#World_Health
Published 11 February 2025

▪️ ဖလိုရိုက်ဓာတ် မြင့်မားခြင်းက ကလေးတွေမှာ ဉာဏ်ရည်ပြကိန်း(IQ) နိမ့်ပါးခြင်းနဲ့ ဆက်စပ်နေပါတယ်။

▪️ ဖလိုရိုက်ဆိုတာက သတ္တုဓာတ်တစ်မျိုးဖြစ်ပြီး ရေ၊ မြေကြီး၊ အပင်တို့မှာ သဘာဝအတိုင်း တွေ့ရတတ်ပါတယ်။

▪️ သွားပျက်စီးခြင်းမှ ကာကွယ်ဖို့ ထုတ်ကုန်ပစ္စည်းတွေမှာ ထည့်သွင်းသလို ဆေးတွေမှာလည်း တွေ့ရနိုင်ပါတယ်။

▪️ သတ်မှတ်ထားတဲ့ ပမာဏအတွင်းမှာ ဖလိုရိုက်ဒ်ဝင်ရောက်ခြင်းက ဘေးကင်းပေမယ့် ပမာဏများသွားရင်တော့ အန္တရာယ်ရှိနိုင်ပါတယ်။

▪️ အမေရိကန်အစိုးရရဲ့ NTPပရိုဂရမ်က အာရုံကြောဖွံ့ဖြိုးမှုအန္တရာယ် ရှိနိုင်ခြေနဲ့ ဖလိုရိုက်ဒ် အများအပြား ထိတွေ့ခြင်းတို့ ဆက်စပ်နေနိုင်ပုံကို ဆန်းစစ်ခဲ့ကြပါတယ်။

▪️ အချက်အလက်များအရ ဖလိုရိုက်ဒ်ထိတွေ့မှု များပြားခြင်းနဲ့ ကလေးတွေမှာ IQနိမ့်ခြင်းတို့ကြား ဆက်စပ်မှုတွေ့ထားကြကာ ဖလိုရိုက်ဒ်ရဲ့ ခံတွင်းအကျိုးကျေးဇူးများနဲ့ ကျန်းမာရေးဆိုးကျိုးများကြား မေးခွန်းထုတ်စရာ ဖြစ်လာပါတယ်။

▪️ ကလေးတွေမှာ IQနိမ့်ပါးခြင်းက ယင်းအသက်အရွယ်တွေကြား ဦးနှောက်သိရှိနိုင်စွမ်းက သာမန်အောက်ရောက်နေတဲ့ အတိုင်းအတာ ဖြစ်ပါတယ်။

▪️ ကလေးတွေမှာ IQ နိမ့်ပါးပါက အခြေခံစွမ်းရည်များ သင်ယူမှုမှာ နှောင့်နှေးခြင်း၊ ပြောဆိုဆက်ဆံရေး ခက်ခဲခြင်း၊ ရှုပ်ထွေးတဲ့ဖြစ်စဉ်တွေကို နားမလည်ခြင်း၊ နေ့စဉ်ဆုံးဖြတ်ချက်တွေမှာ အထောက်အကူလိုအပ်ခြင်းတို့ ဖြစ်လာနိုင်ပါတယ်။

▪️ သွားများအပေါက်ဖြစ်ခြင်းကို လျှော့ချဖို့အတွက် ၁၉၄၅ လောက်မှာ ဖလိုရိုက်ဒ်ကို စတင်အသုံးပြုခဲ့ကြပါတယ်။

▪️ ဆီးထဲမှာ ဖလိုရိုက်ဒ်ပါဝင်မှုက ၁ လီတာလျှင် ၁ မီလီဂရမ်နှုန်းမြင့်တက်လာတိုင်း ကလေးတွေရဲ့ IQက ၁.၆၃ မှတ် ကျဆင်းလာတယ်လို့ ဆန်းစစ်တွေ့ရှိထားပါတယ်။

▪️ ၁ လီတာလျှင် ၁.၅ မီလီဂရမ်ထက် ပိုလျှံတဲ့အခါမှာ IQသိသိသာသာ ကျဆင်းသွားတာ တွေ့ရပါတယ်။

▪️ ပိုလျှံလာတဲ့ ဖလိုရိုက်ဒ်တွေက သွားတွေ၊ အရိုးတွေ၊ တစ်ရှူးတွေမှာ စုပြုံလာပြီး ဇီဝကမ္မဖြစ်စဉ်တွေကို ပြောင်းလဲစေကာ ကလေးတွေမှာ သင်ယူနိုင်စွမ်းနဲ့ မှတ်ဉာဏ်ပိုင်းတို့ကို ထိခိုက်လာစေတယ်လို့ အိန္ဒိယမှ ဒေါက်တာ ကာဒမ်နက်ပယ်လ်က ဆိုပါတယ်။

▪️ မိဘတွေအနေနဲ့ ကလေးတွေ သွားတိုက်တဲ့အခါမှာ ဖလိုရိုက်ဒ်ကို ထိန်းသိမ်းအသုံးပြုစေဖို့ အကြံပြုထားပါတယ်။

#Source: India Today

#World_Health
Published 11 February 2025

▪️ တစ်နေ့တာ ပြီးဆုံးချိန်မှာ အားအင်ကုန်ခမ်း ပင်ပန်းနွမ်းနယ်ခြင်းဟာ အလုပ်မှာ စိတ်ပိုင်းဆိုင်ရာနဲ့ ခံစားချက်ပိုင်းဆိုင်ရာ ဖိစီးမှုဒဏ်နဲ့ ဆက်စပ်နေပြီး လိုအပ်ချက်တွေ၊ ဆုံးဖြတ်ချက်တွေ၊ အစည်းအဝေးတွေကြား အလုပ်တာဝန်တွေ အဆက်မပြတ် ပြောင်းလဲလုပ်ကိုင်နေရတာကြောင့် ဖြစ်တယ်လို့ ကျွမ်းကျင်သူများ ဆိုပါတယ်။

▪️ ဒီခံစားချက်ကို ဦးနှောက်မှသိမြင်နိုင်စွမ်း နွမ်းနယ်ခြင်းလို့ခေါ်ကြောင်း Enriching Live Psychologyမှ ဆေးခန်းပိုင်ရှင် ကာလီဒိုဘာက ပြောပါတယ်။

▪️ အလုပ်လုပ်သူ အများစုဟာ တစ်နေ့တာမှာ သိပ်ပြီးအရေးမပါတဲ့ တာဝန်တွေ လုပ်ဆောင်နေကြရသလို ရုံးမှာ ခက်ခဲတဲ့ အချိန်အခါအမျိုးမျိုးလည်း ကြုံတွေ့ရနိုင်ကာ ဦးနှောက်မှသိမြင်နိုင်စွမ်း နွမ်းနယ်ခြင်း ဖြစ်ပေါ်လာကြောင်း မစ္စဒိုဘာက ပြောပါတယ်။

▪️ ခန္ဓာကိုယ်ဟာ သဘာဝအတိုင်း လှုပ်ရှားနေသင့်တဲ့အချိန်မှာ တစ်နေကုန် မလှုပ်မရှားဘဲ အထိုင်များတဲ့ အလုပ်လုပ်သူတွေမှာ ပိုမိုအားအင်ကုန်ခမ်းမှု ခံစားရနိုင်ပါတယ်။

▪️ ဒီအတွက်က တစ်နေ့ကို တစ်ခါနှစ်ခါလောက် လမ်းလျှောက်ပေးလို့ရတယ်လို့ ရှင်းပြပါတယ်။

▪️ ကျန်းမာရေးနဲ့ ညီညွတ်မျှတစွာ စားသုံးခြင်း၊ ရေအလုံအလောက် သောက်ခြင်းတို့ကလည်း ဦးနှောက်နဲ့ ခန္ဓာကိုယ်ကျန်းမာရေးအတွက် အရေးကြီးပါတယ်။

▪️ တစ်ခုရှိတာက အလုပ်တာဝန်ပြင်ပ အခြားအရာတွေ လုပ်ဆောင်တဲ့အခါမှာတော့ အားအင်ပိုရစေပါတယ်။

▪️ ပျော်စရာကောင်းတဲ့ လှုပ်ရှားမှုတွေ ပြုလုပ်ခြင်းဖြင့် စိတ်အခြေအ‌နေ တိုးတက်စေပြီး ဖိစီးမှု လျော့ကျစေနိုင်ပါတယ်။

▪️ နံနက်ခင်းမှာ သဘာဝအလင်းရောင် ထိတွေ့ခြင်းက ပုံမှန်အိပ်စက်မှုစက်ဝန်းအတွက် အရေးကြီးကြောင်း ဆေးပညာရှင် ဒေါက်တာဇက်က ပြောပါတယ်။
လုံလောက်စွာ အိပ်စက်ချိန်မရပါက အားအင်ကုန်ခမ်းနိုင်ပြီး စိတ်ရှုပ်ထွေးနေနိုင်တယ်လို့ ပြောထားပါတယ်။

▪️ အားအင်ကုန်ခမ်း ခံစားရခြင်းက ကြာရှည်လာပြီး မိမိလုပ်ဆောင်နိုင်စွမ်းတွေပါ အနှောင့်အယှက် ဖြစ်လာတယ်ဆိုရင်တော့ ရောဂါနောက်ခံတစ်ခုခုကြောင့် ဖြစ်နိုင်ပြီး ဆရာဝန်ပြသသင့်တယ်လို့ အကြံပြုသွားပါတယ်။

#Source: New York Post

ဉာဏ်ရည်တု(AI)ကဏ္ဍမှ အမေရိကန်ကျွမ်းကျင်သူတစ်ဦးက AI Chatbot DeepSeek R1 ကို open-source သဘောသဘာဝအတွက် ချီးကျူးပြောဆိုလိုက်ပြီး နည်းပညာတန်းတူညီမျှခြင်း၊ စွမ်းအင်ထိရောက်မှုရှိခြင်းနဲ့ ကမ္ဘာလုံးဆိုင်ရာ ပူးပေါင်းဆောင်ရွက်မှုများ မြှင့်တင်ခြင်းတို့မှာ ယင်းရဲ့အခန်းကဏ္ဍကို အလေးပေးဖော်ပြသွားပါတယ်။
#World_Technology
Published  10 February 2025
#DeepSeek_R1 #ဉာဏ်ရည်တု(AI)
#YMG #Yangon_Times #Yangon_Media_Group

#Daily_News
Published  10 February 2025

၁။ နေရေးအခက်အခဲရှိသည့် ရုပ်ရှင်လောကသားများအတွက် တိုက်ခန်းများဆောက်လုပ်မည်

၂။ အွန်လိုင်းမှတဆင့် ယာဉ်လိုင်စင်လုပ်ငန်း‌လျှောက်ထားခြင်းကို လာမည့်နှစ် ဧပြီမှစတင်ကာ တစ်နိုင်ငံလုံးအသုံးပြုနိုင်မည်

၃။ ကောလဟာလများကိုမယုံကြည်ဘဲ ရွှေရည်ညွှန်းဈေးဖြင့်သာရောင်းချရန်တိုက်တွန်း

၄။ DeepSeek R1 ၏ open-source စနစ်နှင့်ပတ်သက်၍ အမေရိကန် AI ကျွမ်းကျင်ပညာရှင်ချီးကျူးပြောဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဇန်နဝါရီလအတွင်း ပြည်ပနိုင်ငံတွေကို ကန်ဒေါ်လာ သန်း၁၀၀ကျော်တန်ဖိုးရှိတဲ့ ဆန်နဲ့ဆန်ကွဲတန်ချိန်နှစ်သိန်းကျော်သာတင်ပို့ထားနိုင်ပြီး ပြီးခဲ့တဲ့ ဒီဇင်ဘာလနဲ့နှိုင်းယှဉ်ပါက တန်ချိန်တစ်သိန်းကျော်အထိ လျော့နည်းတင်ပို့ခဲ့တယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published  10 February 2025
#မြန်မာနိုင်ငံဆန်စပါးအသင်းချုပ် #ဆန်နှင့်ဆန်ကွဲတင်ပို့ 
#YMG/NN #Yangon_Times

ရွှေဈေးကွက်အတွင်းမှာအရောင်းအဝယ်ပြုလုပ်သူတွေအနေနဲ့ ကောလဟာလ တွေကိုမယုံကြည်ဘဲ ရွှေရည်ညွှန်းဈေးဖြင့်သာရောင်းချကြဖို့ ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဌ ဦးမျိုးမြင့်က တိုက်တွန်းလိုက်ပါတယ်။
#Local_News
Published  10 February 2025
#ရွှေအရောင်းအဝယ် #ရွှေရည်ညွှန်းဈေးဖြင့်သာရောင်းချ
#YMG/NN #Yangon_Times

ယာဉ်လိုင်စင်လျှောက်ခြင်းတွေနဲ့ ပတ်သက်ပြီး အွန်လိုင်းစနစ်ကို လာမယ့် ၂၀၂၆ ခုနှစ်၊ ဧပြီလကစတင်ပြီး တစ်နိုင်ငံလုံးအတိုင်းတာနဲ့ ဆောင်ရွက်နိုင်မှာဖြစ်တယ်လို့ ပို့ဆောင်ရေးနှင့်ဆက်သွယ်ရေးဝန်ကြီးဌာနမှ သိရပါတယ်။
#Local_News
Published  10 February 2025
#ယာဉ်လိုင်စင်လုပ်ငန်း‌ #အွန်လိုင်းစနစ်
#YMG/SW #Yangon_Times

နေရေးအခက်အခဲရှိတဲ့ ရုပ်ရှင်လောကသား‌တွေအတွက် သန်လျင်မြို့နယ်မှာ တိုက်ခန်း‌တွေ ဆောက်လုပ်ပေးသွားဖို့ရှိတယ်လို့ မြန်မာနိုင်ငံရုပ်ရှင်အစည်းအရုံးဥက္ကဌဒါရိုက်တာကြည်စိုးထွန်းက ယမန်နေ့က ကျင်းပခဲ့တဲ့ မြန်မာ့ရုပ်ရှင်ထူးချွန်ဆုပေးပွဲအခမ်းအနားမှာ ပြောကြားခဲ့ပါတယ်။
#Local_News
Published  10 February 2025
#ရုပ်ရှင်လောကသား #မြန်မာနိုင်ငံရုပ်ရှင်အစည်းအရုံး
#YMG/SW #Yangon_Times

#World_News
Published 10 February 2025

▪️ ရုရှား-ယူကရိန်းစစ်ပွဲ အဆုံးသတ်ရေး ဆွေးနွေးပြောဆိုမှုတွေမှာ အမေရိကန် တိုးတက်မှုတွေ ရှိလာတယ်လို့ ယုံကြည်ကြောင်း သမ္မတဒေါ်နယ်ထရမ့်က တနင်္ဂနွေနေ့က ပြောသွားပေမယ့် ရုရှားသမ္မတ ဗလာဒီမာပူတင်နဲ့ ပြောဆိုသမျှကိုတော့ အတိအကျ ပြောပြဖို့ ငြင်းဆန်ခဲ့ပါတယ်။

▪️ Air Force One ပေါ်ကနေ သတင်းထောက်တွေကို ပြောကြားရာမှာ ၂၀၂၂ အစောပိုင်းနောက်ပိုင်း ပူတင်နဲ့ အမေရိကန်သမ္မတကြား ပထမဆုံး တရားဝင်ပြောဆိုမှု ပြုလုပ်ခဲ့တယ်လို့ ထရမ့်က ဆိုပါတယ်။

▪️ ပြောဆိုမှုအများကြီး ပြုလုပ်နိုင်ရန် မျှော်လင့်ကြောင်း၊ စစ်ပွဲကို အဆုံးသတ်ရမှာဖြစ်ကြောင်း၊ ဘာတွေပြောဆိုလဲဆိုတာ မပြောချင်ပေမယ့် တိုးတက်မှုရှိလာတယ်လို့ ယုံကြည်ကြောင်း၊ ရုရှားရော ယူကရိန်းနဲ့ပါ အမေရိကန်က ပြောဆိုနေကြောင်း ပြောသွားပါတယ်။

▪️ ထရမ့်ဟာ စစ်ပွဲအဆုံးသတ်ပေးမယ်လို့ ကတိပေးထားပေမယ့် ဘယ်လိုလုပ်မလဲဆိုတာ အများသိအောင် မချပြထားပါဘူး။

▪️ သောကြာနေ့က နယူးယော့ခ်ပို့စ်နဲ့ အင်တာဗျူးမှာ ပူတင်နဲ့ ဘယ်နှကြိမ် ပြောပြီးထားကြောင်း၊ နောက်ဆုံးပြောခဲ့တုန်းက စကားတွေကို မဖော်ပြလိုကြောင်း ပြောသွားပါတယ်။

▪️ ရုရှားအစိုးရအဖွဲ့မှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်က ပြောဆိုဆက်သွယ်မှု အမျိုးမျိုးရှိခဲ့ပြီး မသိတာတွေ ရှိနိုင်တာကြောင့် အတည်ပြုဖို့ရော ငြင်းဆန်ဖို့ရော မတတ်နိုင်ဘူးလို့ ရုရှားနိုင်ငံပိုင် TASS သတင်းဌာနကို ပြောသွားပါတယ်။

▪️ အမေရိကန် နိုင်ငံတော်လုံခြုံရေးအကြံပေး မိုက်ခ်ဝေါ့ဇ်ကလည်း နှစ်နိုင်ငံကြား ပြောဆိုမှုတွေအကြောင်း မေးမြန်းရာမှာ ဖြေကြားဖို့ ငြင်းဆန်ခဲ့ပါတယ်။

▪️ ထရမ့်က ပူတင်နဲ့ တွေ့ဆုံသွားမယ်လို့ အကြိမ်ကြိမ်ပြောထားပေမယ့် နေရာနဲ့ အချိန်ကိုတော့ မပြောထားပါဘူး။

▪️ လာမယ့်ရက်ပိုင်းအတွင်း အမေရိကန် နိုင်ငံခြားရေးဝန်ကြီး၊ ကာကွယ်ရေးဝန်ကြီး၊ ဒုသမ္မတနဲ့ ယူကရိန်းစစ်ပွဲ အထူးသံတမန်တို့အပါအဝင် အရာရှိအဖွဲ့ဟာ စစ်ပွဲအကြောင်း ဆွေးနွေးရန် ဥရောပသို့ သွားရောက်မှာ ဖြစ်ပါတယ်။

▪️ ပူတင်က ယူကရိန်းငြိမ်းချမ်းရေး သဘောတူညီချက်ကို ထရမ့်နဲ့ဆွေးနွေးဖို့ လမ်းဖွင့်ထားတယ်ဆိုပေမယ့် ယူကရိန်းမြေမှ ဆုတ်ခွာဖို့တော့ စိတ်ကူးမရှိပါဘူး။

#Source: Reuters

#Local_News
Published 10 February 2025

▪️ လေးနိုင်ငံအမျိုးသမီး ဖိတ်‌ခေါ်ဘောလုံးပြိုင်ပွဲ၌ ဝင်ရောက်ယှဉ်ပြိုင်ရန် မြန်မာအမျိုးသမီးလက်ရွေးစင်အသင်း ဖေဖော်ဝါရီ (၁၄) ရက်တွင် နီပေါနိုင်ငံသို့ ထွက်ခွာမည်ဖြစ်ကြောင်း သိရသည်။

▪️ အဆိုပါ (၄) နိုင်ငံအုပ်စုပတ်လည် အမျိုးသမီး ဖိတ်‌ခေါ်ဘောလုံးပြိုင်ပွဲကို အိမ်ရှင်နိုင်ငံအဖြစ်နီပေါနိုင်ငံ၌ ဖေဖော်ဝါရီ (၁၇)ရက်မှ (၂၆)ရက်အထိ ကျင်းပမည်ဖြစ်ကာပဏာမကစားသမား (၃၂)ဦးဖြင့် ဖွဲ့စည်းပြင်ဆင်ထားသည့် မြန်မာလက်ရွေးစင် အမျိုးသမီးအသင်းသည်  ဖေဖော်ဝါရီ (၁၄) ရက်တွင် နီပေါနိုင်ငံသို့ ထွက်ခွာမည်ဖြစ်ကြောင်း သိရသည်။

▪️ ယင်းပြိုင်ပွဲအတွင်း  နီပေါ၊ ကာဂျစ်စတန်၊ လက်ဘနွန်နှင့်မြန်မာအသင်းတို့ယှဉ်ပြိုင်ကစားကြမည်ဖြစ်ကာ ထိုသို့ယှဉ်ပြိုင်ကစားရာတွင်  အုပ်စုပွဲဦး ထွက်အနေဖြင့် ဖေဖော်ဝါရီ(၁၇)ရက်တွင် မြန်မာနှင့် လက်ဘနွန်၊ နီပေါနှင့် ကာဂျစ်စတန်အသင်းတို့ ယှဉ်ပြိုင်ကစားသွားကြမည်ဖြစ်ကြောင်း သိရသည်။

▪️ ထို့အတူဖေဖော်ဝါရီ (၂၀)ရက်တွင်မြန်မာနှင့် ကာဂျစ်စတန် ၊ လက်ဘနွန်နှင့်နီပေါတို့ ယှဉ်ပြိုင်ကစားကြမည်ဖြစ်ကာ ဖေဖော်ဝါရီ (၂၃)ရက်၌ နီပေါနှင့် မြန်မာတို့ ယှဉ်ပြိုင်ကစားကြမည်ဖြစ်ပြီး ဖေဖော်ဝါရီ (၂၆)ရက်တွင် လေးသင်းပတ်လည်မှ အမှတ်အများဆုံးရရှိသည့် အသင်း(၂)တို့ ဗိုလ်လုပွဲကစားသွားကြမည်ဖြစ် ကြောင်း သိရသည်။

▪️ လက်ရှိ လေးနိုင်ငံ အမျိုးသမီးဖိတ်‌ခေါ်ဘောလုံးပြိုင်ပွဲအတွင်း ပါဝင်မည့် အသင်း (၄)သင်းမှာ FIFA ၏ ကမ္ဘာ့အဆင့်သတ်မှတ်ချက်တွင် နီပေါအသင်း (၁၀၃) အဆင့်၊ ကာဂျစ်စတ န် (၁၂၈)၊ လက်ဘနွန် (၁၃၄) နှင့် မြန်မာ(၅၅)အဆင့်များဖြင့် ရပ်တည်နေကြသည့် အသင်းများဖြစ်ကြောင်း သိရသည်။

#YMG/NN #Yangon_Times

#Local_News
Published 10 February 2025

▪️ ဒဂုံမြို့သစ်ဆိပ်ကမ်မြို့နယ်ရှိ ရိုးမရိပ်သာ တန်ဖိုးနည်းအိမ်ရာစီမံကိန်းမှ အခန်းများကို ရောင်းချ‌ပေးသွားမည်ဖြစ်ရာ ဝယ်ယူလိုသူများအနေဖြင့် ယခုလ၁၃ရက်မှစတင်ကာ လျှောက်လွှာများဝယ်ယူလျှောက်ထားနိုင်ကြောင်း ရန်ကုန်တိုင်းဒေသကြီးအစိုးရအဖွဲ့မှ သိရသည်။

▪️ ရန်ကုန်တိုင်းဒေသကြီးအစိုးရအဖွဲ့အနေဖြင့် ရိုးမရိပ်သာ တန်ဖိုးနည်းအိမ်ရာမှ ဆောက်လုပ်ပြီးစီးသောအိမ်ခန်းများကို နေရေးအခက်အခဲရှိသည့် ဝင်ငွေနည်း ပြည်သူများအား ရောင်းချပေးသွားမည်ဖြစ်ပြီးထိုအိမ်ခန်းလျှောက်လွှာများအား မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ရန်ကုန်တိုင်းဒေသကြီးညွန်ကြားရေးမှူးရုံး၊မြေညီထပ်(Yangon City Gallery)တွင် ဖေဖော်ဝါရီလ ၁၃ရက်မှ ၂၁ရက်အထိ ရောင်းချပေးသွားမည်ဖြစ်ကြောင်း သိရသည်။

▪️ လျှောက်လွှာများကို သတ်မှတ်ပုံစံအတိုင်းဖြည့်သွင်းပြီး ဖေဖော်ဝါရီလ ၂၅ရက်နောက်ဆုံးထားကာပြန်လည်တင်ပြရမည်ဖြစ်ကြောင်း၊ တင်ပြလာသည့်လျှောက်လွှာများအား စိစစ်ပြီးပါက ဝယ်ယူခွင့်ရရှိသူများအား အကြောင်းပြန်ကြားပေးသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 10 February 2025

▪️ စားအုန်းဆီ အခြေခံလက်ကားရည်ညွှန်းဈေးနှုန်းများဆက်တိုက်ကျဆင်းလာကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ထုတ်ပြန်သည့် ဈေးနှုန်းများအရ သိရသည်။

▪️ ယခုတစ်ပတ်အတွက် စားအုန်းဆီ အခြေခံလက်ကားရည်ညွှန်းဈေးနှုန်းထုတ်ပြန်ရာတွင်လည်း ယခင်အပတ်ထက် ဈေးကျဆင်းခဲ့ခြင်း‌ေကြာင့် လေးပတ်ဆက်တိုက်‌ေစျးကျဆင်းလာခြင်းဖြစ်သည်။

▪️ ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ဖေဖော်ဝါရီ ၁၀ ရက်မှ ၁၆ ရက်အထိ ရန်ကုန်အထိုင်ဈေးအခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၇၀၇၅ ကျပ်ဖြစ်ကြောင်း ထုတ်ပြန်ကြေညာထားရာယခင်အပတ်ထက် တစ်ပိဿာလျှင် ၉၀ကျပ် ကျဆင်းခဲ့ခြင်းဖြစ်သည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေဖြင့် စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီအဓိကထုတ်လုပ်တင်ပို့သည့် မလေးရှားနိုင်ငံတွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိသည်။

▪️ ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့်လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားသည်။

#YMG/SW #Yangon_Times