#World_Health
Published 31 August 2024

▪️ လူကြီးမိဘတွေဟာလည်း ကလေးတွေလိုပဲ လက်ကိုင်ဖုန်းတွေကို စွဲလမ်းတတ်ကြပြီး အသိပေးချက်တွေ အဆက်မပြတ် ဝင်နေတာကြောင့် အနှောင့်အယှက်ဖြစ်ပြီး ဖိစီးမှုကြုံတွေ့ရကြောင်း မီချီဂန်ဆေးတက္ကသိုလ်မှ လေ့လာတွေ့ရှိထားပါတယ်။

▪️ အလုပ်များတဲ့ မိဘတွေဟာ လက်ကိုင်ဖုန်းအသုံးပြုရတာကို သဘောတွေ့ကြပေမယ့် ဖုန်းထဲက အသိပေးချက်တွေကြောင့်လည်း သောကဖြစ်ရတယ်လို့ ဆိုပါတယ်။

▪️ ယခုအခါ အမေရိကန်မှ ကျောင်းအများအပြားမှာ ကျောင်းချိန်အတွင်း ကျောင်းသားများ လက်ကိုင်ဖုန်း အသုံးပြုခြင်းကို တားမြစ်ဖို့ တွန်းအားပေးနေကြပါတယ်။

▪️ လေ့လာချက်များအရ အမေရိကားမှ လူကြီးမိဘတွေဟာ နေ့စဉ်လက်ကိုင်ဖုန်းထဲကနေ အသိပေးချက် ၃၀၀ နီးပါးရရှိနေပါတယ်။

▪️ တစ်နေ့အတွင်း ဖုန်းကို ပျမ်းမျှအားဖြင့် ၉၃ ကြိမ် ကောက်ယူကိုင်တွယ်နေကြပါတယ်။

▪️ မိဘတွေဟာ အိမ်အလုပ်၊ ရုံးအလုပ်နဲ့ အခြားအလုပ်တွေကို လုပ်နေရတာကြောင့် ဖုန်းအသုံးပြုရင်း စိတ်သက်သာနိုင်မယ်လို့ ထင်ကြပေမယ့် ဖိစီးမှုတွေ ပိုများနိုင်ပါတယ်လို့ ဟဲ့လ်မော့သ်ကလေးဆေးရုံမှ ဒေါက်တာ တစ်ဖာနီမွန်ဇာက ပြောပါတယ်။

▪️ ရက်သတ္တပတ်အတွင်း ကြားရက်တွေမှာ ဖိစီးမှုပိုများကြကာ ဒါဟာ ရုံးအလုပ်နဲ့ အိမ်မှုကိစ္စတို့ဖြင့် အလုပ်အများကြီး လုပ်ရတာကြောင့်လို့ ပြောပါတယ်။

▪️ စမတ်ဖုန်းတွေက အချိန်မရွေး သိချင်တာကို ကြည့်ရှုနိုင်လို့ရပေမယ့် ဖိစီးမှုဆိုတဲ့ အကျိုးဆက်လည်း ရှိလာပါတယ်။

▪️ ပိုဆိုးတာက ဖုန်းအသုံးမပြုဘဲနေရမှာကို လူတွေက စိုးထိတ်နေကြတယ်လို့လည်း ဆိုပါတယ်။

#Source: New York Post

#World_Health
Published 31 August 2024

▪️ လူသားတွေရဲ့ မျက်လုံးဟာ အရေးကြီးဆုံး အာရုံခံအင်္ဂါတွေထဲက တစ်ခုဖြစ်ပြီး နေ့စဉ်နေထိုင်မှုဘဝတွေမှာ အရေးပါတဲ့ကဏ္ဍက ပါဝင်နေပါတယ်။

▪️ ဒါပေမဲ့ ခေတ်မီလူမှုနေထိုင်မှုပုံစံတွေကြောင့် အမြင်အာရုံ ထိခိုက်လာကြကာ မျက်လုံးကို အကာအကွယ် ပေးနိုင်မယ့် အလေ့အကျင့်တွေ ပြုလုပ်ဖို့ လိုလာပါတယ်။

▪️ လူသားတွေရဲ့ မျက်စိမြင်ကွင်းက သာမန်အလင်းအာရုံခံ ဆဲလ်တွေအဖြစ်ကနေ တိကျစွာမြင်နိုင်တဲ့ အင်္ဂါများအဖြစ်သို့ ဆင့်ကဲပြောင်းလဲလာတာ ဖြစ်ပါတယ်။

▪️ ရှေးခေတ်က သားကောင်တွေကို ရှာဖွေခြင်းနဲ့ ကွဲပြားတဲ့ ပတ်ဝန်းကျင် အနေအထားတို့ကို သိရှိရုံသာ စွမ်းဆောင်ခဲ့ရာကနေ အခုဆိုရင် အရောင်ခွဲခြားခြင်း၊ အကွာအဝေး အမျိုးမျိုးရှိ အရာများကို ကြည့်ရှုခြင်းတို့ပါ ပြုလုပ်လာနိုင်ပါတယ်။

▪️ ယခုအခါ ဖုန်းတွေ၊ ကွန်ပျူတာတွေ၊ တီဗီတွေ အကြည့်များလာခြင်းကြောင့် အမြင်အာရုံ ထိခိုက်လာကြကာ မျက်လုံးနဲ့ အမြင်အာရုံကို ကျန်းမာစေမယ့် နည်းလမ်းများ မျှဝေလိုက်ပါတယ်။

(၁) ၂၀-၂၀-၂၀ စည်းမျဉ်းကျင့်သုံးပါ
▪️ ဖုန်း၊ ကွန်ပျူတာ၊ တီဗီတို့ကြည့်တဲ့အခါ မိနစ် ၂၀ ကြာတဲ့အခါတိုင်း ပေ ၂၀ ဝေးတဲ့အရာကို စက္ကန့် ၂၀ ကြာကြည့်ရှုပေးရမှာ ဖြစ်ပါတယ်။

▪️ ဒါမှသာ မျက်လုံးကြွက်သား ပြေလျော့ပြီး အဝေးမှုန်ခြင်း ဖြစ်နိုင်ခြေနည်းမှာ ဖြစ်ပါတယ်။

(၂) မျက်လုံးအာဟာရဓာတ်ရအောင် စားသုံးပါ
▪️ ဟင်းနုနွယ်၊ ကိုက်လံ၊ ကြက်ဥတို့မှာပါတဲ့ လူတိန်း၊ ဇီဇန်သင်း၊ ကယ်ရိုတီနွိုက်တို့က ဖုန်း၊ ကွန်ပျူတာတို့ကနေ ထွကတဲ့ အလင်းပြာတွေကနေ မျက်လုံးကို ကာကွယ်ပေးပါတယ်။

▪️ အိုမီဂါ-၃ ဖက်တီးအက်ဆစ်က မျက်လွှာဆဲလ် ဖွဲ့စည်းပုံကို ထိန်းသိမ်းပေးကာ မျက်စိရောဂါများမှ ကာကွယ်ပေးပါတယ်။

(၃) ရေဓာတ်ပြည့်အောင်နေပါ
▪️ ရေဓာတ်လုံလောက်ပါမှ မျက်ရည်လွှာကို ထိန်းသိမ်းပေးပြီး အမှုန်၊ ပိုးမွှားများမှ ကာကွယ်ပေးပါတယ်။

▪️ ရေဓာတ်ခန်းခြောက်ပါက မျက်လုံးခြောက်ခြင်းနဲ့ ရောဂါပိုးများ ဝင်ရောက်နိုင်ပါတယ်။

(၄) မျက်လုံးစစ်ဆေးမှုပုံမှန်ပြုလုပ်ပါ
▪️ အမြင်အာရုံ ပြဿနာများ ဆိုးရွားမလာခင် သိရှိဖို့အတွက် ပုံမှန်စစ်ဆေးပေးဖို့ လိုအပ်ပါတယ်။
အချို့သော ရောဂါတွေက အစောပိုင်းမှာ လက္ခဏာမသိသာဘဲ ဖြစ်လာတဲ့အချိန်မှာတော့ ကုသလို့မရအောင် ထိခိုက်ပျက်စီးစေနိုင်ပါတယ်။

(၅) အလုပ်ခွင်နေရာမှာသတိပြုထိန်းသိမ်းပါ
▪️ ကွန်ပျူတာနဲ့ အလုပ်လုပ်တဲ့အခါ မျက်နှာနဲ့ ဖန်သားပြင် ၂၀ မှ ၃၀ လက်မလောက် ကွာဝေးအောင်နေပြီး မျက်လုံးနဲ့ တစ်တန်းတည်းဖြစ်ပါစေ။

▪️ အခန်းအလင်းရောင်နဲ့အညီ ကွန်ပျူတာ ဖန်သားပြင်အလင်းကို ချိန်ညှိပြီး အလင်းအကာအကွယ်လည်း တပ်ဆင်နိုင်ပါတယ်။

(၆) ခရမ်းလွန်ရောင်ခြည်မှ ကာကွယ်ပါ
▪️ မျက်လုံးကို ခရမ်းလွန်ရောင်ခြည် ထိတွေ့တဲ့အခါ ရေတိမ်ဖြစ်နိုင်သလို မျက်ကြည်လွှာကိုလည်း ထိခိုက်စေပါတယ်။

▪️ ဒါကြောင့် အပြင်ထွက်တဲ့အခါ UV ရောင်ခြည်တွေကို အပြည့်အဝတားဆီးပေးတဲ့ နေကာမျက်မှန်တွေ တပ်ဆင်သင့်ပါတယ်။

(၇) အိပ်ရေးဝအောင်အိပ်ပါ
▪️ မျက်လုံးတစ်ရှူးများ ပြုပြင်ဖြစ်ပေါ်ဖို့ အိပ်စက်ခြင်းက အရေးကြီးပါတယ်။

▪️ အိပ်နေစဉ်မှာ မျက်လုံးဟာ အာဟာရဓာတ်များဖြင့် ပြန်လည်ဖြည့်ဆည်းပြီး မျက်ရည်လွှာများ ပြန်ဖြစ်ပေါ်ပါတယ်။

#Source: DoctorNDTV

စင်ကာပူနိုင်ငံမှာ မျောက်ကျောက်ရောဂါ ဝင်ရောက်လာမှာကို ကြိုတင်ကာကွယ်ဖို့ ကာကွယ်ရေး အတိုင်းအတာများ တိုးမြှင့်လုပ်ဆောင်လာကာ အဓိကလေဆိပ်ကြီး ၂ ခုမှာ အပူချိန်စစ်ဆေးခြင်းနဲ့ ကျန်းမာရေးစစ်ဆေးခြင်းတို့ ပြုလုပ်လာပါတယ်။
#World_News
Published 30 August 2024
#စင်ကာပူနိုင်ငံ #မျောက်ကျောက်ရောဂါကြိုတင်ကာကွယ်
#YMG #Yangon_Times #Yangon_Media_Group

#Daily_News
Published 30 August 2024

၁။ ရွှေအခွန်အကောက်ဥပဒေပြင်ဆင်မှုကြောင့် ဈေးကွက်အတွင်းအစပိုင်းခက်ခဲလာနိုင်သော်လည်း နောက်ပိုင်းတွင်ရွှေစျေးများ တည်ငြိမ်သွားနိုင်

၂။ လေဖိအားနည်းရပ်ဝန်းနှင့် မုန်တိုင်းငယ်၏သက်ရောက်မှု‌ကြောင့် ရန်ကုန်အပါအဝင် မြန်မာပြည်အနှံ့မိုးသည်းထန်မည်

၃။ ကမ္ဘာ့ရွှေဈေးတက်သလို မြန်မာ့ရွှေဈေး YGEA ဈေးလည်း သိန်း(၅၀)ကျော်လာ

၄။ စင်္ကာပူနိုင်ငံတွင် မျောက်ကျောက်ရောဂါကြိုတင်ကာကွယ်ရေး မြှင့်တင်ဆောင်ရွက်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်မြို့တွင်းမှာပြေးဆွဲနေတဲ့ YBS ယာဉ်တွေက ယာဉ်စည်းကမ်းအကြိမ်ကြိမ်ချိုးဖောက်သူ ယာဉ်မောင်းတွေကို မူးယစ်ဆေးသုံးစွဲခြင်းရှိ/မရှိစစ်ဆေးနေတယ်လို့ ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီYRTC က သိရပါတယ်။
#Local_News
Published 30 August 2024
#YBSယာဉ်မောင်း #မူးယစ်ဆေးသုံးစွဲခြင်းရှိ/မရှိစစ်ဆေး
#YMG/NN #Yangon_Times

#Local_News
Published 30 August 2024

▪️ ပဲခူးတိုင်းဒေသကြီး ပဲခူးမြို့နယ်၊ ဘုရားကြီးလမ်းဆုံ၌  UD Quester အမျိုးအစားစက်သုံးဆီတင်ယာဉ်နှင့် Nissan အမျိုးအစား ကုန်တင်ယာဉ်တို့ တိုက်မိတိမ်းမှောက်မှုဖြစ်ပွားခဲ့ကြောင်းမြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ်၃၀ရက်နေ့၊ နေ့လယ်၁၂ နာရီခွဲ အချိန်ခန့်က  ပဲခူးတိုင်းဒေသကြီး၊ ပဲခူးမြို့နယ်၊ ဘုရားကြီးလမ်းဆုံတွင် UD Quester အမျိုးအစားစက်သုံးဆီတင်ယာဉ်နှင့် Nissan အမျိုးအစား ကုန်တင်ယာဉ်တို့ တိုက်မိတိမ်းမှောက်မှုဖြစ်ပွားကြောင်းသိရသည်။

▪️ အဆိုပါ  သတင်းရရှိသဖြင့် ပဲခူးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ဘုရားကြီးနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီးတို့ဖြင့် မီးလောင်မှုမဖြစ်ပွားစေရေး ထွက်ခွာဆောင်ရွက်ခဲ့‌ကြောင်း၊ ယင်းဖြစ်စဉ်ကြောင့် လူထိခိုက်ဒဏ်ရာရရှိမှု မရှိကြောင်း သိရသည်။

#YMG/NN #Yangon_Times

ရန်ကုန်ဈေးကွက်အတွက်စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မ
တီရဲ့ ဒီကနေ့ထုတ်ပြန်ချက်အရ ဓာတ်ဆီနဲ့ ဒီဇယ်ဈေးနှုန်းတွေ မြင့်တက်လာပြီး 92 တစ်လီတာ ၃၁၀၀ ကျပ်ဖြစ်လာတယ်လို့ သိရပါတယ်။
#Local_News
Published 30 August 2024
#ဓာတ်ဆီ၊ဒီဇယ်ဈေးတက် #92တစ်လီတာ၃၁၀၀ကျပ်
#YMG/NN #Yangon_Times

ကမ္ဘာ့ရွှေဈေးဟာ ဒီကနေ့ ဩဂုတ်လ(၃၀)ရက်မှာတစ်ရက်တည်း(၆)ဒေါ်လာတက်လာသလို  မြန်မာ့ရွှေဈေးYGEAဈေးလည်း သိန်း(၅၀)ကျော်လာတယ်လို့ သိရပါတယ်။
#Local_News
Published 30 August 2024
#ကမ္ဘာ့ရွှေဈေးတက်
#YMG/tthl #Yangon_Times

နောက်(၄၈)နာရီအတွင်း မုန်တိုင်းငယ်အဖြစ်သို့ ပိုမိုအားကောင်းလာနိုင်ပြီး ရန်ကုန်အပါအဝင်
မြန်မာပြည်အနှံ မိုးသည်းထန်လာဖို့ရှိတယ်လို့ သိရပါတယ်။
#Local_News
Published 30 August 2024
#လေဖိအားနည်းရပ်ဝန်း #မုန်တိုင်းငယ်၏သက်ရောက်မှု‌
#YMG/tthl #Yangon_Times

ရွှေနဲ့ လက်ဝတ်လက်စားဝယ်ယူရာမှာ သုံးရာခိုင်နှုန်းအထိ ကုန်သွယ်လုပ်ငန်းခွန်ကျသင့်စေရမယ်လို့ ရွှေအခွန်အကောက်ဥပဒေမှာပြင်ဆင်လိုက်တာကြောင့် ဈေးကွက်အတွင်းအစပိုင်းခက်ခဲလာနိုင်သော်လည်း နောက်ပိုင်းမှာ ရွှေစျေး‌တွေတည်ငြိမ်သွားနိုင်တယ်လို့ ရွှေလုပ်ငန်းရှင်အသိုင်းအဝိုင်းကသိရပါတယ်။
#Local_News
Published 30 August 2024
#ရွှေအခွန်အကောက်ဥပဒေပြင်ဆင် #ရွှေစျေးတည်ငြိမ်သွားနိုင်
#YMG/NN #Yangon_Times

#World_Politics
Published 30 August 2024

▪️ ဘင်္ဂလားဒေ့ရှ် ကြားဖြတ်အစိုးရက ရာထူးမှဖယ်ရှားခံရတဲ့ ဝန်ကြီးချုပ်ဟောင်း ရှိတ်ခ်ဟာဆီနာနဲ့ ဆွေမျိုးတွေ အခွင့်ထူးခံရရှိထားတဲ့ လုံခြုံရေးအကာအကွယ်ကို ကြာသပတေးနေ့မှာ ရုပ်သိမ်းလိုက်ပါတယ်။

▪️ ဒီမတိုင်ခင်ရက်တွေကလည်း ယင်းတို့ရဲ့ သံတမန်ရေးရာ နိုင်ငံကူးလက်မှတ်တွေကိုလည်း ရုပ်သိမ်းခဲ့ပါတယ်။

▪️ အကြံပေးအတိုင်ပင်ခံ အကြီးအကဲ မူဟာမက်ယူနက်စ်နဲ့အတူ အကြံပေးကောင်စီက ၂၀၂၁ အထူးလုံခြုံရေးတပ်ဖွဲ့ အက်ဥပဒေကို ပြောင်းလဲပြင်ဆင်ဖို့ ဆုံးဖြတ်ခဲ့ကာ ရှိတ်ခ်ဟာဆီနာနဲ့ နီးစပ်ရာဆွေမျိုးတွေရဲ့ အထူးလုံခြုံရေးခံစားခွင့်ကို ဖယ်ရှားလိုက်တယ်လို့ BSS သတင်းဌာနက ဖော်ပြထားပါတယ်။

▪️ ဩဂုတ် ၅ ရက်နေ့က ရှိတ်ခ်ဟာဆီနာ အိန္ဒိယသို့ ထွက်ပြေးပြီးနောက် ဘင်္ဂလားဒေ့ရှ်သမ္မတ မိုဟာမက်ရှာဟာဘူဒင်က ပါလီမန်ကို ဖျက်သိမ်းလိုက်ပါတယ်။

▪️ ဟာဆီနာက လက်ရှိ ဘင်္ဂလားဒေ့ရှ်မှာ အမှုကိစ္စပေါင်း ၇၅ မှုကျော် ရင်ဆိုင်နေရပြီး တဝက်နီးပါးလောက်က လူသတ်မှုတွေ ဖြစ်ပါတယ်။

▪️ ကျောင်းသားလူထု ဆူပူအုံကြွမှုကြီး အကြောင်းပြုပြီး ၂၀၂၄ ဩဂုတ် ၈ ရက်နေ့မှာ ကြားဖြတ်အစိုးရ ပေါ်ပေါက်လာကာ အတိုင်ပင်ခံအကြီးအကဲနဲ့ အခြားအကြံပေးအရာရှိတွေဖြင့် ဖွဲ့စည်းဖြစ်ခဲ့တယ်လို့ အတိုင်ပင်ခံ အကြီးအကဲရုံးက ကောင်စီအစည်းအဝေးအပြီးမှာ ထုတ်ပြန်ခဲ့ပါတယ်။

▪️ ယခင်အစိုးရလက်ထက်မှာ ထိုအက်ဥပဒေကို ပြဌာန်းကျင့်သုံးခဲ့ပြီး ၂၀၁၅ မေလ ၁၅ ရက်နေ့မှာ ထိုဥပဒေအရ ရှိတ်ခ်ဟာဆီနာနဲ့ ဆွေမျိုးရင်းချာများအတွက် အထူးလုံခြုံရေးနဲ့ အကျိုးခံစားခွင့်များ ပေးအပ်တဲ့အကြောင်းကို သတင်းစာမှာ ကြေညာခဲ့ပါတယ်။

▪️ ဒီဥပဒေဟာ မိသားစုဝင်တစ်ခုတည်းအတွက်သာ အထူးခံစားခွင့် ပေးထားတာကြောင့် ခွဲခြားဆက်ဆံတဲ့ သဘော ရှင်းရှင်းလင်းလင်း မြင်ရကြောင်း၊ ကြားဖြတ်အစိုးရက ခွဲခြားဆက်ဆံမှုအားလုံးကို ဖယ်ရှားရန် အသေအချာ ကတိပြုထားကြောင်း ပြောပါတယ်။

▪️ အကြံပေးကောင်စီအဖွဲ့ဝင် ဆိုင်ယက်ဒါရစ်ဇ်ဝါနာဟာဆန်က ခွဲခြားဆက်ဆံရေး ဆန့်ကျင်လှုပ်ရှားမှုကြောင့် ကြားဖြတ်အစိုးရ ပေါ်ပေါက်လာရတယ်လို့ သတင်းထောက်တွေကို ပြောကြားခဲ့ပါတယ်။

▪️ လက်ရှိမှာ ပြည်ထဲရေးဝန်ကြီးဌာနက ရှိတ်ခ်ဟာဆီနာနဲ့ အကြံပေးအရာရှိများ၊ ဝန်ကြီးချုပ်အဖွဲ့ဝင်ဟောင်းများ၊ ပါလီမန်အဖွဲ့ဝင်အားလုံးရဲ့ နိုင်ငံကူးလက်မှတ်တွေကို ပယ်ဖျက်လိုက်သလို ယင်းတို့ရဲ့ ဇနီးမယား၊ ကလေးတွေရဲ့ လက်မှတ်တွေကိုလည်း ချက်ချင်းရုပ်သိမ်းစေပါတယ်။

▪️ ယခင် အဓမ္မဖမ်းခေါ်သွားခံရတဲ့ ကိစ္စတိုင်းကိုလည်း စုံစမ်းစစ်ဆေးသွားမှာဖြစ်ပြီး ထိုကိစ္စတွေကြောင့် လူ ၇၀၀ ခန့်ပျောက်ဆုံးနေဆဲဖြစ်ပါတယ်။

#Source: NDTV

#Local_News
Published 30 August 2024

▪️ မြွေဆိပ်ဖြေဆေးထုတ်လုပ်ရန်  ရန်ကုန်တိုင်းအပါအဝင် တိုင်းဒေသကြီး ခြောက်ခုမှ မြွေအကောင်ရေ ၁,၆၀၀ ဝယ်ယူလိုကြောင်း ဆေးဝါး စက်ရုံ(အင်းစိန်)မှ  ထုတ်ပြန်ကြေညာထားသည်။

▪️ ရန်ကုန်၊ မန္တလေး၊ ဧရာဝတီ၊ မကွေး၊ ပဲခူးနှင့်  စစ်ကိုင်းတိုင်း ဒေသကြီးများမှ  ဖမ်းဆီးရမိသည့်  မြွေပွေးအကောင်ရေ ၁,၂၀၀ နှင့်  မြွေဟောက်အကောင်ရေ ၄၀၀ ဝယ်ယူလိုခြင်း ဖြစ်ကြောင်းသိရသည်။

▪️ အဆိုပါ ဝယ်ယူမည့် မြွေများမှာ  တစ်ကောင်လျှင်  ငါးဆယ်ကျပ်သားနှင့်  အထက်ရှိရမည်ဖြစ်ပြီး မြွေပွေးတစ်ကောင်ကိုတစ်သောင်းကျပ်နှင့်  မြွေဟောက်တစ်ကောင်ကိုကျပ်တစ်သောင်းခွဲ သတ်မှတ်ထားကာ အင်းစိန်မြို့နယ်၊ ကြို့ကုန်း အနောက်ရပ်ကွက်၊ ဆေးဝါးစက်ရုံလမ်းရှိ ဆေးဝါးစက်ရုံ(အင်းစိန်)ကို အရောက်ပေးပို့ရမှာ ဖြစ်ကြောင်း၊ ရောင်းချလိုသည့်  အရေအတွက်အလိုက် လက်ငင်းငွေချေစနစ်ဖြင့် ဝယ်ယူသွားမည်ဖြစ်ကြောင်း သိရသည်။

#YMG/NN #Yangon_Times