်လွှာပုံရိပ်တစ်ပုံဖြင့် အသုံးချပြီး ဦးနှောက်မှာ ပြောင်းလဲသွားနိုင်ခြေကို ခန့်မှန်းနိုင်မယ်လို့ ဆိုပါတယ်။

#Source: India Today