#Local_News
Published 30 August 2024

▪️ အိမ်သုံးမီတာခများနှင့် လုပ်ငန်းသုံးမီတာခများကို စက်တင်ဘာလ (၁)ရက်နေ့မှစတင်ပြီး တိုးမြှင့်ကောက်ခံ သွားမည်ဖြစ်ကြောင်းလျှပ်စစ်စွမ်းအားဝန်ကြီးဌာနမှ ဒီကနေ့သြဂုတ်လ(၃၀)ရက်တွင် တရားဝင်ထုတ်ပြန် လိုက်ကြောင်းသိရသည်။

▪️ ယခုလိုလျှပ်စစ်မီတာခများတိုးမြှင့်ကောက်ခံရသည်မှာ လျှပ်စစ်ဓာတ်အား ထုတ်လုပ်မှုစရိတ်များ နှစ်အလိုက် မြင့်မားလာသောကြောင့် ဓာတ်အားခနှုန်းထားများကို တိုးမြှင့်ကောက်ခံတာဖြစ်ကြောင်း ထုတ်ပြန်ချက်၌ ဖော်ပြပါရှိသည်။

▪️ အိမ်သုံးအမျိုးအစားလျှပ်စစ်မီတာခအတွက် ဓာတ်အားခကို (၁) ယူနစ်မှ (၅၀) ယူနစ်အထိ ၅၀ ကျပ်၊ (၅၁) ယူနစ်မှ (၁၀၀) ယူနစ်အထိ ၁၀၀ ကျပ်၊ (၁၀၁) ယူနစ်မှ (၂၀၀) ယူနစ်အထိ ၁၅၀ ကျပ်၊ (၂၀၁) ယူနစ်နဲ့အထက် ၃၀၀ ကျပ် တိုးမြှင့်ကောက်ခံသွားမည်ဖြစ်သည်။

▪️ အရင်က အိမ်သုံးလျှပ်စစ်မီတာခတွေဟာ (၁) ယူနစ်မှ (၅၀) ယူနစ်အထိ ၃၅ ကျပ်၊(၃၁)ယူနစ်မှ(၅၀) ယူနစ်အထိ ၅၀ ကျပ်၊(၅၁)ယူနစ်မှ(၇၅)ယူနစ်အထိ ၇၀ ကျပ်၊(၇၆)ယူနစ်မှ(၁၀၀)ယူနစ်အထိ ၉၀ ကျပ်၊ (၁၀၁) ယူစနစ်မှ (၁၅၀)ယူနစ်အထိ ၁၁၀ ကျပ်၊(၁၅၁)ယူနစ်မှ(၂၀၀)ယူနစ်အထိ ၁၂၀ ကျပ်၊ (၂၀၁) ယူနစ်နဲ့အထက် ၁၂၅ ကျပ်သာ ကောက်ခံခဲ့သည့်အတွက် အခုဆိုရင်အိမ်သုံးလျှပ်စစ်မီတာခဟာ နှစ်ဆနီးပါးတိုးမြှင့်သွားမည်ဟုဆိုသည်။

▪️ ယင်းအပြင် လုပ်ငန်းသုံးအမျိုးအစားအတွက် တိုးမြှင့်ကောက်ခံသည့် လျှပ်စစ်မီတာခမှာ (၁)ယူနစ်မှ (၅၀၀၀) ယူနစ်အထိ ၂၅၀ ကျပ်၊ (၅၀၀၁)ယူနစ်မှ (၂၀၀၀၀)ယူနစ်အထိ ၄၀၀ ကျပ်၊ (၂၀၀၀၁) ယူနစ်နဲ့အထက် ၅၀၀ ကျပ် တိုးမြှင့်ကောက်ခံမည်ဖြစ်သည်။

▪️ အရင်ကောက်ခံခဲ့သည့် လုပ်ငန်းမီတာခများအဖြစ် (၁)ယူနစ် မှ(၅၀၀)ယူနစ်အထိ ၁၂၅ ကျပ် အနည်းဆုံးမှ (၁၀၀၀၀၁) ယူနစ်နှင့်အထက်ကို တစ်ယူနစ်လျှင် ၁၈၀ ကျပ်ဖြင့်သာ အများဆုံးကောက်ခံခဲ့ခြင်းဖြစ်၍ အိမ်သုံးလျှပ်စစ် မီတာခတွေက (၂)ဆနီးပါး၊ လုပ်ငန်းသုံးမီတာခများမှာမူ (၃)ဆနီးပါး တိုးမြှင့်ကောက်ခံသွားမည်ဖြစ်ကြောင်း သိရသည်။

#YMG/tthl #Yangon_Times

#World_Health
Published 30 August 2024

▪️ ရှေးဟောင်းစာအုပ်တွေမှာ အဆိပ်သင့်ပစ္စည်းတွေ ပါဝင်နေတယ်လို့ သိပ္ပံပညာရှင်များ သတိပေးလိုက်ပါတယ်။

▪️ သက်တမ်းနှစ် ၁၀၀ ကျော်ရှိတဲ့ စာအုပ်ဟောင်းတွေမှာ အဆိပ်ရှိဆိုးဆေးတွေ တွေ့ရှိခဲ့ကြပါတယ်။

▪️ သူတို့မှာပါဝင်တဲ့ ခဲနဲ့ ခရိုမီယမ်က လက်ခံနိုင်တဲ့ တရားဝင်ပမာဏထက် ၆ ဆလောက် ပိုများနေတယ်လို့ သုတေသနအသစ်မှာ တွေ့ရှိထားပါတယ်။

▪️ ထိုကဲ့သို့စာအုပ်တွေကို ကိုင်တွယ်ရာမှာ အထူးဂရုစိုက်ကြဖို့ တိုက်တွန်းနေကြပါတယ်။

▪️ စာအုပ်တွေမှ စာလုံးထူထူတွေမှာ အသုံးပြုထားတဲ့ ဆိုးဆေးတွေမှာ စာဖတ်သူများ၊ စာအုပ်စုဆောင်းသူများ၊ စာကြည့်တိုက်မှူးများကို ကျန်းမာရေး ဆိုးဆိုးရွားရွား ထိခိုက်စေတယ်လို့ ဆိုပါတယ်။

▪️ ခဲထိတွေ့မှုများပါက ဦးနှောက်နဲ့ အာရုံကြောစနစ်ကို ထိခိုက်စေကာ ကိုမာဝင်ခြင်းနဲ့ အသက်သေဆုံးခြင်းတို့ပင် ဖြစ်စေနိုင်ပါတယ်။

▪️ စာကြည့်တိုက်မှ အချို့စာအုပ်တွေကို ဖယ်ရှားထားပြီးဖြစ်သလို မစမ်းသပ်ရသေးတဲ့ ၁၉ ရာစုနှစ်လောက်က စာအုပ်တွေကိုတော့ ပလတ်စတစ်ဇစ်အိတ်ဖြင့် ထုတ်ပိုးသိမ်းဆည်းထားပါတယ်။

▪️ ဒီလိုစာအုပ်တွေဟာ တက္ကသိုလ်တွေ၊ အများသုံးစာကြည့်တိုက်တွေ၊ ပုဂ္ဂလိက စုဆောင်းသူတွေမှာ ရှိနေကြပါတယ်။

▪️ စာအုပ်တွေကို ဘေးကင်းစိတ်ချစွာ ထိတွေ့ကိုင်တွယ် သိမ်းဆည်းဖို့ကို နည်းလမ်းရှာနေကြပါတယ်။

▪️ နမူနာစာအုပ်တွေယူပြီး စစ်ဆေးခဲ့ကြရာမှာ ခဲပါဝင်မှုက CDC မှသတ်မှတ်ထားတဲ့ ပမာဏထက် ၂ ဆကျော်ပိုများနေပြီး ခရိုမီယမ်ပါဝင်မှုကတော့ ၆ ဆကျော် ပိုများနေပါတယ်။

▪️ ခဲနဲ့ ခရိုမီယမ်ကို ကြာမြင့်စွာ ထိတွေ့ရှူသွင်းမိပါက ကင်ဆာ၊ အဆုတ်ပျက်စီးခြင်း၊ မျိုးပွားပြဿနာများ အပါအဝင် ကျန်းမာရေးပြဿနာများ ဖြစ်လာနိုင်ပါတယ်။

#Source: Metro

#World_Health
Published 30 August 2024

▪️ ယောက်ျားလေးတွေဟာ ချစ်တင်းနှောဖို့ကိစ္စတစ်ခုခု ပေါ်လာတဲ့အခါ အရေးပေါ်အသုံးပြုနိုင်ရန် ကွန်ဒုံးတစ်ခု ဆောင်ထားတတ်ကြပါတယ်။

▪️ ဒါပေမဲ့ ချစ်တင်းနှောရာမှာ ကြာတတ်တဲ့သူတွေကတော့ ကွန်ဒုံးတစ်ခုထက်မက လိုအပ်လာနိုင်ပါတယ်။

▪️ ကွန်ဒုံးရဲ့ထိရောက်မှု လျော့ကျမသွားစေရန် ပုံမှန်လေး လဲလှယ်အသုံးပြုသင့်တယ်လို့ ကျွမ်းကျင်သူများက ဆိုပါတယ်။

▪️ ချစ်တင်းနှောစဉ် ကြာရှည်စွာ ပွတ်တိုက်ခြင်းကြောင့် အလွန်ပါးလွှာတဲ့ ကွန်ဒုံးမှာလည်း ထိခိုက်ပျက်စီးမှု ဖြစ်လာနိုင်ကာ မိနစ် ၃၀ ကြာတိုင်း တစ်ခုလဲလှယ်သင့်တယ်လို့ ဒေါက်တာ နီးလ်ပေတယ်လ်က ပြောပါတယ်။

▪️ ဒါဟာ တရားသေ လိုက်နာရမှာမျိုး မဟုတ်ပေမယ့် ဘယ်လောက်အထိ ကြမ်းတမ်းစွာ ဆက်ဆံလဲဆိုတဲ့အပေါ် မူတည်တယ်လို့ ပြောပါတယ်။

▪️ အမျိုးသားများအနေဖြင့် ယောနိ၊ ပါးစပ်၊ စအိုတို့မှာ ဆက်ဆံမှုမပြုခင် ကွန်ဒုံးအသုံးပြုသင့်ပြီး နေရာတစ်မျိုးကနေ နောက်တစ်မျိုး ပြောင်းလဲမယ်ဆိုရင်လည်း ဘက်တီးရီးယားတွေ ရောဂါပိုးမွှားတွေ မကူးစက်အောင် ကွန်ဒုံးလဲလှယ်သင့်တယ်လို့ အကြံပေးသွားပါတယ်။

▪️ ဒါ့အပြင် ကွန်ဒုံးတပ်ထားစဉ် မထောင်မတ်တော့ဘဲ နောက်တစ်ခါ ပြန်မတ်လာတဲ့အခါ ဆက်ဆံမယ်ဆိုရင်လည်း ကွန်ဒုံးလဲလှယ်သင့်တယ်လို့ Happy V မှ သူနာပြု လျာနာဘိုင်ရှုလီက ပြောပါတယ်။

▪️ ကာကွယ်မှုအပြည့် ရနေဖို့အတွက် ချစ်တင်းနှောတဲ့ အခါတိုင်း ကွန်ဒုံးအသစ်အသုံးပြုရပါမယ်။
ကွန်ဒုံးအသုံးပြုခြင်းဟာ ကိုယ်ဝန်မရအောင် ၉၈ ရာခိုင်နှုန်းအထိ ကာကွယ်နိုင်သလို လိင်မှတဆင့် ကူးစက်တဲ့ရောဂါများကိုလည်း ကာကွယ်ပေးပါတယ်။

▪️ ကွန်ဒုံးတွေကများသောအားဖြင့် သက်တမ်းကုန်ဆုံးရက် ကြာမြင့်ကြပေမယ့် ရေးထားတဲ့ရက်စွဲထက် ကျော်လွန်သွားရင် အသုံးမပြုသင့်တော့ပါဘူး။

#Source: New York Post

ယူကရိန်းနယ်စပ်ရှိ ရုရှားမြို့ရှိ နျူကလီးယားဓာတ်အားပေးစက်ရုံ တိုက်ခိုက်ခံရပါက နောက်ဆက်တွဲအန္တရာယ်များရှိလာနိုင်

ရုရှား-ယူကရိန်းပဋိပက္ခ မြင့်တက်နေချိန်မှာ ခါ့စ်ဒေသမှ နျူကလီးယား ဓာတ်အားပေးစက်ရုံ တိုက်ခိုက်ခံရပါက နောက်ဆက်တွဲ အန္တရာယ်များ ဖြစ်လာနိုင်တယ်လို ရုရှားမြို ခါချာတော့ဗ်မှ မြိုတော်ဝန်က သတိပေးလိုက်ပါတယ်။
#World_News
Published 29 August 2024
#နျူကလီးယားဓာတ်အားပေးစက်ရုံ #နောက်ဆက်တွဲအန္တရာယ်များရှိလာနိုင်
#YMG #Yangon_Times #Yangon_Media_Group

#Daily_News
Published 29 August 2024

၁။ ရွှေစည်းခုံစေတီရင်ပြင်ရှိ အင်္ဂတေလွှာအချို့ဖယ်ရှားပြီး မူလသဲကျောက်ပြားလက်ရာများကိုဖော်ထုတ်ပြသနေ

၂။ အိန္ဒိယနိုင်ငံတွင်ပြုလုပ်မည့် မြင်းစီးတန်းခုန်ပြိုင်ပွဲ၌  မြန်မာနိုင်ငံကိုယ်စားပြု အားကစားသမား ဝင်ရောက်ယှဉ်ပြိုင်မည်

၃။ ပြည်ပတက္ကသိုလ်များတွင် Scholar ရလိုသူများနှင့် ပညာသွားသင်လိုသူများအတွက် နိုင်ငံတကာပညာရေးပြပွဲကျင်းပမည်

၄။ ယူကရိန်းနယ်စပ်ရှိ ရုရှားမြို့ရှိနျူကလီးယားဓာတ်အားပေးစက်ရုံတိုက်ခိုက်ခံရပါက နောက်ဆက်တွဲအန္တရာယ်များရှိလာနိုင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပတ်စ်ပို့ကြေး(နိုင်ငံကူးလက်မှတ်စာအုပ်) စက်တင်ဘာ(၁)ရက်မှစပြီး အရင်ကျပ်(၃၅၀၀၀)မှ
အခုကျပ်(၄၀၀၀၀)ပြောင်းလဲကောက်ခံဖို့ရှိတယ်လို့ ထုတ်ပြန်ထားပါတယ်။
#Local_News
Published 29 August 2024
#ပတ်စ်ပို့ကြေး #ပြောင်းလဲကောက်ခံ
#YMG/tthl #Yangon_Times

ပဲခူးမြို့နယ်၊ ဘုရားကြီးမြို့အနီးမှာ တည်ရှိတဲ့ ဝင်္ဂဘော် ECBTဆင်စခန်းမှာ မြန်မာနိုင်ငံရဲ့  ၁၁ကြိမ်မြောက်ဆင်အမွှာ မွေးဖွားမှုဖြစ်တဲ့ ဆင်အမွှာလေးနှစ်ကောင်ကို အခုရက်ပိုင်းအတွင်းမွေးဖွားခဲ့တယ်လို့ ဆင်စခန်းက သိရပါတယ်။
#Local_News
Published 29 August 2024
#ဆင်အမွှာလေးနှစ်ကောင်  #ဝင်္ဂဘော်ဆင်စခန်း၌မွေးဖွား
#YMG/NN #Yangon_Times

အမေရိကန်၊ UK၊ ဂျပန်၊ အာရှတက္ကသိုလ်တွေမှာ ပညာသင်ဆုနဲ့ ပညာသင်ကြားခွင့်ရလိုသူများအတွက် နိုင်ငံတကာပညာရေးပြပွဲကြီး ကျင်းပဖို့ရှိတယ်လို့ သိရပါတယ်။
#Local_News
Published 29 August 2024
#နိုင်ငံတကာပညာရေးပြပွဲ #ပြည်ပတက္ကသိုလ်
#YMG/tthl #Yangon_Times

#Local_News
Published 29 August 2024

▪️ ရန်ကုန်-ပြည်လမ်းတွင် YBS ယာဉ်နှင့် ကုန်တင်ယာဉ်တိုက်မှုတစ်ခု ယနေ့မနက်ပိုင်းကဖြစ်ပွားခဲ့ရာ YBS ယာဉ်မောင်းညပ်နေသည့်အတွက် ကယ်ဆယ်ရေးလုပ်ငန်းများ ပြုလုပ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ်၂၉ရက် မနက်၉နာရီ ၄၆မိနစ် အချိန်ခန့်က ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ရဲစုတောင်ရပ်ကွက်၊ ရန်ကုန်-ပြည်လမ်းတွင် YBS ယာဉ်နှင့် ကုန်တင်ယာဉ်တိုက်မှုဖြစ်ပွားပြီး YBS ယာဉ်မောင်းညပ်နေခဲ့ကြောင်း သိရသည်။

▪️ အဆိုပါ သတင်းရရှိသဖြင့် မင်္ဂလာဒုံမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့‌ကြောင်း၊ ယင်းဖြစ်စဉ်ကြောင့် ညပ်နေသူ YBS ယာဉ်မောင်း ထိခိုက်ဒဏ်ရာ(မစိုးရိမ်ရ)အား မနက် ၁၀နာရီ ၃၄ မိနစ်အချိန်တွင် ကယ်ထုတ်နိုင်ခဲ့ပြီး ကြက်ခြေနီအသင်းမှသူနာတင်ယာဉ်ဖြင့် လှည်းကူးမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/NN #Yangon_Times

လာမယ့်အောက်တိုဘာလအတွင်းအိန္ဒိယနိုင်ငံမှာ ပြုလုပ်မယ့် မြင်းစီးတန်းခုန်ပြိုင်ပွဲ၌  မြန်မာနိုင်ငံကိုယ်စားပြု အားကစားသမားဝင်ရောက်ယှဉ်ပြိုင်သွားမယ်လို့ မြန်မာနိုင်ငံ မြင်းစီးအားကစားအဖွဲ့ချုပ်က သိရပါတယ်။
#Local_News
Published 29 August 2024
#မြင်းစီးတန်းခုန်ပြိုင်ပွဲ #မြန်မာနိုင်ငံကိုယ်စားပြု
#YMG/NN #Yangon_Times

ပုဂံရွှေစည်းခုံစေတီရင်ပြင်မှာရှိတဲ့ အင်္ဂတေလွှာအချို့ကိုဖယ်ရှားပြီး မူလသဲကျောက်ပြားလက်ရာတွေကို ဖော်ထုတ်ထိန်းသိမ်းနေတယ်လို့ ပုဂံရှေးဟောင်းသုတေသနနှင့်အမျိုးသားပြတိုက်ဦးစီးဌာနမှ သိရပါတယ်။
#Local_News
Published 29 August 2024
#အင်္ဂတေလွှာအချို့ဖယ်ရှား #မူလသဲကျောက်ပြားလက်ရာ
#YMG/tthl #Yangon_Times

#World_Politics
Published 29 August 2024

▪️ အင်ဒိုနီးရှားနိုင်ငံမှ အဂတိလိုက်စားမှု တိုက်ဖျက်ရေးအေဂျင်စီအဖွဲ့က သမ္မတ ဂျိုကိုဂျိုကိုဝီဝီဒိုဒိုရဲ့ အငယ်ဆုံးသား မကြာသေးမီက သီးသန့်လေယာဉ်ဖြင့် နိုင်ငံခြားခရီးစဉ် သွားခဲ့ခြင်းနဲ့ ခရီးစဉ်အတွက် ကုန်ကျစရိတ်ထုတ်ပေးသူနဲ့ ပတ်သက်ပြီး ရှင်းရှင်းလင်းလင်း သိရှိရန် မေးမြန်းသွားမယ်လို့ လက်ထောက် အကြီးအကဲက ဗုဒ္ဓဟူးနေ့မှာ ပြောကြားလိုက်ပါတယ်။

▪️ နိုင်ငံအနှံ့ ဆန္ဒပြပွဲတွေကြောင့် ဂျိုကိုဝီရဲ့ နိုင်ငံရေးပြိုင်ဘက်တွေ အားနည်းသွားစေနိုင်တယ်လို့ ဝေဖန်နေကြတဲ့ ဥပဒေအစီအစဉ်တွေနဲ့ သူ့ရဲ့သား အသက် ၂၉ နှစ်အရွယ် ကယ်ဆန်ပန်ဂါရပ် ဒေသတွင်းရွေးကောက်ပွဲတွေမှာ ယှဉ်ပြိုင်ခွင့်ရစေမယ့် အစီအစဉ်တွေကို ပါလီမန်အနေနဲ့ လက်လျှော့ရဖွယ်ရှိနေပြီးနောက် ရက်ပိုင်းအတွင်းမှာပဲ အခုလို မေးမြန်းဖို့ ဖြစ်လာပါတယ်။

▪️ နိုင်ငံ့အရာရှိကြီးတစ်ဦးရဲ့သား အဆောင်ယောင်ကောင်းတွေနဲ့ သီးသန့်လေယာဉ်ဖြင့် ခရီးသွားတာဟာ သူ့မိဘတွေနဲ့ သက်ဆိုင်မှုရှိမရှိ လူတွေက သိချင်နေကြတယ်လို့ အဂတိလိုက်စားမှု ဆန့်ကျင်ရေးအေဂျင်စီမှ အရာရှိ အလက်ဇန်ဒါမာဝါထာက ရိုက်တာသတင်းဌာနကို ပြောပါတယ်။

▪️ ခရီးစဉ်ရဲ့ အကြောင်းအရာအချို့ကို ကယ်ဆန်ရဲ့ဇနီးက ဆိုရှယ်မီဒီယာတွေမှာ တင်ခဲ့ရာမှာ အများပြည်သူ ဒေါသထွက်စရာ ဖြစ်ခဲ့ပါတယ်။

▪️ "ဒီလိုအပြင်အဆင်တွေနဲ့ ခရီးသွားတာဟာ သူ့မိဘတွေရဲ့ အလုပ်သဘောနဲ့ သက်ဆိုင်နေတယ်ဆိုရင် လက်ဆောင်များ မမှန်မကန် ရယူနေတယ်ဆိုပြီး တိုင်ကြားသင့်ပါတယ်။ မဟုတ်ဘူးဆိုရင်တော့ ကိစ္စမရှိပါဘူး" လို့ မာဝါထာက ပြောပါတယ်။

▪️ ကယ်ဆန်ကတော့ ဒါနဲ့ပတ်သက်ပြီး တစ်စုံတစ်ခု ပြောကြားခြင်း မရှိသေးသလို သမ္မတရုံးကလည်း ပြောကြားဖို့ ငြင်းဆန်ခဲ့ပါတယ်။

▪️ ဂျိုကိုဝီဟာ သူ့ရဲ့ရိုးသားမှုနဲ့ အင်ဒိုနီးရှား အထက်တန်းလွှာတွေနဲ့ ပတ်သက်မှု မရှိတာကြောင့် ၂၀၁၄ ခုနှစ်မှာ သမ္မတဖြစ်လာခဲ့ပေမယ့် မကြာသေးမီနှစ်တွေမှာတော့ ယင်းဟာ ကိုယ်ပိုင်နိုင်ငံရေးမင်းဆက်ကြီး တည်ဆောက်နေတယ်ဆိုပြီး ဝေဖန်မှုများ ထွက်ပေါ်လာတာကြောင့် ပုန်ကန်လာကြပါတယ်။

▪️ အကြီးဆုံးသားဖြစ်သူ အသက် ၃၆ နှစ်ရှိ ဂစ်ရန်ရာကာဘူမင်ရာကာက ဖေဖော်ဝါရီလမှာ လက်ထောက်သမ္မတအဖြစ် ရွေးချယ်ခံခဲ့ရပြီး အောက်တိုဘာ ၂၀ ရက်နေ့မှာ ရွေးကောက်ခံသမ္မတ ပရာဘိုဝိုဆူဘီယန်တိုနဲ့အတူ ဂုဏ်ပြုပွဲပြုလုပ်သွားမှာ ဖြစ်ပါတယ်။

#Source: Reuters