(သတင်းနှင့်အမြင် ကဏ္ဍသစ်ကို ယနေ့မှစ၍ တင်ဆက်လိုက်ပါတယ်။ ကမ္ဘာ့သတင်း မြန်မာ့သတင်းများနှင့် ယင်းတို့အပေါ် အမြင်များကို ပေါင်းစပ်သည့်ပုံစံဖြင့် ယခုကဏ္ဍကို အခါအားလျော်စွာ ဖော်ပြပေးပါမည်။ အယ်ဒီတာ)

၁ စက်တင်ဘာ ၂၀၂၄

အစ္စရေးနိုင်ငံ ဟိုင်ဖာကမ်းလွန်မှာရှိတဲ့ လီဗီယက်သန် Leviathan သဘာဝဓာတ်ငွေ့တွင်းမှာ ပြီးခဲ့တဲ့ ဩဂုတ် ၂၉ ရက်က မီးလောင်မှုဖြစ်ပွားခဲ့တယ်လို့ ဒေသတွင်းသတင်းများက ဖော်ပြထားပါတယ်။  ကနဦးသတင်းများအရ အဲဒီ သဘာဝ ဓာတ်ငွေ့    တွင်း ပေါက်ကွဲမှုဖြစ်ရတာဟာ ချို့ယွင်းမှုတစ်ခုခုကြောင့်ဖြစ်တယ်လို့ အစ္စရေး သတင်းအရင်း အမြစ်တွေက ပြောပါတယ်။

ဒါပေမယ့် အခြား မီဒီယာတွေကတော့ လီဗီယက်သန်ဓာတ်ငွေ့တွင်းဟာ ဒရုန်းတိုက်ခိုက်မှုခံရတာလို့ပြောကြပါတယ်။ အဲဒီ   တိုက်ခိုက်မှုမှာ အီရတ်နှင့် ယီမင်ဟောက်သီ ဆန့်ကျင်ရေးအုပ်စုတွေ ပါဝင်ပတ်သက်ဖွယ်ရှိတယ်လို့ သံသယရှိနေကြပါတယ်။  ဒါပေမယ့် မည်သည့် တရားဝင် အတည်ပြုချက်မှာတော့ မရှိသေးပါဘူး။

လီဗီယက်သန် ဓာတ်ငွေ့တွင်းဟာ ဟိုင်ဖာ ကမ်းခြေမှ ၁၃၀ကီလိုမီတာအကွာခန့် အစ္စရေးနိုင်ငံရဲ့ သီးသန့် စီးပွားရေးဇုန် Exclusive Economic Zone (EEZ) မှာ တည်ရှိတာဖြစ်ပါတယ်။

ပင်လယ်ရေအောက်တွင်း  (၄)တွင်းကို မန်နီဖိုးလ် manifold (ဖြာဝင်ပေါက်)ကြီးတစ်ခုနှင့်ချိတ်ဆက်ထားပါတယ်။ အဲဒီကမှ ကမ်းလွန်ပလက်မောင်းသို့ ၁၂၀ ကီလိုမီတာရှည်လျားတဲ့ ပိုက်လိုင်းနှင့်ဆက်သွယ်ထားတာဖြစ်ပါတယ်။ အဲဒီပလက်ဖောင်းမှာ ဓာတ်ငွေ့တွေလုပ်ငန်းစဉ်လုပ်ဆောင်ပေးပါတယ်။

နိုင်ငံတွေရဲ့ စွမ်းအင်အခြေခံအဆောက်အအုံတွေဟာ အကြမ်းဖက်တိုက်ခိုက်မှုတွေရဲ့ ပစ်မှတ်တွေဖြစ်လာနေခဲ့ပါတယ်။ ကမ္ဘာအနှံ့မှာ စွမ်းအင် အရင်းအမြစ်တွေနှင့် အခြေခံအဆောက်အဦတွေကို အကြမ်းဖက်တိုက်ခိုက်ခဲ့ကြရာမှာ ၂၀၂၂ခုနှစ် စက်တင်ဘာ ၂၆ ရက်က  ရုရှားကနေ ဥရောပကို ဘောလ်တစ်ပင်လယ်မှတစ်ဆင့် ဆက်သွယ်ထားတဲ့  Nord Stream  ဓာတ်ငွေ့ပိုက်လိုင်း အကြမ်းဖက်ဖောက်ခွဲခံခဲ့ရတာဟာ အထင်ကရဖြစ်ရပ်တစ်ခုဖြစ်ပါတယ်။ ရုရှားနှင့် ယူကရိန်းရဲ့ ပဋိပက္ခ   များအတွင်း ဖြစ်ပွားခဲ့တဲ့ အဆိုပါ အကြမ်းဖက်မှုကို ဘယ်သူလဲဆိုတာကို ခန့်မှန်းနိုင်ကြပေမယ့် လုပ်ခဲ့တဲ့သူတွေက ဝန်မခံ  ကြပါဘူး။ ဘာဖြစ်လို့လဲ ဆိုတော့ ဒီအကြမ်းဖက်မှုဟာ မကောင်းဘူးဆိုတာ လုပ်တဲ့သူတွေကိုယ်တိုင်သိနေလို့ပဲဖြစ်ပါတယ်။

စီးပွားရေးတွေကူးလူးဆက်သွယ်နေတဲ့ ယနေ့ကမ္ဘာကြီးမှာ စွမ်းအင်အခြေခံအဆောက်အအုံတွေဟာ ပြည်တွင်းထဲမှာပဲ တည်  ဆောက်ထားတာတွေရှိသလို နိုင်ငံတွေဖြတ်ကျော်တည်ဆောက်တာတွေလည်းရှိပါတယ်။ အကြမ်းဖက်သူတွေရဲ့ ပစ်မှတ် တွေ  ဖြစ်လာနေတဲ့ စွမ်းအင်အခြေခံအဆောက်အအုံတွေအတွက် လုံခြုံရေးဆိုင်ရာ အစီအမံတွေ စနစ်တကျရှိလာဖို့လိုအပ်လာ  နေပါတယ်။ အဲဒီစွမ်းအင်အခြေခံအဆောက်အအုံတွေကိုလည်း အကြမ်းဖက်မှုအန္တရာယ်မှ ကာကွယ်နိုင်မယ့် နည်းပညာတွေ  နှင့် အခြားသော ဗျူဟာမြောက်တုန့်ပြန်မှုတွေကို သက်ဆိုင်ရာနိုင်ငံတွေက စီစဉ်ထားရှိဖို့လိုပါတယ်။

ဘာဖြစ်လို့လဲဆိုတော့ အကယ်၍ အတိုက်အခိုက်ခံရရင် အသက်အန္တရာယ်ထိခိုက်ဆုံးရှုံးမှု၊ စီးပွားရေးဆုံးရှုံးမှုနှင့် သဘာဝ    ပတ်ဝန်းကျင်ထိခိုက်စေနိုင်မှုစတဲ့ အန္တရာယ်တွေ ရှိနေလို့ဖြစ်ပါတယ်။

အဲဒါကြောင့် တိုက်ခိုက်ခံရခြင်းမဖြစ်အောင် ကြိုတင်ကာကွယ်ဖို့လိုအပ်လာပါတယ်။ အဲဒီအထဲမှာ အရေးအကြီးဆုံးကတော့ အတားအဆီးများထားရှိခြင်း၊ကြိုတင်ထောက်လှမ်းကိရိယာများတပ်ဆင်ခြင်း၊လုံခြုံရေးတင်းကြပ်ခြင်းစတဲ့ ရုပ်ပိုင်းဆိုင်ရာ လုံခြုံရေးအစီအမံတွေပဲဖြစ်ပါတယ်။

နောက်အရေးကြီးတာက ထောက်လှမ်းရေးအဖွဲ့များနှင့်ချိတ်ဆက်ပြီး သတင်းတွေလက်ဦးမှုရအောင်စုံစမ်းထောက်လှမ်းရပါ  မယ်။ အရေးပေါ်စီမံခန့်ခွဲခြင်းနှင့် အကျပ်အတည်းဖြေရှင်းခြင်းတွေကိုလည်း ကြိုတင်ဇာတ်တိုက်လေ့ကျင့်သင့်ပါတယ်။   နောက်တစ်ခုကတော့ လူမှုအသိုက်အဝန်းတွေကပါ သိရှိနားလည်အောင်လုပ်ပြီး ပြည်သူတွေကပါ အသိနှင့်ပါဝင် ကာကွယ် လာဖို့ဖြစ်ပါတယ်။

အချုပ်အားဖြင့်ဆိုရရင် အကြမ်းဖက်မှုတွေပြွမ်းတီးလာနေတဲ့ ကမ္ဘာကြီးမှာ ပစ်မှတ်တွေဖြစ်လာနိုင်တဲ့ စွမ်းအင်အခြေခံ အဆောက်အအုံတွေလုံခြုံရေးကို ဦးစားပေးလုံခြုံရေးအဆင့်ထားရှိခြင်း၊ လုံခြုံရေးအသိ အမြဲနိုးကြားနေခြင်းနှင့် ကြိုတင်     ကာကွယ်နိုင်မည့် လက်တွေ့ကျသော အစီအမံများ ထားရှိဆောင်ရွက်ခြင်းတို့ လုပ်ဆောင်သင့်ပါကြောင်း။

-ကောင်းမြတ်ကျော်

တရုတ်နိုင်ငံအနေနဲ့ မြန်မာနိုင်ငံအတွက် ဓာတ်မြေသြဇာစက်ရုံတည်ဆောက်ဖို့ဆွေးနွေးနေသလို စိုက်ပျိုးရေးအခြေခံပစ္စည်းတွေ ကူညီပေးဖို့လည်းရှိတယ်လို့ မြန်မာနိုင်ငံဆိုင်ရာတရုတ်သံမှူးကြီး ရဲ့ပြောကြားချက်အရ သိရပါတယ်။
#Local_News
Published 1 September 2024
#စိုက်ပျိုးရေးအခြေခံပစ္စည်း #ဓာတ်မြေသြဇာစက်ရုံ
#YMG/tthl #Yangon_Times

#World_Health
Published 1 Sep t 2024

▪️ တစ်နေ့ကို ကဖင်းဓာတ် ၄၀၀ မီလီဂရမ်ထက်များအောင် ကြာရှည်သောက်သုံးတဲ့ သူတွေဟာ နှလုံးရောဂါ ဖြစ်နိုင်ခြေ များတယ်လို့ သုတေသီများ တွေ့ရှိထားပါတယ်။

 

▪️ ကဖင်းဓာတ် ပုံမှန်သုံးစွဲနေပါက ပါရာဆင်ပက်သဲတစ်စနစ်ကို ထိခိုက်စေကာ သွေးပေါင်ချိန်တက်ပြီး နှလုံးခုန်နှုန်း မြန်စေတယ်လို့ အိန္ဒိယ ဇိုင်ဒက်စ်ဆေးပညာကောလိပ်မှ နန်စီကာဂါစရာက ပြောပါတယ်။

 

▪️ သုတေသီများက သွေးတိုးမရှိတဲ့ အသက် ၁၈ နှစ်မှ ၄၅ နှစ်ကြား လူ ၉၂ ဦးကို လေ့လာကြရာမှာ အချိန်တစ်နှစ်ကျော်ကာလအတွင်း တစ်ပတ်ကို ၅ ရက် ကော်ဖီသောက်တာဟာ ပုံမှန်ကဖင်းဓာတ် အသုံးပြုတယ်လို့ သတ်မှတ်ပါတယ်။

 

▪️ ကဖင်းဓာတ်ဟာ ကော်ဖီနဲ့ လက်ဖက်ရည်မှာ အဓိကပါဝင်သလို ကိုကာကိုလာ၊ ပက်စီ၊ ကျွဲရိုင်း၊ စတင်း၊ မွန်းစတားတို့လို အချိုရည်တွေမှာလည်း ပါဝင်ပါတယ်။

 

▪️ ကော်ဖီ ၄ ခွက်၊ ဆိုဒါ ၁၀ ဗူး၊ အားဖြည့်အချိုရည် ၂ ဗူးတို့ဟာ အကြမ်းအားဖြင့် ကဖင်းဓာတ် ၄၀၀ မီလီဂရမ် ပါဝင်ပါတယ်။

 

▪️ စမ်းသပ်ပါဝင်သူထဲက ၂၀ ရာခိုင်နှုန်းနီးပါးဟာ တစ်နေ့ကို ကဖင်းဓာတ် ၄၀၀ မီလီဂရမ်ကျော်အောင် သောက်သုံးကြပြီး အများအားဖြင့် အမျိုးသမီးများဖြစ်ကာ စီးပွားရေးနဲ့ စီမံခန့်ခွဲရေးပိုင်းမှာ အလုပ်လုပ်ကြသူတွေဖြစ်ပြီး မြို့ပြနေရာတွေမှာ နေထိုင်ကြပါတယ်။

 

▪️ ထိုအခါမှာ ကဖင်းဓာတ် ၄၀၀ မီလီဂရမ်သောက်တဲ့သူတွေဟာ အချိန်ကြာလာတာနဲ့အမျှ နှလုံးခုန်နှုန်းနဲ့ သွေးပေါင်ချိန် မြင့်တက်လာတယ်လို့ ဖော်ပြထားပါတယ်။

 

▪️ အထူးသဖြင့် လှုပ်ရှားလေ့ကျင့်ခန်း ပြုလုပ်ပြီးတဲ့အခါ သွေးပေါင်ချိန်နဲ့ နှလုံးခုန်နှုန်းက ခုန်တက်ပြီး ပြန်ကျဖို့ ကြာရှည်နေပါတယ်။

 

▪️ ဒါမျိုးအချိန်ကြာကြာ ဖြစ်ပွားလာပါက နှလုံးသွေးကြောရောဂါ ဖြစ်နိုင်ခြေများပါတယ်။

 

▪️ သွေးပေါင်ချိန် တက်စေတဲ့အထဲမှာ အရက်၊ ဆေးလိပ်၊ ဆားတို့ကြောင့် ဖြစ်နိုင်ပြီး အခုဆိုရင် ကဖင်းဓာတ်လည်း ပါဝင်လာပါတယ်။

 

▪️ ကဖင်းဓာတ်က ကျန်းမာရေးအကျိုးကျေးဇူးလည်း ပေးနိုင်တာကြောင့် သွေးပေါင်ချိန်တက်တာကို ထိန်းဖို့အတွက် ပုံမှန်လေ့ကျင့်ခန်းလုပ်ခြင်း၊ အာဟာရမျှတစွာ စားသုံးခြင်း၊ အရက်ဆေးလိပ် ဖြတ်ခြင်းတို့ ပြုလုပ်နိုင်ပါတယ်။

 

▪️ ဘယ်လိုပဲဖြစ်ဖြစ် အာဟာရဓာတ် မျှတအောင် စားသောက်ပြီး ကော်ဖီ လက်ဖက်ရည်တို့ကို သင့်တင့်စွာ သောက်သုံးခြင်းက ကဖင်းဓာတ် အကျိုးကျေးဇူးကို အကောင်းဆုံးရရှိနိုင်တဲ့ နည်းလမ်း ဖြစ်ပါတယ်။

 

#Source: Healthline

 

တရုတ်နှင့်အမေရိကန်ငြိမ်းချမ်းစွာပူးပေါင်းဆောင်ရွက်ရေး တည်မြဲရန်အရေးကြီးဟု ရှီကျင့်ဖင်နှင့်အမေရိကန်ပြည်ထောင်စုလုံခြုံရေးထိပ်သီးအရာရှိ တွေ့ဆုံဆွေးနွေး

တရုတ်နဲ့ အမေရိကန်တို့ဟာ အဓိကနိုင်ငံကြီး ၂ နိုင်ငံဖြစ်တာနဲ့အညီ သမိုင်းကြောင်းအတွက် ပြည်သူတွေအတွက် ကမ္ဘာကြီးအတွက် တာဝန်ယူသင့်ကြောင်း၊ တစ်ကမ္ဘာလုံး ငြိမ်းချမ်းရေးအတွက် တည်ငြိမ်မှုပြယုဂ် ဖြစ်သင့်ကာ ဘုံတိုးတက်ဖွံ့ဖြိုးရေးအတွက် တွန်းအားဖြစ်သင့်ကြောင်း တရုတ်သမ္မတ ရှီကျင့်ဖင်က ပေကျင်းမှာ ပြောကြားသွားပါတယ်။
#World_News
Published 31 August 2024
#ရှီကျင့်ဖင် #လုံခြုံရေးထိပ်သီးအရာ
#YMG #Yangon_Times #Yangon_Media_Group

 

ရန်ကုန်တိုင်းဒေသကြီး ရွှေလုပ်ငန်းရှင်များအသင်း YGEA ရဲ့ ရွှေသတ်မှတ်ရည်ညွှန်းဈေးဟာ ဒီရက်ပိုင်းမှာ အခေါက်ရွှေတစ်ကျပ်သားကိုကျပ်သိန်း ၅၀ အထိရှိ လာပေမယ့်လည်း ပြင်ပပေါက်ဈေးကတစ်ပတ်တာအတွင်း တစ်ကျပ်သားကို ကျပ်သုံးသိန်းခွဲကျော်အထိကျဆင်းလာ  သိရပါတယ်။
#Local_News
Published 31 August 2024
#ရွှေရည်ညွှန်းဈေး #ပြင်ပဈေးကျဆင်း
#YMG/NN #Yangon_Times

 

ဗဟိုဘဏ်က ဒေါ်လာတွေ ဆက်တိုက်ထုတ်ရောင်းခဲ့ပြီးနောက် ပြင်ပနိုင်ငံခြားငွေလဲနှုန်းဈေးကွက်မှာ ဒေါ်လာဈေးတွေ ကျဆင်းလာသော်လည်း ဆေးဝါးဈေးနှုန်းတွေကတော့ အတက်ဈေးမှာသာရှိနေတယ်လို့ ဈေးကွက်ထဲက သိရပါတယ်။
#Local_News
Published 31 August 2024
#ဒေါ်လာဈေးကျဆင်း #ဆေးဝါးဈေးနှုန်းတက်
#YMG/NN #Yangon_Times

 

တရုတ်နိုင်ငံမှ မြန်မာနိုင်ငံရွေးကောက်ပွဲအတွက် နည်းပညာဆိုင်ရာနှင့်စက်ပစ္စည်းများထောက်ပံ့‌ပေးရန်ရှိဟုဆို

တရုတ်နိုင်ငံအနေနဲ့ မြန်မာနိုင်ငံပြည်တွင်း‌ရေးကို ဝင်ရောက်စွက်ဖက်ဖို့မရှိပေမယ့် ရွေးကောက်ပွဲအတွက်နည်းပညာဆိုင်ရာနှင့်စက်ပစ္စည်း‌တွေကို ထောက်ပံ့ပေးဖို့ရှိတယ်လို့ သိရပါတယ်။
#Local_News
Published 31 August 2024
#နည်းပညာဆိုင်ရာနှင့်စက်ပစ္စည်း #မြန်မာနိုင်ငံရွေးကောက်ပွဲ
#YMG/tthl #Yangon_Times

 

#Daily_News
Published 31 August 2024

၁။ တရုတ်နိုင်ငံမှ မြန်မာနိုင်ငံရွေးကောက်ပွဲအတွက် နည်းပညာဆိုင်ရာနှင့်စက်ပစ္စည်းများထောက်ပံ့‌ကူညီပေးရန်ရှိဟုဆို

 

၂။ ဒေါ်လာဈေးများ ကျဆင်းနေသော်လည်း ဆေးဝါးဈေးနှုန်းများအတက်ဈေး၌သာရှိနေ

 

၃။ ရွှေရည်ညွှန်းဈေး ကျပ်သိန်း ၅၀ ကျော်လာသော်လည်း ပြင်ပဈေး ကျပ်သုံးသိန်းခွဲကျော်ကျဆင်းလာ 

 

၄။ တရုတ်နှင့်အမေရိကန်ငြိမ်းချမ်းစွာပူးပေါင်းဆောင်ရွက်ရေး တည်မြဲရန်အရေးကြီးဟု ရှီကျင့်ဖင်နှင့်အမေရိကန်ပြည်ထောင်စုလုံခြုံရေးထိပ်သီးအရာရှိ တွေ့ဆုံဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

 

#YMG #Yangon_Times #Yangon_Media_Group

#World_News
Published 31 August 2024

▪️ ယူကရိန်းသမ္မတ ဗိုလိုဒီမီယာဇယ်လန်စကီက လေတပ်ဦးစီးချုပ် မိုင်ကိုလာအိုလက်ရှိချူ့ခ်ကို သောကြာနေ့က ရာထူးမှ ထုတ်ပယ်လိုက်ကြောင်း သမ္မတအမိန့်ထုတ်ပြန်လိုက်ပါတယ်။

 

▪️ တနင်္လာနေ့က ရုရှားတိုက်ခိုက်မှုကြီးတစ်ခုကို တွန်းလှန်တိုက်ထုတ်နေစဉ် F-16 လေယာဉ်တစ်စီး ပျက်ကျကာ လေယာဉ်မှူး သေဆုံးသွားကြောင်း ယူကရိန်းစစ်တပ်မှ အကြောင်းကြားလာပြီးနောက် အခုလို ရာထူးမှထုတ်ပယ်တယ်လို့ ကြေညာလိုက်တာ ဖြစ်ပါတယ်။

 

▪️ "လေတပ်ဦးစီးချုပ်နေရာကို အစားထိုးဖို့ ဆုံးဖြတ်လိုက်ပါတယ်။ တပ်မတော်မှ လေယာဉ်မှူးအားလုံးကို ထာဝရ ကျေးဇူးတင်ရှိပါတယ်" လို့ ဇယ်လန်စကီက ညနေခင်းမိန့်ခွန်းမှာ ပြောကြားလိုက်ပါတယ်။

 

▪️ ရာထူးမှ ထုတ်ပယ်ရတဲ့ အကြောင်းအရင်းကို မပြောခဲ့ပေမယ့် အမှုထမ်းတွေကို ကာကွယ်ရမှာဖြစ်ပြီး အုပ်ချုပ်ရေးအရာရှိအပိုင်းကို မြှင့်တင်ရန် လိုအပ်ကြောင်း ပြောသွားပါတယ်။

 

▪️ ဒုဗိုလ်ချုပ် အန်နာတိုလီခရီဗိုနော့ဇ်ကာကို တပ်မှူးတာဝန်များ ယာယီပေးအပ်သွားမယ်လို့ ယူကရိန်းစစ်ဦးစီးချုပ်က ပြောပါတယ်။

 

▪️ ယူကရိန်းလေယာဉ် ပျက်ကျတဲ့ အကြောင်းအရင်းကို ယူကရိန်းစစ်တပ်က မဖော်ပြပေမယ့် ရုရှားပစ်မှတ်တစ်ခုကို ချဉ်းကပ်နေစဉ် လေယာဉ်က နိမ့်ဆင်းသွားခဲ့တယ်လို့တော့ ပြောပါတယ်။

 

▪️ အမေရိကန်မှ မဟာမိတ်တွေက ထိုဖြစ်ရပ်နဲ့ ပတ်သက်ပြီး ကူညီစုံစမ်းနေတယ်လို့ အိုလက်ရှ်ချူ့ခ်က တနင်္လာနေ့မှာ ပြောပါတယ်။

 

▪️ အမေရိကန် ကာကွယ်ရေးအရာရှိတစ်ဦး ပြောကြားချက်အရ ရုရှားပစ်ခတ်မှုကြောင့် ပျက်ကျခဲ့ပုံမပေါ်ဘဲ လေယာဉ်မှူးအမှားကနေ စက်ပစ္စည်းပိုင်း ချို့ယွင်းမှုတို့ ဖြစ်နိုင်ခြေရှိတဲ့ အကြောင်းအရင်းတွေကို စုံစမ်းစစ်ဆေးနေဆဲ ဖြစ်ပါတယ်။

 

▪️ ရုရှားကျူးကျော်မှုကြီး ခုခံတိုက်ခိုက်နေရာမှာ ပထမဆုံး F-16 လေယာဉ်တွေ ရောက်ရှိလာခြင်းက ယူကရိန်းတို့အတွက် မှတ်ကျောက်တစ်ခု ဖြစ်ခဲ့ပါတယ်။

 

#Source: Reuters

#Local_News
Published 31 August 2024

▪️ ယခုစက်တင်ဘာ ၁ ရက်မှစတင်၍ ပို့ကုန်ရငွေတင်ပြနိုင်မှသာ ဆေးဝါးသွင်းကုန်လိုင်စင်ခွင့်ပြုပေးမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

 

▪️ ထို့အပြင်   ၂၀၂၃ ခုနှစ် အောက်တိုဘာလအတွင်းလျှောက်ထားခဲ့သည့်  ဒေါ်လာ ၁၀၃ သန်းကျော်ရှိ ဆေးကုမ္ပဏီ ၁၁၆ ခု၏ သွင်းကုန်လိုင်စင်များကိုပါ လိုင်စင်လျှောက်လွှာအသစ်ဖြင့် တင်ပြရမည်ဖြစ်ကြောင်း သိရသည်။

 

▪️ စက်တင်ဘာ ၁ ရက်မှစတင်၍ ပို့ကုန်ရငွေ (Export Earning) တင်ပြနိုင်မှသာ ဆေးဝါးသွင်းကုန်လိုင်စင်များကို ခွင့်ပြုပေးမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ဩဂုတ်လ ၂၈ ရက်စွဲပါ စာအမှတ်၊ ကသရ(ဦး)ပို့သွင်း ၁/၂၀၂၄-၂၀၂၅(၄၄၀၄) ဖြင့် ထုတ်ပြန်ထားခြင်းဖြစ်သည်။

 

▪️ နိုင်ငံခြားသုံးငွေကြီးကြပ်မှုကော်မတီ အစည်းအဝေးအမှတ်စဉ် (၆၆/၂၀၂၄) လမ်းညွှန်ချက်အရ ၂၀၂၄ ခုနှစ်၊ စက်တင်ဘာလ ၁ ရက်နေ့မှစ၍ ပို့ကုန်ရငွေ (Export Earning) တင်ပြမှသာ ဆေးဝါးသွင်းကုန်လိုင်စင်များကို ခွင့်ပြုရမည်ဖြစ်သည့်အတွက် ကုန်သွယ်ရေးဦးစီးဌာန၊ Trade Net 2.0 စနစ်တွင် ၂၀၂၄ ခုနှစ်၊ သြဂုတ်လအထိ လျှောက်ထားသော ဆေးဝါးသွင်းကုန်လိုင်စင် လျှောက်လွှာများအား စနစ်အတွင်းမှ ပယ်ဖျက် (Delete) သွားမည်ဖြစ်ကြောင်း ထုတ်ပြန်ထားသည်။

 

▪️ မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်းသို့ ပေးပို့ထားသည့် ၂၀၂၃ ခုနှစ်၊အောက်တိုဘာလအတွင်း လျှောက်ထားခဲ့သော ဆေးဝါးသွင်းကုန်လိုင်စင်လျှောက်လွှာကုမ္ပဏီ (၁၁၆)ခုမှ စောင်ရေ (၇၁၆) စောင်၊ စုစုပေါင်း တန်ဖိုးအမေရိကန်ဒေါ်လာ ၁၀၃ ဒသမ ၈၂၂ သန်းအား အသင်းမှ စိစစ်ပြီးသည့်အချိန်တွင် ဆေးဝါးသွင်းကုန်လိုင်စင်လျှောက်လွှာအသစ်ဖြင့်သာ နိုင်ငံခြားသုံးငွေကြီးကြပ်မှု ကော်မတီအစည်းအဝေးသို့ တင်ပြခွင့်ပြုချက်ရယူပြီး ဆေးဝါးသွင်းကုန်လိုင်စင်ကို ခွင့်ပြုထုတ်ပေးရမည်ဖြစ်သည်။

 

▪️ သို့ဖြစ်ပါ၍ ၂၀၂၄ ခုနှစ်၊ စက်တင်ဘာလ ၁ ရက်နေ့မှစ၍ ဆေးဝါးသွင်းကုန်လိုင်စင် လျှောက်လွှာများအား ပို့ကုန်ရငွေ (Export Earning) ဖြင့် တင်ပြရမည်ဖြစ်ကြောင်းနှင့် ဆေးဝါးတင်သွင်းမည့် ကုမ္ပဏီများသို့ ထပ်ဆင့်အသိပေးသွားရန်နှင့် သွင်းကုန်လိုင်စင်လျှောက်ထားမှု Oil များကိုလည်း Oil အသစ်ဖြင့်သာ ပြန်လည်လျှောက်ထားရန် အသိပေးအကြောင်းကြားထားခြင်းဖြစ်ကြောင်း သိရသည်။

 

#YMG/NN #Yangon_Times

၃၁ ဩဂုတ် ၂၀၂၄

TNLA ကို စစ်ရေးလှုပ်ရှားမှုရပ်တန့်ရန် တရုတ်နိုင်ငံမှ သတိပေးခဲ့သည့်ဆိုသည့် သတင်းဟုတ်မဟုတ် တရုတ်နိုင်ငံအခြေစိုက် AFPသတင်းဌာန၏မေးမြန်းချက်ကို တရုတ်နိုင်ငံခြားရေးဝန်ကြီးဌာနက ပြန်လည်ဖြေကြားခြင်းမပြုဘဲ တရုတ်နိုင်ငံအနေနှင့် မြန်မာနိုင်ငံ မြောက်ပိုင်းအခြေအနေ အရှိန်လျော့ကျလာစေရန် မြှင့်တင်ဖော်ဆောင်သွားမယ်လို့ပြန်လည်ဖြေကြားခဲ့ကြောင်း သိရှိရပါတယ်။

ယမန်နေ့ ဩဂုတ် ၃၀ ရက်က တရုတ်နိုင်ငံ ဘေဂျင်းမြို့တော်မှာကျင်းပတဲ့ နိုင်ငံခြားရေးဝန်ကြီးဌာနရဲ့ ပုံမှန်    သတင်းစာရှင်း  လင်းပွဲမှာ AFP ရဲ့အမေးကို ယင်းကဲ့သို့ပြန်လည်ဖြေကြားခဲ့တာဖြစ်တယ်လို့ ရန်ကုန်မြို့အခြေစိုက် တရုတ်ပြည်သူ့သမ္မတ    နိုင်ငံ သံရုံးက သတင်းထုတ်ပြန်ပေးတာဖြစ်ပါတယ်။

“တရုတ်နိုင်ငံဟာ TNLA ကို မြန်မာ-တရုတ်နယ်စပ်ဒေသနဲ့ နီးစပ်တဲ့နေရာမှာ စစ်ရေးလှုပ်ရှားမှုရပ်တန့်ရန် သတိပေးတယ်လို့ မြန်မာမီဒီယာအချို့မှာ သတင်းဖော်ပြထားပါတယ်။ တရုတ်နိုင်ငံဘက်က TNLA ကို စစ်ဆင်ရေးရပ်တန့်ရန် တောင်းဆို     မှုရှိမရှိကို အတည်ပြုပေးနိုင်ပါသလား။ လက်ရှိ တရုတ်-မြန်မာနယ်စပ်ဒေသ အခြေအနေဘယ်လိုရှိပါသလဲ” ဟု AFP သတင်း   ထောက်ကမေးမြန်းခဲ့တာဖြစ်ပါတယ်။

အဲဒီမေးမြန်းချက်အပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် Mr. Lin Jian က “တရုတ်နိုင်ငံအနေဖြင့် မြန်မာနိုင်ငံ၏အခြေအနေနှင့် မြန်မာနိုင်ငံမြောက်ပိုင်း ပဋိပက္ခလှုပ်ရှားမှုအခြေအနေကို များစွာဂရုပြုပြီး ဆွေးနွေးရန်နဲ့ အပစ်အခတ်ရပ်စဲရန် လုပ်ငန်းအမြဲလုပ်ဆောင်နေပါတယ်။ မြန်မာနိုင်ငံရဲ့ အကြီးဆုံးအိမ်နီးချင်းနိုင်ငံအနေနဲ့ တရုတ်က မြန်မာနိုင်ငံ တည်ငြိမ်မှုနှင့် ဖွံ့ဖြိုးတိုးတက်မှုဖော်ဆောင်ရေးအတွက် အမြဲတစေ စိတ်ရင်းအမှန်ဖြင့် မျှော်လင့်ပြီး တက်တက်ကြွကြွ ကူညီဆောင်ရွက်ပေးနေပါတယ်” လို့ဖြေကြားခဲ့ပါတယ်။

“ တရုတ်နိုင်ငံက မြန်မာနိုင်ငံ ငြိမ်းချမ်းရေးနဲ့ ပြန်လည်သင့်မြတ်မှုလုပ်ငန်းစဉ်အတွက် အပြုသဘောဆောင်တဲ့ အခန်းကဏ္ဍ  ကနေ ဆက်လက်ပါဝင်ပြီး မြန်မာနိုင်ငံမြောက်ပိုင်းအခြေအနေ အရှိန်လျော့ကျလာစေရန် မြှင့်တင်ဖော်ဆောင်သွားမှာ   ဖြစ်ပါတယ်” လို့ Mr. Lin Jian ကဆက်လက်ပြောကြားခဲ့ကြောင်းသိရှိရပါတယ်။

@ymg/knl

#Local_News
Published 31 August 2024

▪️ မန္တလေးတိုင်းဒေသကြီး၊ မိတ္တီလာမြို့ သမိုင်းဝင်ဖောင်တော်ဦးစေတီတော်ရဲ့ (၁၄၁)ကြိမ်မြောက် ဗုဒ္ဓပူဇနိယပွဲတော်ကို စက်တင်ဘာလ ၁၀ ရက်မှ စတင်၍ ၈ရက်တိုင်တိုင် ကျင်းပသွားမည် ဖြစ်ကြောင်းသိရသည်၊၊

 

▪️ အဆိုပါ သမိုင်းဝင် ဖောင်တော်ဦး စေတီတော်၏  ဗုဒ္ဓပူဇနိယပွဲတော်ကိုနှစ်စဉ် တော်သလင်းလ တိုင်း ကျင်းပလေ့ရှိရာယခုနှစ်တွင် စက်တင်ဘာလ ၁၀ ရက် မှ  ၁၇ ရက်အထိ စည်ကားသိုက်မြိုက်စွာ ကျင်းပသွားမည် ဖြစ်သည်။

 

▪️ ထိုသို့ကျင်းပရာတွင် တော်သလင်းလဆန်း ၈ ရက်နေ့တွင် ဖောင်တော်ဦးစေတီတော်ကို ဘုရားအနေကဇာတင်ခြင်း၊ သံဃာတော်များကို ဆွမ်းနှင့်လှူဖွယ်ဝတ္တုများ ဆက်ကပ်လှူဒါန်းခြင်း၊ ဆွမ်းသပိတ်လောင်းလှူပွဲများကို ကျင်းပသွားမည့်အပြင် မြန်မာ့ရိုးရာလောင်းလှေပြိုင်ပွဲ၊ ခြင်းအလှခတ်ပွဲ၊ ပျော်ပွဲရွှင်ပွဲနှင့် ပွဲစျေးတန်း စျေးအရောင်းဆိုင်များ၊ အရောင်းပြခန်းများကိုလည်း ထည့်သွင်းကျင်းပသွားမည်ဖြစ်ကြောင်း သိရသည်၊၊

 

#YMG/NN #Yangon_Times